泰原味

營業中

休息中

想一家人簡簡單單平平地食個晚餐。呢間餐廳可以滿足到你（如果無過高既要求）。夜晚七點幾去到，大概七成滿，一入就可以坐低。地方算寬敞，唔太嘈，好多一家人食飯。格局同侍應係茶記質素，所以價錢較為相宜。金邊粉茄汁底為主，味偏淡，唔會特別推介。蒜蓉炒雜菜ok。唯一略嫌芡汁較勁。青咖喱我個人幾推介。椰奶味濃，入面牛肉份量雖然唔多，不過有啲豆呀茄子等等拌菜，送飯一流。要注意咖哩價錢無包飯，要額外叫。金不換味唔突出，不過豬頸肉肥同多，送飯都係好選擇。三個人飽住走，人頭唔到一百，算對得住價錢。俾少少餐牌大家。

將軍澳區嘅食肆雖然唔少，但係好大部份都係連鎖店，今日同屋企人咁啱想食泰國嘢，所以就嚟咗泰原味啦。餐廳環境唔錯，裝修企理，我哋兩個人晚市時間都安排左坐卡位，餐廳最好嘅就係有圓枱，多人嚟食嘅話夾菜就方便好多。最近濕氣好重，所以叫咗青檸梳打，酸酸甜甜開胃啲，佢俾咗整罐嘅梳打水，好足料。我屋企人叫咗椰青，佢話好新鮮好有奶香味。食泰國嘢唔少得就一定要叫泰式燒豬頸肉，豬頸肉醃得幾入味，燒到外皮脆脆地，個泰式酸辣汁唔算太辣但好開胃。再嚟就係泰式炸蝦餅，50幾蚊有呢個份量真係非常驚人，蝦膠咬落非常彈牙，仲食到蝦嘅鮮味。以往食泰菜都係食開通菜，今次就叫咗蒜蓉炒芥蘭，芥蘭保持到佢獨有嘅甘香，好惹味。之後再叫左泰式炒金邊粉，齋睇相已經見到三粒大大嘅蝦球好足料，金邊粉最緊要麵條唔好黐埋一齊，個醬汁調味適中，麵條亦都唔會黐埋一舊，口感唔錯。之後叫左泰式蟹肉炒飯，呢個炒飯唔油膩，食到蟹肉，清清地幾啱送上面叫左既菜式。總括嚟講，呢間野份量超級多，我地兩個人太貪心叫左咁多野食，埋單都係二百幾蚊，好抵食呀！！！

我認為香港泰國餐可以分三大類第一類係普通泰國野，第二類係精美泰國餐第三類就係高級泰國餐呢期三類都有食過泰原味就係第2類可以價錢唔貴但又好食既泰國餐2人被安排坐卡位，好舒服，環境都幾好咁多樣野食中,最特別都係佢地既酸辣湯試完我哋都覺得味道好清甜，我都真係好鐘意個海鮮酸辣湯底佢做到好似Fine Dining咁,好精緻.自從上次係泰國食過就好想再食，但真係唔係好多地方做得好食🤔入面D海鮮好好食，蝦夠大隻，鮮味濃真係好新鮮😚😚其他野食都唔錯,海南雞都唔差價錢唔貴,同朋友可以坐係度傾好耐,下次一定會再黎

泰原味平時經過都幾多人食，一直都好想食,但未有時間.趁最近放假,同朋友講起,一齊去食下先,幸運地，我地安排坐在卡位位置，實在捨意！加上呢度空間感大，裝潢富泰國色彩，令我好似置身於泰國一樣!當中最好食既一定係湯,湯味好新鮮,個湯唔會太濃,易入口又開胃，湯味道好突出，濃郁酸甜又易入口,好特別！建議一碗一碗慢慢飲,慢慢享受,唔會覺得好heavy！泰式小食拼盤包括有炸蝦、炸蝦餅、炸春卷,鳳凰丸、炸蝦🍤幾彈牙，有冬䕃公香味，幾特別！蝦餅整得幾好，皮薄，帶香茅香味，都唔錯！炸春卷炸得好脆，配上泰式醬好惹味！舒舒服服又嘆左一個夜晚，食飽飽又可以返去訓教！

朋友約食飯，約左成個月先約到，大家都懶，所以係屋企附近算啦。食飯總不能食極都同一間，今次來點新意思，來左依間泰原味！裝修保留左滿滿既泰國特色，去到門口就見到，泰原味3個字相當有氣勢。一坐低見到個Meun已經好吸引，樣樣都係唔係一般泰國餐可以食到，我選左泰式咖哩麵包軟殼蟹。軟殼蟹已經令人讚口不絕，更加值得讚賞既係店家既配料，樣樣都好精美同埋誠意滿滿，實在太好食啦！咖哩味夠濃，店家用料十分新鮮不在話下，絕對唔係次等貨色，大家絕對要掌握好時間，一上枱筷食落肚！如果放太耐你就浪費左甘好既咖哩！最後我地2丁友都一致裁定~依間泰原味絕對可以ENCORE再ENCORE！

