永年士多 (青衣城)

每次一好想車仔麵，就會去「永年士多」，佢哋嘅車仔麵麵底、配料都有好多選擇，出品亦唔錯，另外，仲有好多美味小食、特飲，不過我最欣賞嘅都係佢哋自家製嘅手工麻辣醬、招牌咖喱辣醬。自選三餸車仔麵（單點$54），韮菜餃，韭菜、豬肉比例平均；蟹籽丸，蟹籽口感卜卜脆；冬菇，口感厚肉，食落好Juicy；菜芯，味道清甜；蒜油撈麵，烏冬，口感煙韌，配以大辣手工麻辣醬食用，食落麻、辣兼備。自選三餸車仔麵（單點$48），魚蛋，陳皮魚蛋口感結實，食落帶有陳皮的清香味道；墨魚丸，口感彈牙，墨魚肉好大粒，食落帶有鮮味；魚皮餃，餃子皮口感Q彈，豬肉餡料肉汁飽滿；粗麵，容易掛汁，配以勁辣招牌咖喱辣醬食用，食落帶有咖喱香料味道。腐乳通菜（單點$27），通菜口感爽嫩，配以腐乳、指天椒食用，味道鹹辣。淨酸齋（跟餐$20），麵筋食落好爆汁，味道酸甜。韮菜花豬紅（跟餐$20），豬紅份量多，口感滑溜，沒有血腥的味道，配以韮菜花、牛腩湯底食用，食落好香口。港式菠蘿冰（跟餐$15），菠蘿份量多，菠蘿汁飲落味道酸甜。抹茶紅豆冰（跟餐$15），抹茶、紅豆份量一比一，抹茶茶味濃厚，紅豆口感綿密，但仍然食到顆粒感，整體甜度6.5分。…查看更多

喺青衣城行街行到攰，醒起地舖有間永年士多，一於同朋友試吓外帶佢哋嘅自選車仔麵！門面光猛乾淨，同傳統車仔麵檔唔同，呢度似足快餐店格局，但價錢依然親民，自選麵底$38起跳，加底都係$9，喺商場食絕對算係街坊價。今次試咗兩款麵：一款係「幼麵」，揀咗微咖喱辣湯底，走豬腸汁，配料揀咗酸齋同墨魚蝦卷；另一碗係「粗麵」，要小咖喱辣，多豬腸汁，配豬腸、牛筋同墨魚丸。兩碗夾埋$102。**湯底驚喜：咖喱辣度分明**永年嘅咖喱湯底係靈魂！小辣同微辣分明，小辣香濃帶微微嗆喉，好過癮；微辣就溫和啲，但咖喱香一樣突出。特別讚佢哋嘅「豬腸汁」選擇，朋友嗰碗多豬腸汁，湯色更深，多咗陣滷水香，我走豬腸汁就清啲，唔會遮蓋咖喱味。湯底唔會死鹹，飲完唔會口渴，加分！**配料水準高過預期**- **豬腸**洗得乾淨，冇異味，炆得軟淋入味，咬落有嚼勁。- **牛筋**驚喜！$13嚟講份量合理，煮到半透明狀，入口即化又唔黏牙。- **墨魚蝦卷**係手打感覺，彈牙得嚟食到蝦粒，唔係普通粉漿貨。- **酸齋**開胃解膩，吸咗微辣湯底後更惹味。- **墨魚丸**正常發揮，但唔會粉嘟嘟。**麵底選擇有心思**粗麵同幼麵都煮得剛好，粗麵掛湯能力強，加底後超飽肚；幼麵爽口啲，朋友話似幼版伊麵。另外唔使分湯嘅安排幾好，湯底溫度保持得唔錯。總括來講，永年士多將車仔麵升級得有質素，湯底同配料都有誠意，$50左右一碗喺商場絕對抵食。如果經過青衣，會再encore試埋佢哋嘅辣汁同其他小食！…查看更多

