池家人煲仔飯

營業中

休息中

去深水埗發現咗一間好有驚喜嘅煲仔飯！#臘腸滑雞煲仔飯臘腸滑雞煲仔飯一上到嚟都幾香。雞肉煮得幾滑，但有啲多骨，可能要小心啲。飯底都有啲飯焦，雖然唔算多，但味道出色，配合埋臘腸嘅鹹香，整體味道非常好。如果你經過深水埗，記得試下呢間煲仔飯，雖然有啲小缺點，但整體嚟講都係一個驚喜！

夏日熱辣辣都有熱辣辣煲仔飯 臘腸排骨煲仔飯 經典款式煲仔飯，臘腸香油落啲飯度，排骨本身已經醃咗。唔需要加其他野已經非常之香。 本身臘腸湯排骨都已經有油同汁，所以本身已經有好多飯焦係底。所以上菜要即刻撈起醬香炒豬腩片煲仔飯 醬香炒豬腩片原來真係只係得豬腩片。 但係本身炒豬腩片嘅醬料有少少鹹香，所以用嚟撈飯岩好。好似小薯咁重口味嘅話可以再加多啲甜豉油椒絲腐乳通菜 價錢嚟講，性價比極高 $32有一大碟。 但個腐乳有小小似沙律醬咁有少少酸味🤔 不過線括都好食

星期六晚上8點排隊，8點30有位，5分鐘落單，等佐半粒鐘上餸。味道可以，但唔值等咁耐。如果得閒經過冇人排隊可以入去食。可以比現金和八達通滑雞臘腸煲仔飯同醬香臘肉。菜唔知點解食到有硬物，唔知系骨淨是沙石粒唔小心混入。

見到呢間野都幾多人，諗住應該唔錯，就行入來試下性價比都算高嘅其實，但係出品就唔係好好羅首先上菜有啲慢，等都等咗幾耐下然後就係我哋點嘅煲仔飯 食到有濃味，個底都幾濃下，真係唔係幾好食有待加油囉。。

朋友講開先知深水埗原來有間人龍煲仔飯，星期五晚飯時間嚟到真係嚇一跳，好多人等位！我哋要等大約20張枱，好彩半個鐘內有位，座位唔叫張張枱都好坐，4人卡座係需要搭枱會比較迫，今次安排到2人卡座，坐得舒服少少。煲仔飯選擇唔叫多，但熱門嘅臘味煲仔飯一定有～叫左個臘味煲仔飯、醬香腩肉煲仔飯同腐乳通菜，估唔到等得最耐係等個煲仔飯，等位都唔夠等煲仔飯耐，煲仔飯等左40分鐘先到。2個煲仔飯都有飯焦但飯略嫌比較濕，臘味煲仔飯好夠香，臘肉肥瘦均勻唔會太鹹，臘腸正常發揮。醬香腩肉煲仔飯好夠味，腩肉唔會勁肥，2個飯都幾好味，但比較起來我會鐘意臘味煲仔飯多啲。最後見每枱都會叫個腐乳通菜，原來都真係幾好食。整體嚟講，$5x 一個煲仔飯都算係咁，算係性價比高。

有一日我同幾個朋友過去試吓啲嘢食雖然啲嘢食好好唔但係原來好食冇用，要識人好辦事，唔使點樣排隊都可以入座是因係咁嘅，諗住凍凍地同啲朋友去食煲仔飯暖笠笠咁去到都要排隊嘅我入去攞飛啦，攞咗46號飛之後我見到有兩個女人係咁話好肚餓捉住個肚肚跟住冇幾耐呢，佢哋就見到嗰個四眼肥仔老細同佢講話我認得你哋牙我知道你鍾意坐咩位置㗎啦，我盡量幫你安排吓啦跟住望一望佢張飛有個四眼肥仔嗰個唔知係咪老闆我哋就俗稱去做老闆啦咁佢就開始嗌啦，佢嗌45之後再嗌46嗰張枱呢係二至三人座位⋯⋯咁45號攞住張飛俾老細啦，佢哋就坐咗嗰個位置啦當時我冇行過去明知道人哋坐咗喺度，我仲行過去做咩呢？跟住冇幾耐啦，有兩張卡位走咗一張係兩人枱嘅一張係三人枱嘅跟住個老細就嗌咗50號就係所謂佢嘅朋友跟住我就忍唔住行上去，我係49號飛個老細仲要同我坳我嗌咗好多次叫我周圍啲人我企咗喺度好耐冇郁過冇行開過跟住我就同佢據理力爭同佢講返佢嗌45號嗰兩個人坐喺邊度…跟住老細就同我講我問人冇用㗎，我成個人企咗喺度啊既然你要俾你朋友咪你朋友囉冇所謂㗎跟住之後就好唔願意之下兼黑面叫我入去揀位咁啱佢所謂嘅朋友就坐咗我後面我議論擊石同我朋友講返呢件事我啲朋友都

