法國小屋

最近發掘到一間好有驚喜嘅小店—「法國小屋」，主打平價西餐同甜品，舖頭唔大但氛圍溫馨，重點係出品認真，真係食得出用心！🥣法國龍蝦湯一上枱就聞到蝦既香氣撲鼻，湯飲起嚟唔會覺得膩，充滿海鮮味道，飲落口滑順，有陣陣香氣同微微甜味，好似飲緊一碗用長時間熬出嚟嘅法式湯。🥗田園沙律菜非常新鮮爽脆，無論係生菜定車厘茄都保持水分，沙律汁清爽唔會搶味，食落冇負擔。🍝明太子蟹肉意粉今餐最驚喜！蟹肉超慷慨，啖啖都係，肉質鮮甜，配合明太子醬汁又鹹又香，掛汁力強。意粉煙韌唔淋，上面撒上櫻花蝦乾同木魚碎，令整道菜多咗份日系風味。🧇咸牛油焦糖窩夫（半份）窩夫外脆內軟，焦糖味唔會太甜，咸牛油中和咗甜膩感，令甜品整體味道更平衡，半份份量啱啱好，唔會膩。🧀招牌千層芝士薯片 $48簡單材料做出豐富效果！每層薯片都焗得唔會太軟身，層層堆疊，唔單止有口感，芝士味濃而不膩。🥓法式芝士煙肉洋蔥批 $88真心推薦！酥皮薄脆唔油，入面嘅芝士拉絲效果十足，煙肉鹹香四溢，仲帶淡淡洋蔥甜味，食完令人回味，絕對係水準之上。呢間小店冇用浮誇嘅擺盤或者高級食材，但每一道菜都見得到廚師嘅細心。味道偏向大眾化，但調味非常平衡，真正將簡單昇華。喺一個平實嘅價位下，做到咁多層次，真係好難得，值得大家多啲支持本地用心小店！…查看更多

難得佛誕三日連假，小妹決定留港消費，與母親齊撐枱腳，提早慶祝即將來到的母親節！今日決定「入境」元朗，品嚐一間已經開業10年的法國餐廳，《Le Café Des Délices 法國小屋》🇫🇷呢間法國小屋主打窩夫，可以堂食西餐仲可以預訂生日蛋糕，仲有得全港送貨添，都幾多元化㗎！小妹今次特登訂位嚟試吓佢啲手勢🫶🏻我哋叫咗節日套餐，包龍蝦湯兩客、三文魚或風乾火腿沙律一客、兩款主菜、招牌窩夫一客、及兩杯飲品：Apérιтιғѕ🦞龍蝦湯：香濃美味🤤係接近龍蝦濃湯，不需要搭配龍蝦肉依然熬煮得非常好飲！🥗風乾火腿田園沙律：一大片火腿、配上酸酸甜甜沙律醬、再加新鮮蔬菜及蕃茄仔，係一款令人開胃的前菜！Plαт prιɴcιpαl🍝煙三文魚牛油雜菌意粉：意粉煮得非常好食，蒜香牛油洋蔥蘑菇醬超級掛汁，煙三文魚擺成玫瑰花咁勁靚，而且份量都算多！好難食到咁好食又掛汁嘅意粉😍😍🦆法式油封鴨腿伴芝士千層薯片和雜菜：小妹竟然可以在呢間法國小屋食到正宗嘅油封鴨腿😍😍真係非常喜出望外吖！雖然鴨腿切落去個質感似臘鴨，但係鴨腿肉質食落細嫩幼滑，其中鴨腿油脂部份非常出色，就好似食緊A5和牛咁😋；而且伴菜亦十分好食，有比小妹的手指還要粗的粟米仔、亦有脹卜卜的甜豆🫛、仲有又香又入味的千層薯仔添！Deѕѕerт🧇招牌鹹牛油焦糖窩夫（配玄米茶雪糕）甜品晝碟近期都好大熱，呢間法國小屋則有半立體手繪公仔🧸，記得喺訂位時記得要同餐廳講聲要畫咩公仔🤭小妹揀咗chiikawa 嘅小八貓💗除咗手繪公仔手工了得之外，佢哋嘅招牌窩夫都非常好食！香脆的窩夫配上焦糖及鹹牛油，又鹹又甜層次豐富，再加上凍冰冰嘅玄米茶雪糕，係一個完美嘅結尾❣️Boιѕѕoɴѕ🍹凍檸檬茶thé glacé au citron：大大杯檸檬紅茶，飲落唔算好甜，消暑一流❣️☕️凍鮮奶咖啡：用美式咖啡製成冰，再加落杯鮮奶，小妹算是第一次飲到咁有特色的latte glacé…查看更多

