汀角路茶座

營業中

休息中

o野食都算不過不失啦,但好多客帶貓貓狗狗,嗰次去仲一大一細兩隻狗O係正我哋張枱隔離打冷震,fing到d狗毛飄飄下,個阿姐徒手抱開隻細,放落地後仲比隻手隻狗lam,跟住幫我地上菜......唉!

佢地都真係好家庭式經營，全店都係自己人幫手。食物都唔錯，值得推介既係煲仔飯，有少少飯焦，好香口，好有風味。另外，有一個鴛鴦骨都幾好味，係一半牛仔骨，一半豬排，甜甜地，唔錯。又有一個瑤柱炸豆腐，出面好似未見過有得食，係炸豆腐面上一個瑤柱汁，幾有特色。其他餸菜都幾有水準，而且味精唔太多，環境又幾有茶座風味，如果想舒舒服服咁坐下食下嘢的話，都係一個唔錯選擇。價錢方面就同一般出面的酒樓差唔多，有d餸可能仲會貴過出面，但都算物有所值。