民華餐廳

營業中

休息中

十一點前便宜d，趕得切！食開呢個薑絲牛肉通心粉，今次轉米粉。見得到的薑絲，啖湯有薑嘅辣味，飲完幾暖身，牛肉偏腍，米粉份量都算多。另外有雙煎太陽蛋加多士（自由配搭），蛋黃汁加牛油多士一齊食，正呀。最後點少得杯醒神咖啡，唔細杯，夠飲。

天寒地凍又落雨濕濕近近哋唔想行咁遠 就去咗民華度食下午茶 平時都係去開呢度食早餐 因為佢嘅常餐真係好出色 特別係有薑絲牛肉通揀下午茶常餐就同早餐一樣價錢係40蚊朋友就揀咗佢嘅薑絲牛肉通粉 炒蛋 腸仔熱奶茶 而我呢就揀咗西多士配熱奶茶因為今日得八度 姐姐好快手咁先畀咗兩杯熱奶茶我哋暖一暖個人 真係好窩心🥰喺朋友食到一半之時 西多士終於都到啦睇得出係即叫即整 新鮮 外皮金黃色好吸引 仲有個鮮牛油喺面不過！ 呢度嘅西多士係冇餡嘅 即係冇花生醬 佢只係一塊點咗蛋漿炸嘅厚多士🥲

新年營業時間今日同女朋友去shopping day先同女朋友搭MTR去咗太子食個早餐先周圍行咗一陣 最後去咗民華食啦民華餐牌就無乜點分早餐午餐晚餐嘅全日嘅餐牌都係咁嘅款咁我同女朋友就分別點咗一人一個碟頭飯嘅叉燒煎蛋飯 $55叉燒好一般下都唔算係好食少少硬蔥油豬扒煎蛋飯 $57個豬扒煎得麻麻地 比較油同埋膏位都比較多蔥油佢係分開上嘅分開巿個好處嘅自己控制到佢幾油嘅而個飯就一般般 冇乜特別兩杯茶記質素嘅餐飲總括黎講呢個價錢 對呢個質素 算係一般般啦

這是第一次光襯民華茶餐廳，估唔到魚旦河湯底無味精，又有魚旦魚片頭同炸魚皮，好驚喜喔！仲有塊紫菜，唔食牛肉的我表示個蕃茄通的通粉十分索汁，好想再食佢既通粉，開心🥳希望病好可以再食民華其他食物😋

常餐通常啲人都會留意碗麵丫，滑蛋。但我反而最深印象係佢既烘多士！即烘脆面，麵包又軟熟，最緊要係成片好均暈咁搽左牛油，仲要因為烘過既熱力牛油溶返入烘脆左既麵包入面，極級邪惡！佢個滑蛋都炒得好滑，又有啲蛋香跟餐主食有一碗蕃茄叉燒通粉，叉燒浸左入蕃茄湯入面，無晒啲焦脆感，而且都幾薄下，蕃茄湯有隻唔係好天然既甜味，雖然有加新鮮蕃茄，感覺都同係一般，可能叫返沙嗲牛會正常啲凍奶茶中規中矩，奶味茶味都正常發揮。

以前係旺角番工成日都食民華餐廳貪佢快 · 靚 · 正✔️閒日10點左右到都要排一排隊·♡ 鮮茄牛肉通粉（$40）配炒滑蛋/腸仔同烘多士ღ牛油多士烘到脆身🍞我鍾意食多士加沙糖甜甜地加埋牛油🧈既咸香即刻變得邪惡左😈但真係好好食ღ炒滑蛋好嫩滑 · 但無咩蛋香味而腸仔係白恰廚師腸ღ茄牛通蕃茄味濃郁 裡面仲有粒粒蕃茄蓉🍅牛肉4-5小塊 不得不讚佢地既通粉係細粒窄身既通粉食落唔會淋petpet 仲會有少少🤏🏻Q彈♡ 五香牛筋腩湯河（$39）朋友唔想食通粉 · 叫左個粉麵上枱聞到好濃五香味朋友話湯底好濃而飲左幾啖都無口乾牛根牛腩炆煮到入味試左牛腩炆到軟腍而不失咬感♡ 凍檸茶（+$3）茶味唔濃檸檬🍋切片太薄督完都無咩檸檬味坐位唔算擠迫而調味料餐具收藏係枱既櫃桶裡面

係旺角做左咁耐野一直都聽聞呢間民華餐廳幾高質可惜成日午市都大排長龍今日lunch 經過竟然無咩人排隊但因為裡面爆滿都等左一陣不過見店員佢地turn枱都好快手腳叫左個五香牛筋腩湯河（$39）用手握碗上枱個感覺幾得意但實用性唔高湯底好濃郁好香五香味飲左幾啖都無口乾而牛根有2大條 食落軟淋超級漿口牛腩炆到入哂味牛肉味幾濃 軟淋得黎又有嚼感而河粉係幼身河粉唔會一夾就斷哂凍檸茶（+$3）茶味唔濃 · 檸檬切得太薄似凍茶一杯一路食都覺得間野好旺場阿姐執野入枱都好快手我食野真係比較慢但阿姐都無催我🤭

