永年士多 (寶城洋樓)

營業中

休息中

北回歸線上,比我找到這間永年士多,記憶所及,好多Openrice食家曾給予好評.這小小士多,以車仔麵為主,材料五花八門,不過時間尚在上午,只有腸粉和少量材料供應,吃不成車仔麵,也要來個"車仔腸".大雜會材料有魚蛋,燒賣,山竹牛肉同冬菇.腸粉普通,並不是很滑溜.燒賣同牛肉又比出面有少少特別,燒賣的魚肉味比外面的濃味,牛肉就比外間吃的淋.魚蛋細粒如銀杏.質感較實.本來平平無奇的腸粉,加上其他平平無奇的材料,負負得正.也吃得清碟.值唔值廿幾個好評,由閣下去判斷.

永年D車仔麵辣汁真係好好味，佢D餸又唔差，不過唔食得辣的人最好唔好要辣汁，因為少少已經好辣!!!!但呢度最唔好係太細，成日無位，又多人排隊，同埋都算早收鋪。

凍凍的星期日，自己又著不夠衫，自然特別想吃溫熱的食物。　其實很想吃蛇，不過同行的龍又怕熱氣，說老實話我都怕，結果打消念頭，去了吃永年辣辣車仔麵。　吃永年，排隊是必然。是日下著毛毛雨，人龍算短了。龍點了雞翼、豬腸、豬皮、蘿蔔四餸米；我就點了芝士腸、冬菇、魚皮餃三餸闊麵，不過價錢都是$20一碗?算了，對這裡索價混亂都已經慣了。　車仔麵餸料其實來來去去差不多，不過是日冬菇的確非常新鮮、肉厚，沒有一絲異味。比這更出色是蘿蔔，完全清甜無渣，令帶辣味的湯底也鮮味起來。加上辣汁，吃完又飽足又熱暖。　之後再去飲一杯涼茶，完全滿足!

我住係佢樓上, 但好少幫襯原因只得一個, 我唔喜歡排隊就算係沙士個時, 每日都一樣有廿幾三十人排隊加上佢係落單先整麵剪"送", 所以一個人最少都要等一分鐘如果有二十人係前面, 即係最少要等二十分鐘但真係好食囉, 雖然味道多左少少而且辣汁好正, 人人都會加唔食得辣又想試下既, 記得同老闆講加少少少辣汁老闆/事頭婆超好人, 得閒會整多粒魚蛋/雞翼料/脆皮腸俾你我初頭幫襯個時, 話加少辣汁, 都辣到飛起夏天真係唔好食甘辣, 成身都係汗老實講, 衛生程度真係一般但去得呢D地方幫襯既食家/街坊都事先預左架啦.

上次同我女朋友去食,係門口出邊排隊,見到個清潔阿姐係度收的碗筷,倒左的人食剰的野後就咁用布擦下佢就攞出去再用,都唔知有冇搞錯......而且成日無人收的碗,都唔知有冇搞錯,的野又唔係太好食,都唔明點解咁多人食....唉!!!

小女有時下午先番學,,好多時都會特登落轉元朗食lunch..而永年就有一半時間成為我lunch既好地方!永年既車仔面係由12:10p.m.先開始售賣...但未到12:00都已經見到吾少人排隊..而且撞岩隔離d中學放lunch更加多人排隊tim...話雖12:10開,,,但好多時都遲1,2個字嫁...我每次必食既系蘿蔔,魚皮餃同翼尖...蘿蔔次次食都好甜..好好味!!比出面食既好味好多...必試!!魚皮餃可能系其他人眼中無咩特別...但因為小女好多時系出面食既魚皮餃都有陣\"煙\"味...唔知大家覺吾覺啦...所以覺得呢度既好味好多...最少無果陣咁難頂既味道先啦...翼尖都系必食既..我覺得好有鹵水味,,勁入味...雞翼都系嫁!!吾好睇少永年既辣..小辣系小女既心目中都已經幾辣嫁la..但真系好好食!!!3樣送大樣$17到啦..如果其中1樣送系雞翼就$20...次次都+盒大既lemon tea..$5....其實個環境就唔太clean..但係食物真系一流!!好多人都話呢度d野食落好重味精...但我覺得好食...對我黎講吾系太打緊既...如果各位有幸入元朗...永年系心水選擇=]p.s.

咖哩really好spicy, like spicy food的人都可以trytry, d送多,雞翼尖雖無以前咁好食, 但都不過不失, 牛肚ok, 豬腸ok, 最唔ok就係等位煩, 又多人!有時間等的都可以一試!

