泰COOL

營業中

休息中

今天去將軍澳遊玩一下，附近有不少食肆，但有些價錢比較貴。剛好經過這間泰國餐廳，見價格合理，而且午餐多款式，便入去試一試！巨型麵包咖喱牛腩、泰式豬手飯、茅豬扒雞扒河粉、海鮮河粉、雞肉炒河。總之河粉、麵、湯粉、飯，林林總總，午餐的款式令人眼花撩亂我選了泰式蝦金邊粉，一上枱十分有驚喜，大碟到不得了！🥰一個女仔應該食不完。金邊粉炒得非常有鑊氣，而且加了花生做配料。將花生撈在金邊粉吃，又惹味又香口。平時吃金邊粉🦐總是小小的，這間泰國餐廳的鮮蝦大大的，咬落去非常爽口，而且調味不錯，又有泰式的風味，完全要比100分👍🏻朋友叫了海南雞飯，以$58這個價錢來說十分超值，油飯非常香，雞件很嫩，份量不算少算是不過不失。

最近泰cool喺將軍澳天晉開咗間分店小妹星期日就同屋企人去咗食飯7點左右見到個場已經full晒 都幾受歡迎😆-♥︎ 沙嗲串燒拼盤 $88呢個拼盤有豬牛雞各兩串每串都好大舊肉😍啱晒食肉獸沙嗲醬唔辣 花生味香濃小妹淨系試咗雞🙈雞肉好嫩滑 燒得夠香但完全唔鞋口😚醃得入味又唔會過鹹 點埋個沙嗲醬就更加惹味😝屋企人話牛同豬都好好食牛肉好腍 豬肉用嘅系豬頸肉 食落少少爽口油脂感充足🤪🤪味道: 9/10性價比: 8/10-㋡ 泰式炸蝦餅 $78炸粉厚薄適中 輕微脆口食落唔覺油膩😆蝦餅厚身 食落彈牙😚唔錯幾好食😋味道: 8/10性價比: 8/10-㋡ 香葉爆炒肉碎伴生菜包 $88大大碟辣肉碎份量好足😳豬肉肥瘦適中 夠晒腍😋炒得夠香食到香料味不過佢好辣!!🥵生菜包可以中和翻佢嘅辣但小妹一家都唔太食得辣我哋食到標晒眼水😂但佢系好食嘅 辣都要食🤣🤣味道: 8/10性價比: 8.5/10-☻︎ 泰式蠔仔蛋 $98用鐵板上菜 嚟嘅時候熱辣辣份量好足😳入面好多蠔仔蠔仔鮮甜 不過部分有蠔殼🙌🏿佢唔系台式蚵仔煎咁脆口而系軟綿綿煙煙韌韌咁所以好索油略嫌油咗少少🤏🏿但整體味道唔錯😆配咗個微辣嘅sauce可以蘸嚟食小妹就覺得唔

🦀泰王咖喱軟殼蟹份量超大份，一上枱嘅時候已經嚇親大肚腩，估唔到有咁多…價錢亦都唔貴。😛雖然係咖哩，但係黃咖喱係完全唔辣，所以唔食得辣嘅朋友仔唔使擔心。味道好好食，軟殼蟹亦都炸到好脆，加埋啲咖喱汁，簡直係一流🤡為咗啲咖喱汁，大肚腩仲專登叫咗個飯黎食🤤🐔地道椰汁雞湯椰汁味就唔算好濃郁，有少少微微地既辣，雞肉都好嫩滑，加埋其他配料，非常容易入口。🦐鮮蝦炒金邊粉金邊粉份量好多，炒得好乾身，最怕食到啲好濕嘅金邊粉🙈味道酸酸甜甜，隻蝦就冇乜太大特別🤣不過最後大肚腩都係食唔晒要打包拎走…🥭香芒椰子奶味道好好飲，芒果味唔會太酸，放咗勁多奶🥰