排隊排左半個鐘，坐低又等多半個鐘，結果換黎嘅，系一個燶到每啖飯都系苦嘅煲仔飯。事緣有日行過見到好多人排隊，抱著一試嘅心態，同老婆兩個人去食，無諗到食個飯，都好似買六合彩咁，要講手氣，一個飯正正常常，一個飯苦到想嘔，邊有理由個飯煮到過晒龍廚房都唔拎起，邊有理由聞到咁大浸燶味傳菜都照俾客，偏偏都中晒。「好又一餐，唔好又一餐」諗住息事寧人，同收銀講聲就算，結果收銀一句「燶左啊」就當無事發生，真系大開眼界。

一個星期內我兩度嚟深水埗這間「池家人煲仔飯專門店」，可見佢哋嘅出品有啲吸引力。首次幫襯喺閒日下午九唔搭八時段，內有唔少空位，單人匹馬唔駛排隊直入，食咗個水準極高嘅臘味煲仔飯，料有切開成片狀嘅臘腸、膶腸、臘肉同一小舊臘鴨，份量唔多唔少但收$58算合理，而且飯粒粒分明夠油香，飯焦呈塊狀恰到好處。第二次周五晚去到就人山人海，同朋友二人就排咗近一粒鐘先入到座，然後order後亦等咗25至30分鐘先食到煲仔飯。呢晚食咗$88嘅黃鱔煲仔飯，黃鱔用香港常見粗大嗰種，同台山黃鱔飯用的幼身兼去咗骨嘅黃鱔唔同。鱔肉質地緊緻且味道唔錯，但就要識吐骨頭，至於豆豉等調味OK，唔會太鹹。不過，呢度嘅黃鱔飯冇落葱，顏色同香味差咗啲，飯焦亦冇乜。這或許同魚類煲仔飯不宜焗太耐有關，睇嚟想食多飯焦嘅煲仔飯，都係要選臘味排骨類多油分又襟煲嘅配料好啲。總體而言呢間店嘅煲仔飯係好食嘅，但就要避免喺晚飯黃金時段嚟。看店名英文寫hotpot rice，想笑，因為我唔係想食打邊爐，正確煲仔飯嘅英文應該喺claypot rice囉😌。

個飯燶到離曬譜，排隊果陣我見人地兩位嘅煲仔飯都係同時捧出離，到我地果陣個飯係分開上，中間差左成10分鐘，我懷疑個飯唔記得起，燶左都直接攞出離俾人食，連上面啲白飯都有陣燶味，夾硬食到一半真係食唔落，過左成個鐘飲檸檬水個口都去唔到味，鏟起煲底啲飯焦我啲都係黑色嘅人地係金黃色嘅，試左一下人地個飯有香味無燶味，我個飯又燶又苦，埋單果陣同個店員反映俾埋相佢睇，店員話，哦，燶左啊？然後收錢，咁嘅處理態度相當差，唔會再有下次！🙅

話說心引起想食煲仔飯，就試D間啦一去到見到前面有廿三十人等緊，排隊攞飛等廿十幾個號碼，一場嚟到都要等㗎，等咗45分鐘有等到有D肚餓終於有位，即刻落Order啦豉汁白鱔煲仔飯，白鱔新鮮，豉汁惹味，飯乾身帶飯焦土魷蒸肉餅煲仔飯，肉餅有質感，唔會好乾好柴，飯唔夠乾身帶飯焦臘腸排骨煲仔飯，臘腸質量唔得，排骨OK，飯乾身帶飯焦，但有啲奇怪只食飯焦時喺口咬多幾啖，會有淡淡一陣鹼水味整體黎講：呢個價錢，有咁嘅質素，冇得輸啦，排隊等45分鐘，落單後再等30分鐘，食埋煲飯大約用咗105分鐘，如果怕等位嘅需要考慮考慮。

