泉章居

營業中

休息中

今天和家人帶狗狗去寵物展後，在家裏附近找一家抵食的住家菜來吃晚飯。泉章居一向很有名，但不知道總是沒有選擇去光顧，今天終於吃了。我們選了四人套餐真的超級抵食，有餐湯，可以選霸王雞、鹽焗雞或清蒸海上鮮再加三道小菜餐湯是青紅蘿蔔湯用了十足餐湯味濃郁薑蔥雞質素相當高，雞是新鮮的，不是冰鮮雞，煮熟的程度拿捏非常好，肉質非常鮮嫰。這個咁抵價錢的套餐竟然可以選豉汁蒸鱔！同樣是非常新鮮肉質相當厚而且彈牙另外我們選了竹笙冬菇扒時蔬，竹笙非常爽口之後還有牛腩煲份量相當十足牛腩非常爽脆彈牙還有很多牛筋喜歡牛腩的朋友一定會滿意

今日經過上環，見到泉章居大大個招牌，又好耐無食過呢間客家菜，就屋企人去試下，一行四人無訂枱，正接入去，可能未夠7點鐘，竟然仲有位，唔使等，安排咗我地坐二樓。挑戰咗一個四人套餐，488元，包鹽焗雞或霸王雞一隻或魚一條，仲有3個小菜，大慨130蚊一個都算ok. 我地要咗霸王雞，竹苼時蔬，柱候牛腩同豉汁大鱔，仲包送一個例湯係青紅蘿蔔湯！講反隻鷄，係D皮有D肥，不過肉質超滑，好味喎！另外大鱔都唔錯，好肥美同好香，套餐份量都算大！

團年飯，超多人，好彩book 到枱！翡翠龍蝦球 - 好昧蒜茸粉絲蒸蟶子皇-大呀百花炸大腸拼鳳尾蝦-古味大沙巴躉兩食-正路西芹炒斑球枝竹火腩豆腐炆頭腩金牌鹽焗雞-好大客家紅燘豬肉- 有D肥腐卷魚丸燘海參糯米焗肉蟹飯-好好味

提早同朋友食下團年午飯, 明年雞年就應下景去泉章居食雞!呢度最出名係霸王雞, 味道似鹽焗雞, 不過就加左勁多蔥向上面叫左半隻, 隻雞整得幾入味 , 肉唔鞋口 , 認真唔錯除左雞, 仲叫左幾個小菜梅菜扣肉送飯一流, 不過今日食呢舊肉偏乾身, 唔係好夠淋滑豆腐煲幾好, 只係向底既豆腐有少少燶味, 可能痴底仲有一味係金銀蛋菜,賣相真係一般, 好似亂咁撈, 味道都係普普通通午市都好多人黎食飯, 伙記都應唔切機, 落單上菜都比較慢係隻雞比較好味D, 其他小菜一般般

今天同三五知己食飯，係中上環諗下食咩好，有老友提議去好耐無食過嘅泉章居！食物質素不錯！份量夠大碟，特別是碟半隻金牌鹽焗雞，好滑又夠味！而且員工態度友善！值得下次再用膳！

My mom, sister & relatives came to HK for a visit. Brought them to have a Chinese meal at Chuen Cheung Kui in Sheung Wan. I had meals/ food at Chuen Cheung Kui Causeway Bay many times & the food is good. It has a reputation of a good value restaurant. However,  the Chuen Cheung Kui Sheung Wan is really bad. Service / attitude from the serving staff and the restaurant manager are bad. I ordered a few dishes (dishes that I usually ordered in Chuen Cheung Kui at Causeway Bay) and found that the sli

訂咗6:30同屋企人食飯，餐廳要8時還枱。但到咗之後，佢話無晒枱，要等，剛剛開始食飯時間，咪有排等？訂咗，枱都係俾哂人，有訂冇訂都冇分別！即刻搵個第二間走人。以後都唔考慮呢度！

因為喺上環見完客，剛剛下畫2點鐘，見到喺港澳碼頭對面開左間泉章居就入去試試，我叫左個下午茶套餐，招牌鹽焗雞飯，由落單至碗雞飯來，最少等左20分鐘我覺得雞的份量比銅鑼灣分店為少，美中不足是連想喝杯清茶都要另收茶芥

阿媽話忽然想去泉章居食雞，所以就book枱，原來呢間都唔易book。 例牌沙薑雞-肉係幾滑嫩、入味、點上沙薑調味仲好食，但雞味好似爭d牛骨髓-好耐無食，出面好少食到所以叫。牛骨髓好淋、成條滑嘟嘟。骨髓本身無味，所以要靠獻汁調味，汁味味，類似蠔油味，但我覺得有點杰。湯無溝水，都ok, 中規中矩。爆蝦- 好香，蝦唔算十分新鮮，但算仲有蝦味同彈牙。鱔-呢個好味，比較濃味,肉好滑。但唔適合怕食骨人士，因為會好多骨。最後有糖水送～

之前曾去過旺角的泉章居，知道這家是老字號，食物不錯，這晚得悉原來上環也有分店，便三個人去吃晚飯旺角分店的經歷是超多人，要等位及有限時，但來到上環這店便驚覺人不多（也可能是平日晚上的關係吧）大部分客人都點二人餐，有半隻雞，再選兩個餸先來個例湯，好味之餘又很足料，煲湯豬肉好稔，不用豉油也超好吃的！每人能喝至少兩碗碟碟也份量不少，主角鹽焗雞肉質很嫩很滑，有雞味的！另外點了兩個小菜，先是蛋白蟹肉豆苗，最近菜貴，這豆苗很綠很新鮮，蟹肉混在蛋白一起，整道菜味道尚算清淡另一個小菜是八珍豆腐煲，熱辣辣，味道燶，送飯最好了！煲裏很足料，樣樣大大件，豆腐，鮮魷，蘿蔔，菜心，蝦，菇，等等等等，吃極還有很多！雖然不是很便宜，埋單４xx左右，但質素很好，服務又很周到，所以吃得好開心！

