沙嗲王 (秀茂坪)

營業中

休息中

好耐冇食沙嗲王，所以今日lunch就諗住來食好彩人都唔算多，即刻有位叫咗個最鍾意食嘅沙嗲肥牛粉絲保持返一貫非常好食嘅水準😌見到其實可以加龍蝦湯都好平幫我真係食唔晒，下次一定要再食

九龍灣終於開了沙嗲王，最愛他的白咖哩豬扒飯現在還在試業中，送餐機械人會去錯位置白咖哩豬扒飯，招牌以前叫職員點餐時只大塊豬扒只會分為3塊，現在QR code下單，可以選擇碎上，原本以為碎上是不是會變肉碎原來碎上只是再剪細塊些，容易入口，方便女士較優雅地用餐！真係幾好！+$6 兩塊蒜香牛油烤餅烤餅唔會油淋淋，有好香既牛油味，同埋有少少蒜味滲出黎，好吸引，都只係加$6九龍灣又多一間可以成日食既餐廳，太好了！

白咖喱豬扒飯：今日嚟到沙嗲王梗係要試吓佢嘅白咖喱豬扒飯，因為喺出邊餐廳都好少食到有白咖喱呢一個選擇，所以今日同朋友就嚟呢一間餐廳嘗試重拾一下童年嘅回憶，之前細個真係好鍾意食沙嗲王，不過而家分店真係少咗好多，鍾意白咖喱飯嘅必須要叫黎試吓！飯嘅份量都幾多，啱晒鍾意大食嘅朋友，豬扒嘅份量就冇以前咁多，不過佢係幾好食嘅豬扒，咬陸唔會話好柴，而且唔會好硬身，整體味道我覺得都可以㗎！再加埋佢嘅靈魂白咖喱，簡直冇得輸，配飯簡直就係正✌🏻 價錢嚟講亦都唔算太貴！

火腿濃湯通粉 配蛋 及 蒜香牛油烤餅 加飲品 ($38)早餐有牛油烤餅都幾得意, 是印度式的烤餅, 夠蒜香, 不算油膩通粉湯底唔夠濃, 比較清淡熱奶茶的茶底夠濃👍🏻燒雞扒濃湯公仔麵通粉 配蛋 及 牛油多士 加飲品 ($38) 雞皮夠脆, 雞扒肉夠滑身, 腌得夠味, 一D都唔乾身, 超出預期總括來說, 性價比高Chicken Soup Ham Macaroni, Egg, Garlic Butter Roti and Beverage ($38)It’s special that Roti is offered during breakfast. The roti has flavor of garlic and butter. The chicken soup is too plain for macaroni. For the hot milk tea, the tea is strong enough. Chicken Soup Grilled Chicken, Egg, Butter Toast and Beverage ($38)The chicken skin is cris

都好耐冇嚟過沙嗲王食午餐，難得經過開就試吓🤣因為午餐時段，所以都揀左佢既午餐Menu 蒜香牛油烤餅+濃蝦湯首先個牛油烤餅真係好好食，有少少酥皮嘅感覺，入邊有啲空氣感，亦都有少少似蒜蓉包幾香🤣再配埋濃蝦湯，兩樣好夾😋建議加個包落個湯度食，雖然濃蝦湯唔算好重嘅蝦味但係都係唔錯嘅湯👍🏻沙嗲牛肩胛粉絲我揀咗呢個沙嗲牛肩胛粉絲湯底都好濃，因為係粉絲所以好入味👍🏻牛肉唔算特別多，亦都唔算好有牛味，算係正正常常。粉絲出色但🤣

