泰興美食中心

去完流浮山海邊，當然系買下手信，幫下香港經濟啦！除左買金壕，就系哩間餅店。要試當然系哩間鋪頭話自己整的餅啦，買左兩種馬仔同埋綠豆餅。馬仔有黑糖同白糖兩種，20蚊8件，奇W餅家系24蚊4件,所以一D都吾貴。- 黑糖馬仔可惜系無乜黑糖味，吾系太甜，但好鬆化同感覺到中間的糖膠。（2分）- 白糖馬仔都系一樣鬆化，更加吾甜，比奇W好食。（4分）綠豆餅（$30蚊10件）3分- 餅皮好鬆，有D 似老婆餅的皮，- 涵料毫無綠豆味- 有10件當系餅乾食都OK。- 比3分系現在已經比較難搵到來食。…查看更多

最近經過網媒及電視報道後，好多人都去搵懷舊小食，而今多款懷舊小食當中，有一款係我細個嘅時候食過，不過從來冇諗過佢叫咩名嘅食物 — 炸油糍，有人叫佢做炸蘿蔔絲。呢間小食店經常有人排隊，老闆娘係咁喺度炸都冇停手... 專注地做一件事，感覺有啲似日本嘅吉列店或者天婦羅店除咗炸油詞，呢度最多人叫嘅係酥炸生蠔同酥炸海蝦，另外仲有炸蠔餅。由於係即叫即炸，所以等待都需要少少耐性。$13都算好大件一攞上手非常咁熱，等返5至10分鐘放涼之後食就剛剛好。粉漿入邊有蘿蔔絲少少蔥同蝦米，好香口之餘亦都好夠味。入流浮山除咗去海鮮店之外，咁特色嘅小食店都好值得去試吓。…查看更多

炸油池係香港已經好少機會吃到，外面有d小食店正嘅完全唔掂。每次來到流浮山我都會來買一個吃，因為佢係我暫時吃過最滿意的炸油池，蘿蔔絲堅多，薄薄一層的粉漿包住有蝦米炒過嘅蘿蔔絲，啖啖都好滿足，老闆仲會按你要求即刻製作。炸金蠔同炸多春魚都好正架!…查看更多

一路都唔知道平日早上的流浮山有乜野早餐選擇，原來係正街內有茶餐廳及有早茶飲，見朋友到泰興買外賣，仲推薦我食排骨飯雞扎，試一試佢啦排骨飯21元，用碗來蒸飯，飯粒粒分明，排骨有咬口，好耐冇食過咁靚既蒸飯，呢啲就係古早味。雞扎16元，腐竹包著火腿、芋頭、冬菇、雞肉、魚肚，雖然細細件，但所有食材都融為一體，平時食雞扎，火腿及芋頭都係超大件及唔好食，呢件雞扎真係好岩我口味。燒賣18元，比市面的細粒，味道正常。…查看更多

假日參加了元朗親子遊一日團，午飯被安排在流浮山某間海鮮酒家，順道參觀流浮山海鮮街。海鮮街靠近大街路口的那一截全部都是海味雜貨店及零食手信店，靠近海邊的一截則主要是海鮮檔及海鮮酒家，又有三兩間茶餐廳及雜貨鋪夾雜其中。無意中發現一間毫不起眼的小店「泰興美食中心」，除了售賣少量海味乾貨及零食手信之外，亦有一些油炸小吃 ⋯⋯ 究竟那一門生意才是小店的主力？最奇怪小店内又有三兩張卡座及大圓枱，有點似茶餐廳，但又沒有茶餐廳出品，只有油炸小吃。見到兩個小電炸爐，油膉味隨着炸爐熱力四處飄散，唔敢窺探炸爐內的食油 ⋯⋯ 根據經驗，很大機會係接近啡色的所謂「萬年油」。為了健康着想，一向不大興趣在街邊買油炸食品（除了油炸鬼，因為好食、但又冇得揀，只有街頭的地踎粥店才有新鮮油炸鬼）；今次也沒有例外，即使是酥炸流浮山生蠔也放棄了。只不過，「即開即燒完隻燒蠔」就吸引了筆者目光。以流浮山生蠔的身型大小及成本，$30 / 隻絕對係偏貴，而且，酥炸生蠔也只不過 $30 / 串（雖然可能較細隻）⋯⋯ 不過，即燒生蠔又有一定吸引力，香港其他地方實在少見這種形式的即燒生蠔，很有日本魚市場風味。話明即開即燒，店主叫我們15分鐘後才回來 ⋯⋯已經知道本地流浮山生蠔唔會很巨型，起初以為收 $30 / 隻，店主會挑選較大隻的生蠔，結果卻令人失望。並非揀手巨型流浮山生蠔，其他海鮮檔的生蠔還要大隻得多；而且兩隻蠔明顯一大一細，也難以接受。採用充滿本地特色的蒜蓉焗炮製方法，蒜香濃郁；由於生蠔同樣味濃，蒜香並沒有掩蓋生蠔的鮮美。雖然只是細細隻，但充滿蠔汁，肉質爽脆；味道其實相當不錯，不過以這種大小的流浮山生蠔，加上只是街頭檔口，定價就偏高了。…查看更多