車仔麵係香港經典😚有陣時都想食番碗最近食左永年車仔麵🍜🥢自選三餸車仔麵淨酸齋味道酸甜開胃；陳皮魚蛋入口陣陣陳皮幽香，結實口感；牛肚Q彈入味，揀左招牌咖喱辣醬，成碗食落香噴噴咖喱味道😋🥢南乳豬手豬手完全吸晒香味濃郁南乳味道，皮爽而不膩☺️🥢腐乳通菜爽嫩通菜配腐乳醬，味道鹹鹹香香😆🍵抹茶紅豆冰跟餐$15就飲到！大大粒紅豆配濃厚抹茶味道，又真係唔錯！😎永年士多 (青衣)青衣青敬路31-33號青衣城1地下G26-G27號舖…查看更多

1935落單買外賣（親身去買），只買一碗四個餸的米粉，攞外賣的時間是2007，當中我沒有行開過，只是他們先處理堂食，不處理外賣。一碗米粉用30分鐘的時間等，其實已經足夠我坐低食完兼離開。10分鐘後打開來食，所有米粉已變為撈米（他們沒有分兩個碗），味道十分鹹，極度味精。四餸裏面只有蘿蔔是OK的，牛丸及蟹籽丸都不是優質的貨色，蜂巢豆腐因為吸了所有湯，已經太鹹不能吃。食完後要飲兩杯水，沖返淡啲味精。總結：不會再幫襯，浪費時間！…查看更多

新開分店,諗住去食生日招牌麵嗌埋熱奶茶(價值$72) 豬腸好咬口,蘿蔔冇渣夠甜夠淋油麵夠彈。 另外買必食酸齋$24水準保持,但鹵水虎皮鳳爪($27)太鹹,質地硬身鞋口希望以後質素改善,以後唔會再食鳳爪,得兩條好迷你嘅菜心。堂食在餐枱素描嘅Apps 用唔到生日優惠收銀員行開咗,問出餐女同事協助掃描生日優惠碼,態度唔耐煩, 職員要求出示身份證 之後成功落單。永年APPS唔好用,食店應該要有熟悉用Apps職員在場協助食客, 否則宣傳登記APPS冇意思! 進食途中聽到出餐處有男顧客因為掃描問題大聲吵鬧全餐廳聽到。平日2點45分差唔多已滿座,青衣分店座位比迫, 冇得選擇要坐好後位置,職員不斷進出,原來係收餐墊位, 位置坐得唔舒服,以後都係去返銅鑼灣分店食.…查看更多

久仰大名，今次終於有機會試到，青衣城店近月新開，午巿同晚巿都非常多人，好彩排咗5分鐘就入得去，不過地方較細，枱與枱之間一個身位都無，而且冷氣不足食到成身汗，下次唔會想再嚟喇！🍜晚巿二人餐 $99 (兩碗四餸麵 + 一碟蠔油菜 +兩杯飲品）🥢四餸麵：豬紅豬腸蘿白冬菇油麵 (豬腸汁) & 豬紅豬腸蘿白魚皮餃粗麵 (少辣, 豬腸汁)⭐️⭐️⭐️所有餸都好味，特別推介鹵水豬腸同咖哩蘿白，夠腍夠入味；而油麵就鞋咗啲同粗咗啲，所以唔推介。🥢蠔油菜：菜心⭐️⭐️⭐️⭐️菜心爽脆嫩，最欣賞蠔油可以放邊。🥢飲品：綠茶紅豆冰x 2 (＋$5 x 2)⭐️⭐️⭐️⭐️綠茶味幾重幾香濃，紅豆超多又夠腍，不過唔鍾意冰太碎，飲到成口冰。 二人共消費: $109…查看更多

