池記 (已結業)

上週在麥Ｘ記食咗碗$39蚊份量又少味道又唔見突出的牛根雲吞麵, 心裏有條刺, 今星期和簡生到旺角選購新屋牆紙, 順便到這裹找尋像樣的雲吞麵, 見到餐牌上頗多選擇,粥粉麵飯樣樣齊, 我們各自選了套餐,我要咗雲吞麵一碗加炸雲吞一碟($39), 麵好爽口,份量正常,雲吞size正常和蝦肉鮮味彈牙, 有五粒, 另炸雲吞是即炸的, 好正.簡生要咗水餃炸醬麵一碗和炸鯪鱼球一碟($45), 簡生話兩樣都好好食.兩人都覺得呢餐飯好滿足, 一定可再幫親.唯一不滿意是服務員, 客不多,服務員唔少,行來行去,落order要叫好多次...

我一家五口到池記午餐. 一肚氣. 叫雲呑麵, 送到桌面時卻無麵!吃完套餐, 所謂贈送的飲品( 豆漿/ 薏米水) 還未到. 多叫了的一客小食鯪魚球. 服務員送來時, 希望通融更換. 服務員不敢回應. 何似玉店長就權威式的堅持不可更換.也不覺食物的味道特別好! 只是一般. 價錢則頗貴. 地方狹窄, 坐不舒服.

前段時間因為方便，中午好多時一個人去旺角郎豪坊間池記食粥麵，因為地鐵站上面，差不多一個星期都有五六次，但係池記的侍應從來都唔記得我，這是他們的特色，永遠無熟客，一派大公司派頭，都唔明佢日本點生存。那天我去到剛好有一張空，我坐下差不多五分鐘都無人理我，簡直當我透明，直到有三個人入黎，個侍應叫佢地坐，因為我張係四人，然後佢居然叫我起身，即係佢地三個就可以坐張四人，而我就要行開，我都唔知為乜原因，唔通我的唔係錢，而且係我到先，於是我就走，去（好旺角）食粥。同時決定從此唔幫親佢地。

每次同朋友黎呢到食都一定只食蘿蔔牛腩菜飯極正,蘿蔔無渣,好爽,牛腩賣相唔差,最好味都係d汁~有甜品,通常都會叫紅豆豆腐花,好好味~味道唔會唔夾會再去

2/10 5:00pmbf出到黎mk話肚餓,但夜晚又要食團年飯, 所以只係食左好少:me: 細蓉($12), 應該得大半個面餅, 加上兩粒雲吞.真係兩碗都唔多夠飽.雲吞size 中等, 蝦/豬肉比例大概各半, 都合格.面係好幼既銀絲幼面, 幾彈牙, 不過有d皂水味.事實上眼見有送貨佬(xx面家)剛送黎既面,所以不是自家即做的, 有d失望. 不過食到最後見到碗底有d粒粒蝦子, 令湯底多了一份鮮.bf: 鯪魚球河($22), 一碗有4個鯪魚球, 食落有d實, 味道一般, 無驚喜. 河粉我試了一口, 面條屬幼河, 但口感不夠滑身,差了一點點.....

早排唔使番工比較得閒, 咪四圍食野囉! 去到朗豪坊, 見到池記, 想食呢到d野好耐, 不過次次都好多人, 所以次次都冇食囉! 又有下午茶餐, 仲要係逢星期一至星期五先有得食, 點都要試下!入到去叫左個上海雲吞麵同埋可樂雞翼, 仲要杯野飲可以叫膠樽果汁先生, 都幾好! 上海雲吞麵, 雲吞得兩大粒, 麵仲要好少, 不過個湯底又幾好味, 麵好爽口, 雲吞都好味, 得兩粒係就少d, 不過都好味啦! 可樂雞翼就好一般啦, 唔覺有可樂味, 似豉油雞翼多d! 不過平平地試下都無防!

上次同朋友在商場內飲完咖啡, 他突然說肚餓, 想食粉麵, 因為當時都已經十點, 唯有到池記!他叫了一個豬手飯, 一碟雞翼, 一支可樂。可能是他們將收工的關係, 他們已開始收拾的工作。而且為我們落單的侍應的態度亦相當差劣, 面上副「你阻住我收工的表情」(坦白說, 對在場的食客絕對不太禮貌!其實收拾的工作應該在打烊後才做吧!)吃的東西好吃嗎?豬手真的很少, 而且不夠「林」,雞翼的水準亦是一般!朋友吃完都想走了, 都費事坐, 怎料現場另一食客不知什麼事火大起來, 大聲斥責那些侍應態度惡劣, 要投訴云云!坦白說, 池記算是稍有名氣的, 食品不見得突出之餘,服務質素如此, 茶餐\廳成行成市, 大家有的是選擇啊!

