永年士多 (寶城洋樓)

營業中

休息中

之前裝修嘅永年家下開返啦！！！.重新裝修完嘅永年好有懷舊Feel ，門口有大大個特色竹戲棚，入面有懷舊燈箱永年招牌，懷舊迷你士多，處處都係打卡位。.一場嚟到唔係淨係打卡呀！！梗喺食返碗3餸麵先喇！墨魚丸+芝心丸+魷魚河粉🍜，大大碗勁足料，魷魚🦑好淋，小朋友都咬到，芝心丸勁多芝士🧀多到流出來。墨魚丸入面有唔少墨魚足料度滿分💯。食完麵再飲埋杯🍍菠蘿冰，超滿足呀💕！！.好味指數：😋😋😋😋4/5推介指數：😋😋😋😋4/5抵食指數：😋😋😋😋4/5.🍽 永年士多 (元朗)📍元朗教育路88號寶城洋樓地舖2-4號

孖媽逢星期二都會到元朗練舞💃💃🩰，梗係要食飽飽先有足夠氣力練習💪💪。我最鐘意去永年士多食港式車仔麵🍜😋😋，可以自選麵款同餸款，亦可揀麻辣🌶或咖哩辣(微/細/中/大/勁)🤩🤩。今次我食咗自選三餸: 魷魚、墨魚丸同埋豬皮幼麵，好好味呀🥰🥰!魷魚夠淋👍、墨魚丸夠彈牙，而豬皮亦好入味，幼麵亦都煮得剛剛好，不會過硬或過淋😋😋。我最愛辣，揀咗麻辣嘅微辣🌶，原來都幾辣😜，唔知勁辣會係點呢?🤔🤣🤣好彩我叫咗杯抹茶紅豆冰🥤，解吓辣🤪。抹茶紅豆冰🥤不太甜，好飲👍👍!永年士多(元朗店)剛剛裝修完，又新淨整潔，仲加咗唔少打卡位😍。其中一處攞放懷舊小食和玩具，你有食過同玩過嗎??童年回憶返來囉~(出賣年齡😆😂)去開元朗，可以入去食番碗港式車仔麵🍜😋啊~又平又好食😇😇~📍永年士多地址📍元朗教育路88號寶城洋樓地舖2-4號

最鐘意食永年嘅三餸車仔麵，要去幫襯吓，裝潢大玩懷舊情調，仲有好多打咭位添!自選三餸配米線都係 $39，三餸就揀咗🐙墨魚蝦卷、🐮牛根、🥩肥牛 (每款另加4元)麵嘅湯底加多豬腸汁，濃味一啲，非常惹味😍🍜米線唔會太腍，有點爽口🥢墨魚蝦卷🐙 - 蝦卷皮脆卜卜，粒粒墨魚彈牙，真材實料🥢牛根 - 口感煙韌及有嚼口🥢肥牛 - 香濃牛味及軟腍飲品揀咗柚子蜜，跟餐加$15淡淡嘅柚子香味，酸酸甜甜，好開胃❣️元朗永年士多🍜📍元朗教育路88號寶城洋樓地舖2-4號

元朗車仔麵好有名氣嘅永年士多，重開喇!~ 環境新裝修，買野食都好方便，而且多咗好多打卡位! 高CP值~價錢依然都係$39 有3餸1麵，食物水準幾好!🍜麵底揀咗油麵，好大碗麵，配料揀咗🐽豬手、牛腩、韮菜餃，非常滿足！一杯抹茶紅豆特飲，好味兼解渴，抹茶唔太甜，紅豆軟綿綿，味道幾好☺️!🍜永年士多 (元朗) wingninnoodle元朗教育路88號寶城洋樓地舖2-4號#永年士多 #元朗 #wingninnoodle

