泰上皇

《生活·日嘗》- 泰上皇泰·耐無食本身想去食1988，不過爆曬無位，轉戰哩間Sunny Thai，地點有啲難搵，幾經辛苦終於去到呢間舖頭，其實每次一間泰國餐廳，我都一定會叫佢地嘅牛油雞翼，通菜，同埋咖喱🍛好快就有食物送上枱，前兩者冇乜驚喜，但係個咖喱用熱石鍋滾住上，好滾動😍 再加多個蝦醬炒飯，比我想中好食， 三扒兩步就食晒落肚整體來講質素算係中上，不過我睇到個餐牌，有好多手釣野生海產，好似幾好食，下次嚟可以試吓😋埋單每人$220，還可以😎…查看更多

朋友介紹來呢間泰國餐廳飯局，一行六人點咗好多樣小食、餸菜，盡飽口福！樣樣都好好味，等我逐一介紹吓！泰式去骨鳳爪：味道教得啱啱好，少少酸少少辣，好醒胃泰式柚子沙律：偏甜，好好味，又係開胃之選小食拼盤：蝦肉魚肉都好彈牙，食得出的新鮮，炸得非常鬆脆可口，不油膩，食多幾舊都唔會滯👍🏻👍🏻👍🏻口水雞：雞肉嫩滑，唔太辣，唔錯！店長推介的炸鹹蛋：蝦膠包住鹹蛋黃再炸，蝦肉爽口彈牙，加埋鹹蛋黃少少鹹味，簡直係絕配，果然無介紹錯👍🏻👍🏻👍🏻泰式生蝦：我的至愛😍蝦肉新鮮彈牙，大大隻啖啖肉，口感無得頂，加埋泰式醬汁真係無得輸👍🏻👍🏻👍🏻仲要讚下廚師的用心，將蝦頭炸到卜卜脆😋炒介蘭：新鮮爽口，一味好普通的菜都可以炒得咁好食👍🏻青咖哩牛配蒜茸包：青咖哩好好味，少少甜唔太辣，配埋卜卜脆蒜茸包又係無得輸👍🏻👍🏻👍🏻明爐烏頭：肉質嫩滑，配埋啲酸菜好好味是日甜品：柚子/紅豆雪糕👍🏻，柚子大菜糕👌🏻，芒果糯米飯👍🏻👍🏻👍🏻，椰汁西米糕👍🏻👍🏻最鍾意芒果糯米飯，椰汁唔太甜，熱熱地，芒果香甜，好正😍…查看更多

午餐食泰國菜去左泰上皇, 樓上舖餐廳內裡不算大但裝修都算有心思. 柯打了幾款午餐套餐, 泰式咖喱雜扒飯(雞＆豬) 咖喱汁有重重椰香味, 有啲似咖喱炒蟹個種, 唔會辣但又有啲creamy都幾特別, 豬扒同雞扒切哂件外面煎到脆身而中心仲係算腍, 份量亦都不錯. 炸豬扒椰醬撈麪大大碗望到都非常滿足, 加上多鋪滿面的花生椰醬, 味道香濃, 碗麪好似食極都仲有肉碎濕炒河就正常水準. 飲品和方面呢度的泰式奶茶同外面比較相對甜啲, 唔想飲咁甜要柯打少甜.…查看更多

因為太忙，與朋友於其他餐廳訂枱的過程不太順利，朋友想食泰國菜，剛巧即日預約都有位和我們要的時間，即刻試下。朋友生日，買了兩件蛋糕諗住之後食，一入餐廳門口，店員就好醒目拿去雪藏，抵讚。之後我們點餐：🍊柚子蝦沙律：好好味，不止份量多，而且個汁較到酸甜剛好泰式串燒：都好味，有肉汁，唔會燒到乾爭爭，老闆仲提我地可以選多樣，我地選左雞和豬南瓜海鮮飯：甜甜地，內有椰漿、甘筍粒、魷魚、蝦等，刮埋d南瓜🎃肉一齊食，感覺健康，份量多馬拉盞椰菜苗：呢個有d鹹，不過配埋飯食都Ok最後老闆送左個芒果糯米飯比朋友慶生🥭，我地實在太飽，玩猜包剪揼食完老闆既一番心意😊整個晚餐野食好味，服務亦好，我們都在一遍笑聲中食完餐飯，我會再來。…查看更多

興起約朋友聚一聚 隨便上網搵間餐廳 太太想食泰國菜 於是就試吓 用網上訂位 四個人 迅速確認定位 味道夠地道 老闆又細心 又好人 值得推薦嘅餐廳👍🏻👍🏻埋單見到個價錢有驚喜 好食又唔貴😙…查看更多