朋友約左係調景嶺,上佢屋企整D野,整完野之後佢帶我落街食野黎左依間泰原味,之前都有路過～但就沒有深入了解過。今更朋友提議吃泰國餐，居然帶我來到一直很好奇的餐廳，太巧合了！因為是第一次吃這家，所以就點最基本的，試試它家的基本功哈哈哈～點了海南雞飯 一看到就覺得太有氣勢了吧！旁邊還貼心放上甜酸醬，可以跟個人口味調整，很可以喔～雞肉肉質一點都不硬，有彈性肥瘦適中,而且十分新鮮,醬汁也肉味道加分不小！點心拼盤朋友說很好吃,不會太甜,但又很有味道,口感也不錯下次會再來,因為真的不貴

特地請兩天假，和朋友逛街，想回味一下放暑假的感覺。不過真的太熱，逛了一會便要去商場避暑，找個餐廳吃下午茶，來了這家泰原味。餐廳燈光柔和，讓人感覺很舒服。邊吃邊談天就是令人開懷的。裏面設有多張二至四人枱，和兩三張長枱，枱與枱之間空間寬闊，沒有擠逼感。翻開餐牌，分類清晰，有頭盤、沙律、湯、海鮮、肉類、飯麵、蔬菜、甜品和飲料，有很多選擇呢！點了這裡的招牌菜，咖哩麵包軟殼蟹$108，賣相真的很吸引，樣子可愛得不捨得吃進肚子。新鮮蟹肉帶些香辣的味道，味道剛好，不會太濃，份量也很多，香辣味吃得十分開胃。蟹煮的時間掌握得好，質感可以保持爽脆有咬口。而且不油膩，味道不會過鹹，簡單的美味。印度青咖哩就常有，泰式的較少見，就點這個嚐一嚐它的味道。這個青咖哩雞$68，份量適中，雞肉肉質紮實，口感嫩滑新鮮 ，微辣，吃得更有風味。咖哩質地挺身香滑，微辣度易入口。整體味道不錯，價錢合理。在餐廳也涼快夠了，喜歡這裡坐得舒服，休息完可以繼續逛街啦！

星期一放半日🤗約左朋友行街,行完街去食飯我哋黎左朋友仔屋企附近既餐廳😋依度叫泰原味一直想黎依度好耐,有時黎揾朋友仔行過都好想試😆今次終於同朋友仔黎試😆夜晚都幾多人海南雞飯👍🏻雞肉入口鮮甜美味😋醬汁好味，別有一番風味！！ 飯內有很大隻雞肉，材料豐富，食落去味道唔算太咸，就算唔食得咸既都可接受🤭🤭入口好軟滑，入口酸酸甜甜感覺開胃，拎黎送飯一流！！雞肉鮮甜美味，我地食完一碗又一碗，完全好味都停唔到口😆紅豆冰好有味道，飲落亦唔覺得濟！！價錢唔貴,好開心有下次👍🏻

約左朋友睇戲,等佢放工等左好耐,睇戲前醫醫肚先，近近地就選了這裡吃我們的晚餐。想不到平日的夜晚都差不多full house。 被安排在卡位實在太好了，感覺很relax,亦較有私隱! 海南雞,比我預期好吃，雞味夠，不會淡味，份量合理，吃得過！對女生來說有驚喜賣相不錯，而且入口很新鮮,是真材實料的，食完十分開胃 海南雞飯質粉嫩軟滑，豐腴入味，味道恰好，很不錯！而且上枱熱騰騰,很好吃。看著那白煙徐徐上升，就知道這是新鮮熱辣剛剛炒起！味道不錯！滿意！賣相吸引。價錢以海南雞飯來説不算貴，份量足夠兩個女仔食，加上擺碟別有一番心思，大力推薦。餐廳的加分位是環境真的很舒服！至少和朋友聊天不會被旁邊那枱聽到。舒舒服服享受一餐。

星期一放工沒有節目,和妹妹去吃晚飯來到家附近的餐廳,這家泰國🐘菜餐廳面積頗大，很適合情侶👫或三五知己👨👩👧👧聚餐，我們被安排坐在窗口🏙位置，感覺不錯。店員會主動給水我們,服務十分有禮泰式豬頸肉飯, 整體嘅味道都不錯，飯粒很香口，入口也很鬆化，味道和賣相都不錯 泰式豬頸肉肉嫩爽口，而且炒得香口，口感不錯,是我吃過最好吃的豬頸肉。我認為幾道菜之中最好食的一個食物，尤其豬頸肉肉在口腔中很好味另外泰式椰青很香，入口幾有層次感,味道新鮮,都好鮮甜。整體來說，幾款食物的外觀及味道有不錯的表現，實在是食得悠閒輕鬆自在

