泰基隆

營業中

休息中

話說某日經過深水埗 突然想食泰國野 即刻OpenRice 就見到 泰基隆 6點幾walk in 入去 已經見到有幾張枱reserved 應該好多人會去食1. 豬肉生菜包 豬肉半肥瘦好均衡 用泰式香葉炒得好香 平時食生菜包 生菜通常都係5 6塊 但呢到起碼有10塊以上 最後食到尾係成功清曬成碟 $68 份量夠曬大 2. 泰式炒金邊粉 Pad Thai 食過好多間泰國野 呢到算好正宗 金邊粉炒得煙刅 甜度十足 除左蝦無味 明顯係急凍之外 整体都不錯 價錢 $78 個人覺得略貴 3. 海南雞飯 海南雞飯係同生菜包一樣禁好食 油飯香 海南雞有原隻雞脾肉 雞胸 雞脾肉好滑 好可惜掛住食無影到相 4. 芒果糯米飯賣相一流 但芒果唔夠生鮮 始終香港食芒果糯米飯係爭好遠 椰汁好濃 又夠多 敗北係芒果 5. 泰式奶茶個人好鐘意飲泰國既泰式奶茶 因為夠甜 同香 泰基隆既奶茶無泰國禁甜 可能就翻香港人既口味 所以不過不失啦 總結 泰基隆絕對值得一試 價錢合理 份量夠 如果2個人 好似我地咁叫3樣野再食甜品 非常夠 味道好正宗 大力推薦海南雞飯同豬肉生菜包 到我地食到一半 已經reserved 既枱滿左 走

久唔久又嚟到深水埗依個美食天堂 , 人人話福榮街大把野食, 偏偏我行左幾次都揀唔到一間 . 行下行下行左去基隆街依間泰菜隱世小店, 入去試下先 !小店門面唔大 , 唔好睇佢店仔細細, 菜款都幾多樣化架. 就算一大班人食都有好多款式叫... 但由於我一個人食, 唯有叫碟頭飯啦我點左個我的最愛肉碎蛋飯. 🍳跟一杯洛神花茶(可冷/ 熱) 自己本身有飲開洛神花所以都已經有好感, 黎到個蛋煎得好靚, 而肉碎亦好入味, 滿分！最重要係價錢親民,分量足料又抵食, 煮功地道, 質素比得上九龍城d泰菜店添呀 ! 非常推介大家黎試下

唔知點解我會咁愛食泰國菜, 明明以前對泰國菜好感不大， 但現在卻感到不能抗拒。為咗整頓一下我咁鍾意食泰國菜嘅饑渴慾望， 睇怕都要來到了這間泰基隆食番餐好嘅泰國菜先。這裏菜式的款式十分多， Menu印在一張底面都有菜單嘅過膠A4紙上，勁。對於三心兩意嘅我， 真的難以選擇呀！。當中有些菜式例如串燒類可以散叫， 啱曬鐘意樣樣都試下嘅我。首先，點選了冬蔭功，酸酸辣辣，開胃醒胃，正。再者炸蒜粒通菜炒豬頸肉，豬頸肉有點兒帶有雪味，不過廚師廚功不錯，還可以進食的。青芒沙律炸魚，開頭擔心會腥，但香芒酸酸地，辟咗魚嘅腥味，加上魚有炸過，令到該菜更香口。不過該菜很辣，愈食愈辣。之後再點選泰式豬肉丸。呢個真的要小心，唔食得辣嘅人要注意，因比起青芒沙律炸魚嘅辣度更為辣，每一口都覺得辣。但辣得過癮。解辣方法就係點選椰汁冰，哈哈。