第一次嚟呢間工廠大廈嘅泰式餐廳，環境幾光猛，有好多張大枱。餐牌有好多選擇，價錢都唔平。蒜蓉包（$28）焗得好脆好夠味😋同埋好大嚿有4嚿😍泰式烤酥餅（$28）好鬆脆，食嗰陣時都會散，但係佢就一D汁都冇比🙁，可能當我哋點咖喱食。泰式炸春卷（$65）個皮好薄好脆，炸得靚唔會太油膩👍🏻海南雞 半隻（$129）半隻嘅份量都多👍🏻雞肉好滑好嫩，但係竟然係暖嘅😅我就冇所謂。泰式豬頸肉炒飯（$79）都有三四碗嘅份量，炒得好香，差唔多啖啖都有豬頸肉粒🤤冬陰公清湯牛腩（$168）我第一次試冬陰公清湯，好開胃小小辣同埋酸，牛腩都有好舊，幾腍，仲有啲雜菇👍🏻泰式串燒 半打（$89）都幾抵食同埋好大舊🤩有兩串豬、兩串牛、兩串雞，一啲都唔嚡。泰式蝦球炒西蘭花（$95）佢用嘅蝦係比較細嘅品種，但係冇乜蝦味😕但係用蒜蓉炒西蘭花就幾香。泰式馬拉盞炒通菜（$75）炒得好香，都有啲辣，份量啱啱好。仲送咗啲椰青糕😍好似大菜糕嘅口感，唔會太甜。食物質素唔錯😋服務態度都幾好，價錢唔算平但係合理。…查看更多

呢間之前聽同事話好食, 同埋好多人等位, 而未有機會去試, 終於趁今日冇乜人返工去食, 咁就唔駛等位, 一去到就有位, 不過就坐得迫少少, 夾係兩枱人中間...............裝修都光猛企理, 點餐就要寫完紙仔先去比錢, 然後坐定定等人送上.............正常menu係湯粉麵同埋飯類, 而炒粉麵飯就每日不同, 要睇佢lunch果part, 咁我梗係食佢d炒嘢, 咁先試到佢火喉好唔好~ 青咖哩炒米可以豬/牛/雞任選一款, 我就選擇咗雞肉, 即係青咖哩雞肉炒米~一上枱已經覺得佢唔夠乾身, 咁佢用青咖哩, 可能係用青咖哩汁去濕炒, 咁我又覺得當係濕炒可以接受, 或者泰國興呢~雖然我唔食得辣, 不過青咖哩係唔辣, 只係中間有d辣椒圈要夾開, 米粉當然吸收哂青咖哩的香味, 但可惜佢d雞肉係完全冇味, 似白烚, 而且雞肉又溶合唔到入d米粉到, 係零零碎碎有d雞肉係米粉周圍, 而D米粉就一堆一堆咁, 開頭食都當佢係濕炒, 仲要炒到一PAT PAT咁, 食到落底發現唔只用青咖哩汁濕炒咁簡單, 係仲有超多油去炒, 而d油係多到成個底都係, 雖然佢已經墊咗塊生菜, 但塊生菜都幫佢唔到吸油, 我真係接受唔到d油多到咁, 好清楚睇到佢係油, 而唔係汁！我絕對接受唔到一碟咁油的炒米, 非常失望.............. 洛神花茶我响出面飲過咁多間有洛神花的舖頭, 全部都係洛神花蜜, 係呢間真係洛神花茶, 要自己落砂糖, 洛神花唔落糖會又酸又澀, 唔係個個接受到囉~ 就算落砂糖, 都係唔及落蜜糖咁好味~雖然食物質素未如預期, 我見同事食的炒飯都係好油, 立立令的, 但見佢的服務態度唔差, 執枱又快, 先不至於比差評...............…查看更多

透過朋友介紹，我們點了很多菜式例如木瓜沙律菜、生蝦刺身、冬陰公湯、炒飯、金邊粉等等，所有菜式都很正宗，很夠味道，而且份量都算足夠，這地方很乾淨，座位可以與朋友談很久。…查看更多

今日再同朋友一齊再食呢一間泰國菜 ，今次特登試佢既特色菜， 泰式一口鮑魚焗飯， 真係非常好味道同新鮮 ，呢個餸 book位既時候要提前訂定，因為之前老闆介紹過，所以預早一日訂貨。 柚子蝦沙律 大碟又甜， 泰式石鍋雞非常惹味，麻辣夠惹味， 清邁甜酸魚 又開胃美味同好大條， 可能當晚我點嘅菜每款都啱我口味 我簡直要畀100分， 仲有生蝦刺身都唔記得影相添， 生蝦非常新鮮彈牙蝦頭中炸到卜卜脆， 地方 都舒適 ， 服務好，一定會再再再來。。…查看更多

