泰拍耶

營業中

休息中

買完餸梗係要坐低休息下，係正AEON超市對面有間泰菜，坐低先講～呢杯椰汁冰相當夢幻，飲落唔太甜，甜度適中剛剛好！小食試新嘢～酥炸皮蛋，平時米線皮蛋食得多，泰餐廳真係第一次食～炸到好脆口，配埋軟熟皮蛋黃，沒有挑剔的理由主食就叫咗個蛋包金邊粉，一上菜已經好香，胃口大開 (本身都唔細其實)　哈哈好怕有啲餐廳炒到好軟身，好彩無失望到！配埋大蝦同花生碎，絕對必食！再來一碗椰子雞湯，望落以為好簡單原來裡裡有秀珍菇、車厘茄、超足料雞肉。好重椰子味，CREAMY得黎啲雞味仲無蓋過哂！ 暖下個胃仔～最後點小得菜菜子，辣辣地係人人都接受到個種微辣，好重蝦醬味得黎略鹹左少少， 配飯一流！總括環境﹑價錢﹑整體服務，雖然唔係古色古香個種，但風味水準有嘅！最重要係乾淨同埋坐得舒服～

今日就過咗嚟黃埔行街掃貨，無意中喺Aeon超市發現左呢間裝修得體既泰菜餐廳，忍唔住就入去幫襯下，好好彩餐廳安排左咁闊落嘅座位俾我同朋友開餐啦先叫咗杯碟豆花嘅椰汁，下層藍色嘅部份就係碟豆花，上層就係椰汁攪勻之後成杯椰汁睇落去會帶有少少灰藍色，都有幾豐富嘅椰子味道，一啲都唔似溝左水而呢碗椰子雞湯係超足料嘅因為入邊有好多車厘茄、秀珍菇同雞肉，啲雞肉煲完之後估唔到仲可以咁滑溜，成個湯會飲落去有少少酸味，但係係非常creamy，好重椰子味呢款單骨雞翼就啱晒唔鍾意拆骨嘅朋友，輕輕咬兩下就可以食到雞肉，而雞翼係有炸過嘅，所以雞皮係非常香脆，而上面係有超級多嘅蒜頭，雞翼就吸收晒蒜香嘅精華海南雞我哋就叫咗半隻，成隻雞都好新鮮，顏色非常鮮艷，大部份嘅雞肉都非常嫩滑，不過不失鍾意食辣嘅朋友就一定點埋呢個醬最後呢個炒飯粒粒分明，而且仲有唔少蝦肉，認真抵讚

琴晚同媽媽👩🏻係Aeon 買完餸見到有間新開嘅泰國🇹🇭菜。仲要5係坐bar 枱！係呢個抗疫時期都係坐入餐廳食安全點！2個人餐都係$268，有齊頭盤，主菜，湯同飯。頭盤有炸魚餅，熱辣辣，點個醬汁都幾好味😋。泰式椰汁🥥雞湯椰香味十足仲有好多雞肉。不過如果可以熱啲就好了！主菜嘅半隻泰式海南雞好抵食好大隻，同好香嘅泰式蝦膏炒飯一齊食，好滿足！下次一定要再黎食埋佢嘅海鮮冬蔭大頭蝦湯同埋芒果糯米飯！！

餐廳：泰拍耶 (紅磡)地址：紅磡黃埔天地第5及6期地庫AEON Style B02號舖開張左幾個月嘅泰拍耶位於黃埔天地AEON Style嘅地庫，一聽個名就知係主打泰式菜🇹🇭 ，咁岩係黃埔AEON行緊嘅時候見到，所以就黎個打鐵襯熱食下泰國菜餐廳食物選擇眾多，唔鍾意煩嘅都可以選擇佢地嘅二人套餐，一個頭盤🥗，一個湯🍲，一個主菜再加一個飯/麵，再包埋指定飲品，兩個人都唔洗$300🤩，幾抵食泰式肉碎生菜包 $78生菜非常新鮮爽口🥬，對於衛生嚴緊嘅我仲刻意去check下生菜有無爛或者有無蟲🐛，發覺每一塊生菜都好完整無缺👍🏼，肉碎亦都醃製得好香辣，加上辣椒🌶️、青檸汁、芫茜、洋蔥🧅等，酸酸辣辣好惹味蛋包大蝦炒金邊粉 $82超薄嘅蛋皮包住金邊粉而面頭仲放左一隻隻大蝦🍤，金邊粉炒得岩岩好，唔會太濕或太乾泰拍耶招牌黃咖喱麵包軟殼蟹 $128黃咖哩香而不辣，將麵包切開豐富嘅咖喱汁就流晒出黎🥘，用香脆嘅麵包蘸上咖喱汁食極之過癮🥯，唔少得嘅緊係咖喱上面兩舊吸引嘅軟殼蟹🦀，咬落仲有脆炸嘅聲音架蝶豆花椰汁冰 $30最後叫左呢杯椰汁冰，紫藍色嘅蝶豆花加上濃郁嘅椰香😍，食完泰式菜飲埋呢杯椰汁冰🥥真係perfect

