沙棘火鍋店 (已結業)

因為今次嘅經驗，寫咗人生第一篇食評。夜晚禁堂食喺條街周圍行行吓突然發現呢間腸粉，頭3次光顧都覺得好好食，皮又薄，價錢又抵食。直到今日第4次幫襯，就發生左不愉快經歷。自從老闆介紹過佢自家製嘅豆瓣醬，甜得黎唔太咸，之後都要求佢比一盒豆瓣醬我。因為本人唔食辣椒籽，所以會刻意了開佢。但今次食食下見到異物，第一眼點解咁似昆蟲，再一近望原來系蝨，以後唔會再幫襯！我明白食肆廚房環境有幾惡劣，但食物有蝨真系第一次遇見！

大年初一到元朗逛逛, 得兩三間餐廳有開，見到呢間門面有多款菜色介紹，價錢親民，決定一試（因為呢個年代成日都靠openrice，但偏偏呢間冇乜食評，所以係要博架）嗌咗黑椒豬手飯，鹽焗雞飯，燒乳鴿一隻，自家製芫茜雞蛋腸粉跟餐有沙棘羅漢果，沙棘梅子汁食後感:1. 🐷黑椒豬手煮得入味， 黑椒沒有搶走鮮味，夠曬"林"2. 🐔鹽焗雞新鮮, 份量不多但留番個胃試多幾樣野剛好3. 🍗燒乳鴿大大隻， 脆皮但唔燶，好過好多出面其他酒樓4. 🥢芫茜雞蛋腸粉，不得了!!! 跟出面酒樓嘅大量生產相比，食得出粉漿嘅細滑，煙韌。雞蛋薄薄咁包住腸粉，芫茜味完全冇搶走腸粉和雞蛋的香...我唔係芫茜控好都好enjoy飲品:沙棘羅漢果清甜，沙棘梅子汁開胃，為成餐飯落咗個完美嘅句號。特登再外賣多個黑椒豬手返屋企😊原來老闆娘不嬲有賣開真空包裝的預製餸，方便啲師奶加餸，貼心呀!!😊實在係underrated的餐廳，為咗佢我會短時間再入元朗!!

睇門面以為只係食雞煲或酸菜魚，但入到去睇餐牌有好多選擇，聽老闆介紹嚟呢間鋪必食「紅燒乳鴿」👍🏻乳鴿夠入味，外面脆卜卜，內裡夠juicy！ 飲埋雪果沙棘 超滿足！ 🥰老闆好有善 介紹飲沙棘嘅好處 （好似上咗堂咁，以為賣花讚花香啦... 點知上網一睇 呀 又真係好處多多～）沙棘對人體健康有8大好處：1.沙棘可有效調節胃腸2.沙棘可保肝護肝，防止肝硬化3.沙棘可提高人體免疫力4.沙棘與心腦血管疾病防治5.沙棘可預防腫瘤、癌症6.沙棘能止咳平喘利肺化痰7.沙棘能打通微循環疏通血管價錢親民，環境都坐得舒服冷氣夠！ 仲有紅燒乳鴿炒飯～&睇到有炭燒BBQ~ 好有風味 ， 下次嚟再試😋😋