沙嗲王 (MPM文華商場)

上完堂無意中行咗入呢個商場，唔打唔撞揀咗沙嗲王嚟食同朋友一齊食lunch，我叫咗麻辣牛肉豆腐鍋應該係蟹粉豆腐鍋嘅進化版，但係又有肉所以覺得好吸引，少少麻辣一入口好好食。送飯一流，俾咗勁大碗白飯我，一啖接一啖，最後差唔多成碗食晒剩返好少。上湯娃娃菜，覺得有啲小貴，但想營養均衡啲，所以都叫個菜沙嗲烏冬係朋友叫嘅，重花生味，烏冬份量唔算太多，牛肉個份量都普通最後兩個人因為太耐冇食沙嗲王好掛住炸饅頭就再叫多個炸饅頭，一如既往好食。…查看更多

今日晏晝趕時間，求其入咗間唔使等位嘅餐廳嗌個鐵板燒雞扒太陽蛋飯。份量中規中矩，唔會話多到食唔晒，但又未至於唔夠飽，女仔食就剛好，男仔可能爭少少。塊雞扒睇落幾靚，煎得香口，咬落去都算嫩滑，不過醃得唔太入味，啲鹹香唔夠突出，好在個鐵板夠熱，唧啲醬汁補救下都還可以接受。個太陽蛋就值得一讚，煎得靚仔，蛋白嫩滑，蛋黃流心，撈飯食真係一流。整體來講，以呢個價錢嚟計，算係合格有餘。唔會話好驚艷，但絕對係穩陣之選，經過附近唔知食咩好，可以一試。…查看更多

喺 foodpanda 上面叫外賣，以前沙嗲王質素冇咁差，但越做越衰，依家仲要連衛生都出問題！！！🤮🤮🤮唔好怪冇生意冇人幫襯，而且價錢唔算平。會向食環署投訴！！！！…查看更多

沙嗲王新推出酥皮日本濃蝦湯，個皮正正常常，但係個湯同飲水有咩分別！濃蝦湯冇蝦味！飲落去粟米味仲多過蝦味。有水味添！$18都算係正常價嘅，如果好味嘅話。其他正正常常。不過睇唔出佢服務有幾好😅收加一。建議大家唔好嗌酥皮日本濃蝦湯！今日個湯真係少伏！希望遲啲會好飲啲！…查看更多

其實我好少食沙嗲王，有一日同朋友去唱K田諗住食啲嘢，所以近近哋去咗沙嗲王。由於我唔係咁鍾意食飯嘅關係，所以冇叫到佢最穩陣嘅招牌嗰啲白咖喱飯，叫咗一個牛肩胛肉冬陰功湯面，我真係非常唔建議你哋叫呢個湯底，比較淡味，應該叫沙嗲湯底會好啲。個麵我揀咗日式幼麵，都係麻麻地，我諗主要係個配搭嘅問題，應該有第二款好食啲嘅嘢。🤣😩…查看更多

沙嗲王係學生時期就會去嘅餐廳 但係出名味精多，所以我好少食因為本人對味精敏感。上到去油麻地沙嗲王，員工都算幾有禮貌，碗碟都算乾淨，地下唔會好滑油淋淋 ，坐得都舒服不過冷氣偏凍。豬頸肉OK嘅，但係燒得太多有啲苦味，同埋切得太薄，變咗冇質感，同埋肥膏偏多，唔鍾意食肥肉嘅千祈唔好叫，豬頸肉會附上一個泰式醬汁俾你，個醬汁非常出色，但豬頸肉好細舊價錢比較貴。牛肉拉麵可以唔食完全唔得，拉麵過林牛肉太柴皮，個湯底正常但係都係好多味精，唔好飲就好啲，酥皮湯佢焗得好脆但係個酥皮好奇怪個味道有浸膠味，個蝦湯太多奶啦，同埋好油。真係冇下次…查看更多

