泰然 (長發廣場)

營業中

休息中

這個商場有免費停車優惠，但需要取得足夠消費金額的單據，才能享有免費停車的優惠。商場應該屬於領展管理，比較差，商場內的佈局比較混亂，有需要經過樓梯上落，當然有無障礙通道，但是不方便，這是領展的一貫表現。餐廳屬於泰國菜餐廳，裝修有點舊，但是氣氛不差，感覺乾淨，間隔寬敞。再次幫襯，上一次食物出品正常，中上的感覺， 不過咖啡的質素差。今次轉吃午餐，點了泰式海鮮金邊粉，廚師今次極度失準，金邊粉的酸味過酸了。海鮮的口感，肉質霉，金邊粉弄得那麼酸，是不是打算掩蓋海鮮肉質的問題？海鮮有蝦、魷魚、蜆肉等等。提一提，今次的咖啡非常差，有少許燶味，但無香味，一杯無咖啡香味的咖啡，其他的已經不用說了。

之前睇Ig成日睇到青衣有間食泰國菜 抵食又好味 今次咁啱喺嗰頭就去試下✨✨估唔到原來係喺屋邨商場入面 但望落去都幾多人食 菜式裝修都唔錯 都有泰國風情 仲要好多吧檯🙌🏻午市套餐menu都好吸引同埋都唔貴嗌咗最期待嘅軟殼蟹咖喱麵包🦀望落去好大份 點知去到最後我哋都真係食唔晒😂三至四個人食就會啱啱好👍🏻咖喱係偏甜嘅 雖然可能會有少少漏 但真係必嗌 因為不論係配麵包定係飯都好夾！之後有一個蟹肉炒飯同埋椰青蜆湯🥥炒飯好有鑊氣 鹹度到又啱啱好 仲有魚露一齊配椰青蜆湯好清甜 本身諗住主要食蜆 但係其實佢個湯底都好清新！真係會有椰子味！都好解膩㗎泰式酸辣鳳爪 酸得啱啱好 每次食到飽飽地再食一舊鳳爪就可以再嚟過😂馬拉盞炒通菜有蒜蓉同飛天揀 本身諗住馬拉盞好似特色一啲 無諗過咁唔錯！有蝦膏味又唔會太鹹 好推薦！芒果糯米飯🥭糯米好香 不過偏淋 會有椰漿配住食 芒果再配糯米飯一齊食真係好襯 都係好推薦要嗌嚟食！飲品方面叫咗杯椰汁冰同珍多冰🧉🧊兩杯都好好飲！椰汁冰好重椰味 口感有微微厚 唔會太稀都唔會過厚 一開頭就上咗呢杯先 菜都未上齊已經飲晒咁濟了 珍多冰就無咁驚艷 但都好過平時出面泰國餐廳嘅~整體都好推薦

青衣屋村商場都有好味泰國菜食泰然位於長發商場地下卡位同採取既顏色都令人放鬆餐牌上有好多食物照片，同實物一樣絕對唔係只供參考除左主餐牌，仲有二四六人餐，十分抵食我叫左5款我既心頭好第一款馬拉盞炒椰菜苗$78鹹香惹味😋好多蝦米仔🦐第二款青咖哩雞$108🐣加左茄子同豆角🍆椰汁味香青咖喱少少辣雞肉好嫰滑，沒有骨第三款印度薄餅$32🫓用黎點青咖哩汁食好酥脆夠晒乾身第四款玫瑰椰汁糕$38🌷打卡好靚做法同椰汁糕一樣，只係用左玫瑰花模具甜味岩岩好好適合做飯後甜品第五款椰青 $36大大個椰青水好多椰肉好易食到好新鮮上菜快，齊菜

