永樂餃子店

營業中

休息中

真係未食過咁差嘅芹菜餃🤬🤬🤬一咬落去全部都係渣，事原係佢裡面嘅芹菜，正常只會用芹菜最粗嗰部份嘅莖部，其他嘅分枝同葉係唔會要嘅，因為會好老，但佢哋就係用哂啲分枝放落去包，慳皮吖嘛😖最初頭都監生吞落去，後尾就將佢哋揀返出嚟，揀揀吓直頭都費事食，佢碗嘢都唔係平㗎，成$49,比啲咁嘅嘢客人食真係離哂譜，加上個女店員嘅態度好差，我問佢係咪有兩隻湯可以揀，佢話冇㗎，定咗，明明見到寫住豬骨湯同重慶酸辣，佢跟住話咪得辣同唔辣囉，過咗大概一分鐘，我問佢呢度有冇洗手間，佢用好唔禮貌嘅眼神望住我，問我你有冇喺度食嘢㗎，我話啱啱你先幫我落完單咋喎，跟住先話裡面吖，其實間舖當時得兩三枱，咁都唔認得，咁嘅食物質素加上咁嘅工作態度，唔怪之得一點鐘食晏時間都係得小貓三四隻啦😏

見中午好少食餃子，就喺openrice search下附近有冇，結果搵到上環有一間評分都唔錯，又去咗試一試。環境：以同一條街嘅餐廳嚟講，呢一間餃子店裝修得算企企理理，地方唔係話好大，不過坐滿逼逼地我估都坐到二三十人。食物：呢度嘅餃子有好多選擇，有成十三款，主要分兩種叫法，一係就五隻配麵或米線，一係就八隻淨餃。起初以為八隻淨餃唔夠飽，但食到最後其實都夠哂飽。鮮肉香辣餃：我見湯底有得選重慶酸辣，就試左，點知原來只係普通湯加辣油，湯底飲落都冇乜特別，真係有小小失望。餃子方面，勝在夠大隻夠抵食，不過亦都係呢個問題，佢啲皮我個人認為太厚，食落口感似係食緊麵粉多啲，唔夠皮薄餡靚。而餡料方面亦冇乜吸引，普通豬肉，加左小小香菜。整體質素一般。

黎開呢邊就突登搵間餃子店食下，呢間地鐵站行出黎幾分鐘就到🤓————————🔸鮮肉韭菜餃 $48/8隻呢到既餃子係人手包，但個皮真係好厚😑韭菜餃冇咩特別。評分：🌕🌕🌕🌗🌑-🔸鮮肉雲耳椰菜餃 $48皮都繼續係好厚，不過肉好juicy，而且好香，唔錯😌評分：🌕🌕🌕🌖🌑-🔸鮮肉咖喱薯仔餃 $48好夠味，而且薯仔好大粒，如果有煎餃就更好🤓評分：🌕🌕🌕🌖🌑-湯底係花膠淮山豬骨湯，好夠味，飲落好舒服，同d餃子好夾🥰

假日的中上環區，部份食店會休息。永樂餃子店，我記得假日都會開的。下午3點，望入店內只得3名顧客。😕反而隔離的諸勝堂，店內接近坐滿。記得要分散投資啊。店外貼住「 本餐廳已登記做飲食界選民」店內牆身餐牌都有連豬貼紙。俾錢時，趁人小小，問叔叔以前係唔係喺鰂魚涌開舖。叔叔話係呀。👍🏻。 鮮肉香菇粟米餃 麵花膠淮山豬骨湯配重慶酸辣醬餃子一共五粒，大大粒，足料到粟米跌出黎。麵，份量多。花膠淮山豬骨湯，香濃而不膩。撈開個重慶酸辣醬，唔咸惹味，辣味算是小小辣。43蚊飽到我晚餐唔洗食。。

⭐️$43 韭菜餃子米線⭐️前後食過至少五次，主要因為價錢平⭐️今次食，湯，並沒有花膠味，湯似沒有落鹽，以前食落花膠味濃。⭐️米線同湯係分開煮，米線無味，湯也淡而無味。⭐️餃子五隻，皮厚，皮無咬口，餃子🥟饀既肉既顔色可能被老抽等顔色覆蓋，食唔出用咩料醃製，偏重味，不太討好，但韭菜份量都足⭐️came here because of the good price ⭐️dumplings dough, thick, not chewy, meat inside, marinated in a “special” way, not my cup of tea⭐️soup base, not rich, lack salts. noodles were cooked separately from the soup base, no flavours - noodle

