泰原味

營業中

休息中

今日個朋友帶我行完調景嶺之後，入左一個商場然後去左一間食店，食左一餐豐富嘅泰國菜見到餐牌有好多選擇，真係有選擇困難症，唔知選乜好樣樣都好吸引而且唔貴，但冇可能一次過試晒，就只叫左幾款試吓先，下次再試其他今次叫左：馬拉盞炒通菜、泰式鮮青檸蒸明爐烏頭、炭燒泰式串燒（豬）、脆香咖喱大包軟殼蟹、印式燒餅、菠蘿冰和椰汁冰。馬拉盞炒通菜：好大碟，熱辣辣好惹味泰式鮮青檸蒸明爐烏頭：好大條好多肉，酸菜顫底，味道好酸，魚上面加左辣椒和蒜蓉碎，另到魚和個湯酸酸辣辣，好醒胃，如果覺得唔夠味，可點埋個泰式酸汁，就更濃味炭燒泰式串燒（豬）：應該用左香茅醃製，有少少香茅味，點埋個沙爹醬美味好多。脆香咖喱大包軟殼蟹：有一隻大軟殼蟹一開二，入囗啖啖肉，咖喱好滑好香濃，大包外脆內軟，索晒咖喱汁好好味印式燒餅：脆得來煙煙韌韌，唔使點汁已好好味，但我哋叫呢個就係用來點大包軟殼蟹嘅咖喱汁，點左更加正菠蘿冰：有好多菠蘿粒幾好味椰汁冰：好香濃椰子味估唔到調景嶺有間噤正嘅泰國菜，真係多謝朋友介紹，下次要再去

每次同女朋友行街經過調景嶺，都一定會搵到好嘢食，今日都唔例外，經過調景嶺嘅彩明商場，發現有我地鍾意食嘅泰國餐菜廳，一於今晚來這裡食！脆香咖喱大包軟殼蟹一上菜，大大隻軟殼蟹已經浸在咖喱大包入面，食晒軟殼蟹，剩餘嘅咖喱用嚟送油飯簡直一流！泰式鮮蝦金邊粉金邊粉算係泰國菜入面幾有特色嘅菜式，因為係咁，廚師係製作上或者係調味上都需要有一定嘅功力，呢度嘅金邊粉完全符合到我哋嘅期望，雖然味道比較濃郁，又唔會失其泰式風味，正！香茅雞翼炸雞翼不嬲都係我哋嘅最愛，肉質都幾嫩滑，而且炸得剛剛好，咬落去扑扑趣！冬陰公湯湯底濃厚正宗，我啱我哋兩個呢啲重口味嘅人，鮮蝦大大隻，原本以為呢個價錢份量只係夠一個人飲，份量比想像中大碗，我哋兩個飲咗兩三碗都仲有，抵讚！

今天同朋友到調景嶺食泰國菜，見餐牌好多款式，價錢實惠，先點了小食-炸蝦餅$53，四大塊，每塊都漲卜卜，食落好彈牙。泰國菜最顯功夫，試下個大頭蝦冬蔭功湯，冇諗過$68 竟然一大煲，還有四隻大蝦，夠爽口，而且辣度十足，主食叫了海南雞飯$58，雞肉好嫰滑，雞皮色澤夠黃，雞油香味濃，油飯也滲了濃濃雞香味，蘸上海南雞辣汁，好味。另一泰菜必食，我至愛的酸子肉碎明爐烏頭$128，上枱夠晒大堆頭，鋪滿配菜，芹菜、草菇、芫茜、甘荀絲，湯底有濃濃魚湯鮮味帶點酸甜，最後點了芒果糯米飯$56，糯米飯夠軟熟撈埋熱椰漿，好味。

