影片
更多
2005-08-30
66 瀏覽
本來想去食漢堡飽快餐做午餐，點知去到火箭餐廳排晒長龍，又冇位坐低，後來發現河景可以排籌，咁唔使諗就入去，結果等左十五分鐘就有位，快過食快餐多多聲！講下環境先，位於探險世界的河景，為配合主題，裝修得好森林feel，所以亦都冇空調，夏天始終有點熱。由於遊人眾多，需要share table，但安排唔錯，一張八人檯，我地四個人搭另外兩人，沒有擠迫感覺！講番食物，選擇真係唔多，打開本menu有幾種套餐，但係唔係有唔同等級，幾種套餐唔同就係for唔同人數，我地四個人就只有3-4套餐一個選擇。3-4人餐菜式包括魚蛋湯一窩、？？上素、？？燴嫩雞、漁香肉絲同白飯一桶（？？係我唔記得全名），標價$260，不過碟頭比較細，講真四個人唔多夠。味道方面，魚蛋湯好似魚蛋粉咁味，雖唔值價但都幾好味！由於我地有人唔食得辣，服務員建議我地轉為粟米斑片，真係一個好建議，因為粟米斑片係全場最好食，斑片幾軟滑又冇骨，粟米汁都幾好味，淋飯fit晒！點解粟米汁淋飯，因為另外兩樣真係麻麻地，燴嫩雞（有冬菰、青豆同雞件）水準同大ｘ樂$22碟頭飯差不多，冬菰還可以，雞肉就冇乜味！至於個咩野上素（有冬菰、磨菰、荷蘭豆、木耳、竹荀同青紅椒
講下環境先，位於探險世界的河景，為配合主題，裝修得好森林feel，所以亦都冇空調，夏天始終有點熱。由於遊人眾多，需要share table，但安排唔錯，一張八人檯，我地四個人搭另外兩人，沒有擠迫感覺！講番食物，選擇真係唔多，打開本menu有幾種套餐，但係唔係有唔同等級，幾種套餐唔同就係for唔同人數，我地四個人就只有3-4套餐一個選擇。
3-4人餐菜式包括魚蛋湯一窩、？？上素、？？燴嫩雞、漁香肉絲同白飯一桶（？？係我唔記得全名），標價$260，不過碟頭比較細，講真四個人唔多夠。味道方面，魚蛋湯好似魚蛋粉咁味，雖唔值價但都幾好味！由於我地有人唔食得辣，服務員建議我地轉為粟米斑片，真係一個好建議，因為粟米斑片係全場最好食，斑片幾軟滑又冇骨，粟米汁都幾好味，淋飯fit晒！點解粟米汁淋飯，因為另外兩樣真係麻麻地，燴嫩雞（有冬菰、青豆同雞件）水準同大ｘ樂$22碟頭飯差不多，冬菰還可以，雞肉就冇乜味！至於個咩野上素（有冬菰、磨菰、荷蘭豆、木耳、竹荀同青紅椒），青紅椒整到怪怪地，而且整得唔好味，我地仲會食剩就知咩事。個餐有一桶白飯，四個人剛好每人有一滿碗，但我問過服務員，佢話係可以加（我地冇加，因為唔夠”食送”）。
呢度熱茶係任飲，而且睇番張單冇荼錢呢項，不過由於太熱，我地叫左每杯廿蚊的特飲（味道都唔錯），另外可能係總採排，食野係有七折，本來套餐$260加4杯飲品要$374（每人$93.5），折左就$262（每人$66.5）。
張貼
