泰金國 (牡丹大廈)

營業中

休息中

一嚟就上咗碟#泰式蝦膏炒飯炒飯應該冇咩伏位大家都一齊𢳂咗好多飯落碗點知第一啖 一齊覺得搞唔掂好硬😂於是剩下在碟中未食過的 快快叫廚房再炒下先食得啊 但係 好似冇蝦膏味🫢有位重口味朋友要另外加d辣椒醬但舖頭入面得辣椒粉同魚露辣椒油 又鹹咗d每次食泰菜都會想點#馬拉盞炒椰菜苗但今次唔係好啱鍾意辣嘅朋友仔食哈哈佢形容：望落以為好辣（鍾意食辣） 但原來咁甜（哩d咪叫反差感哈哈哈）#燒牛扒 呢就最好味搭配嘅醬汁連食辣嘅朋友都話ok七成熟對於箍牙人食都食到俾個like佢

和中學老師一行3人去食dinner。 呢個牛扒真係好好食。個環境都唔錯, waitresses 都好好人。 個杯雪糕冰冰都好正, 有小小甜, 但配呢D main course 一齊食尤如pizza配可樂一樣咁夾。 

中伏👎👎👎一開頭以為係九龍城泰金國既分店就入嚟食，點知完全唔係嗰回事。掛羊頭賣狗肉，用同名嚟呃人，價錢貴過九龍城泰金國之餘仲要唔好食。首先係燒牛肉，調味唔夠，上菜既時候唔熱，完全冇熱辣辣 香噴噴既感覺。價錢就偏貴，完全唔值。第二係燒豬頸肉，大中伏，唔點醬汁都係酸既，極度懷疑係壞咗。雖然同佢講唔對路都有換過第二份，但第二份最多都係叫一般，唔算好食。第三係海南雞，好梅，醬汁又唔好味，起骨唔乾淨，最後悔叫哩味菜。飛天通菜調味都唔正常，食落好似怪怪地咁。成餐飯，唯一合格既係冬蔭公湯。如果你係對佢有九龍城泰金國既期望既話就算啦，十萬個不建議。

泰金國 (牡丹大廈) (大角咀)🔸泰式豬頸肉飯燒得岩岩好，份量都中規中矩🙈質地都幾柔軟同埋有咬口，重點都幾嫩滑，仲有泰式辣汁點～ 味道仲吸引🔸泰式拼盤圓盤上菜，話分咗都有五款野食，炸物好食😻最好食都係蝦餅😻🔸生蝦生蝦食落好鮮好爽口再點小小汁食更加開胃😻前菜係首選😻地點：大角咀大角咀道63號牡丹大廈北座地下9號舖🔸味道：7.5/10🔸環境服務：8/10🔸推薦：8/10

今日同成班朋友喺附近做運動，做完運動當然又係食啦食飽先有氣有力減肥㗎嘛喺附近快快脆搵咗間泰菜坐低可能因為星期日，餐廳位處於大角咀大概兩三點嘅時間餐廳唔係太多客店舖係用QR code我哋自己自行落單我哋一行三人，分別叫咗四樣嘢馬拉盞椰菜苗、肉碎生菜包泰式炒粉絲同埋遊船河食品偏濃味，但係辣味唔係太誇張整體幾個餸都非常之惹味到俾錢嗰下睇返價錢，如果以午市嚟講好似貴咗少少，份量正常一般唔係特別大份，但係都叫我哋兩男一女份量食得飽由於附近都好多泰國菜，呢間屬於正常水平可能下次未必嚟返同一間，會試吓其他啦

九龍城令我食過返尋味嘅泰金國疫情後發現喺大角咀開咗分店人流少咗成間餐廳都闊落咗週末晚市唔洗排隊訂枱都有位一坐低急不及待已經叫咗燒雞全翼本身燒雞翼都鍾意全翼食埋翼尖佢燒得唔乾身而且雞肉維持到嫩口最鍾意調味唔太鹹係本身嘅醃料出色另外特別鍾意佢嘅燒牛肉有分五成同七成而我通常食五成同時保留有燒烤同牛肉嘅香加埋特調嘅醬汁真係回味無窮個人鍾意佢嘅木瓜沙律夠晒開胃覺得接近我係泰國上堂學整嘅味道其他嘢都係正常發揮有水準價錢屬街坊價如果維持到嘅話絕對係我會一去再去嘅泰菜

Weekend晚去, 點了三道菜, 坐了足足一小時仍未上齊菜, 只上薄餅不上咖哩, 只好cut單離開, 打包乾啃薄餅, 廚房疑似只有二人工作食物係唔錯可惜人手不足, 等得嘅先好去。

23.2.24 7點幾進店，落單後上菜勁慢，知道廚房冧檔後我地並沒有催單，同朋友傾下偈慢慢等。坐低20分鐘，一來就係飲品，蒜包，菜大約再多20分鐘左右，菜都食完。就上咖哩蟹，呢個我地有讚係味道非常濃郁好味。食到後來先再上炒粉絲及沙律。食左10分鐘左右，我朋友叫救命，發現沙律碟上有野郁，係條黑色既蟲。我地都係做服務業既人，無同店員嘈，只係叫佢收走及取消沙律收費，後尾我地都冇胃口再食就比錢走。寫出來係想大家小心該店衛生情況，自己分析下會唔會去食。