平日上環午飯時間真係超多人 尤其係永樂街因為多小店食肆 經常都大排長龍 今日心血來潮想食水餃 🥟 就自己去咗呢間幾乎每個街坊都食嘅餃子店 雞肉冬菇木耳餃 $43 5隻仲可以揀配米線或者上海麵 如果想食多啲搞可以揀$48 8隻水餃皮都叫薄 裏面超多餡 由於叫咗雞肉 餡料彈牙 如果再多啲冬菇同木耳就好 餡料蠔油調味足夠 仲有啲屋企自家製嘅味道 要大贊個湯底 花膠淮山豬骨湯 餐牌寫明冇味精 飲落有陣陣花膠味 好清 完全係住家湯嘅感覺 我全部湯飲晒 淨係飲個湯都值回票價

之前有朋友問我可唔可以介紹下上環既黃店？當然無問題！上星期日係上環行街，終於都食左一間好出名既餃子店— 永樂餃子店👍🏻。有次行過都幾多人，幾日前終於無咁多人，可以去試試！因為有兩個人，所以就叫左咁多野一齊Share！餃子🥟款式都幾多，我就叫左鮮肉紫菜餃，豬肉味道鮮甜，配埋椰菜、紫菜，都幾有口感👍🏻！我非常鐘意佢個花膠淮山豬骨湯，有豬骨既甜味，又帶一點藥材甘味，但一點都唔苦澀，仲要冇味精味，配埋餃子一齊食味道好夾，甘甘甜甜！豬耳味道一般，本來以為香辣豬耳係麻辣味道，但佢係好香，似落左少少麻油，雖然辣味唔突出，有少少可惜，不過岩哂我呢類唔太食辣既朋友😂。豬耳同黑木耳絲口感都係爽口，所以表現OK啦！呢間餃子店價錢合理，味道都唔錯，嚟上環終於唔只係去cafe😂坐！大家仲想我介紹邊一區相對比較好味既小店？不妨係下面留言話我知！

因為在附近返工關係，多數會黎利街食晏，這條街食店林立，一到放lunch就會好多人，今日唔想食咁飽就唸住食個餃子麵就算😚😚店內裝潢古式古香，餐牌有13款餃選擇，最特別有芝士餃同羊肉餃，可揀淨餃8隻$48，5隻餃+米線$43，都好抵🤭🤭🤭我點左韮菜餃米線，隻隻餃都好大隻😋😋，餡料豐富，韮菜味濃，成碗食哂真係好飽😊😊

平時食餃子好多時要去上海鋪 但好多都會係藍店難得有黃店的餃子鋪 一定要支持下啦大份又抵食 食完再開工鮮肉韭菜餃 5隻 配麵 $43👍准山豬骨湯鮮甜 有老火湯的味道同餃子皮小小麵粉感覺 haha~👍准山豬骨湯同韭菜餃 反而夾過我食過既粉葛湯底餃 (有D搶味)👍韭菜餃韭菜味好出 不過皮有點厚 但唔軟爛 大大隻👍米線幾好食 爽米👍豆瓣醬好惹味 必食 我中意食豆瓣醬~推介指數: ⭐⭐⭐/5外賣冇環境服務評分 

夜晚嘅上環，好多餐廳小店都比較早收舖，可以選擇嘅都唔多。好彩仲趕得切食呢間餃子小店，雖然都係簡簡單單一餐，但都想食有質素的。地點：位於上環嘅內街，唔熟上環可能要搵下路。不過馳名嘅生記粥品係正佢對面，所以都唔難搵到呢間小店。環境：紅色嘅招牌就知道佢係食中式餃子，內部裝修都係簡潔為主。紅磚牆同大掛畫就有少少上海老店嘅感覺。食物質素：餃子有多達13款選擇，可以配麵或者米線，湯底可以選擇花膠淮山豬骨湯或者重慶酸辣湯。 我地叫左一個鮮肉白菜餃配花膠湯麵同埋一個羊肉餃配花膠湯麵。鮮肉白菜餃配花膠淮山豬骨湯麵 ($43)一上枱已經聞到好香嘅湯味，咁當然要試一試個湯先。一飲就驚為天人，十分鮮甜，雖然個碗係搵唔到花膠，但飲落口係有平時花膠湯個陣味同有少少膠質。咁當然唔可以同酒樓或者屋企煲嗰啲花膠湯比啦，但至少佢作為一間餃子小店，佢都係真材實料有落花膠，而坊間好多餃子店嘅湯底都係淡而無味嘅湯。鮮肉白菜餃皮薄但煙韌有咬口，餡料係肉菜打均，調味唔錯。食下食下，我地最後係飲哂個湯，因為實在太好飲。 羊肉餃配花膠淮山豬骨湯麵 ($48)呢個相對尼講就有少少失色，可能因為羊肉餡嘅調味太重手，反而食唔到羊肉餃應該有嘅