永年終於有青衣分店 開店首日已經超多人受歡迎程度高見一班 除咗食車仔麵呢度仲有大把小食 保證食完返尋味 有時夜晚諗唔到食乜嘢食碗麵就最適合開店梗係要試吓水準如何🤭🤭一定要點呢個微咖喱辣汁 加多豬腸汁湯底靈魂依然出色 味道剛剛好唔會完全覆蓋餸菜同面嘅味道🤪同朋友一齊點碗麵加入豬腸蘿蔔魷魚三種配菜 加埋個小食酸齋 都係$5.60蚊價錢可以接受另外仲有豬手 炆到好腍啲豬骨豬皮都變得好黏同好粉 而且份量都都好大兜下面仲有菜底勁健康三豬麵好特別 有豬紅豬皮豬腸 豬皮好彈牙 而且吸晒啲湯嘅精華 咁多餸 呢碗麵實在太豐富啦最後仲飲埋杯凍檸樂同菠蘿冰 清涼解暑～…查看更多

香港懷舊車仔麵 ｜ 經典美食之一 🍜車仔麵絕對係香港經典美食之一 嚟到香港一定要食啦！今次就去咗以懷舊裝潢做主題嘅永年士多 由門口到入面都充滿老香港風情 打卡影相一流 📷我哋叫咗碗「蘿蔔＋豬紅＋雞翼＋豬腸」配幼麵，一上枱就聞到陣陣香味 💨👉🏻 蘿蔔煮得超透，清甜無渣，入口即化，正 😋👉🏻 雞翼大大隻，滷得好入味，肉質嫩滑，咬落去仲有汁爆出嚟 💦💦👉🏻 豬紅同豬腸都處理得乾淨，豬腸爽口冇異味，豬紅滑溜唔會散晒 🥢湯底可以揀辣度，我哋試咗原味（另上辣）鮮甜得嚟唔會鹹 飲完都唔會口渴 ✌🏻另外仲叫咗杯紅豆冰 紅豆煮到起沙 甜度剛好 同車仔麵係絕配！🥤總括嚟講 永年士多用料足 味道夠傳統 💯加上懷舊環境 真係好有香港風味 ！！ 如果大家想試正宗車仔麵 呢間絕對值得一試 🙌🏻🙌🏻📍永年士多 沙田新城市廣場一期1樓113號舖…查看更多

✨青衣城新開張永年✨.永年車仔麵一向我最愛，呢日係青衣城行街見到新開幕😍環境舒服企理，即入去食番碗先😎.招牌三餸麵，味道同其他分店一樣出色👍🏻最愛豬腸和豬紅真係夠哂入味😋豬紅多到食唔哂🤩蜂巢豆腐滿特別幾彈牙，招牌蘿蔔好淋身👍🏻老公愛辣🌶️麻大辣表示辣得過癮🔥肥牛份量十足😍.奶茶紅豆冰港式情懷，奶香又回甘，配上紅豆甜絲絲好好飲👍🏻抹茶紅豆冰帶點fusion味道，意外地出色😋.…查看更多

1）抹茶紅豆冰，好飲，碎冰，抹茶甘苦味適中，看圖未飲已經吸引，跟餐+$12左右。好飲度7/10分。要求不高者，跟餐加少少錢算係性價比比較高！紅豆未算好腍，可以接受👏👏2) App下單～～自選點咗酸甜齋(2份）+冬菇 ，菜心菜底份量不少🙌🙌🙌缺點，湯底唔夠熱。酸甜齋麵筋大嚿，算係好食！如果以非齋舖做法，算係唔錯！算係有多個素食選擇！啱啱新開多人排隊🫰🏻🫰🏻#晚市二人餐$99。不過素食選擇有限（印象有冬菇）兩碗自選麵+兩杯餐飲+一個菜心或者生菜！抵食！青衣8pm 仲排緊隊！一try 無妨🙏🏻😽😽🤭…查看更多

