民華餐廳

營業中

休息中

疫情關係困咗喺屋企好耐，終於有機會出去行吓街！喺園藝街買完花就去附近揾嘢食，二話不說去同老公拍拖時去過的茶記~ 以前民華俾我嘅感覺係集大成，即係點心店+澳x+譚x，總之就樣樣好食嘅嘢呢度都會揾到啦~哈哈！隔咗咁多年，餐牌無乜點變，以前嘅回憶番哂黎！今次我哋兩個人點咗一個肉餅盅頭飯、鵪鶉蛋燒賣同西多士補充吓體力。盅頭飯份量二人食岩岩好，熱辣辣，肉餅份量都多，雖然啲飯有少少諗，不過都可以接受呀，始終係蒸飯嘛；鵪鶉蛋燒賣喺外邊酒樓都未必有，但民華咁多年都keep到，仲要肉質好juicy！由於太餓，嗰盅頭飯同鵪鶉蛋燒賣未影相已經食哂嚕。西多士外脆內軟，落單時侍應會問我哋想要糖漿定煉奶，識食一定要點煉奶啦！食落唔會好油膩，夾埋牛油同煉奶真係一流（雖然好邪惡）！下次去開太子旺角一定會再幫趁！！

夜晚十一點行過門口仲未食飯，見到除左常餐，又有飯食，好吸引啵，原本想去前面嗰間康年食，唯有下次先啦，嗌左瑞士汁豬扒煎蛋飯黎食，原本雞髀🍗控嘅我係諗住嗌雞髀食，但今晚突然想食豬扒😚😚點知勁有驚喜，一上枱份量勁多，多多哇左下，新鮮炸起嘅豬扒完全夠三個人食，而且炸得好鬆軟，嗰皮好脆口，整體我好滿意，配埋瑞士汁，好夾，重點係啲醬汁會分開上，唔會倒哂係碟飯上，仲有隻蛋煎得好靚，橙色嘅蛋黃，令人食指大動😗😗

民華餐廳📍.呢間係E.L既日常飯堂之一💁🏻‍♀️雖然坐就坐得麻麻地舒服位置比較狹逼但佢地食物質素都ok架👌🏻最鐘意佢地既常餐同多士 真係百試不厭🙈.☀️常餐：蕃茄叉燒通+餐肉炒蛋+烘多士+飲品（早：$39/午，晚：$46）.炒蛋好滑好嫩 帶有淡淡蛋香🥚同牛油味🧈多士烘得外皮好脆 🍞但又唔會太硬 外脆內軟 另外蕃茄湯底都好好味🍅仲有好多舊新鮮蕃茄 蕃茄味濃得黎清甜🤤整體表現都好好.另外朋友都試過呢到既咖喱筋腩飯🥩聽聞筋腩炇得入味 咖喱味濃都好好食 有機會下次都要試下先得😋.人均消費：$46美味指數：😋😋😋😋😋😋😋（8.5/10）抵食指數：💰💰💰💰💰💰💰💰 （8.5/10）打卡指數：📷📷📷📷📷📷📷（6.5/10）.店名：民華餐廳 (旺角)地址：旺角通菜街153-159號華鴻大樓地下C及D號舖.

想食平同地道嘢食，所以我哋就揾咗茶餐廳啦！因為疫情嘅關係，入餐廳之前大家都要量咗體溫先。茶餐廳內部都算整潔同坐得舒服嘅。我點咗個常餐（鮮茄叉燒通粉、香腸炒蛋、即烘牛油多士、熱茶走），再同朋友分享咗份西多士。先講常餐，通粉湯底非常足料，茄味濃郁，令我意外嘅係叉燒仲有蜜糖味😛炒蛋炒得滑仲有啲甜味，再配埋即烘牛油多士好好味😋熱茶走同香腸就不過不失。再講西多士，可以配煉奶或者糖漿，我就撰咗煉奶！西多士入面無塗花生醬，但都超好味，甜味啱啱口又香口！整體我好滿意依一餐😆

前排出左旺角行街，已經好耐無咩出旺角，但係內街的店舖變遷都唔算是好多，都有部分係到，所以就揀左一間餐廳廳去食了，最後我地揀左民華餐廳。佢的menu選擇未算超多，但都唔算難揾到想食的食物，我地最後叫左一個叉燒煎蛋飯和咖哩雞飯。叉燒煎蛋飯配豉油汁，叉燒都叫ok，不過個樣有少少唔太似我地平時食開的港式叉燒，比較似日式叉燒，所以我覺得味道係ok的，煎蛋方面我個隻係荷包蛋，有少少流心，並非全熟，所以都幾正，味道都ok，不過我就覺得成個package加埋飯品5十幾，就未算太抵。而男友的咖哩雞飯都ok，啲汁唔會似連鎖快餐店咁好稀，只得辣味，所以都叫ok，但係同埋都有煎蛋，佢個隻就熟左，就無我個隻咁有少少半熟流心，所以都好睇個師傅手藝。以下評分以5⭐️為滿分推介⭐️⭐️