沙灘王的白咖喱豬扒已經食過好多次，味道一如往昔咁好味有水準，吉列豬扒鮮嫩多汁，配搭上濃郁的白咖喱醬汁，味道絕對係一試難。另外牛肩米線配沙嗲汁湯底亦都好入味，不過牛肩肉嘅份量就有啲少，下午茶套餐亦十分之抵食，有好多唔同套餐可以選擇，一款主食+忌廉湯+一杯嘢飲。餐廳環境亦都十分闊落，坐得好舒服，可以慢慢食、慢慢傾偈，平日人流唔多，上餐速度亦算快，食物溫度亦好足夠，所以一有聚會，都會選擇同朋友一齊再光顧。

好耐冇食過沙嗲王，印象中沙嗲王淨係食白咖喱同埋豬扒，今日嚟到懷緬吓先！未食過白咖喱烏冬，今次就試吓！🍴午餐F 白咖喱香茅豬扒烏冬日本製烏冬 $69白咖喱湯飲落好香，飲落去有少少似椰汁味？唔辣又惹味，烏冬好煙靭有口感真係日本嗰種，豬扒好香香茅味一啲都唔鹹，食落去好軟腍唔會有嗱口嘅味道！分量都幾足！🍴蒜蓉牛油雞翼2隻+$20雞翼炸好香口，食落去好重蒜香味，不過$20兩隻有啲貴！🍴凍檸檬茶+$3推薦指數: 7/10講真沙嗲王真係歷久不衰，唔知食咩食白咖喱都幾唔錯㗎！

沙爹王有多款嘅小食都好吸引，我每次幫襯都會點白咖喱香茅豬扒飯，豬扒鬆軟，白咖喱香味撲鼻，濃濃嘅咖喱汁餸飯一流。今次亦點了一個惹味嘅XO醬炒蘿蔔糕，佢用個好熱嘅石碗裝住，食到最尾一刻啲蘿蔔糕都仲係熱辣辣，不過好多油浸住，最尾嗰幾件真係多油到唔想擺入口。白咖喱香茅豬扒飯XO醬炒蘿蔔糕

始終是專做咖哩的地方 ，早餐的咖哩牛肉麵真是冇得輸，面質爽滑，咖哩味濃淡， 還有可以加一個特別的印度薄餅， 雖然每一間餐廳都有咖哩牛肉麵食，但不是間間都好食， 極力推介這間

咁啱喺附近收工，經過沙嗲王就入咗去食喺中學嘅懷念時光呀🥹以前同同學一齊去食，一定會叫白咖哩今次再食，試吓有冇變到先😤不過果然冇變到白咖哩果然係王牌味道香濃，雞扒熱烘烘，香脆可口😋😋

一入坐看看餐牌，就被那色彩鮮艷的二人餐牌吸引，有前菜，小食，主食，飲品還有雪糕，好豐富！所以決定叫一個二人餐加多兩個主食。🎐煙肉上湯娃娃菜🥬前菜之一，白烚娃娃菜，普通。🎐濃蝦湯🫕前菜之一，只係濃蝦不是龍蝦湯，湯稠度偏稀。🎐越南脆皮春卷🌯小食只可選擇一款，意外覺得份量唔少，而且又脆又好味。🎐沙嗲牛肩胛粉絲🍜份量偏細少，沙嗲湯底濃郁。🎐蟹粉豆腐鍋配飯蟹肉好足，豆腐好滑，略嫌入口口感唔夠滑溜，帶乾，但味道唔錯。🎐慢煮豬軟骨飯配半隻糖心蛋豬軟骨好味，肉質好腍，大大舊都唔會膩。🎐紅酒牛扒汁配芝士焗牛柳粒飯（炒飯底）牛柳粒肉質嫩，芝士份量適中，炒飯粒粒分明。🎐芒果椰汁沙冰配寒天波波好好飲，滿滿芒果蓉及芒果肉，口感豐富。🎐菠蘿碧海普通梳打汽水飲料。好豐富的二人餐，而且甜品有Häagen-Dazs雪糕，好值得試下。