路過食下呢間有outdoor seat 嘅泰菜，lunch set 由11:30 去到1730.叫左個香茅豬扒河加個咸檸七. 今日天氣好吹住風食幾正. 食物略嫌不夠熱但味道可以的. 豬扒如果脆少少更好，湯底味道都夠濃我又唔識形容個味都係平時船粉d 湯

幫襯過好多間分店，新開TKO店都食過1次，今次第2次，不過無回頭了話說想食，所以打電話去book位，5大1bb.要bb櫈。 但接電話個個話無咩人唔洗book, 淨系mark低會有5大1小唔洗留電話屋企人到左先，佢安排左中間梳化位(放唔到bb櫈)，屋企人冇為意坐低咗到我到嘅時候大約7點半(未嗌嘢食)，我即刻同店員講我需要bb櫈，佢(後生四眼仔)即刻黑哂面但都有幫我安排轉枱。當時間餐廳七成滿，我哋五個大人一個BB，佢安排一張四人枱俾我。明明外邊仲有空位，而我隔離張四人枱冇人坐嘅。不過因為我都驚轉頭會有人所以我哋都照坐之後我哋嗌完嘢食，張枱放完兩碟根本已經唔夠位放。同埋當時餐廳已經走咁啲人（得返6成到），所以都禮貌地問佢可唔可以拍埋張枱俾我哋。嗰個四眼店員燶燶哋面咁同我講：「你哋5個人坐8人枱我會俾人話㗎，不過而家都冇乜人就拍卑你」雖然其他店員都好好禮貌，但為免受氣冇下次！

今晚點了蝦餅，明爐青檸蒸烏頭，串燒，咖哩牛腩包。蝦餅最好食，夠彈牙，份量亦夠。明爐青檸蒸烏頭，比個名fake 咗，以為唔辣，但味都唔差的。串燒，好鹹，唔香口。冇串燒feel, 一啲燒過的味都冇。咖哩牛腩包，今次好鹹。整體係差咗，味道偏鹹。另外服務可以再好啲。。。

係將軍澳好少食泰國嘢，突然想食係OpenRice 搵到呢間新開店一於去試吓可能新開嘅關係星期日晚排咗陣隊先入到去食兩個人揀咗三款菜式原個椰香海鮮焗飯$138-必食！！飯有滿滿嘅椰香味，海鮮有魷魚，蝦同青口都夠足料，另有一杯椰青水送幾清甜炭燒原隻鮮魷魚$118-酸酸咸咸咁特別嘅味道，好有泰式feel串燒拼盤(6串)$88-賣相唔錯，但味道比起其他食物相對失色，啲肉燒得偏乾身整體嚟講都可以，會再嚟食椰香焗飯

星期日突然之間想吃泰式炒粉試，於是試下新野，由翩匯坊搬去天晉二期的泰cool,吃飯時間，見到很多人排隊，於是買外賣，都估會等得耐，等左25分鐘左右。回家打開盒，隻色白雪雪，都不要緊，但目測見唔到有蟹肉，於是係咁「摷」，結果只見到3粒仔肉絲，每粒不足1cm，最衰又夜又行得遠，否則一定整盒原封不動跟他們傾下計，可能因為係外賣，勸告大家外賣不要買此款，至於味道都係正常的，但配料實在少得可憐🥺，不值這個價錢，🤔唔知我係咪個別例子，各位食家又分享下

住附近，一直去開呢到食lunch,貪佢夠平，味道都一直相安無事。直至有一晚試左個晚餐，咁就出事。叫左個蝦金邊粉，88蚊，一飯大蝦，兩隻蝦球，個粉個味好怪，啲粉又痴埋一舊舊咁。之後又試個椰汁西米糕，面嗰pat椰汁”cream”個口感好奇怪，啲西米硬曬，食唔到一粒粒既西米，變左成舊膠咁。以前夜晚呢間野好多人排隊，但呢排愈嚟愈少人，我諗附近街坊開始realize呢間野愈做愈差。

