河景餐廳

營業中

休息中

每位套餐$75/二人起， 另外泰式$80/三人起本人叫了兩人餐，選了有咕嚕魚(甜酸度夠，魚脆)大約有4-5塊，肉絲炒西芹(少許肉絲，但味道不錯)，套餐包炒菜(都好吃)、白飯兩碗及例湯兩碗一般貨式。因有全年証可有9 折，所以只要$150/三人吃。食糧少都夠食。樂園食價錢較便宜了!

日期：2008年10月24日總括黎講係杯茶最熱，其他野都係暖色調，甚至係凍既．１．靈界沼澤（莧菜玉子豆腐羹）：水汪汪，食左都唔知係咩味．２．牛魔王（黑椒炒牛柳）：牛肉爽口，硬硬的南瓜條，幾有wok氣．３．幽靈出洞（香炒雜菜）：炒西蘭花，椰菜．４．古靈精怪南瓜盅（紅咖哩雞）：唔知點解要放椰絲係面，咖哩味都頗重，有雞味，good．５．稻香迷城（南瓜鮮蝦雞粒炒野米飯）：硬硬地既飯粒，凍冰冰，都無心機食埋佢．６．幽靈鮮果盤（菠蘿，西瓜，蜜瓜）：浸晒糖水，真係好甜啊！

夜光巡遊想不到地那麼擠人，唯有先用餐稍後再觀看21:45的一場，用餐地點就在選定了的河景餐廳，剛好在森魔探險路旁邊，外面彌漫著一片陰霧效果，間中還聽到女孩子被樹怪嚇的尖叫聲，環境和氣氛一流。我們兩個人去到剛好有位，坐下後發現外面愈來愈多人排隊，幸運的。不多想的要了一個二人餐，冬蔭功湯我是不太好的，所以味道好像不太對口，我一碗也喝不完。冬菇娃娃菜是不錯的一道菜，茨汁入味，冬菇爽滑。咕嚕肉酸甜得當，還有荔枝伴味，是不錯的。椰汁焗葡國雞最遲來，由於飯很硬所以我們那時已很飽，但雞肉算香滑，因此亦差不多清碟。餐還跟各人一杯「金銀島雜果賓治」和生果(西瓜﹑菠蘿﹑蜜瓜)，成個餐都係每位$88(連加一)，加上不錯的服務，一流的氣氛環境，在樂園來說非常抵食，捧腹離場。

有annual pass, 一年起碼去5次disney。適逢halloween, 相約兩個fds黎玩。選了河景餐廳食晚飯。佢有個$300/ 4 persons ge set，雖然我地得三個人，但我地覺得都會食得晒。個set 話就話係for Halloween ，但一丁點halloween 的點綴也沒有，只係同d開過另一個多已矣。菠菜? or 西洋菜豆腐羹：用木桶盛著，幾特別。真係飲唔出係菠菜定西洋菜，但菠菜係唔可以同豆腐一齊食gor wor, 唔通disney 唔知？賣相唔太好都預，呢d煮到變糊羹通常都係咁。味道尚可，清清地。豆腐滑但無豆味。鑊仔牛柳：炒得唔錯，幾惹味。配菜有洋蔥、紅椒同蕃薯。炒什菜：味道不錯，炒得不肥；幾清，有鮮菇、椰菜，蘿蔔同西蘭花。燒豬仔骨：有四件，燒得唔錯，唔會太。但汁甜甜地。豬仔骨唔算太肥，有少許肥膏，有肉。肉嫩唔鞋。炒飯：唔知全名叫咩。但就用了白飯加糙米一起炒，口感不錯。這個炒得有點油。有雜菜粒，同幾隻蝦。都幾大碟。生果：好新鮮，菠蘿酸酸甜甜，好解渴。Staff 同 customers 係ZERO communication~d staff tota

今晚又勇闖黑色世界，上次國慶日食過corner，今次幫趁river view，以中菜為主。二人點左套餐：冬蔭功湯：完全唔掂！菠蘿咕嚕肉：夠酸，雞肉脆脆地，唔錯！冬菇扒娃娃菜：冬菇炆得好入味，娃娃菜沾左芡汁，好味！葡國雞：焗得一般，雞肉煮得過左火！什果賓治：酸酸地，幾好味！鮮果：有西瓜、菠蘿同蜜瓜，新鮮

好黑,但係無情調!同人搭枱,order左腸仔雙色麵--德國大肉腸,d麵無咩特別,好油雜菌煲--d菌都算多,清清淡淡.唔錯巴西烤肉捧--有3大塊肉,一塊雞,其他都係豬,仲有大肉腸.係全晚最有睇頭的一味菜!

