水門雞飯 (萬勤商業大廈)

營業中

休息中

今日喺尖沙咀等睇戲 因為未夠鐘就去食個早飯～ 經過呢間 水門雞飯～ 平時排晒長龍 今日早食見到唔使等位就即刻入咗去嚕😬 入到去坐低店員就俾咗QR code我哋自己落單估唔到仲有假日午餐嘅餐牌 覺得更加抵食🤣 好快落咗單 等啲嘢食嚟嘅時候 望住姐姐喺度斬雞 都別有一番風味😗 好快就嚟咗個湯 同埋點雞嘅醬汁係胡椒味嘅湯 清清地又幾好飲～醬汁偷偷地試左先 幾濃味有少少辣 好香🤤 跟住到野飲 跟餐叫既😌- 話梅茶 酸酸甜甜好開胃- 泰式咖啡 咖啡香濃 叫左多奶 本身仲覺得有啲甜 但放咗一陣佢啲冰融左 個味就啱啱好😋 水門雞飯主角出場啦🤩 雞肉好滑本身已經有少少味 點埋個醬真係絕🤤 雞皮都好滑又唔會好油 雞油飯都出色 好香同埋粒粒分明👍🏻 呢個飯必食😌 豬肉串燒 +$26跟餐加咗個小食 豬肉串燒好香 睇落以為佢燒到乾咗 但入邊都仲食到豬既肉汁 點埋個沙嗲醬👍🏻 鳳尾蝦泰式金邊粉 呢個上枱都好香 出面嘅泰國餐廳食嘅差唔多 唔錯呀～ 燒原隻魷魚 $45呢個小食有兩隻魷魚 為咗方便食 佢仲可以俾我哋揀剪碎咁樣上 幾好😌 燒得啱啱好 好香又唔會乾晒 點埋佢嘅醬汁 辣辣哋 好惹味😋 烤麵包 $16正正常

買左7點半戲飛，係尖沙咀想食個快飯，除左米線同茶餐廳外，朋友建議嚟食水門雞飯。店內裝修比較簡約，坐位舒適度不過不失，不過果晚坐正風口位，有少少涼。但一見到個牌檔，就令到泰國嘅回憶返番嚟。水門雞飯呢碟係正常飯量，如果大食可以叫多飯，女仔胃口嚟講已經好足夠。雞肉嫩滑，唔肥，仲跟左碗湯，滿滿胡椒味，夠開胃。燒魷魚一份有兩隻，充滿碳烤風味，辣汁惹味烤雞皮估唔到咁有驚喜，酥脆，唔油，雞味豐富，又抵食龍眼冰泰國菜特色飲品，叫左d煎炸野，清熱氣，唔太甜，ok鳳尾蝦泰式金邊粉有6隻蝦，抵食，炒得乾身，略嫌酸味不足韮菜花叫碟菜平衡下，估唔到咁岀色，嫩口，爽甜，冇渣

簡單但豐富嘅一餐♥️水門雙拼雞飯係有滑滑嘅海南雞同埋脆博博嘅炸雞，加埋啲油飯黎食真係好味，性價比高！仲有啲醬汁俾你點，再惹味啲！午餐加配小食 - 係雞肉串焼，配埋花生沙嗲醬好味😋♥️鳳尾蝦泰式炒金邊粉有好多隻蝦，粉加埋花生碎都算炒得幾好小食加咗個馬拉盞肉醬芥蘭苗，健康最抵讚係午餐可以配凍飲，唔使加錢，其中一杯我揀咗凍美綠、另一杯就揀咗要加錢嘅芒果冰，兩杯都好飲😃因為太肚餓嘅關係，所以我仲嗌咗個烤麵包，呢個烤麵包係配埋沙嗲醬俾你點嚟食，麵包外脆內軟！另外，炆雞腳 $18 有8隻好抵😳成枱五顏六色，見到都開心♥️