同事話呢間嘢最近新開，話之前排長龍，今次去到都冇人排隊，入邊仲有好多位，所以我哋入去試吓😀😀😀一份午餐$58嚟講，我覺得都算幾平，而且份量都算多，一定夠你飽🫢🫢🫢首先講吓泰式菠蘿炒飯，其實都幾大份，菠蘿就係用罐頭菠蘿，而唔係平時用新鮮，不過味道都唔算太差😅不過不失，都算仲有少少炒飯香味另外就叫咗黃咖喱豬飯，其實佢嘅黃咖喱都唔算難食，其實都幾好食，不過就偏水狀🤏🤏🤏喂，不過最可惜就係叫咗豬肉，我仲以為豬扒，來到真係一塊塊豬肉片，而且豬肉片仲要唔好食😅有啲失望！可能照返牛腩好食啲😄😄😄朋友仔叫咗個蝦餅，有四件，都算大大件👌最尾我哋一人一杯泰式奶茶，因為我要熱奶茶，而且唔記得咗攪勻佢😣所以初初飲落去係水淡淡地，其實都幾有茶香味，不過飲到個底啲煉奶就好甜，建議飲熱飲記得攪勻🥰凍飲就唔需要攪啦….下次打算試埋佢其他嘅嘢🤣🤣#泰國 #泰國美食 #thaifood #黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #

泰cool之前在海翩匯海邊，那時對餐廳的印象是有質素的良心小店，食物幾好味但價錢合理，環境仲好 chill 適合三五知己happy hour/食嘢傾偈 最近發現餐廳在天晉匯 popwalk 2 期重開覺得很開心，今天就來試試 星期一至五午市套餐價錢$58起，包括飲品、免加一，其實真係好抵食。之前好喜歡泰 cool 的麵包釀咖喱，但今日唔想食得咁Heavy，所以就試吓另一款廚師推介：海南雞飯。雞肉夠滑，不過冇乜鮮味；醬汁方面，薑蔥油味道好淡，辣汁就幾好；油飯做得比海南雞好，有啲黃薑粉味。餐飲叫咗熱泰式奶茶，奶味和茶味都幾濃，又冇想像中咁甜，都唔錯嘅。服務方面就真係好一般，侍應們都好似餐廳個名咁cool，如果可以改善下就好啦。

泰cool之前喺將軍澳海邊嘅時候已經好出名，好多人排隊，但係之後執咗笠，而家佢喺天晉匯再次開返，位置比較格攝，唔係特別search都唔會知，人流少咗好多，位置都少咗好多今次同行四個人嚟食，嗌咗小食拼盤，沙嗲串燒，蟹肉炒粉絲，馬拉盞炒通菜，泰王咖喱大蝦配軟殼蟹加蒜蓉包，仲嗌咗兩杯必飲嘅芒果沙冰小食拼盤有春卷雞翼蝦餅魚餅，每樣四件，個人覺得蝦餅最好食，因為好厚身好脆，魚餅就好香香茅味，我個人覺得OK炒通菜正正常常唔好話太鹹，亦都唔會話太過冇味沙嗲串燒去到嘅時候冇晒豬，就得返牛同雞，牛，我覺得有啲韌，冇乜味，有啲難咬，而雞就幾好食好滑嗌之前已經知炒嘢同埋咖喱等得比較耐，炒粉絲大概係半個鐘頭左右之後先到，蟹肉係新鮮拆既，粉絲食落都好有蟹肉嘅味道，炒得比較乾身，中規中矩等咗大概一個鐘頭，個咖喱終於嚟啦，但係由於個蒜蓉包都好早嚟到，所以我哋都請店員幫我哋返熱，咖喱係真係幾好食，好杰身偏甜加埋蒜蓉包好好食，我仲加埋咗啲去撈粉絲添，大蝦同蟹我就覺得一般，尤其係個軟殼蟹可能佢同我哋普通喺出面食嘅唔一樣，個炸粉比較厚，唔係好食到蟹嘅味道，如果佢可以就咁淨係嗌咖喱就好啦不得不提個蒜蓉包好脆好香嘅蒜蓉味加埋落