泗益

營業中

休息中

閒日中午12點到，見西多點到7至8份排緊，到1點就售罄，真係要早少少黎。西多真係食過反尋味，100%回頭客。奶茶必飲，凍奶茶好香滑，奶味濃茶味重，令人回味。熱奶茶（茶走）除左更滑，茶同奶味都更重更明顯，口感好滑。沙嗲牛蛋麵 $26用出前一丁麵，實好味啦，沙嗲味唔算好重，亦唔辣，有微微沙嗲香，反而牛肉好正，牛味重質感又好，夠滑腍。煎蛋半熟，流出蛋黃汁，拌麵同牛肉，又香又滑。加少少辣油更香更惹味。咖央西多士 $30入口好驚豔，係超級軟綿綿，柔軟到好似綿花嘅口感，我食緊雲朵、空氣……而且係厚身西多，有香濃蛋味，中間餡係甜度剛好的咖央醬，加上咸味的牛油，令人回味。

If you are into authentic local eatery and hidden gem. This is one of the must go place呢間地方就唔係講質素講本地情懷奶茶咁多年都keep得到呢一次嚟到因為唔係太肚餓所以叫咗個鹹牛肉蛋三文治同埋凍奶茶淨係啲兩樣嘢都可以KO 好多地方阿姐的招呼係一間鐵竇來講已經係冇得彈真係好好👍下次再會

#大食小公主赤柱區出動👸🤪 🚩餐蛋麵$23公仔麵係出前一丁有一隻荷包蛋 同1塊好大嘅午餐肉因為我遲去咗少少所以唔係即時食都係正常公仔麵 不過隻蛋煎得好出色👍👍🚩豬扒公仔麵$23一樣公仔麵都係出前一丁豬扒大約剪開有四大嚿豬扒唔好太乾身OK嘅🚩咖央多士$30多士外邊好香脆嘅啱啱整起熱辣辣食係OK嘅咖央味道都正常唔會太甜🚩西多士$30見到呢一個西多士個個都嗌一上枱嘅時候見到呢個西多士好厚嘅而且鬆泡泡 同我哋平時食嘅西多士是有少少分別呢款西多士係唔需要加糖漿嘅因為入邊已經有果醬上台嘅時候預先切咗4份加咗牛油我覺得好香蛋香味 趁熱食係真係好好食❤️👍🚩 凍奶茶$17咁舊式嘅茶記一定要飲番杯香港特色凍奶茶🧋但係唔係令我好難忘 都係正常奶茶味道

來過西貢幾次都無食過，唔係因為無開或者係賣晒，而係佢真係處於個大易令人唔記得嘅位置，真心次次落車之都直衝去市集，所以次次都會唔記得。🤣🤣🤣今次就有啲唔同，完左個Project 之後一心諗住揾日平日無咁多人過來食，係網上做晒research , 睇定邊日休息唔想摸門釘🤣🤣但係人算不如天算，無啦啦星期六有事要去中環，攪晒之後隔離嗰位竟然話想去赤柱行下😱😱😱 上網睇過，星期六日好似係無西多士賣，心入面10萬過抗拒星期六入去，但見隔離嗰位咁有興趣就照入啦，仲打定下次平日自己一個人過來先食嘅打算🤣🤣🤣下午4:30 左右來到，見到有開，前面仲有幾班人排隊等梗，諗住都過來排下，無西多都食下多士呀。點知門口有位姐姐好醒且咁同我地講，中間位置可以食西多士，魚蛋粉就入面，一聽到佢咁講，個心即刻”YEAH” * 3000🤣🤣🤣🎊🎊仲要等左一陣間就有位入去。。星期六喎，so lucky~~~🤣🤣🤣一坐低我才都好小心翼翼，因為聽聞姐姐好惡下，我都唔敢怠慢，一見姐姐就即刻叫嘢，一絲懸念都無 「西多士，魚柳包，熱奶茶，唔該晒」，姐姐即刻問埋熱奶茶要唔要糖，好快落晒單仲收埋錢（$62）。其間見姐姐要執枱，落單，收錢同