泰金國嘅嘢食不嬲抵食又高質，平日放工過嚟都唔洗等位有得食～ ▫️生蝦生蝦唔係次次有得食，要問下睇下好唔好彩，有貨先有得叫😆冰凍嘅生蝦肉質好彈牙，食落又鮮甜，沾上泰式香料辣汁一齊食，又辣又鮮。除咗個蝦身，連蝦頭都炸到香脆，食落好香口，一定要叫😍▫️泰式燒豬頸肉豬頸肉大大份，豬肉嘅脂肪算均勻，肉質軟腍，咬落多汁，啲邊邊都唔會燒到太乾同嚡口！沾埋啲泰式辣汁好香口惹味，不過個汁好辣🤧▫️炸蝦餅蝦餅炸到好香脆，個外皮炸得好薄脆，啲蝦肉厚實，咬落好彈牙，配埋泰式酸甜醬更加突顯佢嘅鮮味😎

泰金國喺九龍城嘅老字號，相信好多人都識九龍城嗰間長期都超級多人排隊想食都比較困難估唔到比我發現佢喺大角咀開咗間分店而且好似暫時未有太多人知道每次去嘅時候都仲有好多位不過我相信佢好快都會爆棚嘢食嘅質素同九龍城嗰間係一模一樣燒牛肉係一定要叫嘅食物佢嘅牛肉係高質過好多西餐廳嘅牛扒而佢嘅價錢係$100都唔使另外醉貓肉碎炒河都係我每次必叫嘅嘢超級有鑊氣 好睇得出廚師好有功力之後係我嘅最愛白灼螄蚶呢樣嘢真係香港唔係好多地方有得食而佢哋會好好，咁每一隻都幫你搣開晒方便食

見呢間泰國菜一個負評都冇即管試一試。佢個椰汁雞湯好濃，燒牛肉同埋個炒米粉好惹味，而且大大份好足料。價錢都唔貴！Seeing that this Thai restaurant had no negative reviews, I decided to give it a try. Their coconut chicken soup was rich and creamy, the grilled beef, and the fried rice noodles were very flavorful, plus the portions were generous and substantial. The prices were also very reasonable.

星期五 當日WhatsApp book位都有位。可能搬左大角咀呢個位置有點靜， 當晚5-6客人兩個人叫了4樣野，一杯飲品。 埋單$377 冬蔭功湯 較咸泰式炒金邊粉 同舊鋪時同一味道 保持水準👍🏻生菜包 👍🏻 保持水準泰式炸蝦餅👍🏻菠蘿沙冰 👍🏻

1:燒牛肉$118基本上每檯都會嗌燒牛肉外層燒到微微焦香，内裏粉嫩腍滑而油脂十分豐富口感十足冇筋冇肥膏肉質好嫩好Juice點埋自家製造辣醬汁超惹味2:黃咖喱炒雞🐔$118係炸雞來嘅啲雞好多，係用黃咖喱炒佢哋用三色椒洋蔥還有香濃嘅蛋味3:泰式炒粉絲$78佢哋嘅炒嘢真係好有鑊氣，粉絲大大碟🍝用料十足食到停唔到口4:蒜蓉包🤏$28一碟有6件燒到金黃色好香外脆內軟，聽侍應講佢的牛油都係用牛肉上的油自己製造出來怪得知特別香5:燒雞翼一隻$18燒雞翼也都係招牌之一$18燒全翼一隻，外皮燒得香脆裏面多汁嫩滑咬落去可以感受肉質嘅鮮味，真係好難形呢個感覺，所以我哋都要再每人叫多一隻6:青咖喱雞🐔$108我哋叫埋青咖喱雞，出邊食青咖喱雞通常都好鞋口😦但係佢哋個雞係超級滑，而且肉質都好嫩應該係用新鮮雞，最重要係個青咖喱汁好惹味點蒜蓉包一流，大家如果對出邊嗰啲青咖喱雞好失望不妨可以一試7:冬陰功湯：🥄$98呢個冬陰功湯不得了我哋叫咗細碗都咁大碗，非常足料有幾邊大虎蝦肉 有蕃茄，而且有非常多嘅香料，酸味夠足我感覺酸味多過辣味 酸味冇搶過辣味酸中有辣係好有層次感嘅冬陰功湯非常開胃8:芒果沙冰🍧🥭38佢哋係用新鮮芒

大角咀 泰金國原細舖在九龍城後搬去北角現落戶大角咀現時九龍城同名食店與佢完全無關大家留意👀大角咀店面大咗闊落咗好坐咗食物優質價錢實惠生菜包第一碟上大家都食不停口微辣惹味配生菜好perfect飛天炒通菜加咗豆瓣醬好鹹香醉貓海鮮炒金邊粉幾特別有風味係Pad Thai以外之選拼盤好彩唔叫大份細份都好足料食材好鬆脆燒牛肉係佢嘅招牌今日上枱表面好似過熟加上我影得唔靚但其實食起嚟就五成剛好牛肉鮮嫩可口價錢亦算好抵水準能保持👍話說今日成晚不足十人幫襯真係戥店家擔心大家想食泰菜就去幫襯啦💛#泰國菜#大角咀#泰金國#裙姐大角咀推介#裙姐的生活良消

本來諗住去九龍城店，但係驚去到冇位又要排隊，見到有間大角咀分店，揸車過去試吓。去到客人唔多，空間夠大，申請緊酒牌，不過可以自己去買啤酒👍🏻價錢合理，味道唔錯。服務好，環境乾淨，附近又可以泊車。收八達通，夜晚收12點。