泰華餐廳

營業中

休息中

見到是日晚餐果個扒都係四十幾蚊, 同隔離間快餐店都係差不多價錢, 大家都有飲品, 但呢度包餐湯, 所以試下呢間先............入到去都仲有好多枱, 咁當然係搵卡位坐啦~~ 坐低之後都冇乜點睇有乜其他嘢食, 就叫咗2個晚餐................ 鐵板什扒熱辣辣, 炸炸聲咁上, d煙唔知做乜係都要吹住我塊面........ 聞到好香............什扒有1塊有骨豬扒、1塊有皮雞扒、半條司華力腸, 伴菜係脆瓜片+炸薯條................d扒乸到林林地, 但又未至於好林果隻, 仲有少少肉味..............但份量唔多夠, 食哂成份都唔夠喉, 不過佢d薯條好脆, 炒瓜都有味, 以茶餐廳嚟講, 算係唔錯................ 薄牛扒配菠蘿雞粒炒飯薄牛扒原來只係得半塊, 不過就配大半碟炒飯..................計落條數都唔算好抵, 不夠就夠飽咁解lor~~~薄牛扒都仲有d牛味, 但我覺得始終係有用鬆肉粉乸過, 尚可接受~~ 個炒飯就好得, 炒得好乾身, 又好多菠蘿粒同埋雞粒, 又有d菜/瓜粒, 都幾健康架~~~ 餐湯選咗中

事隔半年..從臨舊地、依舊懷念著你的冬蔭公湯麵...呢間其實係一間地道港式茶餐廳,但老闆又加入了風味的泰式小食/及泰式湯麵,就吸引了我這個從不愛入茶餐廳之人士入座後望望餐牌,跟半年前一樣沒有因通脹而加價,讚還看味道吧今次叫了個雞絲冬蔭公檬粉,湯底好好、唔會過咸,雞肉/同檬粉比例都好多,雞肉亦唔會煮得過'鞋'讚$24.大元之消費,確實吸引了我這名忠實的小粉絲!

次次11點後先返到home所以就近係得呢間..當醫肚試左好幾暈炒飯..揚洲炒飯-最ok...做到個種味...之後福建炒就麻麻..係算份量足..之後愈試愈差!印尼炒..蛋白叉燒..今次忍唔住谷氣黎寫寫..試埋42$另一款 xo醬炒飯..但黎到碟野係無xo醬色素可見..食左成碟都唔知係食梗xo囉..仲有料係無乜味..佢地最豈譜係炒飯全部都好多油下..超唔健康...叫左一個無制服既阿伯落單..話明小冰..佢轉頭好快拎杯係半杯冰既野黎囉!!收又收得貴..服務又差..又唔係好食..行多幾步食大排檔肯定好好多啦!! 起係旺角包佢地客少減半啦!!

呢間舖開業也有一陣子,但從冇試過..今回返正路過,碰碰運氣,坐下翻來覆去, 都係落單叫咗濕粉' 泰式冬陰公雞絲米線',出人意料之外,竟然O渦, 仲要竟然出自茶餐廳手畢!!入口大表驚奇,好一個湯底加上夠濃椰汁,現值$24.簡直精彩..可惜今日無帶相機, 咁就嗱嗱淋囉部手機拍低佢先走後...炸眼一看,才知用厨是泰國女厨師..讚!'l;m will back~~

又係打完球要醫肚的時間, 剛行出體育館, 發現落住毛毛細雨, 都係盡快响附近搵間茶餐廳搞掂就算, 呢間就係最就近架喇~~ 但佢d價錢比其他茶餐廳貴少少, 可能佢係24小時營業關係, 價錢要高少少, 幫補下d電費/人工................佢個晩餐一d都唔吸引, 所以我地最後都係散叫咗1個炒飯, 1個湯粉, 1杯嘢飲................竟然個炒飯係最快到, 反而我預計最快的湯粉係最遲先嚟到.......... 生炒牛肉飯 炒得幾乾身, 又唔油, 同埋我第一次食生炒牛飯係加埋菇落去炒lor~~ 當然仲有基本的生菜絲, 牛肉碎, 蛋絲, 蔥粒啦~~ 炸魚角米粉開頭見佢個名幾特別, 所以叫嚟試下, 但後尾見佢個粉麵檔口貼哂話呢個炸魚角係招牌菜, 咁就開始抱有期望................炸魚角其實只係將平時食的炸魚蛋/片變成菱形, 咁就叫做炸魚角........ 炸魚角係幾彈牙, 同埋形狀特別少少之外, 其實同其他粉麵鋪賣的冇乜分別, 唔覺特別好味...........碗粉有幾條芥蘭, 5粒炸魚角, 碎濕濕的米粉, 淡如水的湯底............... 凍

