永年士多 (黃埔花園)

應該係期間限定的二人餐好低食，今次係第一次去永年士多食野，經過好多次但都無心入去試，因為本身對車仔麵無乜強烈興趣，加上黃埔太多食店，但今日終於試下佢，體驗幾好！食物幾好！餐具乾爽感覺乾淨！幾位年輕職員靚仔靚女加上有笑容，香港呢類平價食店職員有笑容真係難能可貴！酸齋、雞亦尖好味，凍檸茶OK，但凍奶茶就一般有待改良！凍飲相比一般茶餐廳細杯左小小！我會因為掛住酸齋再去幫襯！整體感覺又多一間加入我的可光顧餐廳名單！…查看更多

老字號的永年車仔麵原來在黃埔都開了！身為香港人的我始終喜歡幫襯幫襯的，因有多款香港🇭🇰懷舊風味小吃、車仔麵等是我最喜歡又懷念兒時記憶的時光一刻，大了同朋友一起食車仔麵、腐乳通菜、樽裝奶茶都好有感覺豬手蝦籽撈麵燜到軟滑入味的豬手，加上微咖喱辣惹味十足樽仔奶茶(凍）一邊食野一邊飲爽呀招牌麵有豬紅豬腸等配上油麵都好豐富，同樣微咖喱辣食落味道滋味！腐乳通菜最後食肉多當然想食少少菜， 同朋友分享剛剛好甜點點了份多士鮮油細細份但剛吊下甜品胃都不錯…查看更多

每次經過永年都聞到勁香，成日心思思想食，終於有機會約埋屋企人去食，車仔麵嘅靈魂就係自選餸，我哋叫咗一個湯車仔麵、一個撈麵，全部都自己揀餸最啱口味車仔麵中辣好惹味，配埋辣味咖喱魚蛋係食辣嘅人必選，雞翼同牛腩份量好多，肉質夠腍好入味天氣越嚟越熱，怕食到成身大汗揀撈麵都係唔錯選擇😍 蒜油鹹香食落好油潤，但唔會感覺肥膩，牛筋同墨魚蝦卷都好，仲叫咗滑捋捋嘅豬腸，本身以為串燒處理會有所不同，所以叫咗串燒小食，但同撈麵嘅餸係一樣，不過完全唔緊要，因為超好食，多多都食得晒🤭小食方面叫咗紫菜湯，可以自選一餸，魚皮餃大大粒爆曬汁都好食，仲叫多個菜share，菜心勁清甜有冇渣，$20抵食高質！飲品方面同益力多聯乘嘅白桃多多除咗益力多之外冇額外加糖，飲落好舒服唔會死甜，仲有白桃果肉好清新，見我哋有小朋友仲送咗個益力多鎖匙扣超可愛💓 樽仔奶茶超好飲係正宗港式風味，大推！！！…查看更多

黃埔街坊食辣有福啦！永年呢間街坊小店真係辣界隱世高手，今次試完佢哋個「雙辣出椒combo」真係辣到拍枱叫爽！$39蚊串燒combo一次過集郵晒四大鎮店之寶：豬腸洗得超乾淨仲帶啲脂香、魷魚鬚彈牙到跳舞、牛栢葉索汁力MAX，最正係粒魚蛋辣到舌尖跳舞仲有淡淡咖喱香，秘製辣醬淋到滿瀉真係食到要開可樂救火🔥大胃王必嗌$76蚊嘅巨型碗麵，成碗餸多到瀉！豬腸炆到淋甜入味，豬皮吸晒麻辣湯正到痹，最驚喜係連雞翼尖都煮到啜骨入味。湯底用樽裝麻辣醬熬成。呢支$88蚊嘅魔鬼麻辣醬真係買得過——撈麵、打邊爐、甚至炒餸加一羹即刻升呢！嗜辣嘅我偷偷哋舔咗啖醬，麻香後勁十足，嘴唇即刻有觸電感⚡埋單$200蚊兩個人食到捧住肚走，紅磡友諗唔到食乜？過嚟永年挑戰雙辣地獄啦！記住叫定凍檸茶/港式奶茶standby啊～ …查看更多

前幾日喺黃埔做完嘢，見到元朗永年士多車仔麵，喺黃埔原來開咗分店，即刻入去食返餐店舖乾淨闊落，有不少卡位坐見到餐牌，樣樣都好食🤤想嗌，唔知點揀😅索性叫左大碗麵$76，集齊十寶餸😁仲有得揀小咖喱辣真係超豐富，又大碗，有最出名豬腸、彈牙魚蛋、蘿蔔甜而冇渣、豬紅、爽口豬皮和魷魚、豬皮吸收晒辣湯超級惹味、入味滷水雞翼和雞翼尖、紅腸和菜🥬配埋港式菠蘿冰🍍$15，加入新鮮菠蘿肉，啖啖香甜菠蘿肉🍍，食完辣嘢解辣最啱…查看更多

💖 永年士多 (紅磡)✨紅磡黃埔花園第一期商場地下9A號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️老公話俾我知原來屋企附近開咗永年已經一段時間，我記得之前只係食過一次，對佢哋嘅通菜念念不忘😌，所以同老公❤️講今晚不如再去食！-微麻辣牛柏葉牛腩魷魚紫菜河粉 + 樽仔烏龍茶🍜 $91老公就揀咗四餸河粉，微麻辣嘅牛柏葉同牛腩配搭得剛剛好🤤，牛腩肉質鮮嫩，醬汁嘅微辣感令河粉變得惹味‼️令人食指大動。魷魚嘅鮮味都為整體增添咗層次感💹，河粉滑順🤍，吸收咗湯底嘅精華，再加上凍烏龍茶清爽可口。-鹵水雞翼🦴 $30鹵水雞翼係我最愛嘅小食，醃製得好入味，鹵水嘅醬汁味道濃郁，滲透到雞肉中🤤，每一口都係滿滿嘅香氣。價格都好親民，性價比高😝-腐乳通菜🥬 $27有得揀煮冧啲呢個option實在太好😆。因為我真係覺得平時出邊煮嘅通菜太過硬，有時好難咬開🥺，但係呢度啱啱好！仲要有得揀多腐乳醬😌醬油流心蛋蘿蔔牛丸芝士腸山根油麵🍲 $72我就揀咗五餸油麵🫶🏻，我最鍾意就係佢哋嘅流心蛋，醬油醃到啱啱好，唔會太鹹😙，另外有得揀山根實在太好了😋，同蘿蔔一樣吸晒啲湯汁好鬼正🤩。想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩…查看更多

見到黃埔新開左間永年，專程過黎試下一入到店舖就見到店面都係好乾淨明亮，員工都好好笑容打招呼。一如既往可以手機點餐，但係對於啲唔識落單既公公婆婆，啲員工都好有耐性幫佢地人手落單。落好單，好快就叫號拎野食，啲員工勁好筷子牙籤都幫我擺好曬，可以直接拎得。揀左招牌麵，雖然得四個餸，但食物賣相都係好靚仔，雖然市面好多都係「圖片僅供參考」，但係睇得出佢地有擺靚啲啲食物。食完後有指定位置可以回收餐盤，啲員工都會出黎做下清潔。我黎既係平日，所以感覺店入面人比較少，不過如果假日人多既話應該有機會搭枱。不過總括而言，係一次都幾愉快既用餐體驗…查看更多