十二月三十一日,零七年的最後一天,可以同老公仔一起渡過,很開心滿足!.....我愛您!早上o係酒店度周圍影相,之後,到差唔多12點先去樂園!我地去畫完winnie the pooh之後,老公仔話肚餓~咁就去左呢度食個探險家二人餐~嘩,唔知係咪d探險家要食多d野壯膽!.....二人餐4個人食都得!有個湯,好似係棷子雞湯~都幾好飲,我地都覺得似喇沙湯底仲有,咖哩雜菜雞...都唔錯,不過個味淡左dd!濃番d會好食雜菌娃娃菜,呢個冇味既,唔好食!咕嚕肉,呢個老公仔話酸左dd~~仲有兩大碗白飯,好飽呀!!不過美中不足既地方就係佢一早整好,所以d送係凍d lor!

位於香港迪士尼樂園探險世界的「河景餐廳」（River View Cafe）是一所提供中式膳食的餐廳。此處用餐需按人數選用指定套餐（即無選擇），但可自行另加選其他食品。原本想到大街的Corner Cafe進膳，方便參觀遊行演出，不過人太多，要等一個多小時才可入坐，於是轉到這間中式餐廳。先來看一看餐牌：有五送一湯，白飯一桶，再加飯後果＆普洱茶（原價＄１５，但選用套選則不另收費，不過沒有添飲的。），每位都只是六十五元再加一，在樂園來說我覺得算是相宜。試想想，買一支汽水也要二十元，六十多塊算不上什麼啦。而且送菜味道尚算不錯呢！第一味，潮洲魚蛋湯。魚蛋彈牙，不錯。第二味，鳳梨咕嚕肉，酸酸的，很開胃。第三味，粟米班片，清淡不油膩，送飯佳餚。第四味，杭州燘嫩雞，雞肉全是雞脾肉，燘冬姑也很入味（該是有「師傅」吧？）。第五味，豉椒炒牛肉，略為油賺，但牛肉質地ｏｋ。第六味，江南素菜，有豆有菜，炒埋一碟，沒有什麼特別。第七味，白飯一桶，飯桶十分別緻。第八味，差不多吃完才記起還沒拍照，是每人一片西瓜和蜜瓜。整體而言，味道和價錢都ｏｋ，上菜速度快（這該是因為全部客人都要吃指定套餐的緣故），是到樂園遊玩時午膳的上

本來想去食漢堡飽快餐做午餐，點知去到火箭餐廳排晒長龍，又冇位坐低，後來發現河景可以排籌，咁唔使諗就入去，結果等左十五分鐘就有位，快過食快餐多多聲！講下環境先，位於探險世界的河景，為配合主題，裝修得好森林feel，所以亦都冇空調，夏天始終有點熱。由於遊人眾多，需要share table，但安排唔錯，一張八人檯，我地四個人搭另外兩人，沒有擠迫感覺！講番食物，選擇真係唔多，打開本menu有幾種套餐，但係唔係有唔同等級，幾種套餐唔同就係for唔同人數，我地四個人就只有3-4套餐一個選擇。3-4人餐菜式包括魚蛋湯一窩、？？上素、？？燴嫩雞、漁香肉絲同白飯一桶（？？係我唔記得全名），標價$260，不過碟頭比較細，講真四個人唔多夠。味道方面，魚蛋湯好似魚蛋粉咁味，雖唔值價但都幾好味！由於我地有人唔食得辣，服務員建議我地轉為粟米斑片，真係一個好建議，因為粟米斑片係全場最好食，斑片幾軟滑又冇骨，粟米汁都幾好味，淋飯fit晒！點解粟米汁淋飯，因為另外兩樣真係麻麻地，燴嫩雞（有冬菰、青豆同雞件）水準同大ｘ樂$22碟頭飯差不多，冬菰還可以，雞肉就冇乜味！至於個咩野上素（有冬菰、磨菰、荷蘭豆、木耳、竹荀同青紅椒