假日去食水門雞會貴少少，但因為每次都係去做完facial,順便食，貴左都要食。我發現宜家碟飯比以前大碟左，雞肉嫩滑，個湯好飲但辣左D，個汁緊要，每次也要2 碟！之前通常叫香茅特飲，今次叫左龍眼冰♥️，宜家用手機落單好方便👍

最近係尖沙咀開工試咗唔少性價比高美食，其中呢間水門雞飯都幾好印象，未搵到時間飛轉泰國都可以過黎感受下地道泰菜味道，門口經常有人排，不過turnover都幾快👍🏻內裏裝修都好市井風，仿夜市既鐵皮攤檔風味，見到一隻隻浸到白雪雪既泰式海南雞掛係廚房度，牆身畫咗唔少泰國特色設施例如篤篤車等🤣呢度係用qr code落單，午餐有9款，除咗雞飯仲有泰式豬手飯、炒金邊粉、湯河同湯米等等，可以配埋菜或者幾款小食，為午餐潤色一番水門雙拼雞飯 | 8/10黎到當然要叫雞飯‼️仲要打孖黎食哂海南雞同泰式炸雞，加10蚊就有哂雞脾肉，每款雞都配一隻獨門醬汁炸雞係一隻類似泰式酸甜醬，開胃得黎有小小辣幾正，炸粉唔會過厚，主要提供香脆口感😋食落肉質唔會老海南雞隻汁就用小小鹹味去帶出雞既鮮味，肉質夠哂滑變彈牙，唔會一口霉肉馬拉盞肉醬芥蘭苗 | 7/10鍾意健康既我跟餐加咗碟菜，馬拉盞帶咗點點既蝦乾香氣，混埋肉醬油份就幾惹味☺️菜可以揀軟身硬身幾貼心，咬落爽脆新鮮泰式腩仔 | 8/10同事都叫咗碟泰式腩仔share食，成碟有成廿幾舊，每人起碼有6舊左右，份量唔惹少，側望已經見到佢閃令令既三層肉🤤肥瘦相間極邪惡，外面加埋芝麻炸得

尖沙咀水門雞飯，食過十幾萬次，最鐘意佢地既勁辣口東瓜湯，雖然佢既胡椒味搶哂其他野，但個人口味自己幾鐘意。😋然後當然要嗌泰國招牌鎮店之寶水門雞飯啦，油飯好香食唔停口，轉左雞胸肉質無甘滑但多肉，佢會配埋醬汁，不過通常我都原封不動，因為唔點汁都超野味！😋😋星期六都有午餐套餐，配杯野飲，嗌左杯熱蘋果雪梨水，呢個有驚喜，好香仲有幾粒生果係度，成杯飲完感覺好暖冑好補。😂男朋友嗌左泰國齋啡，本身都預左係會糖尿病，但點知都有驚喜，入口係好sweet,但到左喉嚨就有咖啡既苦澀味，夠特別。😄店員勤快，尖沙咀有呢個50,60蚊既價錢算係甘啦，5星星。

排長龍既泰式雞飯，基本上個個黎親都會叫一碟水門雞油飯。店舖簡潔裝修，一間普通門面只有大約大枱吾夠既位置，但係吸引左好多人排隊光顧，甚至一家四口過黎食飯我地入到去睇左餐牌𥚃面有吾少既菜色，包括:雞油飯，船面，炒粉河等，重有吾少得串燒，豬手，鳳爪沙律，蝦刺身等。我地叫左一個:水門雞飯+雞什，肉碎沙律，鳳爪沙律，椰青和特色泰國奶茶套餐可配飲品同餐湯，我地簡左雞髀肉同雞什，本身雞肉冇加太多調味料，可以配搭醬汁一齊食，更加突出雞嘅鮮味，而且雞肉鮮嫩多汁，雞什爽口。肉碎沙律同鳳爪沙律，我個人覺得冇咩特色，勝在價格實惠。最後，奶茶香滑茶濃，可以再黎一杯強推，套餐吾洗加錢另外，原隻椰青上枱，清甜可口