為香港努力左幾日,都要休息下,今日下午放假,同戰友去左泰原味食野。 這商場本身唔多食肆 一到午飯時間 好多學生， 每間門口都擠滿人。下午茶餐牌都有不少選擇。選了海南雞飯，雞肉新鮮，充滿雞味， 雞皮不多肥膏。配的雖然不是油飯，但飯很軟熟,味道不錯。似乎係地道傳統嘅海南雞飯。 醬汁都相當有味道另外食左青咖哩豬扒飯。 青咖喱汁好濃郁,味道都唔錯。 青咖哩裏面嘅茄子都好有鮮味子， 豬扒亦好有肉地。。熱檸茶茶膽唔錯,可以一試加配了豬串燒， 又係值得推介。食物味道正宗,份量唔錯，一定夠飽。

今天不想煮飯，一行三人隨便吃晩飯，吃膩了茶餐廳，今天吃泰菜，第一次在這裡晚餐，原來選擇也很多哦！海南雞很入味，美味可口，雞脾嫰滑，沾上我至愛海南雞辣汁，一流！點了這個蒜蓉炒雜菜，很喜歡這味道濃淡適中，因為平日在九龍城吃泰國菜，一般也是比較咸，最後會很好口渴，今天這店沒有這情況。平生第一次在餐廳點烏頭，因為愛人不太愛吃魚，但今天他竟然提議點這個，很喜歡這調味-酸子肉碎，喜歡它甜甜酸酸鹹鹹，有機會帶我的媽媽來，她愛吃烏頭。這個軟殼蟹咖喱醬汁十分可口，小愛人追着吃麵包！軟殼蟹香脆可口，只是略嫌軟殼蟹份量不是太多。這個是水準之作，跟九龍城傳統泰國店的蝦餅一樣出色，沒有得挑剔！這兩杯特飲也是水準之作，紅豆份量十足，我至愛的紅豆夠淋但不會碎開，正！

今日與老友在調景嶺打完籃球，非常肚餓要補充體力。我們經過彩明商場，發現有一間「泰原味」吃泰國菜的。看看餐牌食物款式也很多，價錢很大眾化，而且還不用加一。我們便不作他選， 決定在這裏吃晚餐。餐廳面積都頗大，有卡位、半卡位和圓桌，適合不同的食客人數的要求。其中一邊採用半腰玻璃窗，明亮光猛，更可以望到商場內的景象。我們叫了泰人大蝦冬陰湯(細)$68，用一個小砂煲盛載著，份量很多，湯裏面有四隻中蝦，蝦的size也不少，小蕃茄和草菇等配料。味道酸酸甜甜，有香草、冬陰功香料的香辣味，開胃醒神。馬拉盞通菜$68，夠鑊氣，樣子翠綠，味道帶微辣夠惹味，不錯。古法馬沙文咖哩雞肉 $68，咖哩汁帶椰香味道，有雞肉、洋蔥、青椒、薯仔伴菜，帶香甜味道的咖哩汁好多，好餸飯。泰式海南雞半隻80，海南雞肉嫩滑，沾上所配的醬汁更加惹味。我們配了雞油飯和白飯，讓自己吃得滿足一點。皮爽肉滑的去骨海南雞泰式牛肉炒河$68，份量足夠，不油膩夠鑊氣。跟主菜可以用半價叫飲品，很抵，所以叫了杯菠蘿梳打，最適合夏天飲用。「泰原味」位於彩明商場內，鄰近調景嶺港鐵站，十分方便。走的是大眾化路線，味道不錯，價錢經濟實惠。

將軍澳要食泰菜其實唔太多選擇，有都唔平。見到呢間新開嘅泰菜，本著不妨一試嘅心態同老公黎食晚餐。餐牌都幾豐富，好似食乜都有咁，先叫左個大頭蝦冬蔭功湯，二人份量都好大! 味道呢，其實有點偏酸，不過竟然有4隻蝦! 另外，我地叫左個小食拼盤，又係好大份，魚餅蝦餅春卷都勁大舊! 味道係唔錯，亦好有咬口，不過有點偏咸。岩哂d濃味友馬拉盞通菜就係我每次到泰菜必食嘅，呢度炒得相當唔錯，調味亦好近似泰國食到嘅 ，辣味剛好!我地個主菜叫左咖哩軟殼蟹農夫包，賣相就真係一流，又係勁大份! 即刻試左一口咖哩，切個少少包食，嘩，好正!軟殼蟹都有2大隻!食咁多野都唔使400蚊，因為唔使加一!!!唔使加一!唔使加一!都話重要嘅事講3次下次會同一家人去，再叫多d野食!

