永年士多 (香港逸東酒店)

營業中

休息中

🇭🇰香港原味道👅想食車仔麵就會諗起🥢永年士多✨香港老字號✨味道仍舊保持到水準👏🏻每次食到舔舔脷😆油尖旺朋友有福了最近更係佐敦📍逸東酒店開旗艦店裝修設計都花上心思💗有車仔檔同舊香港場景即場可以打卡留念～😃想食到車仔麵要來永年士多🥢除左經典麵食、小食、特飲同樽仔系列任君選擇港九新界都有分店👏🏻～今次叫左外賣返去食🥡🥢經典麵 一次過食到港式滋味豬腸、魷魚、流心蛋、雞翼尖、蘿蔔配上微咖喱辣醬好好味🥢自選麵食簡左牛筋 、 韮菜餃 、雞翼 、豆卜款款都紋到好入味小食🥢麻辣孖寶 ：豬耳、牛柏葉～香辣惹味🥢每日人手打製成生菜魚肉🥢鮮甜又帶微微辣韭菜花豬紅 🥢特式飲品：樽仔奶茶 紅豆茶冰📍佐敦彌敦道380號香港逸東酒店地下1號舖

老婆話好耐無食過車仔麵，所以，又趁星期五晚，出嚟食吓飯，雖然，晌香港有唔少車仔麵名店，相信由元朗起家嘅「永年士多」亦喺其一。就返方便，嚟到佐敦新店試試。店內裝修簡約得嚟，又有啲特色，餐廳尾有棵大樹，死角位又有個殖民時期嘅紅郵筒。當然，最吸晴喺將成個嚿時車仔麵嘅場景重塑出嚟，百分百還原，客人更可以坐埋去打卡，後生一輩應該未見過，但對我哋就有好多童年回憶。車仔麵對香港人唔會陌生，所以，餐牌直接擺出嚟，大家一睇就明，基本上呢度啲車仔麵就3餸起，而餸料選擇非常多。如果唔想諗，就可以揀預設好嘅「經典選擇」系列。而且，仲有多款特色小食、特色多士同特色飲品。雖然可以晌櫃枱落單，但小弟鍾意以二維碼落單，可以慢慢揀，唔使擔心阻住人。豬皮、魚蛋、蘿蔔、牛肚米粉 $63老婆嘅車仔麵都揀得好傳統，都喺大路嘢唔會太花巧，而捧上手非常夠份量，豬皮好爽口，蘿蔔非常之清甜，牛肚炆得好腍，而且非常入味，反而喺啲魚蛋有別平時喺街邊掃街嗰類咁彈牙，但都好有魚味，米粉爽滑及無話煮過籠，質量皆優。瘦豬腸、雞翼尖、牛筋、墨魚春卷油麵 $69我揀餸料就盡量揀啲平時少食到嘅食材，喺落單嘅時候見到有豬賜及瘦豬腸，嚟到就明白瘦豬賜喺比較

今天同朋友去佐敦親友屋企打麻雀，到食晚飯時就係附近搵吓嘢食，我朋友喜歡食車仔麵，親友就介紹附近有間好食嘅車仔麵餐廳，這間餐廳叫永年士多，位於佐敦彌敦道380號香港逸東酒店地下1號舖，港鐵佐敦站B1出口，行幾分鐘就到，非常方便。這間餐廳嘅車仔麵我朋友話係銅鑼灣都食過，佢話非常好味好食。餐廳個招牌都很顯眼，令人一眼就見到，餐廳內環境非常寬敞，裝修好靚又新淨，亦有好多打卡嘅位置，好適合客人嚟打卡，枱凳都好闊落，令人坐得舒服，店員有禮貌，服務態度好，來這裏食都不錯。餐牌上主打食品係車仔麵，其他有小食、蔬菜、多士和飲品，亦有特惠的經典麵食，加少少錢就有埋小食同飲品，價錢真係好抵，仲有十二款嘅車仔麵選擇，每款車仔麵喺主牌上嘅賣相好吸引，睇到就想叫來食，我哋都選咗一陣就叫咗高佬發辦和至尊面，因為唔貴價仲叫埋車仔小食嘅生菜魚肉，亦叫埋飲品熱柚子蜜。首先來高佬發辦，份量不少，有豬腸、豬紅、豬皮、雞翼、冬菇、豆卜、菜心，我選了粗麵，滷水湯底香濃，豬腸洗得乾淨， 顏色夠深，夠晒爽口入味，豬紅厚實多汁，豬皮好淋好味道，雞翼又大隻厚肉，淋身好好味，冬菇、豆卜、菜心都全吸入湯，食落好有香味，粗麵口感爽滑彈牙，真係

