永樂園餐廳

營業中

休息中

成日都有機會經過這間食店,尋日至睇清楚原來佢哋有地牢堂座，不過今次我只係叫外賣啫。係門口睇下佢哋嘅宣傳海報介紹招牌熱狗，咁梗係食返隻雙腸王熱九，食落腸仔並非重點所在,好味係嚟自他們的熱狗漿.這並非一般的漿汁.這漿有蛋黃及少許醋味,甜甜地幾開胃,除了價錢合理,即叫即造,熱辣辣係致勝之道!

會去永樂園試佢地o既熱狗全因為價錢，睇到其他會員o既食評，雙腸竟然只係收$9，點可以唔去試下，心o念：中伏都係$9姐估佢唔到，一到已經中招，單腸雙腸各加兩蚊，即刻已經略感唔底，但係唔黎都黎左，點都應該試埋先走啦幾經辛苦先埋到去櫃檯，買左飛返去門口個熱狗位度交飛記得好多食評都大贊佢地個醬，即刻同阿姐補返句多醬，俾佢斜視左一下，又好似無聽到咁離開佢門口已經急不可待要食，打開一睇，就如各位上載的相一樣，條腸細得可憐，叫左雙腸都仲係覺得個包太大腸是罐頭腸，質感是爛的，加上o係加熱器上面太耐o既關係，有D又乾又爛o既感覺醬幾好，但無咩特別，無大家講都咁神奇，可以加埋洋蔥會更好熱狗可以一試，但真係試一次就算啦

前幾日有日係中環, 行緊個時見肚餓見到有間叫永樂園既餐廳就試下啦.因為主要係俾佢既牌吸引到~於是就試下佢既熱狗王啦～孖腸呀唔該～＠＠喔, 原來佢既熱狗係用依隻腸仔既~佢地熱狗個包, 係即叫即整熱架~而佢既腸仔都係個爐新鮮出爐整緊既~其實佢既熱狗特別既地方就係佢既醬,如果無左佢既醬, 熱狗就一定無咁好味, 同出面其他既差唔多既姐~成個新鮮熱烘烘, 加埋而家天氣涼, 正~!!!!

Ocean Park回来，金钟、中环逛了许久，总算在H&M买了条jeans HKD99.00，换下超短裙，赶紧找地方吃东西，好饿！他家的热狗据说很嗲，蛮难找的，不过还是在我们孜孜不倦的努力下，在一条狭小的走道中发现了！噢耶\(^o^)/据说要买就要买双肠热狗王 HKD11/份，速度挺快的，本来想堂吃，结果里头都是人，时间是晚上18:30，正好是饭点，直接带走了。咬了一口，没咬到热狗，再要一口，555，总算吃到了，感觉就是普通的火腿肠，并无很大亮点。但是，被里头的色拉酱深深的震到了，好好吃！还要说一句，说是双肠，个人觉得就是一根火腿肠切两半，╮(╯▽╰)╭

本身諗住佢個熱狗會好似出面西餐既熱狗咁, 條腸有個包咁大條, 點知一黎到, 條腸得返半舊熱狗包咁長仲好幼, 講真係有失望, 我諗左好耐, 到底呢d係唔係真正既港式熱狗. 唔怪之得同事要叫孖腸, 可能要咁先拍得住人地d西餐既感覺。不過熱狗上面既醬好特別，味道唔係太濃感覺到唔似人地外面一包包d醬既味，好正。另外叫多左杯熱檸荼，茶好純,好好飲, 唔似得出面d 茶耐左會好酸好澀, 正~

自從在中環上班以後,永樂園的熱狗成為了我們的下午茶首選。熱狗, 一定要吃雙腸的,那種滋味絕對是雙倍上。永樂園的熱狗沒有蕃茄沒有青瓜,沒有茄汁沒有芥末,但最重要還是那個好像是自家製的沙律醬,甜甜的, 酸酸的, 把整個熱狗的味道以幾何級數提升了。不需飲品,不需小吃,一隻熱狗,已有十分的滿足。

係隔離昭隆食完果份的的色色嘅早餐，都係唔多掂，要加多個三文治先OK，事關小妹今日有事要成兩點多先食晏晝。咁就行過隔離嘅永樂園買番件出名好嘅魚柳三文治做早餐先，再整多杯凍奶茶，拎返公司食。烘底魚柳三文治加芝士打開已經聞到一陣好香嘅芝士味，大大件魚柳，真材實料無花無假，小妹要烘底嘅，脆脆又煙韌，魚柳不會炸得太乾太實，啲醬加埋芝士實在太好味，無懈可擊，Feel得到用心製作，有Heart果種。原來除了招牌熱狗果種必製醬料頂呱呱之外，呢個三文治加芝士醬料亦不比佢遜色。凍奶茶有茶味又滑，清甜令你飲後仲有啲滑滑甜甜留係口內，好嘢，正！講講吓，小妹都好懷念招牌熱狗王，舊老細最鍾意食熱狗飲咖啡，經常買熱狗醒小妹食，食得太多見到熱狗都怕怕，唯獨永樂園出品嘅熱狗可以幸免，從未生厭，佢獨有酸甜嘅醬料應記一功。這個早餐超正，隔離果個相比就真係 … 教曉小妹什麼叫求其，一早揀永樂園唔好貪方便，淨係掛住唔駛拎有位坐，食好嘢有時係要有啲付出嘅。

