汀角灣燒烤農莊

營業中

休息中

帶住狗狗去完汀角堤壩行，開車7分鐘就到BBQ Farm食燒烤放提。價錢包食物，一個飲品，一人一客大蝦，一窩酒煮蜆，或者其他seasonal食品。有啲海鮮係加錢先有得食。可以係傳統圍爐燒烤，或者係枱上食串燒。帶住狗狗，我都係安全啲，選係枱上食串燒。 帶住狗狗去旅行，最希望岀外用餐係有得同狗狗一齊食。燒烤場環境企理乾淨，而枱同枱間有足夠空間比狗狗行同坐。場內本來有隻大狗，好乖既，可見其實呢度都幾welcome狗狗。 正常燒烤quality啦 主要因為dog friendly同環境乾淨！

是日公司活動來到了汀角路的燒烤農莊這是一個可以參與集團活動的好地方，地方非常寛闊，亦有一個大草地供大量可走動的空間，亦可以做一些球類活動等同時這亦是一個自助燒烤場，而且可拿的食物質素挺高，醃製味道好食物種類多，單是燒烤來的也是一個好選擇至於服務方面，老實說除開爐及提供食物外，幾乎沒有服務，雖說他們也做不了什麼至於洗手間就略嫌不大，但算是清潔，以燒烤場來說已是很不錯如果大家有機會來到大埔的朋友可以一試

上個月試左呢度既BBQ後一試難忘！約左大女幾個同學仔一齊黎呢度燒野食。交通其實好方便，75K汀角站一落車行去對面馬路就到。我地大大話話都成20人，大約5pm到達，唔算多人，職員任我地自己揀個靚位，揀岩就幫我地set位開爐爐都未set好，幾個豆丁就出哂去玩彈床佢有兩個充條滑梯，一個高d一個矮d, 小朋友放電真係一流！BBQ我地每位加$10 加左個串燒，有個細爐放枱面燒得快好多，而且串燒款式好多選擇！我最欣賞就係佢既*雞腎，雞翼，魷魚*, 好入味！入場每位包一罐飲品，唔夠再買都唔算貴。我地5pm入場基本上燒到11pm佢都唔會趕我地走，非常抵玩。

最近天熱終於冇咁熱, 好想去BBQ~由大埔墟站搭巴士黎汀角都好快就到落左車之後就見到有好幾個BBQ場, 見到呢間燒烤農莊~我地3點去到,但係冇咩人, 成個場好靜~仲以為weekend會好旺場個燒烤主要分左兩邊,其中一邊仲有個大草場~我地諗住睇下D 收費既時候, 門口個叔叔叫我地可以入去睇下D 野食先慢慢決定咁我地入左去睇下, 選擇都幾多~衛生環境睇落都唔錯, 就決定試喇~可以選擇用燒烤叉去燒or 重慶燒or both, 我地揀左最原始既用燒烤叉燒, 2個人計埋開爐費($50), 一共$346~俾完錢之後, 店員就俾左d 架生我地喇~再拎埋飲品, 仲有個蜆煲, 同金菇添~好快就開始燒喇~我最愛既雞翼,真係食左好多隻~~仲有雞全翼, 個人覺得雞全翼好食d!雞扒都唔錯金菇, 蒜蓉味唔係好夠~方包, 搽牛油加埋蜜糖, 燒到脆脆地好正!題外話,食物仲有提供蕃薯, 不過錫紙要收費5蚊一張, 即刻打消左個念頭入夜先開始多人, 我地走既時間都坐滿左8成Overall 燒烤農莊地方夠大, 好適合一大班人黎~食物質素唔錯

今日國慶慶祝細佬生日， 因為想搞搞新意所以試下食任食燒烤。 交通方便。坐mtr在大埔墟站轉巴士或者小巴即可。餐廳網頁有詳情。 我地一早訂好位，可以即刻入去。環境唔錯，張枱幾大。食食下落雨，照燒ok,冇漏水。 放食物既地方好乾淨。佢放食物地方唔似一般BBQ店是但放。佢將食物放在一間乾爽有冷氣既房入面。蔬果分類放在唔同嘅籃入面，而生肉同丸分類放咗向雪櫃入面，種類都幾多。大部份食物已經用竹籤串好咗，非常方便。 最吸引係有蜆送，味道可以。佢用一個煲仔裝住D蜆，煲完蜆仲可以用蜆汁煲菜。 D野食都幾好味，搽埋蜜糖就更佳。 一開始唔太識 點燒 ，店員熱心咁教我哋。 打算再去。

過幾天便是母親大人的生日，本已一早約了一家人與親戚一行十多人駕車去郊野公園燒烤。誰料突然下起傾盆大雨，遂立馬轉戰大尾篤。大尾篤有兩寶: 踩單車及燒烤 - 燒烤除了自攜的燒烤園區，沿著汀角路也有不少選擇: 汀角灣燒烤農莊，大尾篤燒烤王，麥師傅，巴希雅等等......隨便選了一家汀角灣燒烤農莊，假日$148(roughly甘上下)燒全日，另加$50開爐費(per爐)。食物選擇非常大路，亦是猜得到的: 蒜蓉雞翼，黑椒牛扒，咖喱豬扒，金沙骨，香草羊架，咖喱魷魚，雞扒，其餘都是丸類和腸等食物，每位送一隻蝦甘大把...thank you so much! 每款肉類基本上只有一款口味(極少數有兩款口味)，而在場的服務人員態度認真麻麻。