1. 泰式明爐烏頭（＄128)🐟魚肉好多而且非常嫩滑🤤燒左好耐都唔會韌，不過個湯底偏酸鹹，但魚肉鹹味唔會，係岩岩好😋唔洗泰式酸醬都已經好好食，食唔停口👍🏻👍🏻👍🏻彤樂評分：9/102. 泰式豬肉碎生菜包（＄70)微辣嘅豬肉碎非常惹味🤩而且份量又多，但更值得讚嘅係生菜，真係超多，新鮮又爽脆，而且真係切得好靚😍彤樂評分：8.5/103. 泰式海南雞飯（＄68)🐥海南雞雞肉幾嫩，不過唔算好入味，油飯唔錯，唔會真係成口油😂彤樂評分：7.5/104. 泰式豬頸肉炒通菜（＄78)個通菜炒得岩岩好，加左少少馬拉盞，提升左個味道，不過豬頸肉份量偏少同細塊，有少少唔值🙈🙈🙈彤樂評分：7/105. 椰青（＄35)椰青水超滿又清甜，椰青肉又厚又甜，講起都想飲😍彤樂評分：8.5/10

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過打邊爐小食小食我地叫左個冬蔭公餃子，呢個冬蔭公餃子真係值得食下，每隻冬蔭公餃子都係自己包的，餃子本身唔會太厚皮，入口夠惹味，但都係脆身，真係一個幾令人驚喜。泰式肉丸呢度嘅肉丸都真係幾有心思，夠份量唔再講，重點係肉丸入面嘅香料，係師傅都好細心咁幫我地呢啲食客配製，入口唔會好多肥膏餐廳嘅食物都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得。

係深水埗放工食野選擇真係多，本來諗住食麵包，跟住突然發現餐廳，見到餐牌啲價錢好似都ok，係openrice睇左一陣，最終決定去呢間餐廳，地方都算幾大，但員工好有熱心招呼我地，都幾貼心爆炸茄子店員強烈推薦我地叫個爆炸茄子食下，不過上枱之後我地都發現個爆炸茄子真係好唔錯下，店員話爆炸茄子入面所有配料都可以食得架，茄子入口真係好惹味下，入口都真係幾脆身，夠晒特別。咖哩牛呢度嘅咖哩雖然唔係好貴嘅食物，但餐廳份量足之餘，入口夠香味又唔會太油貼心嘅服務再加埋唔錯嘅食物,餐廳都值得再食下

今日幫朋友慶祝生日,因為聽人講深水埗有個泰國菜，一直無咩時間去試，於是就去左試下，之前已經一直想食泰國野，但係一直都就唔到呢個fd，今日終於約到去食喇。一入去都令人覺得都幾大，地方俾人感覺都算寬敞。雖然望唔到個街景，但係都幾舒服架 泰式串燒呢個絕對值得讚下架，串燒即叫即整而且都幾香味，感覺好惹味，入口都仲係熱嘅，感覺都真係唔錯。 炒金邊粉你無睇錯呢度嘅  炒金邊粉真係足料架，夠晒份量，又重香味呢度嘅野食真係幾豐富下，都算係咩都有啲估唔到內街嘅舖頭都唔錯，真係令人幾意外，下次都要同其他人黎先得。

去深水埗買野，路過見到「泰基隆」便隨便一試，呢個「隨便」真係不得了，我諗呢d就係緣份！係我同美食既緣份呀！😂😂其實店鋪門面同裝修都普普通通，位置亦一點都唔顯眼，我諗做行坊生意為主。揀緊野食時，老細突然話介紹我地叫個青芒鰂魚沙律，仲話好多人特登揸車黎食，我心諗「堅定流呀」，但見呢味餸甘特別姑且一試啦。一黎到食一啖，真係不得了！鰂魚魚肉起曬出黎，炸到勁爽脆，青芒切絲配埋d腰果、酸咪咪既醬汁，好開胃醒神！真係一試難忘💕咖哩炒蜆好香，d蜆大大隻又無沙、鮮嫩厚肉，正！冬陰公酸辣度剛剛好，叫左細碗既但都好大兜，仲有2隻大蝦，好抵！所以食野唔好睇表面，以為街坊野，原來係禾稈冚珍珠！為左個鰂魚沙律我會愿意特登再返黎翻兜😂