成日以為沙爹王就執，點知係香港仲有好多間分店！咖哩ok，但特飲就不了，鮮芒椰汁沙冰配寒天波波係糖水味，朋友叫嘅台式奶茶係糖水奶精味😂🍤脆蝦棒 +$15 (6/10)外脆，微温，入面係打碎咗嘅蝦肉，正常！🍴越南脆皮春卷 $38 (7/10)熱辣辣好香脆，鹹鹹香香，入面係粉絲蘿蔔。🍴蒜蓉牛油雞翼 +$20 (7/10)好香脆，炸到有肉汁，好重蒜蓉味，偏鹹香重口味啲，好食！🍴滑lulu蛋黃咖喱厚切吉列豬扒飯 $74 (7.8/10)咖哩幾香，辣辣哋，啲飯係珍珠米，唔會太濕太乾，幾煙銀，豬扒大大塊即叫即炸，肉質好鬆軟，唔乾，炒蛋都幾滑，幾好食！冇諗過咁好食🤣🍴鮮芒椰汁沙冰配寒天波波 +$15 (0/10)超級甜，糖水咁😂😂冇椰汁味，波波好咬，但都不了。推薦指數: 7/10係屋邨商場嚟講lunch真係算貴，茶記平好多，不過味道唔錯，間中食下ok，冇上網講得咁差。

新開張無耐諗住唔會差得去邊啦⋯點知食物質素好差下喎🙄蒜蓉牛油雞翼 (2隻$32)炸雞翼顏色好深睇見都嚇親，原來係d油勁深色😓望到都驚(應該勁耐無換油)，仲要好鹹蟹粉豆腐鍋飯 ($100)嚟到個蟹粉豆腐已經凍哂唔好食了，但出奇地個飯仲係熱的⋯唔知係咪求其撈埋d蟹粉同豆腐就算。。因為睇落食落都係蟹粉還蟹粉，豆腐還豆腐，好似無煮埋一齊咁。。順帶一提所謂蟹粉係蛋黃整成的，食到好多蛋黃顆粒。。總而言之呢個價overpriced非常之唔值得囉薄餅 (2件$22)都好難食，比起以前食過既差咗好多，以前係好香又酥軟又鬆脆，而家唔同晒了⋯陣油味好怪，成塊麵餅咁，氣炸鍋翻熱都唔掂😐唔知係嚟到屋邨商場就差哂定今時今日既沙嗲王已經唔好食呢🤨

通常新舖開張食物都應該較為認真處理吧？！於是去湊湊熱鬧試試新店開張嘅食物水準。由於係新開張，是日晚餐時段特別多人，都等左好耐才有位入座。不過點餐後，好快送上食物。慢煮豬軟骨飯配日本溏心蛋豬軟骨份量都唔少，肉質唔老，味道稍稍偏甜，溏心蛋發揮正常。白咖喱香茅豬扒飯‘無法複製的味道’被它介紹的說話吸引，於是就試試他們招牌白咖喱及香茅豬扒。食物一到感覺份量偏少，但白咖喱汁好多。先來一少啖白咖喱汁，覺得還不錯喔！再試試豬扒，有香茅味且肉質嫩，有驚喜喔！果然係招牌。看似份量少，但原來食完覺得都好飽，又不會造成食物浪費。新開張食物係較有誠意的，過一段時間再來評一評食物質素會否不同。

開開心心同老公，諗住試吓新開既食店，點知😱食到粉絲既一半 有一條好黑比粉絲還長既頭髮🥹搵經理過嚟，問佢廚房如果有戴頭笠，點會有咁既情況出現？！點知佢就懶熟咁high吓你：話幫妳取消碗粉，有戴既有戴既～之後話去了解一吓情況，就一去冇回頭🤨得，冇所謂～你咁大集團，多我呢個客唔多，少我一個唔少！不過我有生之年真係唔敢再光顧，我唯有祝大家食得開心食得健康😂真心😤沙嗲王所有嘢都大不如前🫣收中上價錢🤔譚仔嘅服務🤫