同一批舊同事由共事變朋友實在難得，講左好耐嘅BBQ終於成行。今次其中一人有車，所以就一車過車曬我地入去。户外停車場爆到一個點，可能因為係星期六嘅關係啦！本來我地打算食隔離果間嘅，但眼見勁多人排隊拎野食，同埋相對貴幾十蚊，於是就入農莊睇下食物岩唔岩先決定去邊間。農莊門口個姨姨好鬼熱情，都肯俾我地入去睇下有咩食朋友睇完覺得都係啲正路野，所以就決定去呢間燒啦！呢度分左港式燒烤同串燒兩款，我地就揀左港式嘅呢度環境都幾闊落，畢竟燒野食，啲爐太近好熱架嘛！而且柱上面嘅風扇都夠風夠力，呢點真心好重要！🙈食物種類方面唔算話好多，但都係基本大路野抵讚位係每檯送左按人頭份量嘅菠蘿同蝦，有一包仔金菇同埋有個沙煲順便一提呢度嘅雞翼整得幾好食架喎我地特登揀左張檯側邊有洗手盤，事關我地自己帶左野食去燒之前都要刷下先留意返*呢啲海鮮係自費帶去嘅*但記住野飲就唔可以自帶啦！其實每人就包左一張價值$8嘅飲品卡樽裝飲品+$5啤酒 +$7罐裝飲品直接用飲品卡換領，其後每罐$8所有飲品同啤酒都夠凍佢俾左個煲我地，但唔知用黎煮咩，於是就將我地自己帶去嘅蜆放埋入去煲完蜆，煲底有啲蜆水，唔好浪費於是就用黎整左個蔬菜煲燒野食都可以有

迎接2017年，和一班好友聚會BBQ，今次體驗自動璇轉燒烤，燒得好靚好平均，食物口味多種，價錢抵抵抵..係同類型BBQ場超班水準，老闆熱情款待，度過一個開心晚上。

今日同d舊同事去 BBQ, 諗左好耐去邊間好呢, 係open rice 到見到呢間都唔錯喎, 又有得選擇自己用叉燒, 又可以選擇重慶燒咁, 好啦打去book位先, 原來要比訂金先既, 過左數後佢會sd返d資料過黎教你坐咩車去等等......嘩....朝早仲落緊雨ga.....好彩到夜晚無落者, 我地book左6:00pm, 5:00pm係大埔火車站集合一齊坐巴士去, 其實都好快開車, 點知..........原來坐勁耐都未到, 有點頭暈呢......而另外有d遲入去個d, 我地建意佢地坐van仔希望會好d, 哈哈...佢地話勁多人排隊, 不過就坐好快就到, 巴士同van仔都係同一個地方落車, 其實好方便, 一落車過對面馬路就係.一入場先每人比$148再加$50開爐費, 野飲就每人包一罐$8飲品, 同埋2包炭, 如果燒哂就另外比錢, 另外每人會送一隻蝦同一串燒菠蘿, 一份蜆同一包金菇(蜆同金菇幾多人都係送一份), 其他野都係任食, 其實都係一d大路野, 不過......真係值得推介既係牛仔骨, 真係超好食, 我地食左勁多....哈哈....另外仲有d雞翼呀, 腸仔呀, 丸呀, 多春魚呀,

天氣開始又凍番，相約親戚到汀角灣燒烤又當係個聚會~~  幾抵食想share比大家食品任拎，但當然唔好嘥野食物款色多多，like呀~特別推介：多春魚，魚汁香又多牛肉都好有質素，估唔到呢很Juicy ，燒完的肉質好oK特別不推介：魷魚鬚就好嘛嘛 雞翼有d難燒 燒整都唔熟咁款其實呢餐唔算好飲品要額外比錢，我飲左清涼爽清熱氣！聽鄰近枱的人講，野飲(水)緊係自己帶下次記得要自帶呀！

星期五晚放工悶悶地, 決定渣車入大埔食番轉... 去燒雞翼. 由於是平日晚, 一個人都沒有, 幾百人的場就是我們包了. 場的其中一角. 每人送大蜆, 1隻蝦, 金菇. 金菇沒牛油, 調味, 唔太好食. 吃重慶燒, 沒有醬油, 只有孜然粉和辣椒粉, 吃到各食物都不新鮮. 較好吃的是雞翼, 燒得雞皮卜卜脆, 而且雞翼肉質嫩滑. 牛利有汁, 又易咬開, 味道都不俗. 燒菇難控制, 很快燒乾. 任食燒烤場東西不新鮮都必定了, 但靠調味等, 還是會令我津津有味. 但這兒可吃到一點味道都沒有.食物質素好普通, 但排列整齊, 衛生. 蔬菜中較喜歡青椒, 辣辣的燒得較香. 尾聲, 貓貓狗狗圍住我地想食野.