呢個星期六，接近晚餐時間我哋嚟到元朗嘅法國小屋 店舖位於一個比較安靜嘅住宅區小巷子，環境舒適，用心裝飾千層芝士薯片薯仔一片片加入芝士焗到香噴噴，好好味嘅一個餐前小食牛油蒜蓉番茜煙肉意粉意粉味道非常香濃！每一啖都係滿滿嘅牛油蒜蓉香，煙肉嘅鹹香亦都令到味道有更有層次香蕉朱古力窩夫配朱古力雪糕+曲奇雪糕賣相好精緻好靚窩夫超級香脆鬆化，每一個小格格都加入咗好香嘅牛奶忌廉，好細心！配合埋焦糖、香蕉同埋朱古力一齊食好好味😊而凍冰冰嘅朱古力及曲奇味雪糕同溫暖嘅窩夫一齊食，更有冷熱共融嘅感覺整體嚟講，小店充滿溫馨嘅感覺，喺呢度一齊傾偈一齊食晚餐感覺好放鬆好舒適，食物質素亦都非常好我哋本來黃昏嚟到，食到夜晚出去，見到店外小燈泡亮着，更加感覺精緻美麗😊…查看更多

今日去咗元朗呢間Cafe hea，環境清新文青風，走白色路線好舒服，適合同朋友慢活傾偈，不過今日太熱，買個外賣返屋企慢慢嘆😛🧇 牛油雜菌煙三文魚配蕎麥窩夫創意滿分！原以為好似all dy breakfas咁放埋一齊就算，點知所有食材可以融合埋一齊，好夾！窩夫用蕎麥粉製作，口感格外香脆帶nutty風味～ 面頭鋪滿牛油炒香嘅雜菌同挪威煙三文魚，鹹香鮮味爆燈！估唔到鹹甜交織毫無違和，口感層次豐富到震✨套餐仲可以加配沙律，抵食之選！🥗 三文魚田園沙律清新之選！新鮮沙律菜底加上車厘茄，主角係三大卷煙三文魚，加上胡麻醬汁無得輸，健康得嚟唔會寡💚☕ 凍即磨咖啡意外地有驚喜！開頭以為係普通凍齋啡得個苦字，點知咖啡豆烘焙香醇，飲落甘香平衡得剛好，冰涼順喉唔會澀，飲到尾段有個種回甘，到而家仲回味緊👏🏻…查看更多

今日周圍捐窿捐罅，見到一間有啲田園風格嘅小店，環境舒適休閒，入去試一試😊今次叫咗一set lunch menu,另外叫一杯嘢飲同埋蘋果批🍎即焗蘋果批半份【＄48】蘋果批焗得好鬆脆，用刀一切落去卜卜脆的聲音，蘋果肉鋪滿批麵。☕焦糖脆脆牛奶咖啡【$50】濃縮咖啡另上，自己倒入牛奶中，充滿儀式感，焦糖融化之後，都唔會好甜☕Tiramisu咖啡未見過有tiramisu咖啡，底層係濃濃咖啡味，面層係tiramisu，味道有啲似latte🍝明太子蟹肉意粉$88蟹肉每啖意粉都有，好creamy，好食😋，同朋友開心share會好啲，可能會有少少膩🧇招牌窩夫半份跟餐【+$28】窩夫鬆脆，個cream好好味，好重牛奶味，唔知係咪自己打呢☺️@foodie_forfood@le.cafe.des.delices@法國小屋#西餐#hkfoogie#午餐#寵物#甜品#焦糖#咖啡#蘋果批#tiramisu…查看更多