踏入虎年，第一餐在這裡搞掂﹗到了沙田花市行個大運，3:00先去到竟然俾我地買到3蚊一支ROSE仲有五十蚊既一既五代同堂，花市真係越夜越美麗，情人節都有3蚊ROSE真係未見過﹗行完出來，肚子漸餓，行到津津娛樂城地下食宵夜﹗在沙田區打滾咁耐，呢個津津娛樂城俾我感覺十分神秘，到底入面有咩娛樂呢？桑拿又係咪真係仲運作呢？聽說天台仲要有得燒野食，唔知係咪真呢？茶餐廳通宵營業，佢地都醒架喇，0的餐牌全部轉哂發財新年套餐，價錢應該是貴了點吧，不過新春人地都唔休息開鋪抵俾啦﹗同食家一人要了碗四寶紫菜麵，$30。魚旦同片頭魚味濃，咬落彈牙有咬口，不錯喎﹗魚皮餃就油左少少，咬開淡淡溢出感覺油膩﹔要讚的仲有佢地0的紫菜份量夠多，箸箸麵都有紫菜伴著吃最岩我﹗廿四小時開工，以後宵夜可以考慮下﹗

今日咁岩個fd叫我去沙龍打機~~之前去過一次食過一次,今次一日食兩次早餐食左個銀針粉,係有湯既我外賣拎番入機鋪食一打開有青豆,肉碎,蛋絲,蔥花.同火腿,眼前一亮個湯幾好飲架,唔太lou~~配料幾好,五顏六色,青豆夠稔,肉碎易咬口,銀針粉夠晒爽,唔會chi牙,淨係呢3樣已經令我精神晒因為係第2度食過chi住d牙真係想死~~~配杯凍奶茶,我覺得算抵食~~~晚餐,2選一叫左焗豬扒飯,大大件豬扒,唔韌之餘,茄汁夠晒多,冇焗lun,飯係炒底飯,算過得去,埋豬扒補晒分羅宋湯夠濃,有紅蘿蔔,肉粒,同菜,略略菜少d~~~其餘兩樣都足夠,可能係因為隻碗唔大,所以唔放太多菜渣。可以理解。呢個餐普通人(一男一女)兩個人食都足夠。因為個碗真係幾大,而且飯又夠,豬扒又夠大,佢切開左7件,每份都長過隻中指,又夠厚~~~總結,早餐個銀針粉比一個南記外賣碗細少少,不過夠滿,不過個主角真係好食晚餐,塊豬扒最正呢度有電視睇,有直播波,不過食晚飯個時未有~~~不過座位充足夠光同多卡位中午飯個時借個廁所人山人海~~~

同同事一齊去了沙田探一探間未去過既gym, 運動完後, Hea 了一會, 各自道別後, 我便去食返少少野 (未食晚餐啊). 行了入瀝源邨, 想找的食店找不到, 一是已經關了門, 二是已經被領匯幹掉. 饑餓中行返出黎娛樂城. 就求其樓下間餐廳算了. 一入門口, 奇怪已經成11點, 竟然搵唔到位坐. 原來正播著巴西對美國的足球賽事. 看到卡卡射失了一球, 全場噓了一聲....哈哈, 我誤打誤撞, 闖入了沙田的球迷世界. 場上波友, 沒有著上巴西或美國球衣, 反而是人人一隻 Plam top, 人人一份報紙, 有些手上仲有一張馬會飛仔. 看波的人, 完全是為了另一種興趣而來的. 肚子餓, 叫了一個牛什牛腩麵. 因為做完Gym, 而且又夜. 不打算食太多東西. 湯底是潮州麵食既湯底, 牛什牛腩夠淋入味. 這個連鎖經營的茶記都做得幾好. 而且食物多元化, 又24小時營業. 係沙田宵夜, 確是一個諗得過既地方. 巴西領先2比0, 而且上半場也準備吹雞....下半場不看了, 只覺得會是一場一面倒的悶波. 結賬回家好好睡一晚更佳.