彩明商場新開的這家泰國菜，裝修簡潔，地方寬敞，看餐牌價錢合理，值得試試。泰式生蝦，6件，$72生蝦最緊要新鮮，系唔系新鮮一入口就知道，肉質彈牙爽滑，味道清甜，確係新鮮，加埋泰式醬汁，醒胃！泰式海南雞，半隻，$80滑溜，火候控制得唔錯，有甘香雞味，好食。鐵板泰式滷水無骨豬手，$78豬手夠淰，肉汁豐富，個滷水汁超惹味，必食！芒果白糯米飯，$56我一直覺得尼個係一個甜品，芒果好香甜，糯米飯煙煙韌韌，椰汁味好香濃，精彩的配搭。椰青，$33好清甜，連椰肉都好好食。味道好，地方舒適，價錢合理，無加一服務費，會介紹朋友黎！

媽媽好鐘意食泰國野，見到有未試過嘅泰國野，梗係要捉下媽媽去試下呢。調景嶺呢間泰原味，餐廳都幾大下，座位數量都幾多，而座位同座位之間有一定距離，有一定私隱度，我地簡左梳化位去坐，貪佢舒舒服服，又夠哂多空間可以放野。Menu上面都有勁多選擇，侍應亦都好有禮貌同熱情咁我地介紹食物。雖然我地只係得2個人，但我地都叫左幾多野食下，事關價錢都幾平，搞到我地叫起上黎好似唔洗錢咁，哈哈。我地叫左金柚子沙律、椰香青咖哩雞、蒜蓉炒芥蘭、泰式鮮蝦金邊粉同印式燒餅。金柚子沙律 $58去親泰國餐廳就好鐘意叫呢個沙律黎食，個沙律色彩繽紛材料豐富，有柚子、腰果、車厘茄、乾蒜等拌埋一齊，食落有少少辣，配埋柚子，酸酸甜甜、辣辣地，口感不錯，清涼又好食，仲好開胃添，夏天非常岩食！椰香青咖哩雞($68) 配 印式燒餅($25)青咖哩雞，咖喱香氣四散，因為有椰汁嘅關係，雞肉入口會滑好多，而雞肉入口都幾嫩滑，青咖喱帶微辣帶少少甜度，食食下忍唔住叫多左個燒餅黎沽咖哩汁食。蒜蓉炒芥蘭 $68平時食街食多好少有機會食菜，泰國餐廳點都一定會有菜食，多多少少都要食返啲菜balance XD，呢度嘅芥蘭本身夠新靚夠綠，入口好爽唔會帶苦，帶

今日到將軍澳探朋友，及與朋友一起到其附近晚餐。朋友介紹食泰國菜，泰國菜是我喜愛的菜式，我當然贊成，於是在朋友帶領下，來到泰原味。餐廳卡位整齊，裝修簡約時尚。烏頭$128與朋友一致地都喜愛明爐烏頭，要了少辣。烏頭比較肥美，面上鋪了很多芫茜，烏頭肉質嫩滑，㸃上餐廳跟配的特製的秘製醬汁，酸酸甜甜，很是可口惹味。馬拉盞炒通菜$68馬拉盞炒通菜，通菜炒得菜的莖很爽口，葉腍中帶㸃滑，每口都食到馬拉盞的惹味。香辣肉碎生菜包$73香辣肉碎生菜包，份量都很多，肉碎帶香辣，被生菜包著食，味道及口感都倍覺豐富。泰國椰青$33泰國椰青，通常食泰國菜，飲品我都比較喜愛泰國椰青，喜愛椰青冰冰涼涼夠清甜。