I couldnt even remember my last visit to Satay King...maybe during high school? My friend suggested to go for a quick afternoon tea, we just went in. Menu definitely way more options than from my memory. Literally everything you could think of. Japanese fusion, Indian fusion, Hong Kong style etc. Pretty economical. Beef shoulder blade noodle in Satay soup was decent. It was generous than I expected after mixing the noodle with the toppings. Noodle was soft and well coated with the satay soup. It wasn't spicy just spiced up. Love the savoury. Beef slices were thin and tender. Only few bites were very chewy which I split it out. Love the white sesame sprinkled on top which gave so much nuttiness and crunch. White curry lemongrass pork chop noodle was in enormous portion. Two big thick deep fried pork chop were served. Tender and moist. Not much lemongrass flavour. White curry was smooth and flavourful. Not heavy at all. The dish was okay. Homemade siu mai was smaller than I thought it would be. Even smaller than a bite size, but considering the price, I guess it was acceptable. Chilli oil was so flavourful as they deepfried the chilli flakes and not oily at all. Wish to be spicier. Deep fried tofu was definitely as delicious as you think it can be. No disappointment at all. Crispy natter with silky tofu. Watch out with the explosion of steam. Not bad! More food variety than I could recall back in the old days. Staff were pretty nice and helpful. …查看更多

上次嚟嘅時候感覺好差，所以年幾冇嚟過咁啱喺附近睇戲，諗住比多次機會。提早20分鐘落單都冇用。叫個外賣半個鐘都拎唔到，出餐極慢，啲侍應做到好似等退休咁。催n次都仲係慢吞吞，遲過我哋入去嘅堂食客食緊我哋都仲未拎到。工作態度超差，又極唔合作已經唔係第一次，垃圾至極。用任何外賣app/打電話都好過用佢自己個app個app咁垃圾做嚟曬錢？又貴又難食越做越衰，食餐飯都食到谷氣真係冇下次！！！以前都仲話係學生時代回憶而家真係差到核爆…查看更多

其實除左等得比較耐其他都OK🤔🤔🤔係落單之後等左20分鐘多啲先有得食😵‍💫但又唔係繁忙時間，下午茶時段黎😵‍💫但個豬扒都幾脆，都幾有口感！亦唔會好似有啲豬扒好硬。🤩個湯底都係啱啱好，唔會太重口味，啲椰奶比例啱啱好，沙爹味都唔會超重！個人幾鍾意個幼麵，覺得個幼麵都幾好食😆😆希望係等候時間方面可以再更上一層樓！價錢而言有個正常飯量餐加嘢飲都叫做適中啦，不偏不倚啦！🤣有機會係附近嘅話都可以再一試！🙂‍↕️🙂‍↕️餐廳裡面有埋廁所幾方便！…查看更多

1月24號(星期五)，我同媽咪去佢哋旺角MPM間分店度食晚飯，18:57叫2個酥皮湯，孜然魚鮫，湯19:53至嚟到，魚鮫仲等緊，我同媽咪連個白豬、蟹粉飯都食完，莫非啲魚仲未捉到？仲有個所謂濃蝦湯，用成個鐘頭整，出嚟仲要個酥皮，面係燶嘅、裏面又稔又濕，入面蝦仔都冇隻，仲衰過麥當勞，人哋平過佢哋都有幾隻蝦仔，真係連快餐都不如！追個侍應，佢仲要唔耐煩答我”又點呀?” ?!!! 而家係你哋餐廳有問題，我哋客人仲要受呢啲對待？正一貼錢買難受！再等多成半個鐘，個魚鮫都仲未到，卒之我都係要cancel佢埋單走。只此一次，絶無下次。仲有喺個電話app度寫咗意見，係冇submit掣嘅，即係意見接受，態度照舊？…查看更多

充滿東南亞風的人氣餐廳 - 沙嗲王跟姐妹聚舊經過旺角港鐵站E出口附近見到沙嗲王招牌，肚餓了就去食晚餐。等了大約十分鐘入座，晚市來說都算快了，店內坐無虛席，可見餐廳非常受歡迎 ! 沙爹王的裝潢具東南亞風情，店內的擺設古色古香，令人置身於東南亞的國家中，但座位比較狹窄，當有職員送菜的時候，在路中心的客人要讓才可行走，少少不便。簡單介紹一下我們吃了什麼 : 白咖哩香茅豬扒烏冬 : 果然是王牌，白咖哩味道香濃，豬扒熱烘烘，香脆可口。 鐵板GRILL嫩巨髀配薯條 : 雞髀有手掌大，鐵板才送到那種沙沙聲真叫人興奮 ! 薯條又大大條，香脆可口，不用點漿都很好吃 ! 小食我們點了越南脆皮春卷：外皮炸至香脆， 金黃色， 熱辣辣，有咬口，不錯👍🏽！超過40年歷史的餐廳買少見少，留得下的都是精品，下次一定會再來試一下鎮店之寶 - 蟹粉豆腐鍋飯沙嗲王 (奶路臣街店)地址：旺角奶路臣街11號MPM文華商場5樓上層(港鐵旺角站 C3 出口)電話：2152 1181營業時間：一至日: 11:30-23:00…查看更多