放工去左黃埔間AEON超市買嘢，原來超市對面新開左間泰菜店，見好耐冇食泰國菜而且佢價錢都唔貴，人均百幾二百蚊已經食得飽，就食埋晚飯先返屋企。泰拍耶門口位就有酒精搓手液，方便食客清毒左雙手先入座。餐廳座位都闊落舒適，而家普遍食肆都少左人，餐廳都會盡量安排食客分開座。泰拍耶有二人餐亦有散叫，因為想食嘅野套餐冇，所以我地盲決定散叫。炸魚餅($52)魚餅幾香魚味，口感幾彈唔係成口粉，蘸埋泰式酸辣醬食都幾好食。馬拉盞炒椰菜苗($78)椰菜苗幾大碟，用花拉盞炒帶少少辣味幾惹味，椰菜苗夠爽口唔會太老。海鮮冬陰功大頭蝦湯($82)平時食泰菜兩個人好難叫冬陰功湯，哩度有二人份量兩個人每人都分倒兩碗啱啱好。冬陰功湯酸酸辣辣，辣度約等於小辣，裡面有大頭蝦、車厘茄、秀珍菇同香茅，味道濃郁惹味。冬陰功海鮮炒飯($82)炒飯幾大碟，夠兩三個人share食，裡面有魷魚、蝦、蟹柳同車厘茄，都幾足料，味道比冬陰功辣少少，非常惹味好食。蝶豆花椰汁冰($26)椰汁冰椰香味幾重，蝶豆花本身雖然冇味，但令到椰汁冰帶紫藍色，幾夢幻。泰式香茅薑茶($26)薑茶裡面加左好多香茅，熱飲啱晒而家乍暖還寒嘅天氣飲，不過我覺得薑味就唔多夠重

黃埔比較少有泰國菜吃終於有一間在家附近～當然要試試！裝潢走溫暖黃色系，餐紙圖案挺可愛～選擇都挺多的，最後決定點一些在泰國招牌菜式✨。首先來個椰子雞湯雖然不算大碗，但有很多雞肉！而且味道挺濃郁惹味，可以一個人飲完一碗😋另外春卷也不錯，口感鬆脆不油膩沾上酸酸甜甜的醬挺可口～在泰國很愛吃炒椰菜苗✨而這裡的炒菜份量多，而且吃到啖啖鹹香😋海鮮炒飯大大碟呢！但因為不吃飯的關係只吃了少許味道偏淡，但海鮮是新鮮爽口的。雖然不是很驚豔的泰國菜但味道還可以的，而且對我來說地點太方便掛念泰國美食時可以去吃一吃～哈哈

我有個朋友真係幾搞笑的，唔食得辣但又鍾意食泰國野，成日都挑戰我，問我邊到有好味道泰國菜食，我想了想就醒起係黃埔天地地庫有間唔錯，就直接帶佢來食。朋友一座低就同我講，唔準叫辣，只要唔辣就咩都得 ， ，難我唔到嘅，我就叫左炸雞卷， 泰式椰汁雞湯， 咸肉炒椰菜苗，菠蘿炒飯，熱香茅茶， 菠蘿冰。炸雞卷，入面有切碎的雞肉，用 腐皮包住炸， 點上甜酸醬食，好夾。泰式椰汁雞湯成碗好多材料，啖啖都有蘑菇和雞肉，好好飲， 個咸肉炒椰菜苗好岩配飯食， 菠蘿炒飯用上大量新鮮菠蘿，仲有兩隻大假去炒好fresh 的感覺， 朋友都讚今餐好味道，已經約定我們下次再來食其他唔辣的菜式了。

