泰禾美

營業中

休息中

無book 位嘅情況下，係九龍城隨意地去了這間泰禾味餐廳，特別想食明爐魚點了三個菜：1. 明爐烏頭魚明爐上有很多香料，南薑、香茅、蒜頭、香葉、辣椒 、香芹⋯⋯再加上豬肉碎，另加一大碗湯汁賣相很不錯但因初初因店員忘了給泰式汁，味道覺得偏淡，爭咁啲，後來問店員要了醬汁，點上醬汁後即刻好味好多2. 串燒（鷄腎、雞軟骨、牛肉、墨魚丸）有驚喜，好好味😋上菜時是熱的，少少焦香，調味不錯，很惹味👍🏻3. 椰菜花炒豬肉掛住食，唔記得咗影相，辣辣哋，都幾好味會想再試其他菜式

閒日夜晚冇book位就嚟食，好彩唔洗等就有位！我揀咗菠蘿沙冰有菠蘿絲豬肉碎生菜包：肉碎好味，小小辣，生菜都好乾淨最後食到唔夠生菜泰式炒通菜：原來係用麵豉炒，由底有汁嗰啲食會好食啲馬拉盞炒椰菜苗：馬拉盞炒菜係冇得輸椰菜苗都好好食，唔苦生蝦刺身：新鮮個醬辣辣地幾好食！炸蝦餅：似新鮮炸起，好脆沙嗲串燒：嗌咗豬，牛，雞，墨丸，牛丸雞肉串燒最好食！牛丸比想像中細粒，但又真係有牛味，好味其他都正常發揮黃咖喱雞配薄餅：咖喱有啲重椰味，我唔係好啱雞肉都多，而且幾大條～薄餅超好食！勁脆！點咗咖喱食都仲脆最後叫咗芒果糯米飯嚟幫朋友慶祝生日（自備生日牌）芒果夠甜，但啲飯唔夠黏，裡面有少少粒粒分明嘅感覺不過其中一個朋友反而鍾意呢個口感整體嚟講嘢食都好味，而且仲幾抵食！侍應服務都幾好，叫佢地都好快有人應～雖然環境座位未必係超級舒服，但係都可以接受嘅我地走嗰陣出面有好多人等緊位冇揀錯呀

次次同老公去九龍城食泰菜都必會去呢間貪佢既質素穩定 而且價錢合理今次就帶埋屋企一齊過黎幫襯生蝦 次次黎必食價錢算平 $58 有5 隻有時同老公兩個人黎 我都係自己食晒一碟印象中好似以前再大隻d 椰汁雞湯飲落口酸酸辣辣 有d 似唔辣版既冬陰公好香香料味 雞肉份量多 飲完好開胃咖哩雞肉甜味比較重 無乜辣味配薄餅食都唔錯呢款幾次黎想食都賣晒今次終於試到蠔身偏細小小 唔係好大舊肉加埋d 香料咁食又幾特別串燒唔需要多講燒到岩岩好 肉質仲保持到嫰滑又係必食既一款一定要點多d 個醬 靈魂係個醬度泰式軟蓋蟹配料炒得好香 而且軟蓋蟹走油走得夠乾身泰式無骨鳳爪D 汁夠辣 唔食得辣既朋友仔要小心鳳爪爽口

九龍城有好多泰國菜餐廳，每次嚟到九龍城都必定會食泰國菜，今次嚟到泰禾美。點咗泰式生蝦、炒椰菜苗、豬頸肉生菜包、燒鰂魚、炒金邊粉同埋椰青。泰式生蝦夠新鮮，夠厚肉，配上蒜片同埋辣椒，點埋酸汁，正！炒椰菜苗同豬頸肉都炒得好夠鑊氣，用生菜包起豬頸肉冇咁滯，燒鰂魚燒得好滑，金邊粉酸酸甜甜，好食！最緊要係所有食物都冒住煙咁上菜，熱辣辣，點會唔好食！最後飲埋椰青，刮埋椰肉出黎食，椰肉夠厚，食到好滿足，疫情期間去唔到泰國都可以黎九龍城回味一下！

利申本人與老闆員工完全不認識 無傾計😂不過只係我幫幫襯好多年 由細舖食到佢搬大舖以前我生蝦更大隻 依家係有d縮左水不過其他食物質素都keep到 推薦大家一定要食燒生牛肉 真係超好食同埋我每次去都會食生菜包 炒粉絲 都好好味👍🏻👍🏻

九龍城不嬲都係好出名食泰國，呢間開咗都好多年。勝在價錢夠平民而且每一樣野都整得好食！四個人嚟食都叫左幾樣野試，有串燒，pad thai，蒜蓉炒菜，生菜包，炸蝦丸。整體來講每一樣都好出色！先講佢個串燒，個味好夠之後點埋個醬真係一流👍🏻 Pad Thai炒得好入味，亦唔算好濕，超級開胃！蒜蓉炒菜就冇乜特別，但係都係好食嘅😋生菜包全部清晒，最後係個炸蝦丸。我鍾意食香口野所以必定會叫！成餐飯完全冇令人失望！四個人每人都係百幾蚊，好抵食！