今日經朋友推薦黎到位於旺角嘅民華餐廳佢話呢間餐廳嘅常餐多士同奶茶由其岀名一入去見到人山人海坐無虛席餐牌上面有好多選擇同配搭我今日就簡左鮮茄牛肉通粉加午餐肉炒蛋配西多士首先講下佢個通粉 相當足料就不在話下 湯底濃厚之餘仲夾雜住天然蕃茄嘅酸甜味 食得岀唔係用罐頭湯 而個牛肉都十分嫩口 第二樣係午餐肉炒蛋配多士 本來我黎之前已經十分期待 所以一上枱就忍唔住先食左一啖 個蛋味好濃郁 而且炒得好滑 而個多士真係好好食 多士入面嘅牛油 有好重嘅油脂香食得岀係用左動物牛油 依加係外面都係以植物牛油佔大多數 價錢雖然會平啲 但係質素真係無得比今日天氣有啲熱所以叫左凍奶茶 啲茶味好香 但因為凍飲有冰影響左之後嘅味道 所以如果之後黎食推薦大家飲熱嘅~~~~~~~~~~~~~~~~~~~~~~~~~~~~~~有朋友經過開真係可以去試下 包你唔會失望

今日出旺角金魚街買魚，我喺呢度食嘢，叫咗個常餐，叫咗炒蛋餐肉、牛肉通粉同埋凍奶茶啲通粉份量可以多啲，佢都整得幾好，軟硬適中，牛肉佢份量都可以多少少，食落都唔會話好鞋，幾腍嫩。幾鍾意個湯底，湯底係有薑蔥嘅，呢個天氣食就非常之適合啦，食完暖笠笠多士搽左好多牛油，好邪惡啊，個包都幾腍，配炒蛋（幾滑）同埋餐肉食，真係一流呀凍奶茶唔記得小甜，以致覺得甜咗啲，不過飲落都唔錯讀大學嗰陣時成日都食民華，今次食返係幾有回憶嘅

自從搬走左無住旺角就少食左呢間茶餐廳，真係由細食到大。而家裝修左已經乾淨又整齊。所以今日出旺角經開花園街就走過去食下。自愛鮮茄常餐，有飲品添。一份常餐大大份，食哂夠哂飽。多士。炒蛋。餐肉多士即烘牛油味好香，食落外脆內軟。餐廳用厚多士，更加好味！炒蛋又香又滑，食落好有蛋味，少少creamy。餐肉較遜色，薄而乾。。。鮮茄牛肉通心粉蕃茄湯底好濃味好好飲！通心粉吾會一patpat，一粒粒好好食！牛肉都好多片又滑！真係好味到連湯都可以飲哂㗎🤣下午茶吾會好迫，可以坐卡位，環境舒適。職員都好友善有笑容😊

每次行金魚街我最喜歡到民華餐廳食飯， 佢哋嘅咖哩牛腩飯$50特別好食， 咖哩味香濃帶微辣， 牛根和牛腩非常入味，飯面層還有一隻煎蛋， 味道非常豐富。 今次試下盅頭飯， 叫咗一個章魚肉餅飯$29， 味道又唔錯喎， 份量剛剛好， 章魚肉餅好香， 仲有幾款不同的盅頭飯下次可以試下。 飲品方面有茶走$和凍啡少甜$13，民華的飲品都算有水準，無論奶茶和咖啡都做得唔錯。其實這裏的常餐和西多士都好好吃， 所以我經常都會到這裏吃午餐和晚飯的。👍🏻

在旺角做完運動打算行去花墟， 途中經過看見這間 “民華茶餐廳”， 中午十二點 前入座都不算多人，但十二點後陸續座位坐滿了，我首次嘗試這間餐廳， 這裏都有不同種類食品選擇，例如港式早餐，常餐，咖哩之類，還有蒸飯和點心，幾多元化， 價錢都合理。 我選擇了這裏的豬軟骨飯套餐，套餐包了豬軟骨和一隻煎蛋還有一杯飲品。 味道相當唔錯豬軟骨炆煮得很軟淋和入味，之後看見其他人的鳳爪排骨飯和早餐，賣相都唔錯， 這間茶餐廳都值得一試， 下次途經旺角又多一個選擇。

媽咪好鐘意食民華既多士，鐘意佢多士烘到卜卜脆，同埋夠厚！所以早餐經常陪媽咪食民華。\早餐食嗌一定係食多士，剪雙蛋，蕃茄牛肉通！\我最鐘意就係蛋同多士夾埋一齊食，例牌一定係煎蛋instead of 炒蛋, 因為夾埋一齊食有多士既甜香，又有蛋既鹹香！煎蛋一咬落去流心勁正，蛋黃流哂落多士到！\呢度既牛通有得揀蕃茄湯底，湯底好稠身，仲唔洗另外加錢！檸茶有好多片厚檸檬，試左媽咪杯奶茶又香又滑！埋單都係幾十蚊!\呢個香港經典早餐set真係食極都唔會厭！🤤 !

