泰灜

營業中

休息中

家住九龍城，經常吃泰國菜，今晚想衝出九龍城，便來到佐敦覓食。泰式生蝦刺身六隻$108，用鮮艷顏色的器皿承載着的生蝦肉質爽口彈牙，好看又好吃，加上自製的生蝦辣汁，酸酸辣辣，非常開胃，是這裏招牌之一。😋😋😋😋😋平民鹽焗魚$198 ，當日是鯽魚，廚師用粗鹽包裹着鯽魚，保持魚肉的鮮味，又可以增加魚肉的味道，加上魚肚內的泰式香料十足，這個燒魚是必點的招牌之一。如果想味道層次多一點，可以加些帶點話梅味的海鮮辣汁，增加層次感。由於即點即制，需時大約30分鐘，不過都係值得的。😋😋😋😋😋泰式生菜包豬肉$98，豬肉帶着濃郁的魚露和香辣味道，層次感豐富，份量亦很充足，加上桑生菜一起吃，非常有泰國特色。😋😋😋😋😋芒果沙冰$48，芒果沙冰用新鮮芒果打成，芒果味道香濃，是夏天的恩物，如置身於泰國之中。😋😋😋😋😋這裏的女侍應全是泰國籍的，不過他們對廣東話都非常熟悉，態度親切。👍👍👍👍現在每日都有推廣，如果下次再來必定一試。

經過佐敦入咗去呢一間泰國菜餐廳，食物種類都好多，裝修都好有泰國風格。必食芒果糯米飯，糯米夠黏口，椰漿好清甜，芒果有好多同埋勁甜，推介！叫左小食拼盤，有春卷雞翼蝦餅各兩件，推薦蝦餅，彈牙唔油膩～仲叫咗街邊燒牛肉，火候控制唔錯，完全唔韌，幾個朋友食啱啱好！主食叫咗排檔海鮮炒粉絲，有鑊氣，都幾足料，又有蝦又有魷魚，仲要啖啖粉絲都食到有蛋~而家做緊優惠嗰日係做緊$10加通菜，叫左馬拉盞通菜，都幾大碟抵食！飲品叫咗芒果沙冰，係用真芒果製作好甜，仲要勁大杯！必食推薦芒芒果糯米飯同小食拼盤~~

位於佐敦嘅泰灜，係一間開業多年嘅泰國菜小店。呢度雖然唔算豪華，但充滿溫馨同親切嘅感覺。店內裝潢簡潔，擺設幾張木桌，牆上掛住幾幅泰國風情畫，令人一踏入就感受到濃厚嘅泰國風味。小食拼盤（各兩件：蝦餅、春卷、雞翼）$108小食拼盤係一個好好嘅開胃選擇。有蝦餅、春卷同雞翼，每樣各兩件。蝦餅外層炸得金黃酥脆，內裡係彈牙多汁嘅蝦肉，配埋泰式甜酸醬，味道更加豐富。春卷皮脆餡香，內裡包住鮮嫩嘅蔬菜同豬肉，咬落去滿口香氣。雞翼則係用泰式香料醃製，皮脆肉嫩，充滿香料嘅獨特風味。泰式濕炒河（雞）$88泰式濕炒河係我每次黎都必點嘅一款。炒河粉煮得啱啱好，唔會太乾亦唔會太濕，雞肉嫩滑，配埋各種蔬菜，仲有濃郁嘅泰式醬汁，香辣可口。每一口都充滿層次感，令人食完一碟都想再點多一碟。馬拉盞通菜$78呢道馬拉盞通菜炒得好香，保持住爽脆嘅口感，馬拉盞嘅味道濃郁，鹹香適中。每一口都可以感受到馬拉盞嘅獨特風味，簡直係下飯神器。芒果沙冰$48芒果沙冰係炎炎夏日嘅最佳解暑選擇。芒果香甜多汁，沙冰嘅口感滑溜溜，冰涼透心。飲落去既有芒果嘅香甜，又有冰涼嘅爽快，真係好消暑。青檸梳打$28青檸梳打清爽解渴，酸酸甜甜嘅青檸味，加上汽水嘅氣泡

完全中伏！不推介！奉勸打工仔千祈唔好嚟呢間！等個炒河等咗30分鐘先有！叫咗個香葉肉碎炒河辣到飛起囉！辣到你成個口都麻痹！餐牌又冇講係辣！完全食唔到！自認自己都可以食到辣！唔知係咪因為催單特登加料！凍檸茶又冇茶味！似飲水！3片檸檬有2片又細又薄！使唔使咁慳？十分差！而且坐得唔舒服！又要搭枱！冷氣又凍！兜頭吹！叫咗個短頭髮侍應阿姐調高啲！好大聲好惡講冇得調！！！又唔係叫你熄咗佢！有病！食物質素已經差！態度仲差！