一碗餃子點先值$48🤔❓食飽先有力開工，中上環餐廳一向稍貴，所以同樣$48，我一定會揀碟頭飯🍛我而唔係8隻餃子但朋友👯堅持要食餃子，兩個人點了✨$51 炸冬菇雞餃 同✨$43 菜肉餃上海麵(花膠湯底)✨$20 酸辣土豆絲😍嘩，餃子隻隻賬卜卜，好似荷包咁，新年食最好意頭🎋炸餃子唔油膩，塊皮似烤方包，食到生炸原隻餃子的風味, 而且飽肚😋花膠湯一滴不漏，湯餃同炸餃都比一般麵檔大隻，真係值$48👍🙊酸辣後記：酸辣土豆絲走健康路線，所以唔辣? 不是冷盤, 所以微熱又微酸? 都係整返速油冷盤啦

📍HongKong🇭🇰🥟鮮肉韮菜米線($43)🥟雙拼 香菇粟米&雲耳椰菜($50)🔻#兔_良心黃店推薦指數:🌕🌕🌖🌑🌑甜度:適中🌕🌕🌑🌑🌑質地:餃皮煙韌彈牙體積:肥大🔺🍲花膠淮山豬骨湯底，味道有d偏甜🤔無蘿蔔個d熬湯，感覺有落其他嘢去提升個甜度，我覺得新不江間餃子館個湯底好飲d，餃子方面厚度適中，煙韌不軟爛😛好咬！粒粒餃子飽滿肥美多餡不會包到破皮~韮菜餡比較濃味，粟米餡比較有咬口爽脆感up，雲耳椰菜相比之下無咁有記憶點😂味道最清淡，加上食多幾隻混埋一齊，就唔知邊隻打邊隻，同埋麻辣豆瓣醬好惹味，但同時會蓋過餃子餡陣菜味😂蘸太多太重口味都係唔得，餡方面我會鐘意餃子館多d，餃子皮就依間好食d。**店內個姨姨，係咁望住我影相，直頭企係隔離好明顯咁望😂之後見我唔影，就問我地搞d乜，望都我都有d尷尬🙈

琴日晏就，同事走埋黎話帶我去食餃子，好鬼正跟住就一行3人一齊出發，行左10分鐘左右路程，終於到啦門口圍住唔少人，好彩系等外賣的入到去，坐低左，唔算系一間好大嘅餐廳，但入到去有濃濃嘅餃子味睇下餐牌，嘩…好多唔同口味嘅餃子，仲可以加3蚊雞轉煎餃諗左一陣，因為好想試多幾款唔同口味嘅餃子但又想食麵（因為個湯底好吸引，花膠淮山豬骨）最終叫左 韭菜餃 米線 加8蚊雞要左杯豆漿一黎梗系試下個湯先，質地唔算好膠（雖然系對花膠抱有小期待）但都好味道一共有5隻餃子，一隻size都差唔多有半隻手掌甘大（唔怪得之對面個同事話上次叫左淨餃8隻，好飽甘話）但真心推嘅，好味道

第一次幫襯呢間餃子的時候，其實係想食對面間生記。點知生記無開，咁就過對面食餃子🥟啦！唔好睇呢間鋪裝修紅檔檔，又娘娘地咁，但食物質素高喎！係我而家去開上環會想食既鋪頭！可以揀淨餸（八粒）$48 or 配麵（但就五粒餃）$43粒粒餃子🥟都漲卜卜，好足料！抵食又好食！上次就食左粟米餃，今日就食鮮肉椰菜雲耳餃！係新鮮既料先會食到d料爽口！個餃子皮有咬口，少少chewy！不得不讚個湯底！花膠淮山豬骨湯，無味精！對味精好敏感既我，飲完個湯都未口渴過！好少可我出街食野會飲埋個湯！其實小女子食量都唔細，但由於粒粒餃子都漲卜卜，基本上食5粒都飽左😛個麵就上海麵啦，份量麵多架！一路食一路見到老闆&老闆娘坐埋一邊親手包餃🙂親力親為！

因為喺附近返工嘅關係，已經食咗好多次(可能都有廿次) ，佢啲餃子好大隻，老闆日日坐喺度不停包，淨餃8隻，跟麵5隻，食完真係好飽，佢個湯底都真係超正，次次都覺得唔夠，好想飲多碗，之前有問過，佢可以要淨湯好似$25碗不過美中不足嘅係略嫌佢個皮厚咗小小