幾年前食過一次，印象中好好食，今日又路過，諗住回味下點知擴張左既泰禾味真係唔係好得！先講，我足足等左10分鐘先有人落單，40 分鐘先有嘢食！泰式拼盤 $78 2件蝦餅，2條春卷，2串串燒加2隻串燒雞翼 $26 蝦有鯹味，香卷無特別，好細條，串燒可以用凍來形容因為佢要拎過對面舖，來到既時候d 嘢食已經唔熱！柚子蝦球沙律，得3隻細同埋拿到無味既蝦，不過d 柚子都ok 既$78黃咖喱豬肉 $98， 普通一碟肉片；個汁好甜一堆甜既黃色椰汁咁薄餅 $28 相對正常，雖然得幾件唯一可取既係泰國姐姐好好好好好好態度，否則$308 食d 咁既嘢食真係，唉

泰禾美 真係由細食到大由中學年代食到而加做左幾年野啦🥰不論一班人聚會，還是同男朋友撐枱腳。如果去到九龍城食泰國野，都好大機會食返呢間😹最主要原因係因為「平」「靚」「正」我地兩個人，叫左4樣野2個大椰皇，埋單都係二百幾蚊，其實真係好抵食黎到食泰國野，更係想食下燒串燒啦兩隻泰式燒雞全翼😛同男朋友一人一隻，其實好抵食 只係$13一隻炸西蘭花炒雞肉其實份量唔錯🙌🏻 炒得幾好味。唔會太咸/太淡。果然咁多年黎都保持到水準菠蘿炒飯份量都算多，初頭仲以為成個菠蘿形狀送上，原來已經炒埋一碟。呢點令我有點期望落差 哈哈男朋友仔最中龍食既生菜包，每次食都係咁好食，材料足，原塊生菜都唔會融融爛爛最後，其實餐廳有好多野飲選擇，不過兜兜轉轉，最令我難忘的都是椰皇。特別在而加天氣咁熱，一人一舊椰皇係最最最爽皮的。溫馨提示，椰皇都係泰國製架👍🏻👍🏻記得食埋啲果肉。

收工同同事好想食泰菜 印象中好似得依間開到凌晨 所以收得夜都唔驚🤣六個人食左千幾蚊😝⭕️青木瓜沙律🌟⭕️炸蝦餅🌟⭕️燒豬頸肉🌟⭕️青炒椰菜苗⭕️冬陰功⭕️沙爹串燒 (最少四串)👉雖然沙爹醬無咩味 但係d串燒燒得唔錯 d肉質新鮮 ⭕️紅咖哩(海鮮)👉紅咖哩整得唔錯 好入味 但係個炸軟殼蟹唔係好得 好鹹 攘埋d咖喱汁更加鹹 而且肉質瘦削- - - - - - - - - - - - - - - - - - - - - - - - - - - - - - - - - - - - -❌生菜包👉無咩味咁 好好好普通❌薄餅(8件)/蒜蓉包(6件)👉薄餅普通 蒜蓉包好鹹🤣攘埋d咖喱汁更加鹹❌泰式黃咖喱雞👉唔夠香 因為唔辣 所以相比紅咖喱就遜色d❌泰式清湯河(牛肉)👉湯無咩味 味精feel 食湯河唔需要來依度食🤣不過d牛肉唔錯❌菠蘿炒飯👉飯好乾 入面總要有最討厭既三色豆🤣==============================⚠️🌟表示個人認為必食⚠️開到凌晨同埋比起其他泰菜平d係最大優點⚠️有無d軟殼蟹炸到好出色而d咖喱汁又唔錯既泰國餐廳介紹🤔

今次係第一次黎食呢一間泰國餐廳，好有驚喜，價錢又非常經濟實惠我地總共五個人，試左好多唔同既菜式，我想講每樣都好好食，我係一定會再黎再黎再黎我地叫左梛青飲，軟殼蟹、菠蘿炒飯、咖喱配薄餅、蒜蓉包、明爐魚烏頭鍋、炸蝦餅、雞翼、炒通菜我真心勁推介佢地個明爐魚烏頭鍋、雞翼同個蒜蓉包個明爐魚烏頭個sauce好正，辣度調較得啱啱好，唔係好食得辣既我都完全接受到🥰🥰d魚肉仲好滑，好入味❤️另外個雞翼同蒜蓉包都熱辣辣，好香口，勁好食，一定要叫丫！中意食雞翼既朋友，真係唔好錯過

朋友介紹話呢間泰國野唔錯所以就會試一試佢😋😋九龍城呢個地方本人就覺得揸車就最方便既，搭車過黎就麻煩少少啦😣生菜包-味道酸酸地好好食👍🏻夾埋生菜一齊根本就係正😋😋好開胃👍🏻加少少辣我諗會更好食😋泰式串燒4串起，所以我地就叫左雞，牛，墨魚丸，雞軟骨，除左牛肉外其他都唔錯👍🏻但個沙嗲醬就唔太似沙嗲醬😂😂但都唔差既😋燒牛肉-呢位必叫，肉好有牛味，好好食黃咖喱蟶子，本人覺得蟶子同咖哩唔太夾所以覺得麻麻地🤣🤣但個咖哩唔唔會辣係偏甜既，味道都唔錯👍🏻👍🏻蒜蓉包-個包好脆夠蒜蓉味都好好食👍🏻但都一定一定要點埋咖哩食，別有一番風味👍🏻👍🏻另外叫左龍眼冰都值得叫既