本人18:12分落嘅單 到18:35分只係來咗一個小食 小食係蝦棒 仲要得4條 同圖片會唔會太大出入 出餐會唔會太慢 真係好有問題 要溝通吓 係咪真係需要咁耐呢 其實如果廚師唔夠或者技術問題 唔該考慮請多啲人手周圍隔離台前後左右遲來過我哋嘅後叫嘅全部都上晒 得我哋冇 見到都堅嬲 真心唔推薦來呢度食飯 如果真係要食 真係要預留好多時間來咯 極度負評 …查看更多

沙嗲王和茜廊一樣, 也是童年回憶, 特別是在觀塘裕民坊的分店, 隨着觀塘重建而清拆, 也有一段時間沒有光顧, 看得到它在這飲食業艱難的時間依然努力求存, 例如是更改了餐廳的Logo以及裝修變得明亮起來, 但招牌的海盜船長擺設依然存在. 菜式沒有太多改變, 依然以白咖喱和沙嗲在主軸, 特別是白咖喱豬扒飯的椰香和甜味, 而豬扒好像比之前處理得更好, 更嫩滑. 沙嗲粉絲的粉絲吸汁力強, 沙嗲偏向厚實而鹹香, 不會太辣, 就是在地化之後的口味, 能夠維持10間分店的規模, 這已經30多歲步入中年的餐飲集團, 並沒有因為節省成本而馬虎起來, 要求簡單卻不易做到.Satay King is a childhood memory for many Hong Kongers. The Yue Man Square branch in Kwun Tong, now demolished due to redevelopment, holds special significance. Despite the challenging times in the food industry, Satay King has persevered, updating its logo and brightening its interiors while retaining the iconic pirate captain statue. The menu remains focused on white curry and satay dishes, with the white curry pork chop rice maintaining its coconut aroma and sweetness, and the pork chops seemingly more tender than before. The satay vermicelli features noodles that absorb the sauce well, with a thick, savory satay that’s not too spicy, catering to local tastes. Maintaining 10 branches, this 30-plus-year-old restaurant group has not compromised on quality despite cost pressures, achieving a simple yet challenging standard.…查看更多

😺歷久不衰的沙嗲王。很久沒來朗豪坊這邊，今天吃飯時間沒什麼想法，竟然看到沙嗲王的廣告牌！白咖喱豬扒飯，看餐單看了很久，其實也只是在白咖喱豬扒飯和沙嗲牛肉粉絲之間糾結，最後還是點的白咖喱！而且即使有新的咖喱汁可以選擇我還是沒有動搖🤗老實說，吃那麼多年還是沒頭緒，這個稠密偏甜的醬汁和咖喱有什麼關係，但！好吃就完了！加點的印度薄餅，超濃郁的牛油香氣，烤得外層酥香，點咖喱醬好吃！烤雞翼😯吃起來有蒜蓉和蜜糖味，好讚！…查看更多

今日到貴公司光顧了兩個外賣，我們大約11:30落單了，然後到12:00都未有，我們都要等多十分鐘啊，不太合理了，如果係焗類都可以原諒，但只是普通食物，然後第二樣就是我們在備註要求要咖啡糖，最後係比白糖，這樣備註有什麼意思呢？其實這個經歷都試過兩次，第一次我寫黃糖，然後貴公司員工不明白，所以第二次我們寫咖啡糖應該明白啦，點知道都是比錯，我們話不需要餐具都係比左，這個就算啦，然後我們想找員工幫忙要咖啡糖，有位員工已經見到我們以為等位，之後我們說不是，都未講到我們的要求，她就完全不理我們啦還叫我們在外面慢慢等，我們完全不理解嘅服務態度，正常見到客人無論是等位還是什麼要求你都可以有禮對待？最後我返到去見到外賣少了太陽蛋和d送肯定比堂食更加少，導致我哋更加生氣，固定貴分店處理事情，經理都有不斷解釋，都有跟我們抱歉，態度都良好，但以上種種原因導致我們對貴公司服務有所保留…查看更多