泰屋

營業中

休息中

今日經過旺角想食泰國野，網上見到呢間價錢都幾吸引，我地就上黎食啦。最近鍾意食炒嘢，我就點左泰式肥牛炒河 $58夠火候，帶點辣味好開胃，加埋肥牛炒，好味道！油而不膩👍喜歡食雞肉嘅胃，當然唔會放過任何食雞嘅機會啦，今次可以貪心d，今日食埋海南雞豬手飯 $68海南雞好好食，口感夠滑，唔會肥膩，豬手唔會肥，食落口都唔會覺得有罪惡感😝三色冰+$10 珍多冰+10跟餐凍飲加$10，熱辣辣，一定要飲凍野，飲完即刻舒服曬

收工同朋友食泰菜一上去都坐滿晒人非常熱鬧醃肉碎生菜包 88肉碎香辣惹味充滿泰式風情的香料配試清新爽脆既生菜🥬酸酸辣辣非常開胃炭燒豬頸肉 82爽口彈牙 香口又惹味外層香脆 炭香四溢再配上泰式酸辣汁食泰國菜必叫！泰式生蝦刺身 108作為前菜小食生蝦新鮮 肉質厚肉彈牙配埋生蒜同辣椒一齊食加生蝦蘸汁 好食😋原個菠蘿海鮮炒飯 98材料豐富有青口魷魚仲有粒粒菠蘿飯底帶有少少甜味 色香味俱全珍多冰 35 菠蘿冰 35 最後加上特色野飲 🧃

餐廳內裝潢充滿泰式風情，食物價錢合理，味道不錯呀，值得一試！❇️椰子鮮雞湯❇️青咖喱雞❇️原個椰盅海鮮焗飯❇️馬拉盞炒通菊❇️焗蒜蓉包❇️泰屋特飲（值得試試，有豐富材料👍)❇️龍眼冰

好耐無食泰國菜，呢間地理位置方便，位於彌敦道，方便易搵。餐廳周圍既人食嘅野都好似好好食喎，但我地只有2個人，都唔可以食太多，唯有精選幾種特別想食架啦。黃咖喱牛筋腩黃咖哩唔會太辣，唔似普通咖哩粉開出來。牛筋腩份量唔少，而且有咬口唔會太林，充滿骨膠原嘅感覺。最正既係另外叫嘅蒜蓉包，超級香脆，沾上咖哩汁，真係無得頂，好想安哥多幾件。海鮮炒貴刁開頭唔知乜嘢係貴刁，所以想試下，上枱嘅時候就覺得外貌有啲似河粉，味道食落就有啲似乾炒牛河，但比較濕潤，同偏油。海鮮配料亦都好足夠，有大蝦，魷魚等。整個味道唔錯。炭燒豬頸肉比較失色嘅菜色，豬肉燒得好乾，肉質好嚡，唔推薦。侍應服務唔錯，一叫都盡量提供協助，衛生環境都尚可。

旺角鬧市中性價比高的泰式美食😘 Sawadee Thai 泰屋☕ 食物：👍🏻👍🏻👍🏻👍🏻 /5  💰CP值：👍🏻👍🏻👍🏻👍🏻 /5  🤵🏻 服務：👍🏻👍🏻👍🏻/5  🛋 環境： 👍🏻👍🏻👍🏻👍🏻 /5好驚喜喺彌敦道呢度有間泰國餐廳，可以舒服舒舒服服坐低食lunch。 食物方面個價錢都非常化算，食物份量都可以，估唔到嘅係冬陰功湯做餐湯，仲要落足料味道不錯。泰式肥牛炒河😋😋😋 用咗我最鍾意嘅闊河粉炒，而調味方面都係用，而調味方面都係用咗泰國嘅香料，唔係一般既廣東炒河。乾炒泰國金邊粉😋😋 有唔同嘅海鮮炒，味道同份量都唔錯。推介一大班朋友聚會去食，可以坐得舒舒服服咁傾計。人均消費 ： $65

泰屋 Sawadee Thai旺角726都有唔少餐廳揀 今日就試下呢度既泰式餐廳旺角天橋隔嚟 地鐵站行過黎都好快室內環境都見有特別既擺設同裝修夜晚6點半 已經開始陸續多人椒鹽鮮魷😝 $85 大件抵食椒鹽料係自己炒 味道調到好香口 鮮魷舊舊都好厚 又大塊 口感厚實 配椒鹽好夾美味程度：⭐️⭐️⭐️⭐️⭐️原個椰盅海鮮焗飯 $88成係原隻椰盅送上黎 椰盅好大個 入邊係滿滿既炒飯 面頭會加左椰汁 椰汁多到都流出黎 吸引眼球成個飯都有椰子香味 海鮮有蝦🦐，青口同魷魚 有兩隻大大隻青口係面頭美味程度：⭐️⭐️⭐️⭐️炭燒金沙骨 $88金沙骨烤得幾香 總共有5舊 肉質都幾嫩滑美味程度：⭐️⭐️⭐️⭐️芒果糯米飯🥭 $40用左黑白嘅糯米 芒果有半隻 芒果都好甜加上椰漿令糯米更加容易入口美味程度：⭐️⭐️⭐️⭐️椰汁冰🥤 $38泰式飲品既傳統 偏甜椰汁味道都夠濃 熱熱地飲 好清爽熱泰式奶茶☕泰式奶茶味幾香 泰式奶茶偏甜🍴整體評價：泰國菜真係幾開胃😍椒鹽鮮魷出色 送飯真係一流原個椰盅海鮮焗飯 打卡真係好岩 好吸引眼球推介指數: ⭐️⭐️⭐️⭐️——————————————————————————————📌 旺角彌敦道726號2樓⏰ 12:00