早前試過這裡的燴豬扒飯，那個茄汁很好味，於是今次再叫茄汁類的飯盒。一個飯盒，兩個人share作為晚餐。鮮茄雞球意粉($27)：鮮茄很多件，茄汁味香濃。雞球大大件，雖是雪藏貨，但沒有雪味，也算嫩滑。熱杏霜(送)：味道一般，略淡，香味不夠。茄汁類的飯盒真的很好吃，下次會試試其他類別，看是否同樣出色。

同fd去喱到食熱狗,聽人講好味呀,同又聽人講好味之下不停加價了...........除左招牌貨之外仲試左個茶餐,個扒粉意一般呀~!熱狗,其實好細件,條腸又係細呀,只係個醬好味呀,個醬都幾多下,食落有點似蛋醬,包同腸都只係普通野,不過配個醬之下變得好味~!紅豆冰~唔太特別好味呀好普通!

係大會堂睇完show.同fd去買2隻永樂園返屋企食.以前weekend呀媽總會買幾隻返屋企食.個時仲未出孖腸熱狗.坐左半個鐘車返屋企.熱狗仲係和暖既.好多特製沙律醬呢食呢度既熱狗都係為左呢個醬...腸都係罐頭腸...個包可能放耐左乾身左以前好軟熟..下次去即食先=v=

今天與友人到港島到港島覓食首站是 永樂園餐廳與友人同樣點了 雙腸熱狗王滿心期待的結果........卻換來失望 二字腸仔不難吃 卻不見得有多望的特別加上普通的類似沙律醬的汁普通的熱狗包......就變成了熱狗王??王就是三樣普通的東西合在一起嗎??不是不好吃 但只是有夠普通的吃完後與友人相目對望...無奈地前往下一站----麥奀記 忠記 麵食

又係上OPENRICE揾中環有乜特色美食，發現呢間出名食熱狗的店。由於唔係好肚餓的關係，我哋兩個人只係叫咗熱狗包、紅豆冰、蜂蜜菊花露。個人覺得熱狗包真的很讚，可能自己比較鐘意懷舊的味道，包很鬆軟、腸仔比例會細條D，反而感覺無大腸咁膩，醬都係細個時食有少少似沙律醬嗰種。相比起美色的茄汁、大腸熱狗，我比較喜歡這個味道呢！紅豆冰豆都夠多、味道都好，唯獨是不太夠冰凍。蜂蜜菊花露都係沖啫，無乜特別好比較。同行的小MAY話呢度的肉醬意粉都好出色，下次有機會會試下！

欲到勝香園吃個脆脆，喝杯咸檸七。適逢老店裝修休息三周，不得要領。不想跟一眾自遊行排隊苦等蘭芳園，於是領未婚妻到蛇竇，一試那聞名已久的熱狗王。店不太好找，舊式格局，不打緊，醉翁之意不在酒罷。就點了黑椒牛脷炒出前一丁、雙腸熱狗、凍紅豆奶茶和咸檸七。飲品先給端上，凍紅豆奶茶的茶味不重，倒有點像紅豆冰，實為解暑涼伴。咸檸七為上佳之作，真材實料，焉能不好？主角雙腸熱狗的腸是挻特別的，比一般快餐店選用的腸咸一點，挻惹味，配以自家製的沙律醬和乾身爽脆的熱狗包，熱狗王絕非浪得虛名。黑椒牛脷炒出前一丁，炒得乾身，份量剛好，同為上佳之作。許是塞翁失馬，焉知非福，去不了勝香園，卻為胃食小店庫多添一員猛將，偶爾蛇一蛇啦！

七月三十日 (星期五)因一起工作關係,常常都有機會和老公仔上班前一起吃個早餐,很幸福呢可惜到了今日,老公仔的舊公司的最後一天,我們要來個最後的早餐了今次選了永樂園,希望我們可以永遠都快樂還是頭一回在此吃早餐的老公仔選了大路的沙爹牛肉麵,而我則選了較特別的炸魚柳多士食物質素是預期的普普通通喇沒有太大期望,也當然沒有失望不過,特別的炸魚柳三文治真的可以一試,滿足好奇的大家不知何時可以再有機會與老公仔吃温馨早餐呢?

不嬲唔鍾意食沙律醬...但係試過永樂園熱狗0既特製沙律醬...真係唔食唔安樂...但係...0野飲17大元一杯...真係好貴...我之後都係會成日去食0既~~~