6月3號，係青衣長發泰然食到有頭髮，中年男經理仲要好理所當然！我見你哋喺，抖音，小红書，大众点评Open rice 都搵咗好多人你寫你哋餐廳幾咁好，想做內地人生意，你哋餐廳肯用錢去寫，點解自己唔搵人去改善一下自己的服務態度同食物呢，預期搵人寫自己餐廳有幾咁好自己餐廳嘅服務又差仲要係你哋自己經理，重要係餐廳經理！長發商場KFC左邊嗰間叫泰然嘅泰國菜經理口口聲聲好大聲重複咗幾次話每個星期都會遇到呢啲問題！當向佢哋餐廳經理投訴後，餐廳經理還採用無視的態度，話歡迎我地去食環署投訴，仲叫我地企埋一邊唔好阻住佢地做生意，小學雞咁樣，一秒前都仲話係用黑毛豬當我錄音就唔敢講。你呢個留言喺OpenRice要等大家知道有幾咁恐怖服務態度。都唔好食尤其是係芒果糯米飯真係呢埋眼自己喺屋企做都俾你做得好城嗰啲糯米飯真係超級黐立立完全一舊好似個糭咁樣。米完完全全主過晒龍！行多幾步去青衣城或者喺個街市食泰國嘢仲好食過你呢間！態度都好過你哋 ！重點係你哋自己經理都話每禮拜都會有毛！即係頭髮啦

呢間泰國菜真係要大推，完全諗唔到諗住求其食餐dinner，會搵到間咁高質嘅泰國菜😂😂如果係同朋友黎食建議嗌呢個$298嘅2人餐，原價要$188嘅咖喱麵包軟殼蟹🦀️，呢個2人餐都可以食到！真係好抵食又高質！🥹-2人餐 $298焗黃咖喱麵包軟殼蟹🦀️哇哇哇！呢個真係好癲，勁滂湃🤩好大個正方形嘅Toast，裡面索曬d濃厚咖哩汁，好邪惡😈個咖哩好濃好濃，有d甜甜地嘅椰汁香，好有層次，所以食落唔會厭🤪軟殼蟹大大舊熱辣辣，炸到好脆！真係大大大推呢個🙈-沙嗲串燒 🍢 半打有3串豬肉3串雞肉，雞肉嫩，豬肉大大舊有口感，點串燒嘅沙爹汁係重點，有粒粒花生粒，香濃惹味😋-肉碎生菜包🥬佢係一個above average嘅生菜包，肉碎香料味夠而且酸酸辣辣好開胃，裡面溝埋少少肥肉令到食落更加香呀🤤-生蝦半打🦐 (+$68)出面食6隻生蝦都要100蚊鬆d，仲要呢個擺盤好精緻，每隻蝦都用酸辣汁浸住，令到個蝦好入味！🤪-西瓜芝士沙冰 (+$18)上面係芝士奶蓋，底係清甜嘅西瓜汁🍉

平時比較少嚟呢邊，而且通常會去九龍城食泰國嘢，今次食呢間餐廳環境闊落坐得舒服之餘味道同份量亦都好好👍🏻另外上菜非常快手！見到有好多家庭嚟食🍽有機會絕對會再黎食🥰✨馬拉盞通菜 $68馬拉盞通菜比較濕身，有類似炸蒜嘅脆迷喺表面，增加整體口感🫦另外調味料用得好豐富，炒得好惹味，整體味道好有層次✨✨鮮蝦金邊粉 $78金邊粉偏濕身，麵質比較有咬口，偏硬，唔錯👀另外用料好豐富，海鮮方面有蝦、蜆、青口、魷魚粒，食落淡淡海鮮！🦐🐙✨肉碎生菜包 $88肉碎偏辣，另外有啲香菜同香葉等，用料紮實😋份量岩岩好💯生菜🥬亦都好足，唔會有話太多肉太少菜包唔晒嘅情況✨泰式生蝦6隻 $88整體食物都好滿意，但最最最好食嘅一定係生蝦❤️分別用兩隻醬調味，有蒜片喺面癖腥，泰式辣醬好入味，酸辣醬就比較辣，兩樣都夠味，食材方面蝦好新鮮，唔會有臭海水味🥵大推！✨青檸梳打 $26用泰象梳打水👀🫶🏻糖漿唔會過多！甜度啱啱好✨椰青 $36椰青原個上，好鮮甜冇加水😋💦另外椰子肉好嫩滑✨💯✨值得一提嘅係佢有午餐下午茶同埋晚餐嘅套餐供應✨👀一家人食一流！

