沙嗲王 (又一城)

我細細個就開始食沙嗲王了，記得細個睇超級超掌門人時，會經常聽到沙嗲王呢個名，佢經常成為獎門人的禮物🤣到中學時，開始同同學放學行街，亦第一次食佢的沙嗲牛肉粉絲，簡直驚為天人，自此得閒就會幫襯。估唔到沙嗲王而家喺又一城food court都有分店，唔使再去門市幫襯，而且food court仲唔使收加一服務費。$68沙嗲牛肉粉絲，加幅唔算貴，這個味道，咁多年都冇變，軟糯嘅粉絲，吸盡了濃郁的沙嗲湯汁，沙嗲湯底有多種香料條配，層次豐富。另一個沙嗲王名物，就是白咖喱豬扒飯，講真咁多年我都係鍾情沙嗲，而呢個白咖喱，口味唔算辣，偏向甜甜地，一樣食得出豐富層次。…Read More

本身去又一城睇rider store，太多年都冇嚟過，見到好多層都有嘢食，咁啱到咗下午茶時間就上咗去大食代走到最上已經見到好多人坐喺度星期日少咗學生，但係都好旺場，一間food court竟然有白咖喱公司仲要有下午茶餐價錢都係$39仲有四款嘢揀，最後叫咗一個迷你嘅白咖喱豬扒飯，一如以往白咖喱香濃，豬扒加咗香茅有兩件，平時白咖喱汁已經可以撈飯再加咗$3叫咗杯凍嘅桔仔茉莉花茶如果要飽肚啱啱好，小食就叫咗牛油雞翼，雖然雞翼好油，不過好好味…Read More

沙嗲王餐廳就吃得多，但原來喺又一城商場入面都有一間沙嗲王。不過，就唔係餐廳，而係Food Court。Food Court 既沙嗲王價錢好像便宜一點點，還不需要加一服務費。雖然是Food Court 沙嗲王，但與沙嗲王餐廳比較，食物種類款式並不遜色，一樣很多食物選擇我叫了一個午餐套餐，加兩隻蒜蓉牛油雞翼、一碗濃蝦湯再加酥皮和一杯芒果椰汁沙冰，價錢總共都係$120。叫了這麼多食物，都只是$120，感覺十分超值…Read More

嚟到九龍塘沙嗲王，今次就試咗「白咖喱慢煮燒雞扒肥牛飯」。 第一眼見到份量十足，白咖喱色澤淡黃，香氣同一般濃烈嘅咖喱唔同，多咗種椰香同奶香嘅柔和。舀一口飯沾上咖喱，滑順又帶微甜，唔覺得膩。 雞扒慢煮後再燒香，皮面略帶焦脆，肉仍然嫩滑，咖喱掛上去令味道更圓潤。肥牛片則係另一種風格，薄切但油脂均衡，浸喺咖喱汁度吸到味，入口鹹香之中夾雜輕柔辛香。 白飯處理得唔錯，粒粒分明，吸汁力足，食到尾都冇變得軟爛。雞同牛雖然放埋一碟，但性格完全唔撞，雞帶清香、牛添濃郁，交替食幾有趣。 成碟設計夠誠意，價錢親民卻埋藏細節；食落去覺得係comfort food，同時又有啲小驚喜，完全對得住沙嗲王嘅人氣。…Read More

白咖喱豬扒飯應該係香港人嘅一種集體回憶。白咖喱醬濃郁香滑，唔似一般咖喱咁重口味，反而帶有淡淡嘅奶香味，令人覺得特別。豬扒煎得金黃酥脆，肉質鮮嫩，與白咖喱相互襯托，增添咗層次感😋。飯粒鬆軟，吸收咗咖喱醬嘅味道，每一口都令人食到停唔到😋。無論係午餐定係晚餐，白咖喱豬扒飯都係一個絕佳選擇，滿足感十足。總體嚟講，白咖喱豬扒飯真係好味，值得一試！如果你鍾意咖喱但又唔想要太重嘅口味，呢個選擇一定唔會令你失望。…Read More