昨日同爸爸去旺角想看看一些裝修材料,想起有一次行朗豪坊曾經經過一層有很多食店,由於那時趕時間不能停下慢慢觀看有什麼美食,去搭電梯見到L4顯示美食廣場,就這一層吧!行出電梯後見到左面是味千拉麵,右面是簡單廚房,正前面是池記,來到已2:30pm肚子餓了,所以不想巡視其他食店,只在簡單與池記中作決擇,問爸爸想食那一間,他說無所為,即是又是自己決定,最後選了池記因為爸爸會較喜歡吃中式餐吧!我選了這裡馳名的雲吞麵($21),而爸爸就要個牛筋腩蘿蔔菜飯($31),這碗雲吞麵真的好細碗,雲吞只得4粒而且好細粒,我先給爸爸吃一粒,問他味道如何,他笑著說淨係得一隻蝦,果然一粒一隻蝦,蝦好彈好爽而且甜,但吃完感口乾,不知是否有加味精,麵就不夠爽,這碗麵並不感覺特別好味,不過爸爸說如果加些豬肉會好味些,他這樣一說突然令我想到究竟正宗的雲吞陷料是用什麼材料配搭的,其實這碗雲吞麵亦可叫4隻蝦麵,爸爸那個牛筋腩飯,當侍應拿上枱時,已聞到很香濃的香料味,令人食慾大增,爸爸覺得牛筋腩夠腍,菜飯夠熱,味道幾好,不過就貴少少.

(14/10/06)見到有蟹粥,即刻拉男友來。金衣蟹皇粥,好多膏,粥綿、唔確喉,男友大讚。黑椒芝麻豬排,芝麻磨碎,卓頭賣相啫,豬排好香脆鬆化,黑椒汁唔熱又杰,黑椒味唔出。牛筋麵,牛腩汁湯味假,但牛筋好味。整體好滿意。

今日下午6點幾,我同朋友去食嘢,因為佢話呢間Ｄ雲吞麵好出名,咪諗住試吓囉,未入門口己經覺得怪怪地,因為Ｄ人一Ｄ笑容都無,不過佢話好好食咪入去囉,開頭都無事架,後尾有個樓面行過嚟,問我地食咩,我地叫左兩個套餐,一個係雲吞麵加冬菰,一個係牛腩撈麵加奶茶,個樓面一d笑容都無都唔止呀,d態度仲要係好不可一世咁,我個朋友阻止我叫我唔好同佢嘈咋,d野食o黎到,仲要好大力咁放喺 張枱度,我同個朋友都比佢嚇咗一跳,我都未試過比錢出嚟 食嘢,仲要受人氣架,Ｄ麵雖然好食好爽好彈牙,Ｄ雲吞係出面食唔到架,但係就算有幾好食都好,Ｄ樓面咁嘅 態度,同趕客無乜分別囉!!!下次都唔會再去囉!!!請著呢Ｄ人同倒自己米無乜分別,唔好以為我誇張,因為我今日真係比佢激到我扎扎跳!!!

第2次去這間池間開餐兩口子每人叫左個套餐1) 雲吞撈麵+ 芥蘭2) 豬軟骨撈麵+ 楊枝甘露雲吞無問題~豬軟骨好勁南乳味..好軟好入味~兩個撈麵..大家不約而同都係覺得皂水好勁!!因為d麵係salty都苦呀! 真係唔好食lor~楊枝甘露..等到天黑吹左2次先至見影..我唔信佢係即刻整lor..賣點係麵但係d麵唔好食..點再叫人encore..>_<

朗豪坊真係超級多人，相對食肆亦都會超級多人等位，要等位o既話好食到飛起都係假，無耐性o既我寧願唔食，池記係朗豪坊o既定位，唔知係咪為我呢d無耐性o既人而設？2個人去食野叫左兩個餐，四十幾蚊一個餐有一個麵加一個小食，唔知算抵定算貴，我叫左個牛筋撈，小食選了炸雲吞，朋友選了出名o既黑椒芝麻豬扒。個麵無乜特別，d小食反而ok喎，個炸雲吞好脆，唔係好大隻可以一口一個。至於個馳名豬扒，d黑椒汁同芝麻分開上，自己調配黑椒同芝麻o既份量，幾有心思呀！個豬扒都好脆卜卜~

途經多次都未曾光顧，昨晚終和朋友在此晚飯。2人點了一個$46 元的套餐(豬軟骨菜飯+ 黑椒芝麻豬扒) + 一個細蓉($12 -- 2 隻雲吞+7錢幼麵)。看賣相，已覺很好味。只是份量有D 少(esp.對男孩來說，單是我鄰桌的女孩，一個人已可幹掉一個牛腩菜飯+ 油菜一碟)。幸我和友人在晚飯前都吃了小食，不然真的唔夠。另外，我很欣賞個黑椒芝麻豬扒，幾鬆化香口，芝麻, 黑椒又另上，方便我這些只食芝麻不食黑椒的煩人。總結，味道環境OK ，唯份量少，總類選擇少，價錢貴了點。

今日本來想去朗豪坊food court,但見呢間都ok,又唔使等位,就試下叫左個蟹皇粥,好好味,粥好鮮,好有蟹味,而且仲有好多舊蟹,好足料,值得一試($48)仲有豬軟骨拉麵+炸雲吞,豬軟骨拉麵就勁細碗,唔使三啖就食晒,而且味精好重,食完好口渴,炸雲吞都ok,好脆,隻蝦都好大隻,但都是太多味精$(38)仲有油菜一碟,好普通,但勁貴,$17一碟,勸你都係食完過隔離街食仲抵$(17)兩個人都唔係好夠,但因為實在太貴,無再叫其他野食坐位都算幾闊,侍應都經常換茶建議男士可以叫飯,會飽d

尋晚同女朋友仔唻食飯，嗌左個蟹粥、芝麻吉列豬扒、蘿蔔牛根腩飯，後尾再加個鴛鴦：即係淨雲吞水餃。個蘿蔔牛根腩飯同雲吞都好好味，其他都叫好味，整體野食真係好唔錯。但D座位真係幾窄同幾唔舒服下，好彩最尾掗掗拃拃咁先坐得輕鬆D！