沖繩二段料理 (荷里活廣場)

營業中

休息中

晚上九點唔知食咩好 就見到呢間價錢唔貴多看似好食既餐廳 一入去侍應就比張卡我地自己落單 我地兩人點左兩款 包埋野飲。個人最推介係漢堡牛扒 好多肉汁 好juicy。想再點可惜冇得單點。最後埋單百幾蚊 算係抵食唔差

-尋晚食完晚飯經過呢間舖頭遠望👀到「大激安50% off $8/個」嘅牌😻 我當然一支箭咁標過去望下啦！！🏃玻璃櫃度望落仲有好多不同口味嘅沖繩獅沙冬甩😽。$8實在太平喇👏👏。 職員話買四個有個盒裝住 好啦！！一於買四個啦！！原味朱古力 （$8）原味海鹽焦糖 （$8）抹茶 （$8）海鹽焦糖士多啤梨（$8）一問之下，原來呢間鋪頭嘅冬甩，每晚九點就開始做半價。 太好啦‼️下次再食埋其他味道先😋。 =====================Antoshimo Cafe & Bakery地址: 鑽石山龍蟠街3號荷里活廣場1樓182號舖

不是沖澠味道行完街，搵地方坐下食少少野。小店外，有十幾人等位中，眼見有空枱就等一陣。15分鐘左右有枱，入座後自己劃單，ABCD, 1234跟住寫就可以，donut要另外點的。二人份的下午茶，兩個女的份量剛剛好，兩人秋葵茶漬飯套餐。$68有一份柚子窩雞，兩碗迷你茶漬飯，兩杯黑糖檸水。茶漬飯🤨要喜歡食秋葵才好食，因為是黏黏的柚子窩雞比較油，但惹味香口另外，點了有沖澠公仔的donutDonut試一次足夠了放久了，硬硬的

去戲院睇完戲之後想食少少野，行下行下先到好耐幾年前幾喺朗豪坊度食過幾好味嘅餐廳，尤其係佢個炸面包雪糕。入去之前睇過個menu好似已經冇左炸面包（類似豬仔包咁），但見有冬甩所以就照入左去食喇。3:15左右入去menu選擇唔算特別多，但價錢唔貴。最後同家人分別叫左一個黑豚壽喜燒湯鳥冬同埋芝士蕃茄炊飯配漢堡扒。烏冬普普通通，湯底薑味幾漢堡扒非常出色，連家人都要拎一半去睇，蕃茄芝士飯都唔錯最後黎埋甜品海鹽冬甩雪糕，冬甩熱熱地，唔錯！由於漢堡扒出色嘅關係，下次會再食

今日放假到荷里活商場睇戲，好少來這邊，原來都幾多人，到了晚餐時間就選了呢間日式料理。樓面細細內裏只有10零張枱，但食飯時間都爆滿，兩個人都需等15至20分鐘。二段定食概念成功讓我等下試下，好少見。我叫啲係蕃茄芝士釜飯，一嚟到好多湯咁唔夠傑，上餐附送知是誰讓客人自行加入飯入面撈勻，之後會有拔絲嘅效果。二旁邊嘅炸魚樓出奇地清淡得來外面有少少脆口又不肥膩。所有嘅晚飯套餐都配上一杯嘢飲，分別有凍或熱嘅檸檬茶或檸檬水及可樂。食物方面都幾好。但觀察到其實入面有枱，我同朋人攞飛嘅時候下一張二人枱就係，但等左一陣見到餐廳內有兩張空嘅兩人枱，但都未叫飛，我哋會諗點解仲唔叫飛但係我哋不趕時間所以再等一下才被安排入坐。同時見到一家四口手上抱住BB都等咗好耐都未能入，可能人手不足，但等待時間及安排坐位方面相信餐廳可以改善，客人都開心啲。

平時都有食開呢間，味道唔錯既。今日再黎，諗住試新野「黑豚濃8蕃茄鍋沾面」D面痴埋一堆。已經唔大期望，入到口就得點知一咬，勁硬🤯，入面仲見到一粒粒面粉（無影到相，諗住整番個就算），咁同職員講個情況，佢就話整過個新既！等左十幾廿分鐘，個面到啦，但無湯既，明顯係岩岩戈個黎，只係換過面底，問個職員話濃蕃茄係咁喎。好在本身有影相😡😡 如果比左幾啖仔湯就算數🤮 我都做過餐飲，無換過新，就咁煮多次都做得好睇D啦👎🏿

