泰風佳味海南雞

今次去咗旺角熟食市場覓食😗有間主打泰式食物嘅平靚正餐廳平日6:00去到大排長龍▫️泰式豬頸肉撈檬 $54 豬頸肉份量好大方 賣相好靚邊邊位燒得好香脆 肉比較偏瘦 配埋個汁好清新 （就係平時食撈檬嘅汁）檬粉份量超多 仲有啲生菜同打拋葉抵食好味‼️▫️泰式無骨海南雞飯 $45 （連熱飲）海南雞份量正正常常 雞幾香幾滑配埋個自家製酸辣汁 好惹味油飯俾咗成座山咁高😂唔會太淋身都幾好味 呢個價錢真係超值🫶🏻熟食市場環境就一般般 不過勝在有冷氣兩個人去預咗要搭枱！不過呢個價錢完全冇嘢挑剔😆…查看更多

平時我都差不多一星期幫襯1次，次次食海南雞飯或者薑蔥雞飯，薑蔥會好香嘅，雞又滑，好好味。但最近男的老闆唔喺度好耐啦，味道其實都唔係相差太遠，但今日唔知係咪換左廚房，還是賭馬輸左，嘩！咖喱好咸好咸，又好少牛腩，薯仔又得3至4舊。薑蔥無骨雞飯，雞的份量今日好少好少，而且雞好大雪味。黃色飯又好乾，無味。今日勁差囉。唔怪得平時一向都排長龍，今日無咩人。…查看更多

經常食旺角熟食市場食野的我，今次是經朗豪坊商場天橋穿過去的，不怕日曬雨淋，去到剛剛是中午飯時段，這間泰式食店的人客絡繹不絕，所以等餐要20分鐘都要試下。旺角熟食市場雖然平民化d，要預左同人搭枱，但乾淨企理，有冷氣，有服務員會立即清枱。當然試佢的招牌泰式無骨海南雞飯，包熱飲才$45，雖然價錢平，但性價比高。他們弄的海南雞飯是剛剛好熟的，所以雞肉口感嫩滑，選配油飯，油飯是用雞油、黃姜粉及香料製成的，香味十足，再點特調的泰式醬汁，酸酸辣辣的口味道，最適合夏天品嘗。熱飲不用補錢，奶茶香滑濃郁，不過是港式奶茶，如能配上泰式奶茶，應該更加吸引。…查看更多

這家街市熟食中心的泰國菜真的是太好吃了！🍜🥢 每次經過都會看到長長的隊伍，大家都在期待著那濃郁的泰式美味。這裡的菜式選擇超級多，從酸辣湯到綠咖哩，每一道都讓人垂涎欲滴！🌶️🍛而且，出餐速度非常快，根本不用等太久就能品嚐到熱騰騰的美食。無論是想吃經典的泰式炒河粉，還是清爽的檸檬魚，這裡都能滿足你的需求！🍤🍚價格也非常實惠，讓人吃得開心又不心疼。這裡的每一口都充滿了泰國的風味，讓你彷彿置身於熱帶國度。快來這裡和朋友一起享受美味的泰國菜吧！🥳✨…查看更多

。而家先知原來朗豪坊對面係有熟食中心我覺得呢間泰國嘢嘅質素唔會差得過九龍城嘅泰國菜以佢50幾蚊嘅價錢絕對係抵到爛食咗幾次佢嘅炒嘢都好好食有鑊氣麻辣豬頸肉炒飯好食唔會太辣淨係有麻辣嘅香口辣味唔會蓋咗成個飯辣度大概係譚仔10-5小辣香口有蒜味但係佢麻辣隻味有少少似老乾媽炒飯配料方面有紫洋蔥保持到洋蔥嘅辛親爽口同埋佢豬頸肉都有好多粒燒過再切粒炒做到外脆內軟同埋炒飯嘅蛋有少少焦香咁好正有冇人明成個飯油亮油亮係我鍾意的東西佢個肉碎飯又係超正會配埋流心窿邊蛋嗰啲豆角粒爽口仲有埋檸檬葉好有正宗泰國肉碎飯嘅味道不過呢個真係再辣啲佢嘅辣椒都幾重手下但係我反而覺得麵食冇咁出色佢個炒金邊粉係重茄汁酸味但係略嫌太濕唔夠乾身同埋湯河佢係船麵湯底自己本身唔鍾意食蒜麵湯底覺得太鹹但加埋凍飲$3都只係50幾蚊嘅價錢嚟講我冇嘢可以挑剔好食好食性價比超高建議大家喺旺角唔知食咩可以去試吓同埋個熟食中心比想像中乾淨企理…查看更多