整體水準好好，D野食好好吃。好特色，將tiramisu做成咖啡, 適合喜歡飲濃咖啡的人飲。好重咖啡味。萍果批好脆，好多原片的萍果肉。个意粉好重蟹肉味，勁crammy. 但要share，否则好膩。窝夫好脆，仲意吃甜的人会好仲意，奶味好重，cream 好絲滑，好似自己打的。…查看更多

元朗法國小屋是一間主打正宗法國菜的小店，亦精心炮製多款法式甜品，令人一試難忘。晚飯後朋友買左幾款法式甜品外賣，回家再開餐。首先不得不提的是招牌咸牛油焦糖窩夫，焗到外脆內軟，焦糖香氣與咸牛油完美融合，甜中帶鹹，層次分明。另一款甜品法國皇帝批，酥皮薄得來又鬆化，內餡以杏仁醬、杏仁碎及杏仁片三重呈現，香氣撲鼻，口感豐富，令人回味。即焗蘋果批亦是亮點之一，批底很薄脆，面頭鋪滿香甜蘋果蓉，入口果香四溢，甜度恰到好處。至於鹹點方面，招牌煙肉千層芝士薯片絕對是下酒良伴，煙肉鹹香，芝士則如瀑布般在口腔內融化，濃郁而不膩，令人忍不住一口接一口。總結，店面雖小，卻充滿濃厚歐陸風情，不論是甜品或法式小食，都展現出法國料理的精緻與用心，值得專程來探索這場法式味覺之旅。…查看更多

呢個西班牙火腿班尼迪蛋真係正到痺！風乾火腿鹽香中帶住油脂香，同流心蛋黃撈埋荷蘭醬，個口感滑溜到呢～底層嘅香麥富夫包吸盡蛋汁同醬香，外皮脆卜卜，內裡軟熟，每啖都係幸福滋味！焦糖脆脆凍咖啡簡直係神來之筆！咖啡醇厚帶微苦，焦糖嘅焦香甜蜜恰到好處，面頭嘅脆脆焦糖粒咬落咔咔聲，冰牛奶中和咗甜膩感，飲完成個人醒神晒！瑞士雞翼絕對係鎮店之寶！用砂鍋焗到入味透骨，醬汁甜中帶鹹，雞肉嫩滑到一啜就脫骨。雖然冇叫白飯，但單食都夠晒滋味！最後飲啖凍咖啡沖淡味蕾，呢個組合完美到冇得彈！…查看更多

經過元朗，很多人認為所見到的都是一些傳統的中國式簡陃食店， 大排檔或舖頭。 但今次在一條小巷 的一個轉角位，竟然發現一間驚喜。這裏有一間高質的平民法國餐廳。 餐廳的裝潢己經好有法國特色 ，裏邊佈置雅緻整潔， 餐廳雖然不大，但座位坐得很舒服。食物方面製作非常認真 我覺得味道比起很多貴價的法國餐廳還要好。先要介紹一個很美味的甜品-雙頭雪糕窩夫。 個人認為很多餐廳都有窩夫吃，但要做得好並不容易。此店的窩夫外脆內軟，非常鬆化，口感十足，不是太甜。由於窩夫味道不是太甜， 配以雲呢拿味及朱古力味的雙頭雪糕， 甜度適中，是一個好好的享受。另外要說一說龍蝦湯。 相信大家亦知道如果龍蝦湯味道太淡，難飲之餘亦失卻龍蝦湯的意義。 而這個龍蝦湯味道不是得個咸字， 而是有極濃厚的 龍蝦鮮味，店員端出來是熱騰騰的， 使人吃過返尋味。最後我覺得非常值得推介的是法式洋蔥批， 雖然煮的時間較耐(需時30分鐘),但有質素的食物是值得等的。 這個法國洋蔥批好香 ，你會平均地品嚐到洋蔥、芝士、煙肉及菠蘿的香味， 我完全感覺到他們對製作食物的認真。這是一間性價比非常高的法國餐廳，我們點了這麼多東西，埋單都是200蚊以內 ，元朗的居民不要錯過。…查看更多