今日幾個好耐冇見既朋友黎食飯上網見唔多好評 本身都怕怕地原來唔係wor! 都好好食 仲要冇85折食物質素唔錯冬陰公湯好濃味～ 上菜既時候勁滾 用石窩泰式鳳爪辣辣地 幾開胃 ！炸蝦餅好大舊幾香口！好彈牙～明爐蒸鳳頭（$208） 必點 酸酸味味 愈煲愈入味 烏頭好大條 新鮮～生蝦刺身勁新鮮好特別 草蝦 個蝦頭炸完好香脆可以成舊食泰皇咖哩蟹必點啦 個咖哩撈飯/ Garlic Bread 超香口 好好味老闆比左d私伙 清酒我地 好香淳！總結黎講冇伏85折完之後價錢一人食左200頭 都唔算貴 坐足3個鐘店員都好好服務…查看更多

原本食開間泰菜full booking,今次試下新野成晚計埋我地得三枱客，環境光猛，梳化位坐得舒服口乾叫咗兩個椰青，餐廳雪到椰青勁凍，椰青水變咗沙冰，好正，又清涼又甜喱個菜色唔記得叫咩名份量好大，好濃味但偏咸，最終係食唔晒另外仲叫咗串燒同炒金邊粉，串燒不過不失，炒金邊粉唔會太濕好好味最後餐廳送上兩個椰菜大菜糕，里面有d 椰肉絲，成個感覺好清甜又有咬口兩個女仔叫咗三個餸最終係食唔晒下次可以叫多個人一齊嚟食…查看更多

食咗好幾次泰上皇，今次平日去食，坐唔滿，但得一個廚房、兩個樓面，無水吧，但都比較難應付幾檯客，無咗兩個可愛主持人係爭D嘅改良後嘅柚子沙律，味道同材料都算唔錯泰式生蝦，係個汁比較無其他咁出色，但隻蝦都算彈牙爽口。燒豬頸肉，份量好似較以前少了明爐燒魚，魚新鮮、材料足，味道都好味嘅椰青都夠新鮮汽水都靚靚哋咖哩係咩材料唔緊要，最緊要有薄餅同蒜茸包，個汁好味燒雞，不過不失菠蘿海鮮炒飯，擺到咁高好難「畢」嚟食呀馬拉盞芥蘭，偏咸甜品不過不失…查看更多

剛岩下午茶時間經過想吃泰國菜，找到這裡有下午菜，價錢三十多就有。下午茶加已包了泰式飲品，這個很吸引，要知道平時叫一杯泰式飲品也要二十多元。吃了一個泰式雞粒炒飯和雞肉炒金邊粉，要了熱洛神花茶和凍泰式奶茶。作為泰式炒金邊粉同泰式奶茶的粉絲，每次吃泰菜一定會叫，有些泰式餐廳因爲怕麻煩沒有泰式奶茶，這個絕對要扣分。飲品先來，奶茶很淡口，但相信是用了手標牌，沒有煉奶味，不太滿意。洛神花茶一般般。炒金邊粉不是最爽口彈牙那款，這款比較林身，味道還可以，不能做到甜酸均濃的那味道。炒飯反而做得不錯，軟軟適中，味道濃，料也足。價錢午餐其實不便宜，但下午茶同樣款式平幾十蚊，絕對抵食。…查看更多

唔錯嘅泰菜，晚上人流唔多，餐廳裝修簡單，幾乾淨。食物👌🏼小食拼盤：百幾蚊，有魚餅、蝦餅、肉丸同春卷。蝦餅味道一般，其他味道正常。沙嗲串燒（$89）：一般，有豬牛雞各兩串，肉燒得有啲乾。爆炸八爪魚（$138）：唔錯，好似椒鹽八爪魚，炸得唔錯，好香口。黃咖喱牛腩：咖喱幾好味，但牛腩整得有啲硬。蒜蓉包一般，個薄餅好正，配埋咖喱食👍🏼叫左兩碟菜，味道👌🏼，但個椰菜苗有啲硬。😑海鮮乾炒金邊粉：好大碟，唔油，都幾多海鮮（蝦，魷魚）。送左一碟椰子大菜糕俾我地，味道清甜，好味😋食物整體👌🏼，某啲菜式好有驚喜，員工服務唔錯😆價錢都幾抵…查看更多

星期六又係官塘搵食，今日問老婆去左食泰菜，我番工每次行親都聞到佢既冬蔭功湯味好香，今次黎試都係想試一試佢！上到黎冇乜人，安排坐卡位，唔錯！環境都好舒服！我地決定叫一個午餐，再加個菜，另叫一個湯！個湯到喇，味道果然唔錯，香料好足，海鮮份量好多，好香濃！果然係好正！馬拉盞炒通菜，跟午餐加錢叫，估唔到份量咁大！仲以為細細碟，好好送飯！呢個係午餐青咖喱雞扒飯，個雞扒都幾大塊，個雞皮勁脆！青咖喱好好味，覺得飯唔係好夠 😆…查看更多