去又一城最鐘意係美食廣場開餐，勝在坐既位置多，但係人都好多，不過基本上等一陣就會有位。美食廣場有6間食肆，在美食廣場特別容易有選擇困難症，揀來揀去最終揀左沙嗲王，因為睇中左牛柳粒紅酒汁芝士焗飯。睇個名真係好吸引，焗飯一定熱辣辣，又芝士又紅酒汁，焗完一定香噴噴，仲要牛柳粒，本身已經好鐘意食牛柳。牛肉味極濃郁的牛柳粒加上秘製日式紅酒汁及芝士焗製，令到每一粒日本米都滋味無比，配上日本溫泉蛋的蛋香，感動每一個味蕾！…Read More

我訂了一份外賣係快餐店「沙嗲王」，選擇了蔥油香茅豬扒煎半熟蛋飯。這道菜的外觀看起來相當吸引人，煎蛋金黃，豬扒烤煮得宜，整體表現令人期待。品嚐這道菜時，豬扒肉質鮮嫩多汁，煎得適中，保持了肉汁和風味，搭配蔥油和香茅的清新香氣，口感順滑。煎半熟蛋鋪在飯上，蛋白香脆，蛋黃濃郁，與飯粒結合得宜，味道相輔相成。總的來說，蔥油香茅豬扒煎半熟蛋飯是一道美味的外賣菜式。食物質素不錯，口味豐富。如果你想嚐新鮮快捷的美食，這道菜絕對值得一試。…Read More

最近同事同我要去九龍塘附近做嘢所以早咗出門口，食到平時好少食嘅早餐！喺food court我最後選擇咗沙嗲王，從來未試過過佢哋嘅早餐，但見到佢嘅湯底比較特別，唔係普通沙嗲牛麵，雪菜肉絲米，所以揀咗佢叫咗兩份早餐一份係蕃茄濃湯🍅另一份係沙嗲王最出名嘅白咖喱湯🧅蕃茄濃湯有啲香蒜味，我覺得配公仔麵最夾至於白咖喱湯，早餐食可能有少少油膩，但確實好味配通粉啱啱好佢嘅特色係用Roti 烤餅代替平時早餐嘅多士另外有滑蛋、腸仔餐肉都係一般嘢佢嘅即磨咖啡都好飲嘅:)…Read More

今日經開又一城快食午餐就去food court 下午時間要等位 都係預左我哋叫咗白咖喱豬扒飯同埋蟹粉豆腐鍋味道都係同平時喺沙嗲王食嘅一樣份量都唔少 好夠飽如果平時食嘢唔係太鍾意食濃味嘅人就唔好揀沙嗲王始終我都覺得佢偏鹹少少…Read More

講起上嚟已經好耐冇食過沙嗲王，咁啱經過又一城，所以就諗住入去搵返以前嘅味道！招牌香茅豬排白咖喱呢個招牌豬排白咖喱真係沙嗲王嘅經典菜式！個咖喱汁夠濃郁，仲有啲微辣嘅味道。豬排肉質鮮嫩多汁，每一口都好享受。份量十分大，足夠填飽肚子。我不禁回味起從小吃到大的美味。如果你喜歡咖喱和香茅豬排，一定要試試這道菜！蟹粉豆腐鍋飯這道蟹粉豆腐鍋飯絕對是一個必試的菜品！豆腐口感滑嫩，而且由於使用石鍋上菜，保持了熱度，讓你一口接一口都能感受到熱氣蒸騰的美味。蟹粉湯汁金黃色濃郁，帶有一定的辣味，鹹蛋黃的香氣也十分濃郁。唯一美中不足的是蟹肉的份量較少，同埋整體都比較鹹，撈飯會比較好啲。下次想搭配薄餅食用，能夠帶來另一種風味的享受，絕對值得一試！…Read More