每次經過都超多人，今次專誠揀非放飯時間去食先至有位😂專誠來到水門雞飯，緊係要試下水門雞飯啦，仲要仲有下午茶優惠，$58包埋飲品，抵到爛呀！仲有尖沙咀區！！裝修都還完泰國地道風味，枱係不銹鋼材質，好似去左泰國咁。食食下仲有幾個泰國人入左來食添😂叫左一個水門雞飯+冬蔭功海鮮湯配金邊粉+ 燒魷魚筒。飲品揀左泰式奶茶+ 話梅汁！首先會上左個雞骨冬瓜湯先，勁香噴噴，清清地但超香雞味既湯！然後好快就上埋水門雞飯，加左$10揀雞髀肉，肉質當然滑溜啦，加上雞唔會好肥好多雞油，但些少雞油令到雞肉香而滑，岩岩好👍🏻👍🏻😋 配埋秘製汁同雞油飯，成個口都係香味！😋冬蔭功湯酸味比辣味多，後勁再出些少甜味。因為用勁多海鮮一齊煮，青口都不少於5隻，再有魷魚腳，同埋草菇，加埋勁香甜！燒魷魚都抵食，有兩隻魷魚筒，唔會好硬好乾，點埋秘製辣汁，好香口！😋😋

水門雞飯｜尖沙咀尖沙咀嘅性價比之選！今日未到6點去到，仲有得叫下午茶，抵上加抵！1️⃣水門雞下午茶餐加左$10要雞脾肉，雖然係下午茶餐，但份量同正常嘅一模一樣，雞已去骨，肉質嫩滑，而且跟餐仲有埋青檸梳打！2️⃣泰式乾炒辣牛河有不同辣度選擇，上枱嘅時候熱辣辣，夠晒鑊氣，十分惹味！牛肉份量比較少，配有蛋皮等材料3️⃣串燒3串起叫，有雞肉同豬肉串燒兩種，燒得比較乾身，配有沙嗲醬4️⃣泰式炒通菜 好食！我地選左少鹽、少辣、少油，仍然好惹味！而且即叫即炒，好有泰國街邊飛天通菜嘅風味2個人埋單，$250都唔洗，抵食超值👍🏻📍地址：尖沙咀金馬倫道18號萬勤商業大廈地舖💰人均消費：$124❤️回頭指數：85%#hongkongfoodie #hkfoodie #hkfoodblog #comfortfoodcomfortzone #香港美食 #couplefoodies #拍拖好去處 #拍拖食乜好 #拍拖食好西 #尖沙咀美食 #人氣美食 #海南雞飯 #香港海南雞飯 #香港海南雞飯關注組 #水門雞飯

latepost前兩日未食飯返咗屋企先知道 尖東有電單車活動 再出番嚟就有啲想食嘢三寶飯燒味就食得多 泰式水門雞三寶飯就好似係第一次~除咗經典水門雞, 重有水門炸雞同雞雜有喺出面比較少食到嘅"雞腸"😂天氣乾燥又想飲嘢 乘機叫咗支好少飲嘅Chang梳打水 gur gur佢見到餐廳牆上掛囉拳套、腳pad 就諗起以前操嘢嗰排算係幾fit, 即刻好有內疚感🫣😔

Great food but the young lady at the cashier / counter area is rude. I asked her politely for the wifi password so I can order food through online because they have a QR code to scan for the menu. Since we're a tourist from Macau, we don't have a data. She told me, I can order to her in the counter. I can feel her being irritated the whole time. Since we are tourists from Macau, we don't have data. I ordered chicken feet salad but she told me that isn't available yet at that time so I ordered P