สวัสดี🇹🇭🙏🏻平時扮泰國口音就多，估唔到好嘅泰國餐廳都食唔少！即刻睇下有咩今日介紹～（🤙🏻正到要encore，👍🏻好味道，👌🏻尚可，🫶🏻賣飛佛favorite） 🫶🏻🤙🏻芒果🥭鴛鴦糯米飯 $48凍芒果 甜度適中 清新解膩 一半係紫米飯 保健養生 白色糯米飯🍚 口感粒粒分明 椰汁多而濃郁🤙🏻原個菠蘿🍍海鮮炒飯 $98滿足口腹之慾，又有視覺享受 蝦、青口、菠蘿粒、炒腰果、脆肉鬆、三色豆、青瓜同蕃茄片、雞蛋絲👍🏻珍多冰 $35主要係椰汁🥥 不過飲晒成杯唔會滯，綠色啫喱條份量好夠，飲到底都仲有淨，唔錯。👍🏻迷你小食雙拼 （頭盤）$ 85魚餅+素春卷。魚餅口感似錂魚肉彈牙，重香茅味，有黑胡椒少少辣，是店家推介的。脆炸素春卷，有粉絲、木耳蘿蔔絲，沾上泰式酸醬好吃。👌🏻干炒泰式蛋包金邊粉 $92網紋蛋包實，賣相不錯，伴4-5隻蝦 🍤蛋絲較多，選用較幼身的金邊粉。地址：彌敦道726號 2/F 前往方法：旺角站B3出口，上天橋過對面1分鐘步程就到。

彌敦道726號成幢都係食肆，今日試咗2樓嘅泰屋。餐廳裝潢比較西化，環境舒適。服務員態度好好。今日試咗三個菜式：又想飲冬陰公又想食烏頭所以叫左明爐冬蔭公烏頭。冬蔭公湯好香香茅味，酸辣味適中，好開胃，配上烏頭，烏頭魚好新鮮，無泥味，熱辣辣好好味。冬蔭公湯仲額外另上一碗。見到餐牌上原個椰盅海鮮焗飯賣相好吸引，所以就一試。份量好大個，好多海鮮好足料，啲海鮮仲好新鮮。個飯底係椰汁飯，另外上面再淋上新鮮椰奶，超級椰香，愛椰之人必點！啲飯仲好有口感！另外，泰式炸蝦餅好香口，一啲油膩感都冇。個皮好薄，好脆口，蝦味濃濃的。整得好食過好多地方。啲嘢食好新鮮，熱辣辣，推介！同埋整體環境好乾淨，啲餐具都好乾淨。

餐廳行中級路線，環境很乾淨，餐具很衛生，食物質素很高，性價比高，整體感覺良好，絕對值得一試。首先，農夫包咖喱軟殼蟹包底好軟熟，咖喱做得出色，好多咖喱汁，軟殼蟹份量都好多，食完已經飽左。好鍾意冬陰功所以點左個冬陰功鮮蝦炒飯。飯底酸酸辣辣，一啲都唔油膩，好香好開胃。再點左個菜：蒜蓉炒椰菜苗。椰菜苗好新鮮,消滯一流！食物全部都係即叫即煮，所以好熱好新鮮！餐廳雖然係樓上鋪但好多人，嚟之前最好book定枱。服務員態度都好好，好有禮貌，愉快嘅用餐經歷！

星期六下午，約埋太太去旺角食泰菜，本來有幾間選擇，但太太最後揀咗泰屋。先講地點，OpenRice指示唔夠清晰，地點雖然係彌敦道，但地面過馬路設施不足，要上落行人天橋，比較麻煩。去到大厦門口，都唔係一眼睇到位置，因為同座大厦都有唔少食店，但部lift算快。上到去，一眼望曬，場地唔大但好坐既，掃完針卡之後，侍應哥哥安排我地坐圓枱，幾大張。餐點方面，有好多選擇，最特別係下午茶可以無限任飲，其實幾好，建議返餐廳可以加啲加xx元有xx小食，咁啲客都可以食多啲又飲耐啲。最後我同太太揀咗三寶炒飯同豬頸肉炒米（都係午餐，吸引啲）。餐點嚟到啦，碟碟都係熱辣辣既，先講三寶炒飯，香口好食，粒粒分明，好正！而豬頸肉炒米都相當夠鑊氣，唔太油但炒得好乾身，太太話好鍾意！嚟緊會再試下晚餐，希望都一樣咁好食就好啦！P.S. 洗手間要上一層，但好乾淨，抵讚！