Sunday，到Aeon Supermarket儲糧，順便找地方吃午餐，受疫情影響，黃埔號内很多食肆都暫停營業，有１家中式酒樓結業了！選了泰國菜，午市套餐共有12款，定價由65元至76元不等，點了以下３款主食：#牛肉泰式船湯河，量足！味道一般般！#海鮮冬陰功湯河，落單後，waitress跑過來說沒有河粉，轉金邊粉可以嗎？回答：可以的！冬陰功湯底算辣！海鮮有魷魚、蝦、魚，蝦不新鮮！#泰式海南雞飯，雞塊帶骨，雞肉不夠滑，油飯不夠熱！飲品(每杯加8元至10元)：#香茅薑茶，點了２杯，淡淡的，勉強合格！#鹹檸梳打，這個好喝！加配了：#炸雞翼#炒雜菜環境、服務、食物的味道都屬一般！

泰拍耶近排小編都少去街，去完超市買完日常見餐廳無麥人即刻速食個飯🤤冬陰公湯小編好耐無食泰菜即刻叫左個冬陰公暖下身子，個湯非常足料，有大大隻大頭蝦👍🏻菇類，不同香料， 冬陰公酸酸辣辣🔥開胃咸肉炒芥蘭芥蘭新鮮爽口， 無苦味，乾蔥同埋馬拉盞， 味道好香口好惹味， 鹹香得黎又有少少辣，滋味👍🏻金邊粉配料豐富，超多香辣肉碎， 蛋網包住金邊粉，香口金邊粉味道酸甜， 炒得爽身，配有蝦球 , 芽菜口感不錯春卷小食黎講份量十足，新鮮炸起熱辣辣，入面餡料豐富，有黑木耳，金邊粉，紅羅白，菇類，食唔停既小食

今日去黃埔天地泰拍耶食泰國菜，叫咗炸魚餅、泰式椰汁雞湯、馬拉盞炒椰菜苗、同埋菠蘿炒飯。 魚餅有四件開邊，每件都熱辣辣同埋食得出完全係泰式風味， 有啲香草味喺入面，點埋佢個酸辣醬食一流。 泰式椰汁雞湯平時就比較少機會見到，所以今次特登點嚟試下，椰汁味好重加埋有啲泰式材料一齊煲，個湯好鮮味，亦都好有雞味而且湯入面啲雞肉好嫩滑可以當餸咁食，同埋入面啲菇好多又好好味。 而個馬拉盞炒椰菜苗就好濃味，馬拉盞味好重，因為用咗菜苖嘅關係，所以啲菜每口都脆唔會有菜渣。 菠蘿炒飯入面就有好多料，例如魷魚、大蝦、花生、肉鬆、青瓜、菠蘿、青豆等等， 撈埋一齊食，各種味道同口感都有，正！

湊左仔仔番學，我都好想比自己一個人享受吓寧靜嘅私人空間！.我當然㨂番間近屋企又近學校嘅餐廳-「泰拍耶」仲要係星期三嘅日子，向超市有特惠價，好多家庭主婦都會向到入貨！所以我都等左陣先有位入去坐！.見佢有午餐餐牌，一眼就睇中佢嘅香葉辣肉碎蛋飯（$72）再加（+$15）叫左個side order泰式酸辣鳯爪，叫埋杯碟豆花椰汁冰（跟餐+$10）.🐥辣鳯爪唔太辣，又幾好食！我接受到個辣度！🍳辣肉碎蛋飯冇失望，入味又香口，好快比我食晒食碟咁滯😋🍹杯碟豆花椰汁，又幾特別啊，好少向出面飲到呢個組合！又真係幾絕配喎！.咁近我家，得閒又再去食過先！丫！要提一提，係佢有bb櫈，好配合到有小寶寶嘅需要👶🏻