已是第3次來用餐，今次好食到唔寫野唔得。今日母親節飯局，當然是選自己鐘意食的，而我首選當然是泰式生蝦刺身；他們是一Shot Shot 上，用紅綠汁相間，是有點辣，但這才配襯出生蝦刺身的鮮味。而第2個我會必點就是海鮮冬陰公，用一個金鍋呈上，打咭真是一流，更甚的是用料十足，海鮮與湯一樣多，所以近乎可以一啖海鮮一啖湯。近期仲有火山骨，之前每次去曼谷夜市，總會吃一次；不過這裡火山骨不同之處，是他加入醋調味（我估），這麽大的份量，加入醋的點綴，頓時變得冇咁油膩，而骨上滿了我最愛的蔥蒜，所以更飽都會食返一兩條。今日叫了滿檯的菜色，仲有不同的特飲，最後埋單只是千幾蚊，性價比真是高的一餐。

📍#青衣 #泰然#羊羊在青衣#羊羊在新界早排想去青衣戲棚，順便試吓呢間想試好耐嘅餐廳🍴結果都冇失望，雖然餐廳好茶記feel，味道都偏港風，但勝在味精唔太重、性價比高😉👍🐑二人套餐 $298無論係二四六人餐，都只可以係A區叫一款，感覺六個人食，好似叫兩個二人餐抵啲😂🦀焗黃咖喱軟殼蟹麵包好吸引阿，大大舊包上面加埋兩隻中型軟殼蟹，就咁叫都值🤑麵包有烘過，所以要趁熱食仲脆卜卜😁咖喱偏甜重椰香，點麵包撈飯食一絕🥹🐚泰式經典明爐大蜆煲呢間真係吸睛度高，原個煲仔上，好打卡📸不過雖然係大蜆大殼，但係厚殼細肉，有啲仲空嘅🫠入面都有非常少量粉絲，仲有好多肉碎，當湯飲ok👌🏻🐓去骨海南雞(半隻)份量ok，睇落幾滑😙食落都真係幾滑，雞味都重😜可惜有啲雞毛仲係到，外觀上有啲唔太好🥺🦐泰式生蝦(6隻) $68入面原來有分兩隻醬，紅色就辣啲惹味啲，綠色就青醬香口啲😗蝦肉唔霉，食落都叫結實，配啲醬食都唔錯☺️🍚蟹肉炒飯 $62估唔到幾有鑊氣，真係似酒樓食咁，有驚喜🤩蟹肉得舖係面個啲，但炒飯齋食都掂😏不過有個位搞笑係單叫要$88，全日套餐連飲品先$62，問咗職員話係冇分別😊總價錢－$428(冇加一🥹)評分－回頭草指數（🍀

#抵食泰式二人餐🍹🍹🍹🍹🍹🍹🍹🍹🍹🍹二人套餐$298 ！😍有三款菜、兩杯特飲半價，平日仲免加一架招牌焗黃咖喱麵包軟殼蟹！大大份😍😍上邊係軟殼蟹，食落脆身🦀而黃咖喱味道偏甜，撈上麵包一流炭燒豬頸肉幾正！又多肉汁，食落好香口！另外叫咗個馬拉盞炒通菜，爽口通菜夠惹味冬陰功海鮮湯以$78加配，蕃茄味較重，唔算好辣～另外$68半打生蝦！蝦肉夠彈牙🍹🍹🍹🍹🍹🍹🍹🍹🍹🍹#dokdoksoda青衣泰然📍 青衣担杆山路6號長發廣場地下114B號舖

