影片
以上資料只供參考, 請與餐廳確認詳情
-泰式雞飯之選✨-🔖自選泰式船麵💰50如果揀呢個嘅話，麵底、湯底同埋配料都可以自由選擇！湯底方面我哋揀咗金邊粉，而湯底就揀咗牛肉湯～最後配料方面就揀咗雞絲同埋牛丸🤩牛肉湯濃郁帶甜，雞絲唔會好乾身，而牛丸就彈牙juicy😋份量嚟講都好足料，夠抵食！💫推薦指數: 8.5/10🔖水門雙拼雞飯💰56鍾意食雞又貪心嘅你，就可以試吓呢一款雙拼雞飯，咁就可以一次過試到海南雞同埋炸雞😌雞肉夠嫩滑，而炸雞就夠晒卜卜脆，加埋油飯，好滿足啊🤓💫推薦指數: 9/10🔖胡椒單骨雞翼💰44相比起原隻嘅雞翼，我就更加編好單骨雞翼😆貪佢食起上嚟比較方便😙雞翼炸到香脆，加上胡椒粉，微辣得嚟又夠惹味😋💫推薦指數: 8.5/10🔖牛肉串燒💰14/串主食方面都係嗌咗雞肉，所以串燒方面我哋就揀咗牛肉🐮即叫即燒嘅串燒上枱嘅時候夠晒熱辣辣，而且食落去一啲都唔嚡！想再食得濃味啲就可以點埋個沙嗲醬一齊食🤗💫推薦指數: 8/10🔖芒果糯米飯💰58講起泰國嘢食，又點少得芒果糯米飯🥭糯米飯口感煙靭，加上香甜嘅芒果，為晚餐畫上一個完美嘅句號🤓💫推薦指數: 9/10🔖蘋果雪梨水💰22估唔到食泰國嘢都會有蘋果雪梨水😝見到當然即刻要嗌返一杯🤓蘋果加雪梨，飲落去夠哂滋潤啊🍎🍐💫推薦指數: 8/10-📌水門雞飯📍尖沙咀厚福街3號華博商業大廈地下2-3號舖
繼續閱讀
好耐無去泰國🇹🇭係香港食住水門雞飯頂住隱先🤓🍽️水門雙拼炸雞飯一次過試曬兩款雞🐔，賣相同泰國食既真係好接近，係份量比泰國多d。雞肉系好嫩身，就算炸既都唔會嚡身。平時唔係炸既雞皮我係唔會食，但呢個雞皮又ok窩，同泰國既一樣滑身但又唔肥膩。仲有兩個靈魂醬汁，一甜一鹹👍🏻🍽️豬肉串燒份量十足，每件都幾大舊，真炭燒🍽️泰式脆脆豬頸肉呢個係今晚既highlight⭐️ 佢有兩款豬頸肉，一款係燒，一款係脆。平時食開燒，所以就揀左脆試下。我同朋友都非常鐘意呢個，豬頸肉腌得好味，外脆內惹味，個層脆剛剛好，並唔係一層厚炸粉個種，仲有淋左d微酸既汁，平衡左個油膩，非常好食，推介！🍽️香辣肉碎生菜包比起同泰國食開既係另一個風味，香料味無甘重🍽️芒果冰🍽️有3款醬汁可以買總括而言，性價比高！尤其好多一個人黎既食客，快靚正。
繼續閱讀
今日同老公偷偷地過左個二人世界 去左尖沙咀 首先睇左個戲 睇完出黎都已經夜啦 去厚福街食水門雞飯😍 當初係尖沙咀返工都未有機會去食🙈🙈水門雞飯 轉雞髀肉識食一定要轉雞髀肉 非常嫩滑 唔會好肥 啖啖肉😋點埋佢地特製醬汁 正啊👍🏻泰式冬陰功船粉(雞)湯底濃郁 米粉吸收哂啲湯汁好入味 佢既酸辣好岩我地既口味😚馬拉盞肉醬芥蘭苗芥蘭苗非常新鮮 馬拉盞味道好香👍🏻👍🏻香辣鳳爪沙律呢個都係食泰菜必點的 沒有失望 酸酸辣辣好開胃🤤椰青味道清甜 食完野飲返啖就最爽🤪整體份量唔多又唔少 食得好飽🥰上菜速度好快 值得一讚 因為我地睇完戲已經好肚餓🙈🙈🙈
繼續閱讀
香港係美食天堂，至於尖沙咀更加係特色餐廳嘅集中地，今日嚟咗水門雞飯食晚飯一開始就叫咗我最鍾意食嘅燒原隻魷魚，魷魚分量好慷慨，燒得香口之餘又保持肉質嘅彈牙鮮甜；至於馬拉盞肉醬芥蘭苗少少辣，馬拉盞非常惹味，配埋爽脆嘅芥蘭苗，好出色；另外叫咗半隻水門雞同雞油蒸飯，水門雞肉非常嫩滑，一啲都唔油膩，配埋雞油蒸飯相得益彰，令人垂涎三尺呢間餐廳位於繁華嘅厚福街，食物價錢相宜，味道出色，性價比好高，未食過嘅朋友真係要嚟試試
繼續閱讀
今日同朋友去咗厚福街嘅水門雞飯試吓，呢間鋪頭雖然唔大，但食物水準幾高，性價比一流！ 首先講吓個水門雞飯，我轉咗雞脾肉，再加$10要胸少飯，超正！雞脾肉嫩滑得嚟又夠彈性，雞皮爽口，點埋佢哋自家製嘅雞汁，香濃唔會太鹹。飯粒分明，滲咗雞油香，但份量略少（可能因為我揀咗「少飯」），不過跟埋碗清雞湯，飲落暖胃又舒服，整體值得高分！ 泰式船粉湯底係驚喜所在，牛骨湯濃郁帶甜，生牛肉片嫩滑，牛丸彈牙，米粉索晒湯汁，好有泰國街頭風味。朋友大讚夠地道，而且份量超足，食完已經8成飽小食方面，韮菜花炒得夠鑊氣，蒜香十足，菜身爽脆無渣；香辣肉碎沙律叫咗少辣，酸辣開胃，肉碎惹味，但菜量可以再多啲。飲品生薑蜜（熱）薑味夠濃，偏甜，飲完成個人暖笠笠。 總結：呢間小店食物質素高，價錢合理，尤其雞飯同船粉必試！一定會再encore！
繼續閱讀