由新娘潭行到大尾篤燒烤，最初係想去巴希雅架，點知話已經訂滿左，無位燒。唯有轉去上星期到訪過間嘉年華，但居然比劉德華包左場見 fans 囉！仲圍晒黑布，搵埋食蕉係門口守住添呢，守衛深嚴，亦禁止陌生人接近。最後貪近是但隔離汀角灣試試，還掂未試過。大門口接代位妹妹好有禮貌又熱情地接我地入場，再搵另一位哥哥仔簡單介紹食材、設置、地形，最後再搵位叔叔開爐，安排十分暢順舒服，比起嘉年華話之您既服務態度好好多。叔叔仲任我地自己揀位，決定走到最遠處較空曠位置，最開揚而空氣流通。不過最可怕、最恐怖係個洗手間，非常簡陋又嗅到不得了，可以跟大陸鄉郊比一日之長短﹗第一次入到廁所走返出黎，環境太惡劣頂唔到。但飲左幾支啤酒後點都要去一去，我全晚只係閉氣去過一次就唔敢再去喇 ﹗朋友仔因太肚餓所以急急自己親手下廚，我都甚少有朋友仔服侍，依家只需要企係度等食就得喇，真係難得，爽呀！太開心喇，哈哈 ﹗汀角灣可以揀港燒或重慶串燒，食材同價錢都完全一樣，亦都會提供辣粉及孜然粉。第一轉通常都係燒腸仔先啦，個火實在太猛又唔平均，有部份燶晒，而有部份就仲係凍冰冰囉，我地又調較唔到碳火呢，如果個爐可以調高低就更好啦。有廚師腸、蒜香雞

一同來到大尾篤踩單車, 當然少不了BBQ, 話說現在已經不興去政府燒烤場自攜食物, 燒烤農莊就適合我們了!比新式燒烤場更好, 他們有網! 由蕃茄, 到雞肉, 雞翼, 墨魚丸到蒜蓉包一應俱全, 正!說到味道, 其實都不錯的, 比如雞翼, 牛舌醃得頗入味, 但就流於大多都一樣的味道, 種種都差不多此外無論紅腸, 墨丸還是, 其實都很普通, 就只是普通街市貨值得欣賞的是蕃茄跟翠玉瓜, 都很JUICY新鮮, 最少有些肉汁此處選擇多, 但排隊要等十分十分久, 需要改善一下

好幾年前都來過大尾篤吃網燒, 不過因為遠所以都沒有來喇。今年倒數原本book 左位食自助餐, 不過又趕唔倒時間去食。所以cancel左,正心急今年的倒數到底要點樣過, 就接受提議去大尾篤網燒。原本想找最多人去的那間, 不過都full了, 就搵左呢間反正未試過,就入去試下。覺得佢比較好又方便的就是已早把食物加上了竹簽, 樣拎食物的客人方便之餘, 燒起上來都很方便。全程只有像外傭國藉的員工來執頭執尾,見倒佢都覺得辛苦。有樣東西值得一提, 其實佢張檯的設計即有個凹位將個爐放入去, 唔知咩原因, 個凹位已經冇用,仲將成個爐夜在上檯, 如果你坐係度或者生得矮少少, 其實真係會燒得比較辛苦。矮屎得得既我就係好一個好例子, 感覺不太舒服。這裡的環境也不錯, 有位置泊車都好方便。係就好似靜左D, 倒數都靜, 其實佢有播音樂既, 不過好細聲,加上根本唔會有人聽,所以我個人覺得佢整部電視會仲好, 至少D人唔洗望住個電話黎到數。食物質素:個人覺得比起別家同區出名的網燒真的有些差距, 味道上肉類的味道感覺味道一般,沒有特色。而且如圖所見, 4人一同進來送的蜆肉十分細少, 根本吃不到肉,覺得這樣還入貨有點浪費。

今日同男友兩條友慶祝生日，黎食重慶bbq，一入到---冇客人，可能因為星期一天氣又未特別涼所以都冇乜人bbq，其他幾間燒烤場情況都差不多。一入到，就有人安排我地買票同坐位，男友體質極吸蚊，我問收銀姨姨有冇蚊怕水，雖然冇，但姨姨好細心咁幫我地點咗蚊香同開大風扇吹，之後入黎一枱，姨姨都有問佢地洗唔洗點蚊香。每枱有一煲蜆同金菇一份，一人一份蝦同波蘿配給，姨姨見我地燒咗陣都未攞，仲幫我地攞埋，very nice~幫我地開爐嘅叔叔好快手，燒到咁上下，有主動黎睇下火夠唔夠，總之服務態度一流。野食方面，小妹對食冇乜大要求，而且bbq都好睇自己燒得好唔好味。食物種類唔算好多，但一般要嘅雞翼，扒，丸，素食都有，最滿意係雞翼同燒波蘿，超多汁，好好味。野飲一人一罐，唔夠再買，都係七蚊，唔算貴。每枱有一份孜然粉同蜜糖，唔洗加錢買，抵！總括而言，地方企理，食物幾好，服務一流，值得再去一次