星期六晚book左7點，當日全場爆滿😮，坐位好迫，而且環境嘈吵，不過8點3開始有吉枱。未知係母親節嘅原故，定係餐廳真係好味嘅原因而咁爆場，但見到呢個人氣程度，開始對餐廳有期望。蝦餅 $82剪開成8件，size比平時食開嘅細少少；蝦滑都彈牙，有少少蝦味，但性價比唔高。酸辣鳳爪 $78鳳爪爽口，但醃得唔夠耐，唔入味。泰式沙嗲串燒半打 $88有雞牛豬三款供選擇，但只可以揀兩款，結果揀左牛同豬。牛肉果然同坊間其他餐廳一樣😂，乾身、鞋口、好韌、痴牙；豬肉因為帶肥膏，所以相比之下，比牛肉好。椒鹽鮮魷 $85呢個有驚喜😯，魷魚厚肉，夠大件，啖啖肉好滿足，亦有魷魚味。炭燒豬頸肉 $82雖然賣相唔錯，但我個人認為呢個係全晚最差😑，除左因為肉質偏軟非彈牙口感之外，重點係有豬騷味😣，我個人對豬騷味好敏感，點左個汁都come唔到個味…….農夫包咖喱軟殼蟹 $218本身唔諗住點佢，但當晚見到唔少人都食緊，加上賣相又真係幾吸引，忍唔住order左個😏。上枱果陣熱辣辣，外觀亦相當震撼!!! 軟殼蟹分量唔少，居然有5舊，雖然浸住汁，但食落仲脆；農夫包好有空氣感，所以吸汁力特強，邪惡🤐；咖哩蛋花好多，但略嫌無乜咖哩香，

今日本來想去Error 19 食， 見到樓下門口阿姐派粉紅色傳單， 下午茶'聲稱' ''好抵食"又 話飲品無限添飲。原來係中伏中伏中伏中伏架)))))))))))))))))))))))) 各位食客真係要小心。 入去餐廳， 冇人拍晒烏蠅都知吾太對路。 我就事但叫個所謂'泰國河粉' 加左3 粒墨魚丸俾d 河粉個種。 咁就叫~~泰國河粉~~ 再叫左杯椰汁冰加$10 話飲完可再無限添加， 到我飲晒再加杯， 結果埋單要俾多$10(咁就係無限添飲) .........食一個下午茶餐要$60...仲要好細碗。有相睇 聰明既你地小心中伏。

🔙回頭率：7/10🌈性價比：6.5/10🐻‍❄️一日遊旺角，見到餐廳大概只有三四枱客人，所以空間都較寬敞，坐得舒服。不過店員服務就一般般，可能疫情問題，人手大幅減少，唯有欣然接受啦👌香港人 撐住呀💪🏽食完喺舖頭坐左一小時都無趕我地走👍🏼👍🏼泰國菜，免收加一，不錯👍🏼*･*:.｡..｡.:*･*:.｡. .｡.:*･･*:.｡..｡.:*･———————————————🍴: 乾炒泰國金邊粉 $50😋 哇！首先係一夾起有好大件魷魚，入面都有少量海鮮，吾會靜係得金邊粉。$50嚟講，算有誠意！不過小編寧願多啲金邊粉啦～事關佢地既金邊粉，味道超好食！好開胃👍🏼吾係度度地方都整得好味！🈵 8 /10🍴: 豬頸肉飯配青咖哩汁 $55 😋 不得不讚，佢地既青咖哩汁，真係好味，偏向正宗泰國風，辣度適中。不過略嫌豬頸肉太薄了，食落去，食吾到豬頸肉味，無口感。不過起碼吾係韌到食吾到個種👌🈵 8 /10🍴: 跟LUNCH SET送既熱咖啡 $ 0😋 只能說，不會期望就不會失望，跟餐送就由佢啦🤣下次再食既話會選擇飲茶🈵 ～ /10*･*:.｡..｡.:*･*:.｡. .｡.:*･･*:.｡.

份量多！😍又新鮮！啲河粉唔會太硬唔會好lum🤣啲湯入味😍會想飲埋個湯🤤🤤個牛就正正常常🤣中牛去食有lunch set送湯 女仔食會好飽 但幾滿足 會再去食😎

最後一晚有得堂食，朋友介紹我去一間樓上泰國菜，話抵食又好味，搞到我要過去試下睇下究竟係咪真係甘出色😗——————🐽 泰式生蝦刺身第一樣梗係要叫返個頭盤試吓，生蝦刺身好有特色，用一個個既shot杯裝住， share食方便又衛生，生蝦食得出好新鮮，連埋蒜片同辣汁一齊食好開胃🐽 飛天炒通菜廚師出菜好快，飛天通菜味道啱啱好，有蠔油嘅鮮味加埋少少甜味，同通菜特別夾🐽 海南雞（半隻）海南雞好滑，肉嫩又多汁，唔想淨係食雞翼都有海南雞飯可以叫，配埋辣汁食送返真係一流