🏠 餐廳氛圍走進法國小屋，映入眼簾係溫暖木調＋淡雅藍白配色，隱約有巴黎小街Feel。空間雖然唔大，但每枱之間保留足夠距離，感覺舒適。播放著輕柔Jazz，細細嚐一份法式慢活。🍽 熱門主打推介1. 明太子蝦柳意粉 🍝意粉煙韌彈牙，明太子醬濃郁帶微鹹，配上爆香大蝦柳，每口都有小海鮮嘅鮮甜。醬汁收得乾身，每條都掛滿明太子粒，好有滿足感。2. 煙三文魚牛油意粉 🧈🐟三文魚燻味迷人，牛油汁底滑溜不膩。意粉吸飽微甜牛油香，入口即化，煙三文魚片薄切又保持Juicy，食落完全唔失望。3. 招牌咸牛油焦糖窩夫 🧇窩夫外脆內軟，撒滿鹹牛油粒＋炙燒焦糖，鹹甜交織瞬間俘虜味蕾。每口都係酥脆＋香甜，食完仲想再嚐一件。4. 煙肉千層芝士片 🥓🧀一層層煙肉交替奶香芝士，中間夾住手工薄餅。切開即見拉絲效果，香氣撲鼻。份量唔會過大，啱啱好一分為二，同朋友一齊食。法國小屋無論前菜、主食定甜點，都保持到法式質感＋香港人易接受嘅鹹甜平衡。價位屬中上。#元朗美食 #法國小屋 #LeCaféDesDélices #明太子意粉 #咸牛油窩夫 #煙三文魚 #小店推介…查看更多

呢度環境好整潔，光猛舒服，坐低食飯感覺好放鬆！服務員態度超好，笑容滿面，落單快手，推介菜式都好專業。先試咗佢哋嘅招牌法國窩夫，哇，外脆內軟，淋上焦糖同朱古力醬，仲有鮮忌廉同可可粉，甜度剛好，一啖咬落去超滿足！之後嚟咗個卡邦尼意粉，麵條彈牙，醬汁濃郁，芝士碎灑得多，忌廉味香滑，好正！仲叫咗個生火腿沙律，新鮮蔬菜配埋薄切火腿唔淋上輕盈醬汁，清新開胃。飲品係熱柚子蜜，酸甜平衡，柚子香氣撲鼻，暖笠笠解膩一流。整體嚟講，食物質素高，份量足，價錢合理，絕對值得再嚟！如果鐘意西式甜品同輕食，呢度係好選擇。…查看更多

法國小屋 (Le Cafe des Delices) 是一家充滿法式風情的咖啡店，裝潢溫馨，適合喜歡濃味的人。沙拉新鮮清爽，配以優格醬汁和火腿，口感層次分明食物🥗帕瑪火腿田園沙津 (Salad) 以新鮮生菜為基底，加入切塊的帕瑪火腿、蒜香麵包丁和紅番茄，淋上沙律醬。生菜清脆多汁，火腿有鹹香，麵包丁增添脆度，健康又開胃。🍝 卡邦尼意粉 （carbonara) 採用奶油醬汁包裹意麵，搭配厚實的帕瑪火腿和大量新鮮磨碎的帕爾馬芝士。火腿帶有微微的鹹香與嚼勁，奶油醬汁濃郁滑順，巨量芝士融化後增添濃厚的奶香，口感豐富，好滿足！🧇鹹香焦糖窩夫 (Waffle)外層酥脆金黃，內裡鬆軟綿密，搭配焦糖醬和鮮奶油，呈現豐富的層次感。擺盤亦十分精美，岩晒鍾意食甜品嘅客人！ 🍾飲品 熱柚子蜜🍵 (Yuzu Honey) 適合飲熱飲嘅人，甜度恰到好處水蜜桃梳打🍹 ( Peach soda) 10分涼快爽甜，另外亦有配搭新鮮水果！環境與氛圍元朗法國小屋的外觀極具特色，門口懸掛著溫暖的燈飾，營造出濃厚的氣氛。木質平台搭配白色椅子和玻璃窗設計，室外座位區小巧，適合天氣晴朗時享受戶外時光。室內環境透過大片落地窗引入自然光，搭配簡約的法式裝潢（如掛畫和暖色調傢俱），讓人感到舒適放鬆。服務與價格服務員態度友善，點餐和上菜流程順暢，店內氛圍輕鬆。價格方面，性價比不錯。情人節套餐包括多道菜，平均每人 $250 相當划算。🌈🌈特別推介Tiramisu Coffee 約 $48，是餐廳招牌甜品，可惜果日去已經賣晒，值得去一試。…查看更多