每一次經過呢間餐廳都聞到佢啲嘢食嘅香味。今次已經唔係第一次喺度食，之前一路嗌開粟米雞配壽喜燒烏冬，今日見到蜜糖芥末漢堡扒豆腐配壽喜燒烏冬，諗住試吓所以就嗌咗，另外一個餐就係牛肉壽喜燒湯面配沖繩蒸餃。一個餐嘅份量都唔少，有主菜配湯麵或者烏冬，一杯嘢飲同埋一份甜品。首先，佢嘅壽喜烏冬由冬天開始就加咗薑絲，用嚟暖胃真係一流，蜜糖芥末漢堡扒嘅蜜糖芥茉醬非常出色，漢堡扒好juicy，每一啖都充滿肉汁。而沖繩蒸餃嘅餡料主要係肉，啲皮唔算太厚，同啲醬好夾。成個餐嘅重點就係佢嘅甜品，海鹽焦糖冬甩雪糕，因為真係超級好食。最底嘅焦糖甜度適中，中間嘅冬甩唔會過硬或者太軟，好有口感，最後上面有雲呢拿雪糕，成個甜品嘅配搭為呢一餐畫上完美嘅句號。建議如果行過都可以買佢嘅冬甩外賣，都好好味架。

約左姊妹黎呢邊Shopping, 作戰前填飽個肚先，同事介紹過呢間幾特別就入黎試下，上面係蒸籠，下面係鍋，款式都幾多。原本諗住食完個飯加甜品食，但太飽，只好下次先試。 蜜糖芥末豚肉 配 烏冬 $68本身就偏向鍾意蜜糖芥末醬，自然覺得好味，豬肉就有六片左右，配埋南瓜清清地，無咩騷味，加上蜜糖芥末醬完美，而蕃茄湯蕃茄味好濃。檸檬蜜糖芥末豚肉 配 芝士蕃茄炊飯 $68姊妹呢個飯更加正，濃濃嘅蕃茄味炊飯，加埋碗芝士撈埋，啖啖芝士，如果唔夠可以再叫佢比多碗芝士。黑糖檸茶無咩特別，只係落糖轉左比黑糖你落，同平時飲無太大分別。

今晚要係荷里活廣場睇水行俠,食之前係要醫肚的~見呢一間D menu幾特別,價錢又唔係好貴,又唔係好多人等位,就試下啦~蒸籠盛住蜜糖芥末豚肉,配超蕃茄濃度8烏東,小小辣,好野味,個人好喜歡,因為蕃茄味真係好濃。呢一個係老公既~ 芝士蕃茄炊飯配漢堡扒豆腐見到一碗芝士嗎?要自己倒落熱飯到搞均，味道更昇華,蕃茄同芝士好match喔題外話: 佢開放式既設計,中間好似一棵大樹,無論佈置定食物都有一種日本既感覺,幾特別。

又係一個人食午餐，經過荷里活見到呢間餐廳幾特別，主打沖繩菜，即管入去試試。我點了一個豚肉拉麵餐，配有蒸燒賣及飲品。飲品我點了熱檸茶。首先個拉麵，熱辣辣成鍋咁上，個鍋邊蒸燒賣邊煮拉麵，幾欣賞佢咁樣會令到所有食物都熱辣辣湯底清清地，拉麵係滑身同淋的麵質，雖然我自己本身鍾意爽口我麵質，但這個都還可以吧。豚肉算多，都幾滑同入味。燒賣不是豬肉魚肉，而是蝦肉，反而覺得感覺幾清倉同埋特別。熱檸茶配黑糖，味道不錯。

係附近去完婚禮，仲有成兩粒鐘先去飲，梗係過黎呢度搵下食先星期六下午呢個商場實在太太多人，搵到間唔駛排隊都有點難。竟然唔駛排喎…(心諗:可能唔太好食)入到去1728，店員都好好叫我地快點叫餐，可以比埋我地下午茶:我叫左個濃蝦湯幼麵，老公就叫左蕃茄炊飯。個餐包埋小食野飲，大約48/68不等。呢個價錢，又飯又麵又小食，我估都唔荒大碟…)上菜喇…竟然足份量，成大碗麵同飯播一飲湯，有少少辣，但好濃味呀岩曬鐘意食海鮮既我。麵都好食，一隻大蝦，意外有鮮味。小食黑糖雞翼，不過不失，老公話個小食紫薯餅都好。意外地好，唔錯唔錯