我耐唔耐都會去將軍澳搵朋友。今日朋友推薦了這間新開的《泰原味》。我們叫了一些食物開心share。先上的是《泰式小食拼盤》材料豐盛，有：泰式春卷。蝦餅。魚餅。鳳凰丸 （雞肉丸）。每樣水淮平均。我尤其喜歡泰式魚餅，肉質彈牙，有香濃的泰國香料味道，味道剛好不會太鹹。《泰式生蝦》去泰國料理必點的菜式。生蝦肉質新鮮彈牙，而且都幾大隻，配上特色醬汁，特別開胃。《泰式扎肉沙律》清新之選。蔬菜有西芹生菜等。扎肉有超過十片。個汁酸酸的。十分開胃😋。《鮮蝦金邊粉》味道不錯，炒得幾香，大人細路都啱食。《鐵板泰式滷水無骨豬手》豬手肥瘦平均。豬皮很淋膠質豐富。豬肉亦醃得很入味而且肉質鬆軟。滷水味重但不會太鹹。大家都讚不絕口！飲品叫了《椰青》，十分清甜，很能解渴，亦很大個！《菠蘿冰》，味道清新，很適合小朋友喝！餐廳座位闊落，食物水準亦不錯，會再來的！

好耐無嚟彩明商場食嘢，原來多咗好多新餐廳，其中一間人好多人都鐘意食嘅泰式餐廳，約咗兩個朋友試食下午茶。餐廳裝修一般，卡座幾多，座位闊落，服務方面職員態度可以，食物方面下午茶款式幾多，炒粉麵飯輕食甜品都有，味道就唔係難食但真係好一般。+$19追加小食串燒沙爹豬(2pcs)，個汁幾香，豬肉都新鮮。海南雞飯，雞肉唔算滑，無咩雞味，飯亦無咩油香。扎肉湯河粉，得兩片札肉一件蘿蔔。泰式炒金邊粉，都係一般，唔香。泰式鹵水豬手飯，呢個最好味，豬手都淋同入味，唔會太鹹，汁多可以撈飯。芒果白糯米飯，芒果較酸，椰汁唔夠，糯米飯較乾。成杯都未溶嘅好立克。龍眼冰椰汁紅豆冰

調景嶺中午食咩好？同同事一起去食中午，就近原則所以食碗湯粉好啦。中午食飯都幾多人，但是都不用等位，仲安排我地坐卡位。環境比較寬敞，乾淨整齊。上餐都好快手。中午餐一般45-50蚊，包飲料。奶茶無意外，就是普通茶餐廳奶茶啦。但是杯周邊有點淤積樣的紋，匙羹都是，不過抹不乾淨。我叫咗豬頸肉湯河粉。睇下個湯底，醬油色，淡味，完全唔係骨湯底？有豆芽青菜，都好，健康d豬頸肉算可以，外面無烤過的脆煎，但肉質算嫩。湯粉好薄，分量好少

落雨，諗住唔搭車唔使去寶琳， 試下樓下海南雞，伏伏伏伏伏，只限一次。 大家一樣價錢。我寧願搭車去寶琳嗰間雞飯專門店食。# 明明調景嶺開咗好多新嘢,但係都仲係覺得冇啖好食#仍覺得肚餓# 寶琳海南雞飯

見新舖諗住試下個早餐 一落完單見到搭枱啲人個個等到唔耐煩已經知中伏 漏單催單都無用 最厲害係隔離客人多次催單啲野食都唔嚟 跟住一個貌似老闆既男人係餐廳中心大嗌：「好喇！唔好再催喇！」服務態度...唔係差咁簡單 結果同枱同隔離左右全部人，連埋我自己，都要催先有得食。前後等左成半個鐘，炒蛋係凍既，五香肉丁麵得兩粒仔肉丁，多士亦都凍哂又唔好食。早餐嚟講價錢偏貴，受氣漏單又等咁耐仲係咁既食物份量同質素，絕對冇下次！