7月1號夜晚， 成條吳松街都冇乜人行 ，我和家人在這間泰國餐廳食飯👍 這間泰國菜我嚟過好多次， 這晚可能是最靜的一晚。正題喇～咖哩炒蟹 ，串燒和鹽焗魚都保持水準👍 特別一題呢個燒墨魚 好好味 最後吹埋蠟燭 食埋呢個芒果糯米飯蛋糕 （還播放泰文生日歌）非常滿意

一行8人去，火焰燒雞嫩滑多汁，必食生日蛋糕造型嘅芒果糯米飯，足料，記得呢兩樣要預先訂同埋要預時間上菜，其他如豬頸肉，蒜蓉包，小食拼盤，飲品大杯好味，對得住個價錢，都高質，座位都闊落，略嫌店員唔知係咪唔係好識聽廣東話，唔知佢係發呆定聽唔明，要俾少少時間佢先有反應，服務態度冇其他人講得咁差，我哋要額外嘅醬汁都好快攞到俾我哋，可以再去因為我哋book 8:30 ，佢收10:00，好似唔係好夠時間，如果能夠開夜少少會更加好(食家問題，當然如果可以約早少少去就好啲)

第一次去咁伏既泰餐，先唔講野食，岩岩黎個職員話8:30 有booking , 問我地還唔還到枱。咁我地打算食一陣野就走，咁得一個鐘都可以啦就食。我地落左3樣野同一杯野飲，咁見到佢有做小食優惠，滿$300 就加$10有小食，咁咪問個職員仲可唔可以落，個職員話張單得$26x ，落唔到。咁我地都叫多左個椰青滿$300佢。之後等左20分鐘都未有野食，心諗無理由啦，仲8:30 有booking 唔系應該加快整比我地食咩。之後吹完再等先有野食,食完都仲未有個小食拼盤，之後佢就話個booking 到左，我地都合作調左枱，但調完枱都系未到。我地就決定不如打包啦，驚唔夠$300 去達到個個小食優惠。重點黎啦，到埋單時系4百幾蚊，但當時佢話我地得$26x,唔夠個小食優惠，好彩個小食拼盤都仲未到，最後取消埋都要$36x,心諗系咪玩野，如果系咁唔駛叫椰青啦。嚴重缺乏溝通，好似我地唔交枱咁….中伏🥲

🍽️泰灜🐷泰式豬頸肉飯 💰52豬頸肉煎得外皮香脆，但肉質咬起來較煙靭，但可以接受，配上酸辣的醬汁，味道方面不錯，但豬頸肉的份量較少🥺🦐泰式蝦醬炒飯 💰53蝦醬味道突出，而且炒飯濕潤不會太乾，配上裝絲和配菜，增加炒飯層次感，但同樣份量較少午餐meau還有其他泰國菜式🇹🇭🍽️，除份量較少外，味道不錯，而且午餐包含一碗泰式例湯，性價比不錯👍🏻味道 : 🤎🤎🤎🤍🤍環境 : 🤎🤎🤎🤎🤍服務 : 🤎🤎🤎🤍🤍CP值: 🤎🤎🤎🤎🤍🍽️泰灜📍佐敦吳松街141號地舖

位於佐敦既小店泰灜 , 店內座位唔多, 每次去都坐滿客人菠蘿炒飯🍍用上菠蘿殼當盛飯器皿 , 幾有鑊氣炒飯裡有很多配料，有提子，腰果，肉鬆，鮮魷，蝦當然不能少的主角菠蘿 , 吃得出是用上新鮮菠蘿，口感清甜吾酸 , 飯粒炒得粒粒分明 , 食落好香口同酸酸甜甜好開胃沙嗲雞肉串燒 即燒火辣辣 ,  相信雞肉本身用左少少咖哩醬腌製過 ,  食起上黎有淡淡咖哩香 , 肉質唔會過乾硬 ,  而沙嗲醬味道偏甜 , 比較適合普遍大眾既口味,蒜蓉包中間麵包個部份好鬆軟 ,  出面就焗到好脆身 , 另外附送既沙津非常有驚喜 , 青瓜清甜爽口 ,  食完濃味既串燒 , 再食沙律, 即刻有種清新感鹽焗魚，即叫即整，所以時間會耐少少，條魚勁大條，焗得剛剛好，外脆內嫩，肉質唔乾仲好juice添泰式鮮蝦金柚沙律，調味調得好好，金柚唔酸，蝦都有7/8隻，加了泰式香料好開胃真係食唔停馬拉盞通菜泰式通菜的蒜香與馬拉盞的香味十分香濃泰式拼盤有蝦餅、春卷、雞亦！蝦餅好好食，夠哂彈牙脆口，推介！