流浮山著名的是酥炸生蠔？於是坐下叫了幾碗豆腐花之後，又加多串酥炸生蠔。豆腐花，沒有說要冷的還是熱的，結果店員就假設你要熱的🤔，就像到茶餐廳叫奶茶，沒有說亦或冷，就假設你要熱的一樣。豆腐花不算滑溜，但是可能點熱的豆花，還算有點豆香。酥炸生蠔，其實在外面已經看到，它一早已經炸好的，已經放在盤上。炸生蠔只是一串有三隻，炸粉也不太薄。然而，外出埋單時，已經一早計算好，豆腐花＄10一碗，酥炸生蠔＄25一串，那麼三碗豆腐花加一串酥炸生蠔應該$10x3 + $25=＄55。但是，男子卻器宇軒昂的說＄60🤔😯。真有趣，原來，你坐在店內，看到餐牌上寫明酥炸生蠔是＄25一串，但是收費時卻說，新價錢是＄30一串，已經明確寫在門外的價錢牌，只是店內未將舊價改上😨😑。因此店方就按店內的價錢牌收費，合共＄60。公說公有理，婆說婆有理。假設我的店子擺出如此的烏龍🤷🏿‍♂️🤷🏿‍♀️，我就會跟顧客在餐廳裏面看到的餐牌收費😏。…查看更多

hea 遊流浮山，當然要吃碗豆腐花，我們好好彩呀，5點幾來到，叫到最後兩碗豆花 齋吃豆花太dry，見牆上寫著“炸油池”，我與友人都R哂頭，咩黎架？所以嗌左個黎試下，順便叫左串炸蠔。炸油池好似炸蘿蔔絲甘，裡面有白蘿蔔，紅蘿蔔，我自己唔係好啱，友人就話好好味啊！！炸蠔好好味，略微細隻左啲啲，$25有3隻，唔算平，但又未算貴，可一試。豆腐花我就覺得普普通通，同出面食既差不多吧。。。店內衛生就還可以了，哈哈！…查看更多

皇牌蜜餞合桃 $50/包大部份合桃我也不喜歡吃，唯獨是帶甜味的合桃能討得我的歡心。剛巧父親節當天，我們一家到流浮山吃海鮮，亦順道逛了他們出名的海鮮海味街一會兒。母親大人和嫲嫲都一心想買些海味回家，而我亦只是陪她們逛一逛然而，沒想過「泰興美食中心」有賣我心愛的蜜餞合桃，那當然我一定要買。一問之下，一次過買兩包就$100，單買會貴一點而且我又這麼愛吃甜味的合桃，所以我亦沒有多想便買了兩包回家。以$50一包來算，份量也頗多，合桃口感鬆脆，而每一粒合桃都沾滿了芝麻和沾上了薄薄的蜜糖，味道香甜富芝麻香之餘，亦富合桃本身的味道，口感和味道都十分出色，令我吃過不停!如果下次再有機會到流浮山，我一定會試試他們其他的出品如鹽焗腰果、蜜餞腰果、綠豆蓉老公餅等等。…查看更多