約左朋友放工食飯,唔想去太遠,就去屋企附近既餐廳去左泰原味,係一間泰國餐,入面幾多人,都幾多野食下！去到好快有位,之後坐低,幾舒服😌依度好似開左唔係太耐,但晚市好快就有好多人,好在我地黎得早😬咖哩麵包蟹賣相好得意，好大舊麵包.入口味道小小酸中又帶甜 !! 口感煙煙韌韌咁,感覺唔錯 ~軟殼蟹係最好食,好明顯我太餓 ... 全部都覺得好正呀 !!又唔會 好濃味 ~~ I LIKE IT !!!!! 依度既食物平均都好大份,食完真係好飽,又唔會好有味精既感覺,價錢唔貴,值得一試！

夏日炎炎，大汗淋漓就搵啲辣野食喇，辣野食首選當然是泰國菜吧，一黎開胃，二黎有助排毒去濕。位於調景嶺站附近的彩明商場2樓有間泰原味Thai Cuisine, 如果住附近，近近地，係食泰國菜既一個唔錯選擇，因為性價比唔錯，價格區內合理，食物quality 頗夠。例如泰式鮮青檸蒸明爐烏頭魚，暖洪洪的，條烏頭魚算係幾新鮮，肉質厚實軟滑，入口無腥味，亦無烏頭魚與生俱來既泥味，湯底酸辣清甜，可以飲晒佢，配飯開胃。另外，泰人大頭蝦冬陰公要了個68蚊的，但都有一個細瓦煲那麼大，2至3人夠食，大頭蝦有4隻，味道都係酸辣為主。其實如果2人食以上兩個餸都夠飽了，另可以再加個開泰式青木瓜沙律，呢種沙律係有花生碎甜甜地，辣辣地果種，可以當甜品食。

泰式鮮青檸蒸明爐烏頭$128，烏頭魚肉較結實，用酸酸尾尾既汁有助提昇魚既鮮味泰式炸蝦餅$53，共有4件，每件已切開一半，蝦餅夠新鮮好彈牙，外層好脆脆香咖喱大包軟殼蟹$108，哩道餸絕對稱得上色香味俱全，上菜時已聞到香噴噴既咖喱味，咖喱色澤金黃色，面層仲有紅色辣油，味道方面屬於微辣，大大個包沾滿左咖喱汁，好好味，將軟殼蟹輕輕點少少汁，食落有半軟半脆口感泰人大蝦冬蔭湯$68，哩個係細size份量，共有4隻大蝦，冬蔭湯好岩夏天食，因為酸酸地咁椰汁冰$26，椰香味濃，甜度適中青檸梳打$26，酸性飲品，消暑解喝

哩間泰國餐廳新開張一段時間，裝修企理，食客人流都幾多，我都幫襯下先。菠蘿梳打($26) ，青檸梳打($26)泰式無骨鳳爪($48)，爽口大隻，啖啖肉，辣度適中，不算太辣。泰式原隻鮮菠蘿海鮮炒飯($83)，滿滿既海鮮飯，我覺得菠蘿粒最好味夠晒清甜多汁。馬來盞炒通菜($68)，哩個通菜炒得辣辣地好惹味，而且菜好新鮮。炭燒泰式串燒(4串/$42)，選左豬肉，精髓在於沙爹醬，味道夠濃，而且有花生粒，配串燒真係一流，豬肉串我覺得比例好合適，8成肉，2成肥膏，不太油膩亦不太乾身。芒果白糯米飯($56)，椰汁香濃，糯米帶有煙煙韌韌，芒果選用既品種，似係那種就算熟透都只會呈現綠色外皮，不會似一般芒果呈黃色外皮，芒果肉口感比較結實，但一樣好清甜。

早幾日同朋友食飯,去左一間泰國餐廳,餐廳係IVE附近,幾方便間餐廳幾靚,員工都好有禮貌,感覺唔錯入到黎店員介紹左D食物比我地,每樣都好有泰國味道， 有嘢食有嘢飲仲有埋甜品食 不過最好食都係依個泰式海鮮湯,個賣相好靚,份量都好大,夠曬2個人飲,我地食左2個飯,再加埋依個湯真係夠曬呢個湯夠曬開胃，帶點酸酸辣辣,喺泰國菜必叫嘅一個菜式海鮮啖啖肉,蝦肉超滑，大蝦啖啖肉又彈牙食落好方便入面仲有其他配料,粒粒分明個湯唔會好油 ,好清,真係好飲價錢唔太貴,可以再黎