泰華餐廳

營業中

休息中

午餐叫咗燒汁牛扒火腿意粉, 食物本身嘅味道係不錯, 但係食到尾嗰陣見到燒汁入邊有隻小強bb……見到即刻反胃, 好想嘔, 衛生極差. 好彩無食到落肚, 但望到都好反胃…….另外, 嗌凍檸茶嗰陣要求少冰, 但係個待應唔俾, 話啲茶會融曬啲冰, 野飲會唔凍, 但點解其他餐廳做到少冰呢😅結果上嗰陣成杯到係冰……Blacklisted…..真係唔會再有下次, 待應態度差, 餐廳衛生極差, 懷疑廚房入面有好多小強……真係唔敢再幫襯🫠

今次我食咗碗超正嘅豆腐火腩飯，真係好味到爆！豆腐滑滑的，火腩又香又脆，配上白飯，簡直係絕配！每一口都好滿足，醬汁滲入飯裡，味道更加濃郁。仲有啲青菜，令整碗飯唔會太膩，呢間嘅豆腐火腩飯真係幾好味，下次會在嚟

今次我食咗碗咖哩牛肉飯，真係好正！咖哩香味四溢，牛肉煮得剛剛好，軟嫩得嚟又有嚼勁，咬落去真係好滿足！飯粒吸咗咖哩汁，味道濃郁，食到最後都唔想停！再加埋啲青菜，令整碗飯唔會太膩，真係好開心！每一口都好似暖暖的

食lunch嘅時候突然想食幼麵，就近去咗泰華食，未試過佢個牛雜麵，今次試下先~ 估唔到50蚊唔使份量都唔少，牛雜每款都有好幾舊，而且煮得啱啱好，一啲都唔會覺得韌。而啲麵都好正，唔重鹼水之餘好彈牙。一碗麵都夠曬飽，真係得閒過嚟食下都係個唔錯嘅選擇~~

沙田泰華餐廳的牛三寶粗面絕對係一道令人驚艷的美食。湯底濃郁鮮美，麵條有嚼勁，牛肉配料豐富。每一淡都能品嚐到湯汁既濃郁與牛肉的鮮嫩，令人回味無窮。配料包括嫩滑的牛腩、Q彈的牛筋和香嫩的牛肉片，它們與湯底完美融合，為整碗粗面帶來豐富的口感和美味。如果你鍾意牛肉料理且身在沙田，我強烈推薦你來泰華餐廳品嚐他們的牛三寶粗面，這將是一個令人滿足的用餐體驗。

雖然同公司距離好近，但今日係第一次嚟咧間餐廳食飯，估唔到佢性價比都幾高我哋lunch time過嚟食，叫咗個葡汁雞飯同牛筋飯。首先葡汁雞飯啲雞比平時食嗰啲大舊好多，而且味道唔錯，份量好足。至於牛筋飯就比較驚喜喇。佢比我想像中嘅分量都多好多，原本我以為會係得幾舊牛筋，其他會係蘿蔔啦，點知係調返轉，牛筋仲多過蘿蔔。而且佢啲牛筋都炆得好腍，入口即化咁濟。另外佢有配嘢飲，有出面好少見到嘅杏仁霜，雖然唔可以話好好飲，但都唔算淡，飲落都有少少杏仁嘅香味。當然如果可以濃返少少就更好啦！以後可以考慮不時過嚟食～

帶著媽媽睇空腹抽血，之後就在附近找地方吃早餐，便來了泰華餐廳。泰華餐廳地方都大，座位也多，沒想到早上7點都有牛腩魚旦粉麵吃。單看餐牌，價錢都有點偏高，推著輪椅確實不容易，為了方便只好就近入座，價錢偏高，食物味道還好，也沒所謂。簡單點了2份早餐，一份三文治，一份麵餐。鹹牛肉蛋三文治烘底熱咖啡，烘底要加HKD1，真的沒想到如此細份，蛋和鹹牛肉份量真不多，而且蛋炒得熟了點，烘底就夠邊脆，整體味道還算可以。沙嗲牛肉餐肉公仔麵、凍檸檬茶，凍飲要加HKD3，如想追加多士，要另加HKD8，如果想追加煎蛋餐肉或火腿等雙拼，又再另加HKD8，這樣的收費確實一點都不平宜。當麵餐送上時，份量如此少，餐肉也有2薄片，牛肉也有幾片，味道還不差，只是2份早餐吃過要HKD71，感覺像吃了平常的一個麵餐，確實物不所值。咖啡都算香，凍檸檬茶少冰，還是多冰到，把所有冰不要，茶底份量少了1/4，最重要凍檸檬要少冰，又給了你少甜多冰，難怪前來人數不多。

之前見到裝修，現在重開後再嚟一次，發現有驚喜!!!起初入去感覺沒什麼變化，唔覺有什麼裝修，原來只是無咗粥同腸粉，見到餐牌多咗個崩沙腩咪試一下，食完之後只能用2個字形容~好正，希望下次再食還有這水準!