餐廳嘅舖面唔太大，只有大概12個位，每次廚師煮意粉嘅時候都會傳來陣陣香味，睇住餐牌都已經流曬口水，間中都會有人入嚟買外賣，所以喺街坊嘅口碑應該都唔錯👍牛油蒜蓉番茜煙肉意粉真係香到不得了，忌廉汁中有好多番茜同埋洋蔥粒， 煙肉嘅份量都足夠🍝醉雞翼有4隻，肉質比較實不過夠入味甜品似乎係依度嘅主打之一，見到餐牌介紹可以訂製蛋糕，今次就試左蘋果批，蘋果批嘅批皮好薄，充滿肉桂香嘅蘋果一片片咁鋪喺面，加錢可以配雪糕🍨晚市仲有幾款廚師精選套餐，包餐湯、沙律、主菜、甜品、飲品，望落都幾抵食～…查看更多

今日我同朋友去咗元朗呢間「法國小屋」享受一頓西餐🇫🇷 🍽️，真係好開心！店舖外面有吊燈，感覺優雅，餐廳氣氛輕鬆，令人放鬆心情。我哋點咗一個升級套餐，主菜係明大子蟹肉意粉🦀，意粉煮得啱啱好，蟹肉鮮甜，搭配濃郁嘅醬汁，一啲都唔漏真係好正！每一啖都感受到蟹肉嘅鮮味，非常滿足。套餐仲包一份凱撒沙律🥗，沙律嘅生菜新鮮脆口，搭配上凱撒醬，味道濃郁而不油膩，正好襯托出生菜嘅清甜。再加上香脆嘅麵包丁，口感層次豐富。甜品方面，我哋絕對唔可以錯過招牌咸牛油焦糖窩夫🍯🧇，外脆內軟，咸香同甜味交織，配上雲尼拿同曲奇雪糕，簡直係天作之合！最後，我哋仲叫個咗雙層tiramisu巴斯克芝士蛋糕🍰，口感濃郁，芝士香滑，做特價$99一個真係好抵。飲品方面，我揀咗杯凍檸檬紅茶🍋，清涼爽口，特別適合夏天，飲落去簡直係解膩良品。整體而言，今日嘅用餐體驗非常愉快，食物味道佳，服務態度又好，我肯定會再返嚟！…查看更多

久聞這間元朗法國小屋，在元朗區已開10年，今日終於相約友人在元朗聚舊，順道來試下菜。法國龍蝦湯有濃郁龍蝦味，調味適中，真材實料，味道唔錯👍田園沙律蔬菜都新鮮，份量適中。明太子蟹肉意粉份量很足夠，兩個人分享，也覺得飽肚，送來時滿滿的木魚絲，以及蟹肉香味吸引！醬料做得 好，很多蟹肉，相仩田明太子lover會好喜歡！十分推介！蘋果批（半份）這個甜品好合口胃，香香脆脆，蘋果加上杏仁好夾，食完想再encore!凍油子蜜荔枝梳打荔枝疏打味道唔錯，夠大杯，有粒荔枝在內，解膩消暑，正👍原來店主是90後女生，亦有製作甜品蛋糕及到會，可以預訂。有機會都可以試下。總括食物選擇不算多，但每樣都做得有水準，價錢亦合理，不斷有人叫外賣，生意不俗。小店能夠在元朗屹立10年，都是有原因的，值得支持！…查看更多