今日早收工屋企冇飯開, 自己一枝公過左去又一城的food court覓食,其實呢個foodcourt 全部都係連鎖餐廳, 同出面多選擇的foodcourt一D都唔同.我揀左沙嗲王黎食, 就係貪佢有D一人餐, 加20蚊左右就有野飲有小食，一個人食就最好.L10 蔥油雞扒煎半熟蛋飯 $58  (加配蒜蓉牛油雞翼2隻+蘋果綠茶 +$22)先講個雞扒, 唔算煎到好香脆，但肉質都幾嫩幾滑, 而且都幾大塊,另外半熟蛋撈落D豉油度簡直無得輸, 如果蛋黃可以再流心D就最好.最後加埋超香的蔥油, 撈飯食真係可以食完一大碗!真係唔好睇少呢D連鎖餐廳, 一D都唔頹, 有D超乎預期!可惜跟餐的牛油雞翼同正常的沙嗲王好有出入, 雞翼凍哂, 皮都變韌, 完全唔脆果然預制同即整真係好唔同! 下次都係試其他小食好過.!…Read More

送完女女返興趣班🫣就同朋友去左又一城food court食個快lunch🍱見到有沙嗲王即刻好掛住以前嘅白咖喱豬扒飯😋係回憶呀🤩果然好彩冇令我失望🤭仲係好夠味，好多汁，而且豬扒夠嫩滑～下次會想試埋蟹粉豆腐煲，記得都好好味白咖喱豬扒飯豬扒嫩滑多汁，又夠多白咖喱汁，唯一覺得不足地方就係飯太少🤭啲汁太好味啦😋鮮茄芝士焗雞扒飯正常發揮嘅蕃茄芝士焗飯，焗嘅火喉剛剛好，而且都算多芝士🧀飯份量好少🫣…Read More

好耐冇食過沙嗲王，行開又一城先知原來Food court開咗分店，今次叫咗佢哋嘅白咖喱一口炸雞飯，仲加咗佢哋嘅蒜蓉牛油雞翼。白咖喱味道不過不失，唔會太辣，但都冇平時嘅咖喱咁香，不過份量幾足，炸雞份量都唔少。而雞翼就比較細隻，而且應該一早炸定，所以唔算好熱同埋脆。…Read More

原來沙嗲王嘅下午茶咁抵食，一個白咖喱香茅豬扒飯都只係$42！仲要份量超多😱第一次食白咖喱，佢同一般咖喱唔同，沒有紅咖喱青咖喱嘅辣味，而係帶有一點椰香味，甜甜的，好易入口，適合啲唔係好食得辣嘅人。👍🏻白咖喱嘅份量都好多，唔驚食到最後冇醬汁送飯🤣👍🏻仲有兩大塊豬扒，沾上白咖喱醬汁更加惹味🤤豬扒肉質都好嫩滑，又鬆軟又多汁，佢同白咖喱都係送飯一流，不過下午茶來講份量都真係好多，最後係食唔晒啲飯🤣真係好抵食。…Read More

講起沙嗲王，除咗佢嘅裝修有特色之外，最經典嘅莫過於遠近馳名嘅經典白咖喱豬扒飯之前有個朋友，佢好多年前介紹我食過一次，之後印象難忘食到停唔到口，可惜沙嗲王唔係太多分店，我又懶得行去，所以都唔係成日食😂😂😂但係自從沙嗲王喺又一城度開咗間分店之後，我就可以喺行完商場之後，都享用到呢個美味嘅白咖喱豬扒飯雖然佢係位於food court，但係造型、賣相、食物一啲都唔馬夫佢個飯好細心咁用鵝蛋形嘅形式上碟，再加上三四塊煎得好香脆內軟嘅豬扒，同埋特製嘅白咖喱汁由於我食得唔多，所以我每次都係食下午茶依個輕量版每次都食到停唔到口…Read More