晚上7點已滿滿人圍著店外等候，2人位大約有6張卡位，旁邊窄長枱可以坐單人或2人。4人位有大約4張，未計店外位置可擺枱。我倆等了大約45分鐘可以入內，煲仔飯等候時間約10分鐘。我點左涼拌秋葵是酸辣的，跟拍青瓜是一樣味道。椒絲腐乳通菜，腐乳汁都多的。2杯凍檸茶，檸檬都薄如紙，非常清淡的檸檬味但沒有苦澀，証明都是新鮮沒有放置太耐。主菜係鯇魚腩煲仔飯同埋榨菜田雞煲仔飯加一條臘腸。香港人食煲仔飯除左食材之外就是食飯香，飯焦，打開煲仔蓋有撲鼻而來既香味。。。魚腩正常有3舊厚肉的，田雞較瘦還可以，榨菜淡淡味的，吃得淡味的應該不錯。但臘腸就真係堅唔得，臘腸係無味，無油香。最大問題係個飯，真係無飯味，的飯焦根本唔係可以一塊出又唔燶又唔香。其實食完就好似食完個小菜客飯既感覺。所以我只覺得係。。。一試無妨。

原來從來網上熱爆嘅餐廳都唔係事實嘅真相,煲仔飯靈魂響邊就係個飯焦,佢啲餸我食咗個臘腸雞再加追加多十蚊呢個潤腸,除咗佢自己追加咗啲潤腸係正常之外嗰啲雞係雞皮加骨,雞肉量簡直係近乎冇好在追加咗個潤腸如果係咪都唔知食乜？！真幫襯此一次,都係留返喎啲人未試食體驗下

天氣開始涼涼地，週末夜晚同屋企人去深水埗食我之前已經非常想試既池家煲仔飯客家黃酒雞：雞肉鮮嫩，湯有好濃既黃酒味，分量適中。黃膳煲仔飯：米粒飽滿，黃鱔應該系新鮮既，加佐豉油之後成個飯惹味咸香剛剛好，飯焦厚到我覺得可以接受，十分香脆。豉汁魚嘴煲仔飯：蕃茄豆腐魚腩田肉片雞湯飯：湯清味濃，魚腩新鮮，仲有少少爽口既感覺。付乳通菜：通菜新鮮翠綠，搭配腐乳醬非常惹味。環境：座位舒適，雖然當晚店內都算忙，但系店員既服務態度都幾好，唔會怠慢每台客人~值得點贊

就算住附近都永遠唔會再食呢間野！！！有次食中午已經見扁口扁面個阿姐態度奇差鬧客，野食都係一般叫做比較平啲。之後成班同事晏左收工經過先佢地未閂門，已經禮貌地問仲入唔入得去食，老闆都客氣咁話你地食晏啲收都冇所謂。兩枱人around6個都快手落單快手食費事阻人收工，啲飯餸食到一半都未夠又係果個扁口扁面阿姐過黎收碗碟，我地話未食完，途中應該冇15分鐘走左過黎兩次收我地食緊既野仲發脾氣。你地有個咁既員工真係唔值得有咁既生意額，唔想做麻煩唔好撈！

聽老豆介紹深水埗有間煲仔飯好食襯公眾假期途經附近，就幫襯吓。點咗黃酒雞、白鱔煲仔飯、排骨煲仔飯、腐乳通菜。 黃酒雞非常香黃酒味、薑味同埋有紅棗杞子，飲完個人即刻熱熱的，暖胃。 白鱔煲仔飯，推介，飯底有飯焦唔會太燶，脆口，岩岩好。 排骨煲仔飯正常發揮，有機會下次我會試田雞。（記得要八點前去食，有機會賣哂）依間個煲仔飯對比我食過嘅其他煲仔飯嚟講，佢冇咁油，亦冇咁鹹，相對地覺得冇咁容易覺得油膩。 腐乳通菜，有腐乳味但唔會太鹹，不俗。