好耐無行呢邊今日行過見到又裝修咗超嚴守探體溫同埋嘟出行防疫意識好強食咗三碗麵一杯特飲咁嘅價錢算喺咁食裝修都咁上下 多咗好多打卡位啲辣仲keep到水準 雖然同當年仲有距離蘿白就都仲咁好食淨喺計蘿白真喺100分試埋撈麵 一定要跟佢個湯食乾食味道爭咁啲

假期有咩做？梗係去 #元朗 打卡同搵食，知道 #元朗永年 重開，點都要入去試下😆我點咗三餸麵🍜（雞翼、肥牛、墨魚蝦卷），#雞翼 軟淋又夠味，#肥牛 吾會韌，#墨魚蝦卷 🦑鮮味彈牙，配埋軟硬適中的 #油麵 同微辣 #咖喱醬 很惹味😋試埋 #抹茶紅豆冰 ，很香抹茶味🍵，加埋粒粒紅豆，紅豆分量很多，又唔會太甜好飲。仲有每次必食 #鮮油班蘭咖央多士，濃郁牛油味加微甜的班蘭醬，甜甜地咸咸地幾好味。元朗雖然對我來說有點遠，但食得很滿足☺️

新裝修後第一次來。座位比之前闊落，感覺唔會太迫。另外燈光夠光，比以前更精神。今次我再點自選三餸車仔麵，湯、餸及飲唔依舊咁好食，餸對我來說係次要，湯嘅濃度先係佢嘅靈魂，再加埋啲辣汁真係諗返起口水都流出來想食車仔麵真係諗唔到第二間

作為一個元朗人，對永年都有份情意結，以前中學時期都會成日去食，even 果陣啲人成日都話老闆同老闆娘黑口黑面串串貢，排隊排成大半個鐘，感覺都係值得，因為真係好味。自從裝修改行連鎖路線之後，偶而都會食一次半次，味道都仲唔錯，係細碗咗好多啫，已經少去咗好多。直到最近佢又再裝修，又重新開張，今日經過買咗個菜底加3餸，失望到一個點，碗嘢細都算，所謂嘅菜底餐牌張相係有蘿白嘅，但點知只係比你叫麵底多3-4條菜，而且啲菜係唔靚嘅，唔好食，魚蛋數粒，豬紅數粒，加幾塊炆到林ber ber嘅牛肚，而個味道亦都唔好食，咁就收我$41，以後可以決絕地同永年講bye bye。

車仔麵係懶人之選自己鍾意食乜就叫乜而呢間永年士多都真係幾出名次次去親都排隊㗎我每次都一定會食辣同埋會叫佢個多士食真係超級好味同埋我覺得佢嘅份量唔係太大女仔食就啱啱好如果男仔食就要嗌多幾樣餸或者加底我每次都係食中辣如果唔食得辣嘅朋友就真係唔好叫因為佢隻辣都真係幾辣😂😂😂😂我每次都係叫雞翼蘿蔔同埋酸齋❤️❤️❤️總括嚟講車仔麵嘅靈魂就係湯底而佢嘅湯底我覺得做得好出色好濃郁好入味價錢來講我覺得的確係貴少少但係都係值得嘅至少我食完都想再返嚟再食而且車仔麵又唔使等咁耐即使你現場等位都唔會話等得太耐

As a student studying nearby before, I knew that this place is famous. I tried their noodles several times as takeaways as they are cheaper. How to say... they smell really good, the soup smells very tasty. But when you actually taste it, it is kinda tasteless. Noodles and side dishes are okay but doesn’t live up to my expectations. All in all, dishes are good but to me they don’t worth the price and live up to the fame.