在外地生活過的朋友都會深深感受到香港是個不夜城。三更半夜，還是能找到吃的，宵夜文化絕對比外地盛行。今日晚飯時間晚了...人在深水埗區但不會擔心找不到吃的，邊行邊找...經過基隆街見到泰國菜而這個時間入面又有一定的人流...相信是"吃得過的"，就這裡吧！雖然鋪頭細細但在牆上印上泰象圖案有種芭堤雅夜市小店嘅感覺餐牌好清晰兩面睇曬食物五臟俱全！先點兩杯飲品而家天氣真係好需要飲杯冰涼又爽既飲品！朋友要了青檸梳打（$28）青檸和普通檸檬最大不同之處，在於其酸澀味道，青檸沒有普通檸檬的澀味，十分香甜 。梳打中的碳酸成分帶來清爽口感一陣涼氣直衝全身！為夏日解渴的恩物！我就點了龍眼冰開頭飲小小覺的偏甜甜後尾等冰溶了點後個甜度就岩岩好所以大家唔好點走冰喔因為龍眼真係好甜同好濃配搭椰果一齊食，恰到好處龍眼肉我最後都食清了。前菜點了泰式木瓜沙律（$58）堅辣，堅辣，真係堅辣！朋友食左一口就食唔到啦，怕辣既人慎嗌！但好似我食得辣既可以嗌黎開下胃，因為真係辣得好過癮㗎同埋佢主要有木瓜絲在內，酸酸辣辣得黎好有口感 無論去到邊間店舖食得泰國菜我都會點個生菜包（$70） 生菜包雖然菜唔算特別新鮮...但肉碎真係調得好

夏天，最好吃泰國菜，酸酸辣辣，開胃。今日放工又要到深水埗尋寶，甘岩經過呢間，見價錢幾合理，就入左黎。炸蝦餅($68)，蝦餅炸得好香口，而蝦肉好彈牙配埋甜酸醬好味道木瓜沙律($58)，呢個沙律配合反香港人口味，五會話好辣！平時我食其他鋪頭既辣到食五到，所有呢個好岩我口味。而酸酸地搞到我勁有胃口食落去！哈哈另外，仲點小得泰式炒金邊粉（$68），味道剛好！都幾多虾最後點左個串燒($88)，雞牛豬各兩串。平時喜愛吃牛既我，今次竟然中意食個豬串燒多d燒到岩岩好，肉質好嫩好淋！而個沙嗲醬也不錯，如果加小小辣味更好！

泰基金係深水埗小巷中既泰式美食, 餐廳提供食物種類非常之多, 地方比較細,  有好多街坊幫襯 !泰式明爐烏頭 $128 上碟嗰下好震撼, 因為條烏頭真係好大條! 下面用酒精膏Heat住, 慢慢食都可以Keep住熱辣辣! 明爐烏頭肉質嫩滑, 魚湯夠酸夠辣夠鮮之餘, 又唔會搶去烏頭嘅魚味, 令人食指大動!配搭蒜頭、香茅、南薑、辣椒、秀珍菇及豬肉碎等材料煮成的酸辣魚湯, 湯底香濃惹味, 淨飲都覺得好正! 而且餐廳好細心, 將一碗酸辣魚湯比定我地先, 可以自己加湯!泰式沙嗲串燒 $88串燒可以自由配搭豬牛雞, 我地揀左各兩串, 豬牛雞都燒得岩岩好, 好鮮嫩, 而且好入味, 配埋沙嗲醬真係冇得頂!泰式豬頸肉炒通菜 $58通菜非常新鮮, 十分爽口! 份量好多, 大大碟!用蒜頭去炒通菜, 再加上炸蒜, 真係惹味十足! 豬頸肉都煮得爽口彈牙! 好味道! 泰象啤 $25龍眼冰 $25