突然間好想食炸嘢，於是走去流浮山泰興！果度最出名炸油池！燒蠔我第一次食，等了20分鐘，要食好嘢當然要等，生嘅食唔食?100/4隻，有蠔汁，唔怕乾。其他炸物我覺得是失準了，粉漿有點厚。但由於新鮮炸，熱熱的，也不難入口.豆漿好味，豆花一般。銀菊露唔夠濃。下次再試過…查看更多

星期日放假無聊入到流浮山行過圈🌴☀️，無咩睇，反而見到呢間美食店排長龍🚶🏼‍♀️🚶🏼🚶🏼‍♀️🚶🏼🚶🏼‍♀️，就走過去睇睇，原來係新鮮即炸的炸油池（即係炸蘿蔔絲），平時喺出邊多數都係已經整定或者交嚟嘅，新鮮即叫即做就好少見👍🏻😌，見咁多人排隊都唔好執輸啦，派埋一份，叫咗兩個炸油池試吓，一咬落去滿口都係蘿蔔絲，無咩粉漿感覺，外脆內軟咁！意想不到地出奇地好食！👏🏻👍🏻😋😋😋極力推介！除咗炸油池外，其實仲有炸蝦、炸生蠔、豆腐花、但係價錢頗貴，沒有試。…查看更多

食完豆花同一串炸蠔, 2條友都仍然餓底咁見到這檔有粉麵又有炸物,我地又來第2 round.我點左豬扒麵, 再叫左串炸魚蛋同炸海蝦, 海蝦再翻炸, 但炸完都係偏油呀, 粉漿好油好厚, 不過蝦本身就係彈牙, 反而魚蛋我就覺得唔錯, 最低要求係唔會食到成口油先...叫做OK.再來既豬扒麵都算唔錯, 豬扒醃得入味.整體上炸物無雲姐炸得咁好, 不過坐位就比較舒服.地址: 流浮山正大街17號…查看更多

大家有幾耐無拖住爸爸媽媽去街？有幾耐無同佢哋去玩成日呢？我好好彩，得到一個最快樂的童年，全因有兩位(最愛玩的)幕後功臣，爸爸媽媽，常常係我嘅文章中出現的倆老，帶着我到處玩到處吃，行過不少山谷、看過不少博物館、走過不少漁人景致，到依家重回舊地時，都會記起細個嘅時候，同爸爸走過來一條小巷，比賽最快捉到媽咪時，我一下跌親，大門牙都甩咗，變咗無牙妹嘅事，當時嘅痛楚就已經唔記得，但爸爸一邊抱住我，另一邊，媽媽幫我用熱雞蛋按摩，去走膝頭哥瘀血，諗都好窩心。今日就同倆老離開市區，我哋搭巴士去到天水圍，再搭的士入到嚟流浮山，價錢大約三十蚊以下就到，目的係買金蠔，重回一下舊地，望廈山望吓海，走一走！假日嚟到，遊客都不少，行咗陣我哋為食一家人就到小食店休息一下，餐廳一邊係四人座位，一邊有幾張大圓枱，餐廳好似停留係剛開業嘅年度，無咩大改變，保留當時嘅味道，仲有小貓咪係餐廳游走，餐廳都幾寬敞坐得幾舒服。點咗炸蠔串、炸蘿蔔 (炸油池)，炸蕃薯流浮山其中最岀名係蠔田，如果搭車經過深圳灣公路大橋，就會見到近香港嘅海面上，會有一大片蠔田，好有小魚港嘅味道，炸蠔串算係最有特色！爸爸一次就點哂幾款小食，炸蠔串起有四大粒，新鮮熱辣但粉漿太厚，加啲鹽提聲味道。炸蘿蔔，有個新界前輩話呢個叫炸油池，故名思意係喺炸蘿蔔絲餅浮係油鑊嘅樣子，切開炸脆嘅表面，裏面一絲絲白蘿蔔，呢個係倆老小時候嘅小食，今次就可以回味一下，我就覺得調味咸咗啲，食細細啖就比返爸爸啦 人，在遇上挫折時，會放大事情，可能不停在怪責別人，負能量就不斷積聚，如果有別人幫一把，開解一下聽你嘅申訴，事情好快就過去，每日遇到的趣事比起這些，可能更根本不值一提。一件小事、幾句說話，都可能讓人感激你一輩子。當自己有困難時得到別人的幫助，我們會心存感激，同樣，當我們幫助了需要幫助的人，別人也感到同樣的體會。暖暖唔燙口嘅熱豆腐花，加上蔗糖係秋冬乾燥天氣食更加滋潤，豆味幾香好滑溜，習慣先吃一啖唔加糖嘅，試清豆香，再加蔗糖上面，糖會因為水份變成深黃色，再食每一啖豆腐花就會有啲脆口感覺，細嗰就會係咁加好多糖，其實係為食糖多過食豆腐花，哈哈流浮山原址位於天水圍以西，廈村以北的一座小山丘。但後來主要代表其西面數條鄉村較旺盛的地方。流浮山以其出產的海鮮聞名，尤其是蠔。因為該處位於后海灣畔，臨近珠江口，有淡水流入，所以適合養蠔。食完小食，我哋行到近海邊，有間十妹姐賣海味嘅，今次嚟就係要買生曬金蠔，每隻都好肥滿，買返屋企放係急凍櫃就可以，食嘅時候洗一洗乾淨，落少少油，細火煎香就可以！陪家人嘅時間，係自己可以定，唔好係機會流走嘅時候先學識孝順父母喔！平均消費$ 33/位，3位，3件炸蠔串＋2件炸蘿蔔＋2件炸蕃薯＋3碗豆腐花泰興美食中心 Tai Hing Restaurant星期一至五:05:00-12:00; 星期六至日:05:00-17:00流浮山正大街17號Tel: 2472 3439…查看更多