今日下午茶去左食民華餐廳。😀我叫左常餐，要蕃茄牛肉米粉，炒蛋配火腿，同即烘牛油多士，同埋熱檸水。☺️佢個蕃茄湯底好重蕃茄味🥳，比較濃郁完全唔水，仲會有幾件蕃茄肉🤤。牛肉就一般般，冇咩牛味，仲要比較有咬口😅。米線配蕃茄湯係唔錯既選擇，因為米線會吸曬 d 蕃茄味，正👍🏻！個炒蛋幾滑，都幾 creamy🤘🏻 ，而且色澤唔錯，可惜冇咩蛋香味🤔。個多士係烘底，兩件都好厚，每件應該都有1cm🤩。多士夠香脆😋但係唔夠熱🤨。佢都塗左唔少牛油先再烘，所以幾香同幾重牛油味😝。佢個火腿冇咩特別，有烘過不過上到檯就唔熱，比較一般😟。整體而言，蕃茄湯係唔錯既😉，但其實就好一般，只可以話係比一般茶就好少少😕。可能本身我對佢既常餐有一定既期望，但係出到黎既水準唔算太高，有少少失望😔。

香港地道嘅茶餐廳好多，但係令我深刻印象佢真係冇乜幾多間，其實茶餐廳最令人深刻嘅就係一啲普通嘅菜式，好似奶茶咖啡常餐，甚至一個好普通嘅雪菜肉絲湯米，民華餐廳成日都會有一啲新嘅款式推出，最近我去食仲有買點心食添，去嘆住一杯凍奶茶，嘆點心，十分之過癮當然重點就係佢嘅常餐啦，食茶餐廳唔識常餐真係差緊啲嘢咁，佢哋嘅常餐落足料而且食落唔喊，已經好過好多，最鍾意就係佢哋嘅叉燒，厚身唔硬，正呢！西多士，大大件，厚身美味，十分本港風味

陪同事去太子買魚糧，突然下起雨來，同事說找地方食埋飯先，行到近旺角見一茶餐廳，入面座滿客人，抬頭一看，是民華餐廳，櫥窗貼了不少食物圖片，有中式點心、蒸飯和粉麵，西式常餐、飯和三文治等，同事說種類不少，總有一款岩食，入座去吧！餐廳座位多以卡位為主，地方清潔乾淨。常餐都好豐富，從圖中ABC及飲品中各選擇1款。A項有九款餸選擇，還可以選通粉或米粉或麵。B項有四款，腸仔、餐肉、蛋有不同配搭。C項有二款選擇，牛油方包或即烘牛油多士。飲品是咖啡或茶，凍飲加3元，特飲補差價。我叫了义燒通粉，义燒份量都很多，味道香甜，炒蛋好滑溜，煎午餐好香口，牛油多士即叫即烘，口感香脆。特飲紅豆冰，紅豆起沙又香甜。秘製豬軟骨飯，豬軟骨又林又入味，醬汁好惹味，飯另外上，上面蓋有一個荷包蛋，將醬汁淋上蛋面，之後連飯混合一起食，又滑又好味。試試餐廳的點心，鵪鶉蛋燒賣，燒賣D豬肉彈牙，配鵪鶉蛋的蛋香，好好味！食完晚餐想食D甜品，就叫了西多士，剛炸起的西多士已切件，並放上一塊牛油，呢間餐廳有糖漿和鍊奶，個人比較喜歡糖漿，可以由細食到大，先入為主，覺得特別好味！

宵夜想食清啲 叫左魚湯魚蛋河朋友叫左個糯米雞嚟到嘅時候，有啲驚喜，估唔到有炸魚皮係度諗緊已經凌晨2點，會唔會好林點知食落去，勁脆！誇張！啲魚蛋好有魚味同好彈牙個湯有魚味，但唔腥朋友叫嗰個糯米雞，我唔記得影相不過好抵食個糯米雞好大個，內面嘅雞係雞翼味道剛好，唔會太咸，唔會淡而無味價錢都親民，都係around 40 唔洗加一唔限你坐幾耐，無最低消費服務員都幾好態度