今日中午，我嚟到朗豪坊旁邊嘅旺角熟食中心食午餐。呢度地方寬敞，冷氣充足，真係好舒服，非常適合避暑。我通常會選擇泰風或者隔離嘅車仔麵，但今日決定試下泰風嘅泰式海南雞檬粉。我叫咗食髀免斬，搭配船河湯底，再加一杯檸檬梳打水。等上來之後，湯底嘅香氣已經撲鼻而來，令我口水直流。雞肉滑嫩，配合湯底的清香，整體味道非常惹味，令人一口接一口。檸檬梳打水既解渴又清新，為這頓午餐增添了不少活力。此外，這個熟食中心的環境非常乾淨企理，桌椅擺放整齊，讓人用餐時感到舒適。冷氣都夠，靚過好多其他地方，唔會有悶熱嘅感覺。總體來講，今日的午餐體驗非常愉快，讓我下次再來光顧！…查看更多

放工去到旺角想去搵泰國嘢食，跟住就上咗去街市，雖然出邊好熱，但係街市上邊個冷氣都好夠。兩個人去食，一人嗌咗一個嘢食，一個係火車頭炒飯，另一個係海南雞金邊粉。炒飯即時炒出嚟，啲飯好香，每一粒飯都炒到入晒味，每粒飯都分開唔會黐埋一齊。 炒飯入邊啲蕃茄好新鮮，好鮮甜。芥蘭都唔韌，好爽。金邊粉嘅湯味好濃，雞好鮮甜。金邊粉唔會發脹食到個人好滯，雞嘅份量都好足夠，一個大男人食都夠晒飽。老闆都好好人，會同食客介紹有邊樣嘢好食，同埋嗰日有啲乜嘢係新鮮嘅。…查看更多

忙咗一整日，夜晚得自己一個人食飯，諗住簡簡單單買盒燒味飯就算，心諗雖然係食飯盒不如對自己好少少，於是就去旺角熟食市場，買好耐都冇食過嘅海南雞飯~可能由於係夜晚食飯時間，一上到去熟食市場已經係人山人海，喺度心大心細食啲咩嘅時候，由於太多人嘅關係，驚再諗要等好耐，於是即刻去買海南雞飯，行到去已經有幾個人係前面買緊外賣，等咗一陣就到我，本來諗住買盒海南雞飯就算，但係隔住塊玻璃望見啲串燒真係好吸引，於是二話不說即刻加多條司華力腸，買返屋企慢慢食。返到屋企一打開，條司華力腸仲係熱，加上佢嘅孜然粉真係好好食，好快食咗條司華力腸打開個海南雞飯，賣相經已唔錯，一食落去海南雞嘅肉質又滑又淋，加上佢個醬汁又好惹味，真係好好餸飯~…查看更多

由以前黃店班襯到而家，自從熟食市場裝修之後環境衛生好咗加上以前喺旺角經常同朋友一起做gym健身完畢後都會嚟熟食市場購買海南雞飯我記得以前的海南雞飯雞肉嫩滑油飯香濃，令人10分上癮但係健身後通常都只可以選擇食白飯，這次巡迴熟食市場再次購買海南雞飯，感覺冇以前咁好食，因為啲雞肉鞋咗好多，以前的雞肉10分嫩滑，而家的雞肉很難咬，但係油依然很香，用優惠價加購的菜心，亦都10分新鮮爽口甜味泰式鳳爪酸辣味，十足一口鳳爪，加一口紫洋蔥非常惹味可惜份量太少，食完都唔係好夠喉馬拉盞泰式炒米粉配豬頸肉，意想不到10分好，有啲覺得呢一度由海南雞飯轉咗做炒嘢，，因為見到人哋啲炒嘢都好有鑊氣，豬頸肉份量多到食唔晒，亦都有好多配料如青椒紅椒雞蛋菜等等，10分滿足細食的朋友仔一碗可以分兩餐食。…查看更多

放工出來旺角揾食，第一次上來綜合大樓就見到有不少美食及選擇。雖然場地不大，但可以選擇的廿菜式也相當之多，想了好幾回還是吃雞飯吧！這間的海南雞飯不算大碗故跟老闆說要了加飯，油飯可以的，不算太硬，海南雞的份量一般，但是雞肉挺滑身的可以再來Encore多幾碗的吧！唯一美中不足的是熱可可的味道有些奇怪，只喝了兩便完了！…查看更多

泰風佳味海南雞呢間都好多人排隊😋落單都等左20分鐘先有得食睇住佢出堂食餐都整得幾靚 😋💛泰式炒金邊粉炒野好夠鑊氣，味道都好泰國食既咁😋入面都好多料，有魚片、豆卜、蛋💛麻辣豬頸肉炒飯麻香都幾香，入面都幾多豬頸肉粒，足料！食落都好香口！好味💛凍檸茶唔會太甜，都幾滿意價錢：$52⭐️⭐️⭐️評分：8/10⭐️⭐️⭐️#即日食即日打系列📍 泰風佳味海南雞 旺角上海街557號旺角綜合大樓2樓旺角熟食市場2號舖…查看更多