小妹初次認識永年士多，是在年初與家人一起到元朗劇院聽音樂會，途經見到總店時才得知原來呢間車仔麵咁出名😮，早幾日搭巴士見到逸東酒店將會開永年士多🤭，襯今日得閒決定同男朋友一齊嚟食午餐🙌🏻！為咗食永年士多車仔麵，今日特登訓到11點幾先起身😂，連早餐都無乜點食，等到男朋友肚餓就搭巴士專門嚟食午餐啦🥳🥳逸東酒店分店內有靚靚打卡場景，只要打卡就會有明信片送添😍今次初嘗永年士多同私心想食豬手，於是乎柯打一碗麵食、兩份小食（當然有豬手）以及兩款飲品。🍜6號餐：經典麵配米線（微咖喱辣）▫️小妹凡食麵首選必定係米線，今次都唔例外❤️，不過特別係平日飲開清湯嘅我，居然揀咗《微咖喱辣》，咖哩辣又香又惹味，感覺唔錯🥰；▫️經典麵本身有五款餸，豬腸、魷魚、溏心蛋、蘿蔔、雞翼尖，五款都好入味好好食🤤🤩🤩，驚唔夠飽仲額外多加餸：牛筋，牛筋都好軟腍好入味！最意想不到係每款餸唔係1、2嚿，而係3、4嚿🫢，超抵食吖！🦑墨丸紫菜湯▫️湯頭好甜、紫菜充足、墨魚丸係有墨魚架🤩唔係普通墨丸🤭🥬蝦籽菜心▫️均衡營養，份量與價錢成正比❣️🐖南乳豬手▫️豬手炆得好腍及入味❣️☕️樽仔奶茶▫️ 奶與茶底比例平均，不過太甜（可能小妹平時飲開走甜😂）🥤忌廉汽水

今日本身諗住行去逸東酒店下便嘅food court食嘢，見到呢一間車仔麵新開張，裝修得幾靚幾企理。自選三餸麵(微咖喱辣)(牛腩+$9，魷魚+$2，雞翼+$4) : 最基本嘅選擇，其實佢仲有其他餸可以揀，亦都唔使加錢嘅，但係自己本身鍾情呢三樣。牛腩做得幾出色，入味之餘亦都好淰，而且起碼有4-5舊。魷魚嘅份量都好多，都有一隻左右，雞翼就有兩隻，雞翼可以再入味少少。自選三餸撈麵(小咖喱辣)(牛肚+$4，蟹子丸，牛腩+$9): 怕辣嘅朋友要注意，朋友只係叫咗小咖喱辣，但係真係掂少少都可以辣足半分鐘，所以記住要謹慎！牛肚煮得好淋，而且冇蘇味，蟹籽丸就正正常常，好似出街打邊爐嗰啲。跟餐叫蠔油生菜(多醬)+$20: 出奇地好食，好甜，而且份量都唔差，蠔油都幾惹味。咖喱三寶$30: 蘿蔔好好食，好甜，而且好鮮味！！豬皮夠淋而且亦都好入味，成塊豬皮都已經變咗啡啡哋色。魚蛋用上陳皮魚蛋，如果可以多少少汁就好啦。樽仔奶茶(跟餐+$17): 夠濃而且夠厚，奶味亦都好重，真係似足茶餐廳嘅風味。菠蘿冰(跟餐+$15): 有細細粒嘅菠蘿，個人覺得甜咗少少。總結：自己覺得呢一間永年士多開喺逸東酒店好夾，賣香港情懷之餘

天時暑熱，唔想食得咁Heavy，本身諗住去food court，但係費事行落去，揀最近呢一間永年士多，即刻入去涼一涼冷氣。即入大門口就有得打個卡，非常懷舊。最鍾意食車仔麵，因為叫多叫少任君選擇，呢一度仲可以揀菜底，唔使食粉麵，啱晒夏天食得清啲。平時食車仔麵，地方都唔係坐得好好，逸東酒店呢一間車仔麵坐得非常之好，尤其是冷氣十足，由於佢係喺酒店入面，所以洗手間都非常乾淨。我們首先叫芝士腸，雞翼，魚腐，蜂巢豆腐，加菜底，配凍柚子蜜。蜂巢豆腐朔晒啲湯汁， 10分惹味。另外叫咗咖喱三寶，微辣並不是很辣，豬皮10分朔汁，蘿蔔炆得非常之淋，仲有魚蛋非常彈牙。咖央多士咖央味好出，好香椰香味，呢一個一定要叫。另外叫咗杯紅豆冰，大大杯，紅豆亦都整得好腍，但又不會太甜，非常解渴。由於滷水雞翼超級好味，所以我哋額外叫咗一碟滷水雞翼小食，連啲軟骨都可以食埋。另外仲叫咗生菜魚肉試吓，很有懷舊的感覺，魚肉一啲都冇骨，生菜又非常之新鮮，又很香的青菜味。最後，叫咗呢度嘅特色樽仔烏龍茶，無糖無添加，茶味香，解渴得來，又不會有罪惡感。