得知黃埔開了一間新泰菜，星期六晚就跟家人來食泰式晚餐。設計幾得意可愛。除了單點餐牌外，還有兩款二人套餐供應。由於我們一行四人，就決定點平一點比較啱食的二人套餐，再加兩個單點的菜色。雖點的是二人餐，但炸魚餅的份量未免太少了吧😅一塊切開成為兩件，共有四件其實只有兩塊，泰式魚餅的size已經不大，可以大方少許吧？味道方面，這是偏辣的泰式魚餅，食辣的會覺得過癮，食不到辣的或許要準備一杯水。湯我們選了海鮮冬蔭大頭蝦湯。器皿為大約一碗粉麵的大細，作為二人餐用這個大細的碗是合理的。裡面有很多秀珍菇，但作為主角的湯就不太行，只有辣味，沒有層次，感覺是辣湯多於冬蔭湯湯裡有很多辣椒，即使是加入了不同的香葉，也因過多的辣椒而蓋過湯本身的味道，太霸道了。底部原來有兩隻蝦，肉質較霉不新鮮。泰式海南雞(半隻)感覺是普通油雞的味道，沒有突出的海南雞特徵，肉質也不是很滑。泰式大頭蝦膏炒飯，說的是大頭蝦膏但我們都不覺得有甚麼特別，跟普通的蝦醬不差很遠。炒飯裡有三色豆的青豆和蘿蔔粒，就是一個普通的蝦醬炒飯，不辣的。單點加了泰菜必食的蛋包大蝦炒金邊粉($82)。整碟金邊粉的溫度不是很熱，上面的蛋皮也稍凍變了少硬。蛋皮上放

呢間野位於黃埔aeon底層，食完可以行去aeon買野，一舉兩得。我地兩個人叫左巨多野食，超肚餓，包括酥炸皮蛋， 海鮮冬蔭大頭蝦湯，馬拉盞炒椰菜苗，菠蘿炒飯。另外叫左兩杯野飲，包括蝶豆花椰汁冰，同埋一杯熱薑茶。碟碟賣相都好好睇，先講下酥炸皮蛋，好有層次，最出面係一層麵包糠，然後係一層類似魚肉既物體，最後係皮蛋，相當香脆可口。大頭蝦湯好香好辣，唔食得辣既人就唔建議食，略嫌份量唔夠多，得兩隻蝦同幾粒菇，不過蝦相當大隻，所以尚可接受。菠蘿炒飯好多料，加埋豬肉鬆同腰果勁香。炒菜就不過不失，略嫌鹹左少少，好重蝦醬味。蝶豆花椰汁冰好香甜，解渴一流，食泰國菜必點飲料。薑茶好養生，超級辣，面頭加左d泰國既香茅，多重味覺享受。每樣菜都好有特色，係幾高質既泰國菜，如果可以係味道上稍作調整，會更出色。

泰拍耶Environment: ★★★★★Service: ★★★★★Taste: ★★★★★泰拍耶是一間位於紅磡黃埔天地Aeon Style內的泰式餐廳，位置方便，受不少街坊歡迎。今次我就和大家分享一下這次的用餐經驗吧。海鮮冬蔭大頭蝦湯 $82這個湯是兩人份量，有一隻大頭蝦，菇類和蕃茹等材料。冬蔭蝦湯的味道頗濃，有一點辛辣，亦有冬蔭湯的特有香味。菠蘿炒飯 $75這個炒飯的材料有蛋，肉鬆，腰果，蝦，提子乾，青口和菠蘿等等。菠蘿的味道酸酸甜甜，炒飯亦炒得有鍋氣。馬拉盞炒通菜 $68這道菜烹調得偏咸，而通菜的份量正常。總的來說，泰拍耶的食物質素正常，價錢亦算合理，難怪受街坊歡迎呢。🔛🏃‍♀️🏃‍♀️🏃‍♀️紅磡黃埔天地第5及6期地庫AEON StyleB02號舖#hkfoodie#foodiehk#香港美食#hkblogger #hungry #foodphotography #holiday  #hongkongfoodie #hongkongfood #hongkong #likeforlike #手機食先 #hongkongblogger

專登特價日嚟行aeon見到開咗間新泰國嘢食裝修得好靚！兩個人嗌咗個炒飯、小食、青菜同冬蔭公😋冬蔭公海鮮炒飯真係好足料有蝦、魷魚、青口😋加啲車厘茄酸酸甜甜馬拉盞通菜都幾大碟食親泰國餐飯我都一定嗌哩味因為普通餐廳無得食！炸雞卷炸得香脆配啲泰式辣醬 正！最值得一提係冬蔭公唔怪得係招牌！好香濃 辣得過癮有開邊大蝦仲有我最愛嘅菇😋😋飲完個人暖晒我地仲嗌咗香茅薑茶同蝶豆花椰汁薑茶好健康 香茅味第一次飲！蝶豆花椰汁即係椰汁 不過有顏色好靚😝朋友未飲過專登嗌比佢試😉