細個成日食, 覺得佢GE咖哩好好食今日去開沙田就懷念下食佢的咖哩雞球飯真系好失望, 明明叫雞球, 吾知點解系雞C....就好似白汁雞皇飯的雞咁...完全吾系雞球都算, 佢的雞好似即刻系雪櫃拎出唻烚完就撈落個咖哩汁咁一D都吾入味, 仲要成陣雪味...咖哩都吾同左, 變到勁稀...另外朋友就嗌左個常餐, 正正常常個螺絲粉有D煮得太耐, 見到發漲晒煎蛋非常油吾可以話難食, 但絕對吾會好食同雲吞撈麵, 冇食吾知好吾好食, 但就咁睇到D雲吞系細細粒的珍珠雲吞咁耐冇食, 吾知系咪換左大廚, 食物質素真系差左好多..

沙田友一定唔會唔識呢間，英超歐聯夜波冇乜地方可以睇波，而呢間茶記開宵，加上依家都冇乜人出街，我地晚飯時間好容易就有卡位，座位係舒服。個人食茶記好中意叫炒粉面，因為好容易試到火喉，今次叫返我至愛既乾炒牛河，可能因為冇乜客關係，好快上菜。色水夠深，份量中上，唔會話太油，牛肉可以再多Ｄ不過味道都唔錯。

為左慳錢可以去到幾盡?月尾糧盡 窮窮打工仔唯有食下公司附近平價頹飯泰華餐廳可以話係為沙田打工仔而設 頹飯既好選擇飯如其名 價錢同食材都是一等一頹食過幾次 少餸之餘會有一大片芡汁可以用黎撈飯 配上大量白飯 平平地都算係咁今日試左是日快餐洋蔥牛扒腸仔飯($47)再加凍飲(+$3)有一條廚師腸 一塊半薄牛扒(牛肉片) 同埋d頹菜 食落個汁偏鹹 但原來隱藏幾多洋蔥 好餸飯(所以先比咁多飯)牛肉雖然薄 但起碼食得出係牛 有牛味肉質都幾軟林林 味道唔錯但食得出落左蘇打粉不過$50蚊既飯又真係唔可以太demanding店員態度正常 又唔洗排隊入座下次月底既時候會再黎幫襯

學人寫食評以來，第一次俾劣評！但真係難食吖嘛！話說，去了一趟沙田參加一家中學的新教學大樓啟用禮，見時間還早！還有半小時，應該可以吃一個下午茶吧！人生路不熟，就隨便附近找一家吧。侍應都不知道跑到那裡，沒人！終於等到了，就馬上各自叫了一碗牛腩粉 $38，魚蛋粉$36！慢吞吞！看著手錶的時間, 有點心急了！等了十幾分鐘，終於來了！味精太濃，吃幾口咀唇都麻了！真的需要加那麼多味精嗎？莫名其妙，怕怕 ！沒有服務、食物又不行，以後再不敢隨便找一家不熟悉的食肆！

放假入沙田做証件順便係附近食埋中午飯，一個又話想食粉一個又話想食粥，見到有間茶餐廳唔使煩因為茶餐廳什麼野食都有。哈哈中午時段有好多食客而牆身有幾部大電視即時比佢吸住搵最近電視既位置坐，望過餐牌我點了一碗豬潤粥同齋腸粉，豬潤好大塊夠足料粥底幾綿。齋腸粉皮薄軟滑。朋友仔就點了午餐A ，有漢堡扒炒滑蛋麥方包配蕃茄湯底鮮牛肉意粉。蕃茄湯底味濃牛肉少許老了一點。跟餐熱奶茶。另一個點了特餐B，星洲炒米有叉燒、蝦仁等炒得都乾身唔油膩。跟餐即磨咖啡，咖啡香滑味濃。

叫左個沙嗲牛肉湯麵加兩條腸仔，個兩條腸仔就白恰，好冇誠意。沙嗲牛肉沙嗲汁都冇，好打極有限，成個餐收36蚊多士都冇塊。嬸嬸服務好差，唔想做可以番屋企休養。出世20年黎食過最難食ge早餐。大家小心中伏

#LuBie沙田🍜原汁牛腩河+蠔油菜心+凍檸水晚上十二點幾 係沙田附近要搵野食既選擇並唔多 而且想睇埋球賽直播既餐廳就更加寥寥可數，但係沙田區講起想睇波都會諗起呢間茶餐廳。🔽黎得呢度都無話打算食到好高質既野 而且呢度既野質素都係普通，就如我呢碗牛腩河黎講 成個餐五十幾蚊 平就一定講唔上，碗野啲牛腩係無咩肥膏 所以食落無咩油香同鞋口 而且河粉既量都較少 但個湯有腩汁既味道 啲河粉吸左啲湯汁變得幾好味。個油菜啲蠔油俾得幾多 夠晒用黎點菜。🔽呢度我諗多數係度睇波既都係街方多 成班大一齊睇波 有好多都係舊客 見佢地同店員 有講有笑 成班人一齊睇波傾計係令呢度多左份人情味。📍泰華餐廳📍沙田瀝源街7號娛樂城地下1A號#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#foodseekerlu_bie#吃貨#相機食先#美食#香港美食#沙田美食#食好西#泰華餐廳