車仔麵幾時都係香港人嘅至愛，價錢平又可以根據自己嘅喜好配搭唔同嘅食物，我心目中有幾間特別推介，今次就介紹「永年士多」啦😆永年喺佐敦開咗新嘅分店，店舖內有多個打卡位置，有香港嘅舊式郵筒同懷舊車仔麵檔擺設，別具特色👍🏻現時只要喺店內打卡upload上社交平台，仲會送現金卷同名信片添🤩四寶麵豬腸、蘿蔔、豬紅、豬皮再追加豬腸我嗌嘅四寶麵，揀咗油麵底大辣，當然唔少得追加多份呢度嘅招牌豬腸啦😆豬腸以滷水汁烹調，夠晒入味，可以揀豬腸或者瘦豬腸，口感煙靭彈牙，裡面帶有少少脂肪，店家將內臟處理得非常乾淨，唔會有任何騷味👍🏻蘿蔔入口帶淡淡嘅咖喱味，清甜冇渣，好食😋豬皮亦係用滷水汁煮，入口滑溜QQ彈彈，店家嘅咖喱汁味道濃郁香醇，油麵嘅最佳配搭🉐三餸麵同事嗌咗雞翼、豬皮、牛肚再加午餐肉配米粉，我分別試咗雞翼同牛肚😆雞翼大大隻滷得夠入味，牛肚口感軟腍，米粉吸滿咖喱汁又別有一番風味😋滷水雞翼尖一碟有十幾隻，滷水味濃郁，已完全滲透入雞翼尖之中，一咬已經脫骨，令人食唔停口😋麻辣牛柏葉（小辣）牛柏葉口感爽脆，配搭麻辣汁又鮮又麻，鍾意食辣嘅建議嗌大辣會更惹味生菜魚肉店家以鯪魚肉製成鯪魚丸，魚丸鮮味肉質有彈性，入口唔會有魚

有時長期係身邊就無留意到其實車仔麵係香港特色美食係未有米線之前車仔麵曾經都係香港人麵食既首選可以自己揀麵底揀餸.好多野都仲有得揀可以加腩汁/走腩汁/加辣/菜底剩係面底既選擇已經有米粉/粗麵/油麵等等如果朋友黎香港都一定會帶佢地試下呢款地道美食去比較local既地方試地道美食未必人人都一下子接受到強烈既culture shock今次去呢間永年士多係酒店入面, 仲要有埋打卡位模仿當年車仔檔比較遊客友善d今日叫左至尊麵同大碗麵, 每款餸都有dd. 選擇困難症都好快下到決定!精選左幾樣必食推介~~豬紅 無血腥味, 反而有一種甜甜地既味, 口感滑嫩雞翼尖醃得入味,入口軟腍水魷爽脆, 無浸泡既化學味豬皮偏軟口感但超入味酸齋味道酸酸甜甜但又同車仔麵鹹味好夾腐乳通菜菜仲係翠綠,再加上鹹香同微辣既腐乳樽仔烏龍茶茶味濃而且無糖係健康之選

今日係佐敦逸東酒店試下呢間新開既元朗過江龍永年車仔麵試下我地兩個人叫左兩個麵同埋幾個小食同飲品自選三餸麵豬腸、牛筋、韮菜餃微咖喱辣油麵 $58👍🏻👍🏻牛筋腩蝦籽撈麵加豬腸 $77👍🏻👍🏻兩個麵都好大份，麵底同d配料都好出色，特別係豬腸同牛筋，好鬼入味鹵水雞翼 $30👍🏻👍🏻麻辣牛柏葉 $27👍🏻👍🏻酸齋 $24👍🏻👍🏻小食都好鬼正，牛柏葉好爽口，個汁夠哂辣，雞翼好入味大大隻，個酸齋酸酸甜甜好開胃紅豆冰 $15👍🏻👍🏻凍檸茶 $12👍🏻👍🏻兩杯飲品都好大杯，套餐加錢好抵飲