入黎流浮山走走，比香味吸引左過黎，原來係整緊蛋卷。見阿伯好熟手，整幾下就一條蛋卷，旁邊位阿姐幫手入盒，佢話啲蛋卷全部都係新鮮做嘅，試食左半條又真係唔錯，賣返兩盒先。蛋卷同肉鬆鳳凰卷，同樣廿五蚊一盒。蛋卷一盒六條，簡單包裝。一打開個包裝袋即刻聞到好香蛋味，鬆脆得黎唔會好乾口，真係好好食，一個人食哂六條唸唸脷。鳳凰卷一盒有十條，上層橫放六條較短身嘅，下層四條長但較薄身。第日開埋盒鳳凰卷，打開都有蛋香但無蛋卷咁勁。包左芝麻，肉鬆，紫菜，咸咸甜甜都幾好味，不過個人鐘意蛋卷多啲。廿五蚊一盒都有點少貴，不過好好味都值啦。…查看更多

弟婦今日去了流浮山，買了三款以膠盒盛載的地道小食回來， 與家人分享。據聞，三包五十大元。芝麻花生軟糖一盒10粒，軟糖包著花生，外層沾著白芝麻，一粒有三種不同的口感。咬下，軟糖甜膩且粘牙，花生和白芝麻也未算十分香脆，然層次頗為豐富。自製柚皮乃弟婦的最愛，賣相似芒果或蕃薯乾，乃糖醃乾果皮也。咬下軟腍且甜膩膩的，絲毫沒有柚子的清香味兒。香蕉糕煙韌富嚼勁，然香精下得頗重手。吃罷半條，喉嚨己不太舒服也。…查看更多

二月中旬‧陰陰涼在西貢的海鮮局剛完，又來流浮山，找友好看看情況，積極考慮下個月又在這邊搞個海鮮局。坐了個多小時巴士，下車都暈暈地，就在村口這邊買支飲品飲下。要了蔗水，幾清甜，夠涼，喝起來特別爽。拿住邊喝邊看九蝦，感覺是無咁「混吉」 ~ 至少我比左九蚊幫襯，有少少誠意的。…查看更多