之前朋友同大食妹介紹泗益, 話呢度有香港排名第一嘅西多士大食妹一聽到呢個名銜, 決定趁三日連假, 搵日去試吓可惜去到嘅時候, 職員話假日唔做西多士, 經典嘅菠蘿包都已經售罄<豬扒蛋治>難得嚟到呢度, 點都要食啲嘢, 大食妹就嗌咗份豬扒蛋治本身以為係普通野, 點知一試難忘, 有大食妹細個時候食到嘅味道豬扒蛋治嘅麵包非常鬆軟, 雞蛋炒得好香, 配搭稍為結實嘅豬扒, 超級好食<沙嗲牛治>朋友嘅沙嗲牛治沙嗲牛餡料略嫌有啲乾, 比起沙嗲牛, 口感更似牛肉乾<凍咖啡>凍咖啡記住記住記住一定要嗌少甜, 少甜已經超級甜, 糖水feel

_____好味指數：🌟🌟🌟🌟抵食指數：🤑🤑🤑千里迢迢嚟到赤柱就係為咗食呢間嘅西多士。呢間老字號喺香港好出名，成日都排晒隊，同埋又早閂門，所以食到都係一個運氣✅西多士外層炸到金黃香脆，質感相當鬆軟，蛋味濃郁，中間就搽滿咗香甜軟滑嘅咖央醬，再配埋香甜嘅糖漿同芳香嘅牛油一齊食，非常好味✅凍奶茶西多士配凍奶茶真係非常搭配，奶茶係用絲襪炮製，飲落好香好濃滑，同時飲到茶底嘅少少苦澀味。重點係夠晒冰涼，大熱天飲超級消暑

平日早上去，感覺非常不好，幾次被大聲呼喝。點了西多士及咖映多士，老闆娘不耐煩地指住牆上面一張小小的圖片，説「你哋睇清楚先出聲好唔好？這上面寫得很清楚已經賣晒！西多士賣哂、咖映多賣哂！你哋睇唔到咩？仲 order????」真係要好受得氣先好幫襯。😂本身食肆環境差及附近的臭氣已算了，一早預咗。但其實食物幾好食都係假。赤柱話哂係遊客區，咁嘅服務態度真係好影響遊客對香港及香港人的感覺。希望老闆娘可以注意一下。

✨咖央西多士口感鬆軟 帶空氣感咖央醬唔太甜 甜度適中✨奶茶茶味濃 幾香滑 頗甜 無得揀甜度 因為上枱前已落糖食物可以 但又未至於好食到必食環境一般 就算有吉枱都要迫人搭枱服務態度一如以往既差 想食可能要受氣先喺呢度如果你係生客係唔會有人理你 首先會呼喝你 叫你搵到位先講之後叫極都冇人落單 然後用呼喝嘅態度幫你落單 當我地叫西多士時候佢態度就仲差話整西多好麻煩乜乜乜其實我地都起碼有八九年冇幫襯佢去完發現呢度除咗價錢 其他野十幾年都冇變過 真心唔明 其實覺得咁麻煩你咪唔好做囉 又要做又要賺錢又要嘈 咁好咩

以前返工要成日過來赤柱，今次帶女朋友黎度，同佢食我以前成日都去下午茶既泗益今日平日下午茶時間，唔洗等位就入到去坐，好好~我地叫左咖央西多士同凍奶茶🍞咖央西多士睇住老細將麵包反覆浸係蛋漿個度先再拎去炸 等左１０分鐘度熱辣辣既西多士終於上枱啦，金黃色西多士分成６份，中間夾滿咖央醬。上面仲有大大舊牛油，邪惡到不得了~牛油比熱烘烘既西多士溶化，再滲落去厚厚西多士～一啖有齊牛油香、蛋香、同咖央既椰香味，好充實同滿足！🧋配埋凍奶茶，係下午茶既絕配！女朋友食到lam lam 脷 我都好滿足haha!

係冇得去旅行嘅時期，赤柱絕對係一個放假chill下嘅地方，赤柱出名好多連鎖店，但當中都有一啲小店值得一試。今次去赤柱食既係萬惡之首西多士，西多士由細食到大，絕對係香港人既comfort food，係茶記下午茶既數一數二美食，但其實西多士最初係來自法國，用牛油煎香麵包，嚟到香港個時先變咗做油炸，而且變成茶記嘅名物。呢個年代既西多士已經越黎越多口味，好似咖央西多士就係傳統馬來美食咖央同西多士既結合，香港唔算有好多地方可以食到。而今次赤柱呢間小店，正正可以食到咖央西多士。呢間泗益係赤柱一間50幾年老字號既街坊茶檔，牌檔檔主係赤柱原居民，茶檔吸引咗唔少唔係住赤柱嘅人慕名而來，小店藏身喺赤柱市場道迴旋處旁既寮屋群入面，周邊有赤柱市政大樓，門口隔離有一個生果檔，旁邊就係赤柱市集，食飽仲可以行吓。小店茶檔內，西多奶茶咖啡粉麵基本上都有，最受歡迎嘅就係佢嘅主打咖央西多士，亦都成為赤柱嘅名物，營業時間好短，有時都要排隊，要食西多士要好有恆心先得。我前後嚟過兩次，第一次係星期六嘅朝早，因為知道餐廳好早收所以12點就嚟到，嚟到先知原來星期六、日、紅日係冇西多士，因為個師傅放假，老闆娘同我講要平日先有，所以第