最近真係成日都食泰國菜添😝今日朋友聚餐都係食泰菜正呀！火焰燒春雞$228個上盤造型搶眼，有個架叉住，上枱會先淋上酒精點火燒熱整隻雞，之後用工具自己手麵包軟殼蟹 $208泰媽媽蟹肉煎蛋$108比較油，夠熱蟹肉同蛋係分開整鋪係蛋上虎蝦炒金邊粉 $128街邊燒牛肉 $108算係推介菜，燒得幾好食完都會有記憶點馬拉盞炒通菜$78泰式炒通菜$78炒菜比較細碟，所以要叫兩碟先夠食芒果糯米飯細蛋糕 $288 訂枱時已經order 定要食呢個，擺盤外形打卡一留味到正常水平，但生日的話舖頭會配泰文生日歌上枱好有氣氛😇芒果沙冰 $48沙冰好吸引所半枱人都叫左，幾大杯係鮮芒果雪冰再打成沙冰好足料珍多冰$28龍眼冰$28正常發揮，都算大杯

訂座八點，7：50入座，剛入座還好，說訂了的燒春雞要等30至45分鐘，雖然人未齊 就叫他可以直接落單先，其他我地就慢慢叫。到九點 其他都的食完，再問一下隻雞去左邊，答我地整緊...ok..咁再等等 9：15再問一次 仲係答整緊，朋友去wc聽到該侍應同另一個侍應講 漏左點算.. 我地呆坐左一個鐘，叫先上芒果糯米飯連甜品都食完...時間已經黎到9：40 算啦 我地唔等 叫埋單，又等到9：55 突然拎隻雞出黎，我地真係唔要 坐都坐到一肚火，講明隻雞唔要 埋單就得，個侍應係掉張單落枱 轉身就走，呢個服務態度 我冇野好講一開始講話要等30-45分鐘 ok...我地足足等左兩個鐘 好意思？？？唔計我地食其他野時間 有至少個半鐘係on膠膠坐係到掉單果下 我真係有反枱衝動 呢間野唔會再去

見網上推介佢嘅燒春雞同埋芒果糯米飯 ，然後即日訂座8:00， 同時間亦都已經同佢落咗order ， 話會要一隻燒春雞同埋一個芒果糯米飯蛋糕，然後入坐後已經同店員講燒春雞可以上枱了，但係我地由坐底叫完其他食物後， 途中已經吹單三次， 但係一路隻燒春雞都係冇嚟過 ，直至到食埋個芒果糯米飯蛋糕都未有，歷時1.5小時都未上到隻燒春雞， 我叫咗三次埋單店員都冇理會過我，一路拖時間仲諗住硬上隻燒春雞要我地埋單，因為等得太耐嘅關係， 我哋最後係冇要到嘅。 然後店舖嘅店員非常之冇禮貌， 將張單就咁掉落個枱面到。 真心唔會再幫襯

預約六點用餐，準時入席服務態度良好，主動招呼客人與客人溝通，詢問客人的意見，總共叫了冬陰功湯、炸蝦餅、金邊粉和椰汁芒果糯米飯，最吸引的是甜品部份，會主動推薦給朋友。

Thai-in火焰燒春雞 $228見到好多台都有叫一於叫一隻試下，一上枱就係原隻燒春雞，店員俾我哋影個全相之後就現場加火特效，變成火焰燒春雞，相當全程矚目，燒完之後個皮好卜卜脆，一撕落嚟啲肉汁不斷流出，識落鮮嫩多汁亦醃得好入味👍🏻推薦之一泰北冬陰功 $128嚟到泰式店，當然要飲過冬陰功，飲落酸酸辣辣10分開胃，仲用個小火爐熱住暖笠笠，入邊仲有幾隻蝦同菇好足料肉碎生菜包 $98去泰國店都會叫呢個生菜包，每間個肉碎調味都唔一樣，今次就好驚喜啱我口味，因為係比較辣，包埋生菜一齊食十分惹味Pha-tail 泰式金邊粉 $128金邊粉炒得乾身，仲有幾隻原條炸蝦，連埋蝦頭嚇一嚇😂食落幾彈牙，但個粉食落較甜蓋過個酸味，旁邊仲有砂糖及花生，唔洗點已經比較甜

叫左個小食拼盤樣樣都有啲，蝦餅好爽口，夠晒彈牙，仲好大粒tim。仲叫左個豬肉串燒，燒得岩岩好，同佢地個醬汁好夾啊。菠蘿炒飯又好夠份量，兩個人食到好飽上餐速度都幾快。同埋佢地係會先上小食再到主食，我個人就覺得幾好 都幾貼心咁🫡🫡佢地有個超型嘅芒果糯米飯蛋糕 隔籬枱嗌咗一個黎慶祝生日 佢哋呢間舖原來係會報埋泰文嘅生日歌㗎，好high 🤣有氣氛啊～feel到成個場氣氛好jeng 下次如果有親戚朋友慶祝活動 會介紹大家黎度食 下次一定要嗌個芒果糯米飯蛋糕試試😆😆