今天與老友相聚吃飯，朋友提出想吃泰國菜，我便帶他來到九龍城，這裡一向出名多泰國餐廳，我們挑選了泰禾美，因我之前也有光顧過，食物質素著實不錯，而且是由泰國人親自下廚，不會偏於泰式又不會過於港式，拿捏恰好，適合大眾口味，所以便在此晚餐。青木瓜沙律青木瓜新鮮爽口，蔬菜鮮甜脆口，醬汁調較惹味，味道酸酸辣辣，十分開胃。泰式酸辣鳳爪配合其他蔬菜一起炒，香料味突出，鳳爪肥美惹味，味道酸中帶甜，爽口彈牙，開胃可口，而且細心地去除鳳爪骨，更方便進食。炸蝦餅每碟有十塊，份量充足，色澤炸至金黃，入口外脆內軟，彈口足料，帶有蝦味，配上附有的醬汁，更添美味。泰式燒鰂魚先用粗鹽均勻塗滿魚皮表面，再加入香茅塞進魚身之中醃製，然後用鹽燒的方式製作，魚皮帶燶，但魚肉燒得恰好，入口乾身，鮮味嫩滑，沒有絲毫腥味。泰式檸檬燒牛肉燒製時間拿捏恰好，不會過韌，仍帶有少許血色，色澤呈現粉紅，入口肉質鬆軟，牛味濃郁，加入檸檬汁使牛肉完全沒有羶味。鹹魚炒芥蘭芥蘭碧綠新鮮，鑊氣十足，鹹味適中，味道偏向酸酸甜甜帶辣味，入口爽脆鮮美，清甜可口，帶有淡淡的鹹魚香。泰式炒粉絲加入蛋碎以及肉碎與粉絲一起炒，味道富有泰式香料味，粉絲煙韌彈牙，爽口入

星期六本來想去泰皇閣食飯,但門口好多人等位，之後去咗太太之前同同事食過泰禾美食，價錢比之前食過嘅泰國菜平好多，又好食， 第一次食泰式蝦醬炒飯好好好味😋，下次再去食過。

九龍城就最多泰國嘢，之前男朋友同朋友識開話幾好食，所以就特登嚟九龍城試吓呢間餐廳。🤓🤓❤️餐廳位置喺麥當勞對面，都幾方便一落小巴就到！餐廳佔咗兩個鋪位，位置都算多又寬敞，環境乾淨。張枱係木製，平時最驚見到啲枱油淋淋，泰禾美啲枱十分乾淨，又夠大，叫多啲餸都唔驚擺唔晒🤣🤣夜晚七點去到，枱都滿左九成，都見到唔少係一群人一齊聚餐！餐廳環境採用黃色燈，十分溫馨！餐牌都係一啲比較基本同埋經典嘅泰國菜式，炒飯、炒粉、咖喱、串燒、甜品、飲品都有！菜式都好齊全👍🏻👍🏻咁我哋當然都點左唔少經典泰國菜式啦❤️芒果冰沙 呢度已經係飲咗一啖㗎喇，佢嚟到嗰陣真係好滿！！🤩🤩俾足料！芒果味都好足，好解熱，啱啱坐低熱辣辣飲一啖即刻舒服晒❤️青咖喱雞食泰國嘢點少得咖喱，呢度啲咖喱有好多配搭。有紅咖喱、黃咖喱、青咖喱，之後再揀主菜，有得揀雞、豬、牛、海鮮。今次就揀咗青咖喱，微辣，青咖喱就主打係香味濃， 因為自己唔係食得太辣，所以青咖喱個辣到就啱啱好！🤤🤤我哋仲帶咗薄餅配青咖喱，都幾正呀❤️燒雞全翼正常嘅燒雞翼， 見到菜單有口痕想食，所以就叫，13蚊一隻，正正常常啦！❤️炒金邊粉主食就叫咗炒金邊粉，十分足料，啲蝦超大隻，一碟都差唔多

宵夜時間來左九龍城食泰國餐，叫左幾個必食泰餐，味道好味無異議，因為都係自己鍾意食的菜式。第一個泰式生蝦，生蝦都係新鮮的，好好味好彈牙，👍🏻👍🏻👍🏻👍🏻第二個係豬肉生菜包，我都係鍾意食豬肉的生菜包，一樣係好好味👍🏻👍🏻👍🏻👍🏻第三係泰式酸辣鳳爪，呢個有點偏辣，但味道是不錯的，吃得辣的可以點👍🏻👍🏻👍🏻👍🏻呢度仲有新鮮椰青同泰國象啤，傳統泰國菜必點飲品，係好味的👍🏻👍🏻👍🏻👍🏻👍🏻