咖哩牛腩飯🍚 💰62 轉薄餅+💰4 ❤️‍🔥8.5/10分超香咖哩味，同椰奶嘅比例啱啱好🫶🏻薄餅皮脆內韌，好香牛油味，好食🤩美中不足係得五嚿牛腩，份量偏少🥲椰青🥥 跟餐 💰20 ❤️‍🔥10/10分好香椰子味，依個價勁抵飲✨️蟹肉炒飯 配雞翼&奶茶凍🍮 💰86 ❤️‍🔥3/10分成個飯都無乜味，蟹肉都係，結果我要用啲咖哩嚟撈飯先食得落🫠雞翼幾燶下，奶茶凍味道勁怪，無奶茶味，仲膠膠地咁，感覺雪咗好耐🥹芒果芝士沙冰🥭 跟餐 💰12 ❤️‍🔥3/10分勁甜，越飲越口渴，落咗勁多芒果漿咁🫠芒果糯米飯 💰58 ❤️‍🔥6/10分椰漿應該溝稀咗，要落好多先得，其他無特別〰️⚜️埋單 兩人食 要加一 💰266⚜️整體性價比 6.5/10分

專程為左食個咖哩麵包軟殼蟹而來，雖然餐廳位於屋村商場，但環境裝修舒適，平日晚上來，也不用排隊。食物方面，叫左個二人餐，加配一份冬陰公湯。原本落單叫咖哩麵包軟殼蟹、蟹肉炒飯同埋小食拼盤。侍應好好提醒麵包再加炒飯可能食唔唒。所以轉左個豬頸肉，而佢最尾都係好啱嘅，因為個麵包真係好飽肚。個咖哩麵包軟殼蟹嘅麵包底係烘過外皮係脆嘅，而咖哩加左蛋，令佢好易痴上麵包到。咖哩本身唔辣，香濃泰式咖哩味道，軟殼蟹雖然唔係好脆，但加埋個汁同麵包一齊食係好好嘅配搭。而食哩個蟹真係比想像中飽。至於豬頸肉同小食拼盤不過不失，係大家去泰國餐廳預期嘅味道。冬蔭公湯好足料，有有膏嘅大頭蝦，好濃味。初初飲落唔辣，但係有後勁，怕辣嘅人應該會覺得都幾辣。不過個湯係好香濃嘅，口味較重。飲品方面(冇圖)，叫左一杯芝士奶蓋紅肉火龍果沙冰，杯沙冰好香火龍果味，唔係用糖漿打出嚟嘅。不過配上成個二人餐嘅菜式都係飽肚野，個芝士奶蓋就飽上加飽。雖然杯沙冰好味，不過建議食咖哩麵包軟殼蟹同冬蔭公湯就叫相對清淡開胃嘅飲品會較好。埋單400有找，比起其他泰國菜算偏平，但個肚就好滿。屋邨價錢，優良質素，侍應有禮貌，值得再食。

今日約咗人去迪士尼，打算夜晚留低睇煙花，於是喺附近搵午餐食飽飽先入去🥰青衣城行8分鐘左右有間泰國嘢都想試吓，於是就去咗食泰國嘢🥰個餐牌都幾多嘢揀，其實佢仲有午市套餐。我哋兩個人叫咗生蝦，佢兩款汁都係辣嘅，出奇地竟然係綠色辣過紅色，隻蝦好爽口，配埋酸酸辣辣嘅汁好開胃。一向都好鍾意食軟殼蟹，所以叫咗個咖喱軟殼蟹。佢個咖喱係唔辣嘅，個麵包係一個土司咁大嘅份量，兩個人都食唔曬。軟殼蟹好足料，加埋有兩隻蟹。仲叫咗最鍾意食嘅泰式豬頸肉，佢豬頸肉燒得好香，加埋個汁啱啱好。因為同行嘅朋友好鍾意食海鮮，於是一定要嗌呢個大蜆煲。啲大蜆係冇沙既，而且仲有粉絲，好有驚喜。食泰國嘢點少得嘢飲，本來想飲奶蓋紅火龍果，點知賣晒，唯有轉飲奶蓋芒果。個芒果味就普通咗啲。