同朋友係鑽石山睇完戲，正當煩緊食咩野嘅時候，就見到Antoshimo cafe & bakery，其實係俾佢嘅冬甩吸引住。香港真係好少地方有冬甩賣，所以我地決定入去試試。食甜品前緊係要食左正餐先，我地叫左燶蝦壽喜燒湯麵($68)同牛肉壽喜燒湯麵($52)。每個餐都有一個小食，我地叫左沖繩辣豆醬餃子同黑糖雞翼。牛肉壽喜燒湯麵薑味比較重，牛肉份量較少。燶蝦壽喜燒湯麵只有一隻蝦，如果多一隻會好啲，而湯嘅味道有啲似冬陰公。餃子有驚喜，少少辣，皮脆脆地，味道唔錯。雞翼味道不過不失。最後緊係要叫埋原味焦糖冬甩($16)同榛子朱古力冬甩($16)。冬甩上面有沖繩嘅招牌公仔，煙煙韌韌，都幾彈牙。

週末黎到鑽石山荷理活廣場行街，首先要醫一醫肚先！上到一樓周圍行下睇下有咩好食，無意中發現左呢間食沖繩面既餐廳，見佢個下午茶都幾吸引幾抵食就入去試下！睇睇餐牌很多選擇，最後揀左個濃蝦湯壽喜燒麵配黑糖雞翼，野飲就叫左黑糖凍檸茶！呢間餐廳都幾特別，野飲既糖會用返黑糖！不過落左好多糖水都冇咩味個濃蝦湯麵面頭就有一隻蝦，食落有少少蒜蓉味，湯底就比較特別，食落甜甜地好似冬陰公咁，好搞笑！黑糖雞翼新鮮整起，脆卜卜好香口！

同女朋友去睇戲同埋食晚飯，見到呢間餐廳好得意就入去試下。餐廳細細，所以座位都有少少迫，加上每個套餐都有兩個碗，擺埋嘢飲就無曬位喇。佢有好多款配搭，搞到我有少少選擇困難症發作。女朋友揀咗沖繩蒸餃子配蕃茄烏冬($68)個烏冬就係得蕃茄同一片竹輪，無其他餸。份量都算多嘅。餃子不過不失。我揀咗椰子咖哩炊飯配粟米雞($82)咖哩飯軟淋淋，好重口味。粟米雞炸到好香口，加埋啲沙律醬好好味，側邊仲有啲無味伴菜。個餐包埋甜品，啱曬我女友。海鹽焦糖冬甩雪糕。冬甩皮脆內軟，加埋雪糕真係又幾好食喎。跟餐有嘢飲。熱黑糖檸檬茶，即係普通熱檸茶，然後畀樽黑糖你自己加。見到隔離枱嘅凍黑糖檸檬茶，即係普通凍檸茶自己加啲黑糖糖漿落去。

DINNER TIME好多人下, 都要等4,5個字。大部分係梳化位, 幾好坐。叫左個湯飯SET, 有豚肉湯飯+ 甜品, 另加錢叫左個炸雞黑椒炸雞有微微的黑椒味, 炸就唔怕油膩, 粉漿唔厚, 有D 似鹽酥雞, 好食! 加9蚊就有, 都有3,4粒豚肉湯飯我覺得似一個鍋多D, 最初以為好清, 原來用左日式濃湯, 好鮮味, 入面都幾多豚肉, 仲有鳴門卷同一D 菇。飯另上, 入面竟然有秋葵粒, 多左層口感又健康。甜品係佢地GE 招牌DONUT + 雪糕, 我見佢地單賣都十幾蚊, 估唔到跟餐送一個! DONUT係原味, 厚身的, 感覺似CAKE, 醬汁係焦糖海鹽, 有D 似拖肥糖, 但咸咸地又唔會太漏, 好食WOR! ICE CREAM係VANILLA 味, 入面有D冰，一般般。跟餐叫左黑糖ＬＥＭＯＮ　ＴＥＡ，但無乜黑糖味, 似普通LEMON TEA