第一次上黎旺角熟食市場，估唔到呢間泰國菜咁好味。大家喺旺角諗唔到食咩，平平地都可以上黎試吓😋🐷麻辣豬頸肉炒飯 $52有鑊氣！好好食，炒飯粒粒分明，食得辣嘅大家必叫👍🏻 我地今日等呢個炒飯等左差唔多20分鐘，我諗佢係等齊幾個order先會一鑊過咁炒，如果趕時間嘅就唔建議叫🐓 海南雞飯 $43個油飯好食，不過我地呢舊雞胸黎，所以唔係好滑。整體黎講都唔錯，不過就無個炒飯咁驚喜🦵🏻泰式鳳爪$ 30好食，入味，個汁夠酸👍🏻------------------------------🌟回頭指數：9/10因為地點好方便，下次喺旺角諗唔到食咩都可以上黎食下，下次試下佢個香葉肉碎荷包蛋飯先📍地址：泰風佳味海南雞 (旺角)旺角上海街557號旺角綜合大樓2樓旺角熟食市場2號舖…查看更多

今日咁啱嚟到旺角朗豪坊，想食一啲又平又抵食嘅嘢，就諗起去旺角熟食中心。其實佢個位置好方便，但係好似又唔係真係好多人識去。入到去誤打誤撞嚟咗呢一間泰風佳味海南雞飯，我當然係食海南雞飯啦！個雞飯CP值極高，$43有海南雞飯食😋雖然佢啲雞唔算好多，但係啲飯又好多😂，不過以$43嚟講絕對係超值！個質素絕對對得住呢個價錢，仲要係包埋嘢飲。我加咗$3飲凍飲加埋先係$46，超級抵食！而家喺香港地40幾蚊可以食到一餐，喺邊度搵？我唔會要求咁多囉…查看更多

Cordis酒店隔離的旺角熟食市場, 平時很少接觸, 因為以旺角來說, 這裏並不算方便到達, 特別是要從朗豪坊找個特別入口進內, 又或者從酒店地下行過去, 附近位置也有其他選擇. 來到熟食市場, 由於這裏沒有街市, 所以比較乾淨, 坐得也較舒服. 當中以主理泰國菜的這家人流最多, 所以就選擇了這間.雖說這裏主打海南雞, 但最近吃雞類料理, 吃得有點煩厭, 於是點了泰式豬手飯. 五十多元一份已是香港午餐的中位數, 豬手和飯份量夠填飽我的肚子, 抵食度OK. 鹵水汁偏甜, 豬手的皮和肉從顏色可見, 煮得相當入味. 皮夠爽彈, 肉質不算嫩滑, 也未到死實, 水準合格但沒驚喜. 添加的豬頸肉, 看似烤得很乾, 但吃起來外脆內嫩, 脂肉層次分明, 還有黑椒辛香, 比豬手表現得更好.Thai Style Hainan Chicken is at the food centre near Cordis hotel. The accessibility is not that convenient but because of the government operated, the price is much cheaper than others. I have tried the pork knuckle rice as I am quite fed up with the chicken recently. The brine is nice and sweet. The meat of pork knuckle is quite hard and less soft. The pork collar is much better than it.…查看更多

係附近返工，聽過好多同事推介就決定試試佢😌果然佢地無介紹錯我自己最常食既係：馬拉盞豬頸肉炒通菜-通菜好有鑊氣 唔會炒到過分淋而變黃仲會保持翠綠 豬頸肉有麻辣調味 十分香口呢個小菜可以輕輕鬆鬆送完一碗飯😋——————————鹹魚炒芥蘭-聽個名唔好以為佢好重口味 但佢味道都算清淡保留到芥蘭特有既苦澀味 同時散發到鹹魚既香味滲入到芥蘭 同時放左辣椒 辣辣地幾開胃唔中意好似馬拉盞咁濃味既炒菜 可以一試😚——————————麻辣豬頸肉炒飯-呢個絕對係重口味之選🌟麻辣豬頸肉絕對岩晒中意食辣既人 辣度偏高雖然佢係食泰國嘢 但麻辣豬頸肉既調味帶有四川麻辣既香味❗️絕對要嗌定嘢飲係隔離❗️啲飯炒到粒粒分明 食到底都唔會有太多油會令人一啖接一啖咁食晒成碟份量一啲都唔細嫁 係朗豪坊行街既人 不妨去隔離熟食中心試吓😋附近返工既人都可以打定電話叫外賣…查看更多