店名：泉章居地址：銅鑼灣軒尼詩道489號銅鑼灣廣場一期7-8樓好味指數：7/10價錢：$31雪菜肉絲米配特飲一杯雪菜肉絲配以米粉應該很惹味，但這個雪菜肉絲米味道很清淡，不夠惹味，但米粉很爽，吃起來還是可以接受的。店名：泉章居地址：銅鑼灣軒尼詩道489號銅鑼灣廣場一期7-8樓好味指數：8/10價錢：$22椒鹽魷魚鬚之前試過d魷魚鬚好碎，不過炸得幾脆。今次食魷魚鬚唔碎，炸得都好脆，唯一不足係咸左少少。店名：泉章居地址：銅鑼灣軒尼詩道489號銅鑼灣廣場一期7-8樓好味指數：8/10價錢：$31鹽焗雞飯配特飲一杯泉章居最出名就係鹽焗沙薑雞，可以係下午茶時間食到以優惠價食到鹽焗雞飯實在超值。雞嫩滑且入味，食極都唔厭，配以沙薑醬更為入味。店名：泉章居地址：銅鑼灣軒尼詩道489號銅鑼灣廣場一期7-8樓好味指數：8/10價錢：$22鹽焗雞腳雞腳嫩滑入味，配以沙薑醬更為入味。店名：泉章居地址：銅鑼灣軒尼詩道489號銅鑼灣廣場一期7-8樓好味指數：8/10價錢：$24梅菜扣肉飯梅菜扣肉飯也是我在泉章居喜愛的食物之一。梅菜吸收豬肉的汁，非常入味，豬肉炆得腍且嫩滑，配以白飯簡直是絕配。店名：泉章居地址：銅鑼灣

一到晚餐時，常常想”那間餐廳能吃到一頓令人滿意及滿足的晚餐!" 上環泉章居今晚做到了。餐牌上有很多不同種類的食物，我們二人叫了一個二人餐，有半隻雞，中蝦粉絲煲，及竹笙冬菇扒時菜，仲有老火湯。對我來說，份量應該是三人份量，非常足料。每一碟食物的調味恰當，不用加任何醬料調味，當我們二人飽嚐後，也餘下一半食物帶走，沒有浪費主厨的勞力。竹笙冬菇扒時蔬, 店員給我們選擇什麼時蔬, 真好! 不用受他們控制, 我們選了唐生菜, 好新鮮, 亦沒有沙.中蝦粉絲煲, 有10 隻蝦, 算多, 但有些不夠新鮮, 要扣分霸王雞, 最喜歡那些薑葱絲粉葛湯

已吃過在旺角店多次，得知上環開了新店，於是與男友來吃個客家飯。我們點了2人餐，可選霸王雞或鹽焗雞加兩個小菜。點菜後一大鍋例湯就送上了，很足料，大約有6-8小碗，我們兩因為肚餓，所以全部喝掉。招牌霸王雞 - 上面放上大量葱絲及薑絲。雞肉肉質非常嫩滑，帶咸香，與旺角店水準一致。梅菜扣肉 - 很回味，肉與脂肪稔得可在口中溶化，非常入味。最重要係記得叫碗白飯！粉絲中蝦煲 - 飲了湯，又有白飯，已經好飽，只吃了一啖粉絲，味道不太濃，清清的。沙鍋內有8隻蝦之多！隻隻蝦都有蝦膏，而且蝦肉彈牙鮮甜。這個2人餐只是$278，加埋2碗白飯都只是$300多，有咁嘅份量同質量，真係非常抵食，以後可能會再多D幫襯，不用特地去旺角咁遠。

之前知道上環有泉章居，已想幫襯。今天在上環活動完，想找吃的，路經泉章居，就入去啦。咦！一入去，是茶餐廳式卡座？！店面和座位都相當企理。甫坐下，看到桌上有一張下午茶紙：$38（飯+飲品）真的嗎？好啦！就試吓啦！Honey點了梅菜扣肉拉麵，餐飲點豆漿。一如平日在泉章居吃的梅菜扣肉一樣，並沒有「將貨就價」！真抵讚！四「條」扣肉，少肥肉多，梅菜甜口，好味。可惜，梅菜配湯麵，梅菜和扣肉放在湯裡，沖淡了美味的梅菜肉汁！如果配白飯，就更好！Honey本來點客家鹽焗雞，但我想吃薑蔥，所以點貴妃雞飯。同樣，沒有「將貨就價」，有雞胸也有雞腿，鹹香入味！薑蔥好好味！最令人意想不到的，奶茶竟然好好飲！是茶餐廳水準！租金貴，食肆不易做！如果仍舊用舊經營方法，只做午市晚市小菜餐館，浪費其他時段。改少少格局，改少少上餐形式，與時並進，值得讚賞！

宜家客棧菜賣少見少中央飯店醉瓊樓泉章居都係其中一間今日叫左不嬲大件夾抵食既霸王雞最鐘意食蔥～雞夠實肉扣肉 咸左少少 不過都好味炸大腸 炸得太乾粟米斑塊 家常小菜 普普通通客家釀豆腐 味道吾錯呢個雞頸板 幾特別 甜甜的都係推薦食霸王雞 好食！