剛巧有元朗國的簽證，順手試下呢間人氣車仔麵店，聽聞排隊人龍長期係度，今日見識過——由開始排隊買，到食完出返黎都仲有人排緊，果然名不虛傳。我見餐牌多咗幾款配料，例如今日食到既雞肉就係其中之一。魚蛋：Basic嘢，幾彈牙，配上麻辣湯底當辣魚蛋咁食。雞肉：一開頭睇以為是豬肚，口感類似某連鎖米線鋪，當然永年係入味啲，同更有口感。魷魚：唔係間間有，份量一般，感覺幾Freash，但唔算係必食之選。我想講個餐盤既水唔係我整到咁，取餐時亦未有人幫忙處理，例如換個盤或者抹咁啲。另外，永年開始有儲分計劃，$1=1分，200分可以免費加底或者加多個餸，增加用戶體驗。

永年想當年岩岩開張既時間 每逢假期去都會大排長龍 當年就係因為心諗咁多人排隊既 既心態去試下 佢哋出名係車仔麵 真係有有質素既 個湯底都真係足料既 時隔多年 再去食 質素依然如故 我最中意食佢哋既白蘿蔔

豬大腸7塊 份量足 每塊都有返咁上下長度👍🏻而且醃得夠味 洗得乾淨 唔會有「豆」同異味🤣魚皮餃3粒 塊皮煙韌😃牛丸2粒 爽口彈牙🤩米粉偏少 平時外面無論幾好食 我都食唔晒 但今日竟然啱啱好😕如果正常男仔食量應該要加底或加送💩好一個商業手段令你比多啲錢 哈哈 👉🏻👈🏻紅豆冰入面充滿椰汁同淡奶嘅芬香純滑🤤個收銀姐姐比外面啲茶餐廳車仔麵店有禮貌 令我幾詫異🥵但係好言相勸各位疫情期間唔好去 佢冇人帶位睇位 任人搭檯 總有啲一路咳嘅阿婆阿伯自動坐埋黎 食完感覺自己小命不保🥴Score (out of 5⭐️) 評分:Taste 味道: ⭐️⭐️⭐️⭐️Price 價錢: ⭐️⭐️⭐️Services 服務: ⭐️⭐️⭐️⭐️Location 位置: ⭐️⭐️⭐️⭐️

2021/01/08 午餐超哥仔請我去永年食車仔麵整番碗麻辣四餸河粉食下先我碗蘿蔔、豬腸、豬手、枝竹球、河粉$63用易賞錢卡優惠券，送一杯凍咖啡價值$12腐乳通菜$25/碟麻辣味好正，永年出品嘅車仔餸煮得剛剛好，不會過淋又不會韌杯凍咖啡要咗少甜少奶，顏色非常之淺色，不過味道都可以啦超哥仔碗四寶麵有豬腸、豬紅、豬皮、蘿蔔、米粉$48 凍檸茶加$12永年嘅辣汁，不嬲都出名辣，所以唔食得辣嘅人記得要講少少辣啊用易賞錢卡優惠券，送魚蛋一份，但係返到嚟，睇到相啦，冇魚蛋喺入邊我攞返碗麵同張單去同職員講「冇魚旦」，職員不斷話四寶麵是沒有魚蛋的，講到好似我講大話，呃佢幾粒魚蛋咁，我指住張單，再同佢詳細解釋，張單的內容，係有打住「魚蛋」二隻字喺入邊好在張單仲喺我手姐，原本我取碗麵嘅時候，職員係攞走左我收據，好在我要求攞返張單據否則... 有口難言，水洗唔清奉勸各位去邊度食嘢都好，張單唔好就咁比職員收走

永年士多在多年前已經有聽說過，而且在尖沙咀也有吃過這次，專誠來到元朗總店一嚐但發現這只是人群們的吹捧而已麵底份量超少，如果是男生一定不夠😅配料做得不錯👍🏻蘿蔔很甜，豬大腸沒有臭味，雞翼好惹味但湯底非常咸，而且有一陣雲吞麵的＂簡水味＂辣度選了小辣但非常辣😓不怎麼吃辣的朋友建議選不辣奶茶就像茶餐廳喝的冰鎮奶茶一樣好喝，但只能＄17單買，店舖位置偏僻，店內位置較少。總括來說是一家較為失望的店😔