與朋友相約食泰國菜，於是揀了一間都近大家的泰國菜小店。餐廳位置方便，在深水埗地鐵站一出行幾分鐘就到達。環境方面，餐廳面積雖然不大，但都算舒適。食物方面，我們叫了泰式生蝦、泰式咖哩軟殼蟹、芝士糙米法包及馬拉盞通菜。☝🏻泰式生蝦蝦非常大隻，加上蒜香味十足，令生蝦味道更鮮更甜☝🏻泰式咖哩軟殼蟹+芝士糙米法包咖哩不太辣，椰香味極香，配上糙米法包，非常可口美味，軟殼蟹份量多，且十分香脆，值得回味☝🏻馬拉盞通菜非常入味，又鹹又香，令人停不了口整體而言，泰基隆是一間出色的泰國小店，是回頭率極高的餐廳。

深水埗是平靚正的美食集中地，價錢親民是一大重點，所以久不久我也會到此覓食走到基隆街看見這間泰國菜，門面光猛整潔店內亦整齊衛生炎炎夏日，當然先來兩杯凍飲<椰汁冰>香濃椰汁味，又香又滑，大大杯好解渴<泰式咖啡>濃郁咖啡味帶點微苦但不澀，很香濃<泰式椰汁湯>泰式的酸酸甜甜加上清爽的香矛，非常開胃當中還有雞肉，蕃茄和菇菌類，絕不戲場<泰式鹹肉炒芥蘭>青脆不苦的芥蘭經鹹肉調味後充滿咸香味，再加上脆蒜粒後味道絕不單調<泰式黃咖喱雞>主角來了店家還用小火爐替咖喱保持溫度，非常貼心一大盆香濃咖喱香噴噴的登場嫩滑的雞柳加上香濃的黃咖喱味道微辣，香濃惹味，而且超多咖喱汁，用來點蒜蓉飽或撈飯都超正<泰式醉貓炒河（豬肉）>名字有趣，身為貓奴的我便點了原來醉貓就是指加了酒一起炒，所以炒好的河粉帶點點清香的酒味，正好減輕了油膩感價錢實惠，食品有質素。以後吃泰菜又多一個選擇了。

今日行過基隆街,就入左呢間以街道命名既泰基隆餐廳,見到有塊大黑版推介食咖哩軟殼蟹就一於試試佢,另外仲要左個咸魚雞粒炒飯,豬頸肉生菜包,椰汁冰同龍眼冰,諗住兩個人食岩岩好。點知上菜之後先發現,原來每一碟菜都起碼係三人份量,十分抵食,食到最尾打包拎走做早餐!先講講咖哩軟殼蟹既味道,隻隻蟹都勁多肉,而且個汁唔辣但夠香,配合起上黎配個芝士法包簡直一流,食極都唔厭而咸魚雞粒炒飯都炒得唔錯,雞粒同咸魚既比例岩岩好唔會太多雞或太多魚,但當然味道就無軟殼蟹咁突出豬頸肉生菜包煎得非常香,但要注意既係每一塊豬頸肉都幾辣下,唔食得辣就最好唔好叫。配合埋生菜就岩岩好唔會太膩

深水埗多數只會諗到食車仔麵太耐冇出黎行街原來依加深水埗多左好多野食而基隆街就係其中一條係遠方已經見到呢間餐廳好吸引係門口睇到裝修都幾吸引店內空間唔算好大但都坐得幾舒服好彩咁岩有位估唔到原來都幾多人食見到隔離見既食物都已經流口水我地急不及待睇下有咩好食除左正常餐牌之外仲會有個特別推介呢排天氣實在太熱喇坐底都決定要叫左飲品先！除左啲大路飲品仲發覺有蝶豆花第一次見 個名都覺得幾得意嘩 杯飲品好靚好紫感覺好新奇而我就叫左珍多冰好夠椰汁味！除此之外我地仲叫左個海鮮沙津醒下胃先不過唔記得左問辣吾辣所以黎到 食落對我地黎講都幾辣但係呢個沙津酸味比突出好開胃就算辣都食唔停口海鮮都有蝦 青口 魷魚等等份量都唔少架去到食泰國菜總係忍唔到口 一定要叫菠蘿炒飯每人都起碼分到兩碗最後 仲叫左個泰式椰汁雞湯店員捧緊過黎既時候已經聞到香味好重椰汁味之餘仲有陣陣香草味非常特別推薦唔食得辣既朋友一試