泰然好味指數:😋😋😋😋價錢:💰 💰 💰 💰💰$389二人餐 $298🥢招牌焗黃咖喱麵包軟殼蟹 原個吐司裝住一整隻軟殼蟹，份量非常大份，好啱打卡！麵包偏向軟熟，不過蟹肉本身無咩調味，上枱即刻食已經腍左少少。而咖哩係偏甜，椰汁味較重，有少少辣，所以唔食得辣嘅大家都可以試下。🥢泰式經典明爐大蜆煲酸酸辣辣好開胃，蜆嘅數量冇Hea你，大大隻，而且食落有鮮味，冇沙。另外入面仲配有粉絲、肉碎，非常惹味。小編認為呢個必推👍🏽🥢馬拉盞肉碎炒通菜味道熟正常，油水均勻，份量足夠3-4人食，面頭有炸蒜，食落口感豐富不油膩。🥢冬蔭肉碎海鮮湯配泰式媽媽麵$66(全日供應套餐)開頭以為套餐配麵的話就會好淡/無咩餸，點知原來相反，麵質偏腍，湯底同平日嘅冬蔭公湯差不多，會愈飲愈辣，所以唔食得辣嘅朋友仔記得要少辣⚠️芒果芝士沙冰 +$12泰式奶茶 +$13

時不時就會想食泰菜，不過青衣呢頭食物選擇本身已經唔多，如果泰菜嘅選擇就更加少，青衣城嘅泰菜餐廳都已經食過唔少次，見呢間餐廳有唔少好評，今日就行遠少少去長發村嗰邊揾食~ 估唔到係平日嘅夜晚七點幾，餐廳都幾多客，我諗味道應該唔錯~ 有樣嘢令我好驚喜嘅係，呢度居然有火山排骨，自從之前去泰國夜市食完之後就念念不忘，酸酸辣辣又啖啖肉好啱我口味最開心嘅係，二人餐都可以叫火山排骨，我地一行二人二話不説就揀咗火山排骨，明爐大蜆煲同蟹肉炒飯(太肚餓唔記得影低)呢度上菜神速，落咗單唔夠5分鐘已經嚟齊晒所有嘢，抵讚~ 食物方面，呢度嘅火山排骨用乾冰上，打咭效果一流，味道亦一啲都唔輸蝕俾泰國~ 可能為咗配合香港人嘅口味，我哋雖然冇特別叫小辣，但係辣度明顯比泰國食嘅低，酸度就差不多，整體同泰國食到嘅十分相似，仲冇咁辣添，我覺得好正~ 明爐大蜆煲嘅蜆肉食落好新鮮，調味主要係酸酸鹹鹹加上微辣，非常惹味，送飯一流~ 蟹肉炒飯份量十足，飯粒炒得粒粒分明夠乾身~ 總括嚟講呢間泰菜食物選擇多同埋味道不俗，亦都比青衣城嘅餐廳抵食，住附近嘅街坊不妨一試

除咗青衣城之外，長發廣場都有一間性價比高嘅泰國餐廳，環境寬敞乾淨，夜少少就已經好多人排隊。 二人餐 $298 青咖喱牛肋骨牛肋骨份量好多，撈埋青咖喱好入味，而且青咖喱好濃好香，但咖喱份量較少 碳燒豬頸肉豬頸肉好淋好好食，配埋個汁好夾，都算大份，好惹味～招牌蟹肉炒飯個人最鍾意呢個炒飯，蟹肉份量好多，幾乎每啖都食到蟹肉，炒飯粒粒分明，好香口冬陰功海鮮湯 $78冬陰功份量好足，而且有兩隻大蝦，好鮮甜，湯下面有個火令到冬陰功keep住幾時飲都熱辣辣！