呢間泰國過江龍餐廳主打地道泰式海南雞飯足料好味，CP值好高呀💛-🥢水門雙拼雞飯 （午市套餐$64）雞肉滑嫩有雞味每件都去咗骨咬落啖啖肉好有咬口💯配搭香脆炸雞加埋秘製辣醬汁一齊食別有一番滋味呀呢👍🏻而油飯份量都唔少，充滿油香味附送有黑胡椒雞骨湯胡椒味超強一啖飯一啖湯，甚具泰國風味呀🇹🇭🥬香辣肉碎沙律($68）肉碎份量超多少辣辣度，夠香又夠辣❤️‍🔥夾埋新鮮爽脆生菜一齊食非常好味呀！🦐鳳尾蝦泰式金邊粉（午市套餐$78）Tt我之前嚟食過炒牛河覺得好鑊氣今次再度試吓炒粉系列呢碟金邊粉無令人失望👍🏻同樣好好味！蝦隻口感爽彈金邊粉加咗芽菜、香蔥、蛋絲一齊去炒又香又有口感呀💕🍢豬肉串燒（午市套餐+$26）燒得香口有肉汁加埋伴碟嘅沙嗲醬同醋汁更加惹味喔😋餐飲午市套餐包咗餐飲CP值認真高❣️🍋鮮檸梳打揀咗無糖夠晒酸，清新解渴呀❤️‍🔥☕️熱泰式奶茶茶味香濃，餘韻悠長！

🦑燒原隻魷魚(2pcs)$45出色出色！好香燒魷魚味，絕對會Encore，跟左個辣辣地既汁，會辣到si si 聲🔥串燒(雞肉、豬肉)$14串最少要叫三串，同出面既泰式串燒差不多，不過就比較乾身，串燒就跟左個酸汁同沙嗲醬，沙嗲醬幾杰同凍，食落唔太香濃🐓水門雙拼雞飯$56雞肉又真係好嫩滑👍🏻👍🏻炸雞就無咁出色平平無奇，附送左一碗雞湯，但係有少少胡椒味，另外仲跟咗兩個汁可以點雞🦐海鮮冬陰公湯金邊粉$60有唔小海鮮（魷魚，青口，蝦)好似食極都有咁，金邊粉份量都好足夠，不過個湯底就失望左，個果似即食麵既味精冬陰公湯，所以就無驚喜🍍菠蘿冰$26係一杯好螢光黃嘅菠蘿味沙冰，入面有一舊新鮮菠蘿果肉，好重糖水味

水門雞飯係呢間餐廳嘅招牌，水門雞飯好好味，雞肉好嫩滑，餐廳嗰醬仲正！飯有雞油香味，而且水門雞飯跟個湯好重胡椒味，超級正。餐廳環境好有泰國風味，好似去咗泰國食一樣，值得一試

最近真係心思思再想飛泰國，可惜而家泰國既天氣真係會高溫燒滾了我一切🤣唯有靠美食嚟安慰下自己尖沙咀既水門雞飯叫外賣就叫得多，坐低食都係第一次，次次都覺得呢個檔口好正好泰🇹🇭除咗最出名既水門雞飯之外，泰式粉麵地道小食小炒，而家連火鍋都有😳餐廳而家係QR code落單，版面唔錯分類幾簡潔一定要食佢雞飯！！雞肉好嫩滑，點埋個汁配埋啖雞油飯一齊食，瞬間KO咗個飯個湯好重胡椒味，勁like！老公既生牛肉牛丸湯米好多料，米粉爽口，重口味既仲可以加埋枱面上既辣椒粉/炸蒜牛脷系列之前都未試過，今次就試吓佢個香辣牛脷生菜包先！生菜有6大塊，而且牛脷肉碎份量都好多，味道都幾辣啱曬我食泰國菜點會唔記得泰式腩仔，估唔到份量都幾多腩仔口感鬆化，而且相當熱辣辣，肥肉比例1:1，入口爆油好香好邪惡🤤仲叫咗個炸雞皮嚟俾老公送湯，好似魚皮咁好薄好脆，有種食緊零食嘅感覺龍眼冰真係泰國菜必叫！入面有粒粒龍眼乾，味道清甜又夠凍！咁多野食都係人均百幾蚊😳抵食到爛呀