公眾假期朝早10:00鐘嚟到，雖然條龍唔係好長，排係好前。但係座位唔多，每枱二人，等咗15分鐘，一坐低即刻點咗兩杯凍奶茶豬扒包和咖映多，服務員好有性格，如果知道點樣同佢溝通，佢哋都好有友善，奶茶茶味好濃，多士皮脆，咖映美味，豬扒有少少乾，但係個包都幾軟熟，味道唔錯，一頓邪惡嘅早餐，都食得好滋味，地方似七八十年代嘅大排檔，好有風味，衛生程度唔好太大期望，但係人情味濃，顧客未必係第一位，最緊要係做得開心🥰

「泗益🤤」..上次入赤柱佢咁啱無開🥺呢間野開咗幾十年啦✨今次終於食到😌👍🏻赤柱都有平民價嘅野食㗎😋🍽..咖央西多士🧇即叫即整✨熱辣辣👍🏻上面有一大塊牛油🧈邪惡到呢😈入面D咖央好好味🤤唔洗落糖漿就咁食已經好好味😋..碎牛蛋米粉🥚平靚正👍🏻D蛋🥚牛肉🥩米粉🥣份量都唔係話小😌食得過✨..🍽環境 ：🌟🌟✨👀賣相 ：🌟🌟🌟💰抵食 ：🌟🌟🌟🌟🌟👅味道 ：🌟🌟🌟🌟🗺地址 ： 泗益 赤柱市場道2號

呢排2人限聚,好多地方都多人,所以就去下島行,早上出海前,聽聞赤柱呢間都包出名,就點了個蛋牛菠蘿包同沙嗲牛肉菠蘿包試下,治牛菠蘿,皮不夠脆,蛋牛冇咩汁,一般而沙嗲菠蘿唔辣,但蛋是全熟,如果流心我覺得會好d,之後追加左杯咸檸檬蜜,咸咸酸酸幾潤口,總結正常餐廳一間,不特別突出

同男朋友去赤柱, 試吓好多人推介嘅泗益大排檔。富有香港情懷嘅地方越嚟越少，簡簡單單，食客圍住一枱，感覺呢種就係老香港🇭🇰 數得出得4 張枱，限聚令關係，每枱坐4 個，去到嘅時候個個都要搭枱。同埋大家想去試的話，就要留意逢星期二休息。咖咉西多士 $30平時西多都係正方形，但呢間就做成圓碟形，都幾特別；同埋都唔駛落糖漿，入面嘅咖咉已經夠晒甜，但又唔會太漏 蛋牛麵 $26 剛剛無晒沙嗲，唯有淨蛋牛，罐頭免治牛加蛋，都幾好食嘅👍🏻

⭐️泗益 (赤柱)⭐️去到南區赤柱吹下海風🌾，梗係要去搵吓好嘢食啦！原來赤柱有一間好傳統又有特色嘅茶記大排檔，佢既西多超級好味👅，一定要食！小妹每次k先生去到都要排一陣間隊，但安排先入到去錯，今次都唔例外，排咗大概20分鐘到就可以去食！⭐咖央西多士 $30⭐️超級好食！擺落口會食到麵包好透薄鬆軟，入面係一啲咖央，甜甜地，仲有好香既蛋味🤤可以保證嘅其他舖頭食唔到嘅味道👅甘好食係有原因架！因老闆會用打蛋器將蛋白打到企身，麵包夾住咖央係炸之前會搽啲牛油，沾上蛋白、蛋漿先落去炸（如果小妹冇睇錯嘅話），所以成個感覺甘好味🤤🕋環境指數：6.5/10比較懷舊，真係好舊式嘅大排檔😋美味指數：8.5/10西多真係好鬼正👩🏻‍🌾服務指數：7.5/10冇乜特別既招呼，去到就講自己想食乜啦🤑抵食指數：8/10 真心吾貴🙋🏻‍♀️推介指數：8.5/10 赤柱必去📍地址：赤柱市場道2號——hkfoodiecooking——