今次去左青衣城行街食飯，去到地下層諗住搵育嬰室幫BB換片，見到隔離就係永年士多勁多人食，原來呢度新開左一間分店，我地都好耐冇食，一於排隊入去食🍜車仔麵河粉底其中一碗揀左河粉底，餸就揀左魚蛋，雞翼尖，豆卜，豬腸，蘿蔔，魷魚，個醬揀麻辣醬小辣，非常豐富，其中雞翼尖好入味，豬大腸都好肥美，蘿蔔又唔苦，魚蛋係用陳皮魚蛋，呢幾樣配料都好好食🤤車仔麵粗麵底另一碗揀左粗麵底，揀左韮菜餃，牛肚，肥牛，麻辣豬耳，豬手，牛腩，個醬就揀咖喱醬小辣，個牛腩好淋，豬手都做得幾好，豬耳好爽脆，但可能放左湯，唔算好麻辣，呢3樣餸比較好食😋凍檸茶港式菠蘿冰凍檸茶就冇咩得別，都係一般餐廳整到既水準，菠蘿冰就比較特別，佢個底有好多菠蘿肉，一d都唔酸，仲好甜，夏天咁熱飲，好解渴🍹呢度雖然要排隊，但人流都算快，可以自助點餐，都好方便，食物同其他分店食到一樣咁好食，而兩個醬我會覺得辣醬比較好食😉…查看更多

🎉今日來食下午茶(其實係第一餐🤣)重點係價錢合理，份量足，食材堅係高質有心!除咗必食雞翼、豬腸、豬紅、咖喱魷魚、入味蘿蔔等等多款車仔麵配料🍜，仲有獨創招牌辣汁🌶️，真係唔試由自可，一試真心係無得彈👍🏼自選車仔麵 麵底有粗麵、幼麵及米粉等可選，湯底選了微咖哩辣好香濃；配料份量好多，揀左雞翼、肥牛、豬腸、蘿蔔、牛筋同牛腩😋 全部都好入味，雞翼滷得幾入味，肉質香嫩，豬腸好惹味份量足；蘿蔔好淋，最欣賞既係牛筋、牛腩😍，煮得軟淋牛香。鹵水虎皮原爪滷水汁香味濃郁，不會過鹹，肉質細嫩，而且份量十足。波蘿冰消薯配搭，波蘿的香甜，試過都說喜歡呀！！一入口即有消暑滋味～紅豆冰 👶經典配搭，順滑清甜嘅味道再加入紅豆泥，口感綿密醇厚…查看更多

## 食評：青衣城新開車仔麵店今次同屋企人去青衣城試新開嘅車仔麵店，心情都幾期待，但結果唔算理想。### 食物評價1. **麵食選擇**： - 下午去嘅時候，發現冇咗豬腸，幾款麵都冇得嗌，真係有點失望。最後我哋點咗大碗麵，但因為冇豬腸，師傅建議用豆卜或韭菜餃代替。揀咗韭菜餃後最後冇俾到，要追番佢。2. **份量問題**： - 食物份量幾少，雖然味道唔錯，但就真係唔夠飽。### 服務評價- 服務方面唔得，點餐過程中溝通唔夠清晰，感覺唔夠專業，令我哋有點不快。### 總體評價整體來講，雖然味道有一定水準，但由於服務差、選擇有限，可能唔會再去呢間車仔麵店。…查看更多

## 食評：新開的車仔麵體驗因為有優惠券，今日決定試下呢間新開的車仔麵。到達後發現好多人排隊，出餐速度非常慢。最後我哋拿咗位，叫完餐後等咗超過30分鐘，等到號碼去拿餐。### 食物評價不過，職員寫錯餐點，本來想叫一個大碗麵，加一個至尊麵和三豬面，但佢聽錯咗，將至尊面寫成招牌麵。結果要補串燒先夠$150。另外餐點到嘅時候佢係漏咗至尊面冇整俾我哋，要叫佢即刻再整。當餐點終於來到的時候，試咗佢嘅辣度，發現又出錯。招牌面本來應該係微辣，結果上咗中辣或者大辣，辣得好厲害，有啲郝喉。相比之下，另外一款三豬面的微辣就好啲。餸料方面，質素算是不錯，豬腸同豬血都幾好食，但魚蛋有啲差，肉質似急凍嘅。啲串燒都係好辣。### 總結整體來講，以車仔麵的質素嚟講，價錢偏貴，出餐速度超慢，應該都唔會再來！希望佢哋可以改進，否則好難吸引回頭客。…查看更多