水鄉茶餐廳

鮮茄豬扒炒意豬扒用鬆肉粉定味精拿到勁難食，無牙都食到，𦧲都𦧲唔切，唔好叫豬扒，除非想中伏，茄汁完全無甜酸味，令到整碟意粉都無食到，送左俾垃圾桶食浪費左。沖泡飲品及湯粉麵 都ok正常架。…查看更多

Lunch time 行咗成個大澳都唔知食咩好見到呢間多人幫襯就入咗去，要先讚既係服務態度一百分👍🏻👍🏻👍🏻所有員工都勁好服務態度店員推介咗兩樣嘢食，話喺大澳必食！蝦醬魷魚炒飯馬友炆河粉好！就即刻試吓佢蝦醬魷魚炒飯係非常好食！諗住佢好多汁，會好鹹，原來唔係，係勁香勁好味👍🏻呢個真係必食推介！第二樣馬友炆河粉，馬友起球炸，都幾好食嘅，但係河粉就麻麻哋，太油，油到見到個碟底都勁多油，可以一試嘅。因為味道都唔太差，只係油咗啲。…查看更多

大澳蝦膏炒飯，一上菜已經聞到好香嘅蝦膏味，炒飯粒粒分明，食落唔會太鹹，蝦膏味慢慢滲出，炒飯份量好大碟，夠兩個人食～ 炒飯入面有生菜絲、叉燒、蛋、蔥粒、蝦仁，十分香口，鑊氣十足！好好食！好有驚喜～另外，點了一個雞翼米粉，份量都係超級多，係平時茶餐廳嘅一倍！炸雞翼皮好脆，食落口唔會好油膩，外脆內軟，入面唔會乾身，隻隻雞翼都脹卜卜，好飽滿。米粉食落有麻油味。店員態度親切有禮～枱有水壺，可以自由浸水飲注意：店內有最低消費費，每人$40…查看更多

朋友推介下，來水鄉茶餐廳醫肚。這是一間小小的餐廳，裝修得很樸實。店員說，餐牌上的魚類都是居民親手釣回來的。在海水味的吸引下，我要了一客魚球飯。店員送來的是一碟黃立䱽飯，爆炒得很香，而且真系有陣陣海水味。本以為旅遊區的碟頭飯叫價要近百元，想不到埋單只要七十元。很化算！…查看更多

是日午餐（$55）凍飲（+$3）A 粟米魚柳飯份量比坊間好多茶餐廳大碟，飯多餸多汁多。魚塊仍食到香脆，粟米汁夠撈哂成碟飯。C 乾炒肉絲意同樣大大碟。即炒，鑊氣唔算勁但都有。味道夠，而且最正係唔油膩。…查看更多

兩年無去大澳見今日天氣幾好，所以同媽媽坐船來到大澳即刻搵野食醫肚先....行左幾間一係就唔岩食一係就無位，望望隔離呢間餐廳乾淨企理就決定食呢間，我叫左雜扒飯黑椒汁，媽媽就食雲吞烏冬麵，一杯凍檸水一杯凍檸茶，原來凍檸蜜一樣價俾她um左好耐....碟飯好快來到有一隻雞蛋一條腸一塊豬扒一塊雞扒，嘩好好食白飯夠乾身，份量好足夠見媽媽得4粒雲吞我就俾一半肉佢食，口口聲話減肥但又食哂，哈哈，下次會再來呢間食！…查看更多

前幾日（30/12/2021），與朋友們來大澳逛逛，行咗幾個鐘，有點疲倦，正想搵間茶餐廳，食番個下午茶，順便休息下，路過見這餐廳好多人等位，應該是好野嚟，又等下，等咗二十分鐘，終於有位。店內有好多張食品圖片，張張都好吸引，環顧四周枱面，好多人都叫炒飯及炆魚飯。四個人食，點了大澳蝦糕炒飯，一上枱，已聞到濃濃蝦醬味，飯炒得乾身，配料多，味道剛好，正。乾炒牛河，好好味，牛肉爽口，唔太油，勝過好多酒樓。炸水餃一打，剛炸起，餡料多，好食。另叫咗2杯飲品，埋單$209。…查看更多

好久沒去大澳度假了，今日下午又去這間食，看看廚師的水準有冇退步，叫咗個新嘢湯粗面，食牛腩。嘩個粗麵好爽，起碼唔會林啤啤，加埋生菜加埋蔥粒個湯底仍然咁好味，湯都飲埋，個粗面都幾大個夠食！牛筋腩好入味，都有趙口。叫個紅豆冰，夏日食過紅豆冰最夾，紅豆夠綿。大廚都仍然保持高水準。感恩…查看更多

又到午餐時間，今日好想食咖喱，但係唔想同隻牛有仇，放過隻牛一日先。叫咗星洲炒米，辣辣地咖喱香，當然有肉絲九黃青椒，蔥條，最緊要有蝦仁唔係細細粒嗰種，都差唔多一蚊銀咁大的蝦，米粉入晒味。大廚炒得好，炒得妙。食完辣辣地飲埋杯奶茶先。感恩多謝。…查看更多

下午茶3.3食咩好，卒之想到啦，食鮮油占多，全塊多士佈滿香厚冰凍牛油，一句到尾，咬落香脆滿足，牛油在口中溶化，喝一啖香滑奶茶，味蕾滿足。這一間最好食，用心去做食物比顧客。…查看更多

大年初二祝開年，大日子食過美味早餐，叫一個雜水通粉：通通有長有日日有。雜水即是有鮮豬肉有鮮豬潤有鮮粉腸，肉滑有口感。不是那些唔知冰咗幾耐的雜水硬實實。加上有紋通粉，無味精嘅骨湯，有紋通粉保留湯汁，入口Juice。感恩。加杯濃靚茶味奶茶，頂呱呱！…查看更多

今天早餐唔食丁麵，叫咗雙蛋火腿通粉，這個通粉要介紹吓啦，呢度嘅通粉係有紋嗰種，有趙口唔會太林太硬，剛剛好，嗰個湯底就好犀利啦，好甜冇味精味道一流，應該係用骨咬湯，之後唔會口喝。再加埋一杯有茶味的奶茶。感恩有能量的一天開始…查看更多

今天食乜好，更係要食豬扒包，大大個，用嘉頓長身鵝蛋形包，炕個包好趣，特別好食。有蕃茄生菜，最緊要係個醬汁味道一流，塊豬扒肉厚，有肉汁有趙口，這間店舖非常難得做一個咁好味嘅豬扒包，加埋杯奶茶真係非常享受感恩…查看更多

今天食了滑蛋牛河。好有水準好好味，餐廳廚師大廚手勢，牛肉啱啱熟，有牛肉味，滑蛋好滑，加了蔥粒冇得頂。價錢唔貴。河粉日日新鮮。不是雪櫃裏過夜河粉，炒起上嚟唔會碎濕濕，一嚿嚿，這就是廚師的功架，用心做看待食物，尊敬食物，所以我也食得很開心。飲埋杯熱奶茶就完美感恩！…查看更多

今次嚟到大澳就試吓新野，途經呢間餐廳見到有蝦糕炒飯於是就入去試一試。估唔到個蝦糕炒飯非常足料有叉燒蝦仁蛋花🍤等等嘅材料，而且米飯乾身唔會好濕，食落口仲有一浸蝦醬嘅味道，非常有驚喜😋😋值後一試…查看更多