永年的車仔麵真係幾好味,必食的豬腸又香又林又入味,雞翼雞尖好香鹵水香味,蘿蔔又甜,加上D秘製辣汁,雖然落好多味精,但真係好味到震.但環境同服務就差到極,永年位處棺材舖隔離,每日好似在棺材舖門口等位咁,最少要排20分鐘才輪到你,重限時中午12時後才供應車仔麵,想早D食唔同班學生爭都唔得,地方又殘又舊,好污糟的感覺.無論老板同伙計,都係一副唔憂做咀瞼,所以真係又愛又恨.

9月14日(星期四)食黎食去, 最好味既車仔麵都係永年.次次都會叫油麵+ 小辣,d 蘿蔔好好味, 係甜甜地架. 其他食送都ok 好味.

由細食到大呢度好多野都好食豬腸咁多年來都咁爽滑蘿蔔甜而無渣前幾年先加入0既牛肚都煮到好淋同入味同埋就算唔食得辣都加少少辣咁先好味周不時都0係度見到d人一路食一路流晒鼻水(包括我自己=.=)都幾過癮由細食到大到而家都周不時問下我: 係咪讀鄉中ga,又送d野俾你食親切感猶在同埋鍾意佢地唔會墨守成規,多年來都一直加左唔同0既餸俾食客揀,由以前幾味豬腸,魚蛋,豬皮,蘿蔔,腸仔, 一路加入雞翼,各類丸,牛肚,蟹子包,牛筋等等, 都可以見到佢地一直0係度努力經營緊味道呢樣野有時好主觀我自己食得車仔面都預佢有味精又辣又渴?來口凍飲爽矣p.s. 不過同親女仔fd去佢認得佢地實有雞翼食...我就成日食魚蛋,雞翼......尖>.<

這間車仔麵我由細食到大，就越來越多人。排隊要成半個鐘至一個鐘！雞亦、蘿白、魚蛋、粟米、魷魚、通菜加辣汁是我的最愛！而豬腸、牛肚和豬紅都是很好吃，但我長大後戒掉！如果他們開一個有waiter的堂食會好點，落order坐下等他們送來多好!tip_1:買回家吃，特別入味，超正！tip_2:買嘉丽園牛腩加上永年的辣汁更好味！

如果只係車仔麵永年真係唔錯, 特別係羅白同豬腸, 真係好食, 不過如果以$15三送, $20四送又真係貴左o的..行過學記...$13已經係牛什麵, 再講佢o的野好勁味精, 食完就一定要搵野飲,而且o的辣就真係....得個辣字..辣到咩味都無晒...其實咁食辣無咩意思呀, 人o既味覺唔係只有辣同唔辣o既, 可能我自己唔係好食得辣啦..次次食完永年都會肚痛..今日食完又痛....不過我覺得永年最唔可以接受的地方是衛生...真係幾差

我住係元朗,所以從朋友口中聽聞永年士多的車仔麵好味,不過從來未食過。岩岩經過永年附近有d餓,咁咪去試下囉。去到問佢幾錢,佢話$15蚊3樣,$20蚊4樣。咁我咪要$15蚊3樣囉,到佢整完個麵叫我揀。咁我揀左3樣,之後佢話依家係唔係都$20,一就要多隻雞翼,一就要多一樣,當時我呆了,因為個麵整好我只好俾錢。當時心唸:嘩!咁樣屈人錢都得?我好氣憤,錢是少,俾人迫買是大,呼籲大家唔好去永年士多買!!

車仔麵要幼麵+ 豆卜+ 豬腸+ 牛柏葉.個人很喜歡食豬腸, 呢度既豬腸好沐好入味, 絶對要試.例送幾條菜, 很好.唔食得辣, 仲要叫佢落足一穀辣醬, 食到滿頭大汗喉嚨痛, 即時買罐野飲.

永年簡直係元朗市嘅一個傳奇。佢賣嘅只係好普通嘅車仔麵，但係慕名而來嘅人絡繹不絕，未到十二點半開門營業時間，舖外已經大排長龍。我同我啲同事貪過癮，上星期五走去排隊，睇吓呢度啲車仔麵有乜特別。我叫咗豬腸、冬菇、韮菜餃配油麵小辣，連埋嘢飲一共廿五蚊。豬腸毫無疑問係幾香，因為啲腸夠肥，不過呢啲唔係間舖嘅功勞，只要揀料好，任何人都可以煮得好食。油麵浸得太淋，筷子一夾就斷。值得一提嘅係佢啲辣醬，真係好辣，筆者都食得吓辣，但少少份量已經食到我滿頭大汗，唔食得辣嘅咪呈英雄。整體嚟講又係一間得益於人云亦云嘅食肆。