今日帶仔仔去金魚街行吓，經過民華餐廳，以前食過的，今日就同阿仔入去醫肚。我自己叫咗個常餐，揀咗沙嗲牛肉通粉，腸仔炒蛋,即烘牛油多士，熱奶茶。沙嗲牛肉通粉份量都幾多，牛肉都有十件八件，牛肉好淋，通粉都jiqQQ，沙嗲味濃，不錯不錯。腸仔就味道正常，炒蛋都幾滑，牛油多士都幾脆，杯熱奶茶都幾香滑👍！仔仔叫咗蕃茄焗豬扒飯，佢話幾好味，嘴刁嘅佢都成個食晒！不過呢度啲侍應啲態度麻麻，不過冇辦法啦，茶餐廳人來人往，正常的😆。

民華餐廳的常餐很出名從前第一次來的時候吃過就覺得美味超值一個常餐包括一個麵、煎蛋或炒蛋加餐肉或腸仔、多士、一杯熱飲（凍飲加$2），才$41，而且食物飲品配搭多、味道又恰到好處但這次來確實有少少失望：🟢餐枱抹了也有好污糟既食物漬，不夠乾淨🟢烘多士加了$2要煉奶，但係煉奶很少🟢凍奶茶似係溝了很多水，奶味及茶味很淡但其餘食物也保持一貫水準：🟢沙嗲牛肉麵的沙嗲牛肉夠多，麵不會淋🟢炒滑蛋夠滑夠份量希望下次再嚟既時候，衛生情況同食物質素有所提升

民華茶餐廳係旺角企到咁多年，一定有佢嘅原因嘅，超愛港式早餐嘅我，梗係單拖都食下啦。佢哋主打常餐類，都有飯同點心嘅，但常餐呢啲看似簡單但有心同無心可以好大分別。餐肉厚厚煎到有啲香口炒蛋都合格嘅，我就覺得冇乜蛋味，多士唔錯呀，最緊要有啲燶燶地，佢厚得黎又唔會太大片，食落都唔錯，沙嗲牛肉通個沙嗲牛肉唔錯，應該用過心機研究，沙嗲味幾香，唔會好似舊式茶餐廳咁，又難咬個味又假，通粉就硬左少少，凍檸茶都唔錯，起碼啲冰唔會融到冇咗

平時去茶餐廳諗唔到食咩 就會食常餐佢個蕃茄湯好濃 唔酸唔甜 岩岩好甜酸適宜火腿又夠大方 唔似平時d火腿幼到牙籤咁炒蛋有蛋汁又夠滑 個多士仲要脆脆地杯阿華田都好出色 平時飲個d真係水多到粉又少 飲兩啖都想嘔 不過呢間完全無呢種感覺 個阿華田好正

看見門面裝修不錯於是試下，點知中伏，首先上飲品速度奇快，1分鐘就到，要加13蚊的凍飲，但不是好大杯。叫咗個蔥油豬扒，d豬扒用梳打粉乸到好林，食唔到肉紋質感，好似食緊棉花糖，咁都叫招牌

佢地個常餐都係好食的，有時可能有啲失準，但係整體都係好食的。服務都算ok，其他未試但見其他人啲野食都唔錯，下次去可以試下其他野食，下午去可能要等，但都好快有位。

🌖 Thick Butter Toast with Condensed MilkThick butter toast is one of the cha-chaan-teng classics. That toast has met my baseline requirement for a thick butter toast - butter in every corner! I guess no one would actually like any empty plain corner, right? Yet I would prefer the toast a bit more burnt and crunchier for my personal liking. 😛 🌗 All Day Set - Beef Satay Soup NoodlesAs for the beef satay soup noodles, it is what it is. The broth is quite clear, not very strong in flavour - again, r

#旺角 #民華 #常餐 好味#沙嗲牛肉麵 個#沙嗲牛 好濃味，花生味重，同甜甜地同少少辣，正#炒蛋 好重蛋味，亦都炒得啱啱好，蛋汁夠多，，好味圖中係兩份炒蛋嘅分量#雪菜肉絲米 連湯底都有雪菜味，雪菜分量都好多，不錯不錯味道: 7/10味精: 6/10價錢: 9/10環境: 6/10服務: 6/10#vinainmongkok #vinafood #sataybeefnoodles #sataybeef #scrambleegg #preservedpotherbmustardandshreddedporkwithricenoodles #preservedpotherbmustard #regularset #hongkongcafe #hkcafe #hongkongstylefood #hongkongfood #hongkongcusinie #hkfood #hkstyle #foodporn #foodie #hkfoodie #f4follow #f4f #likesforlike #l4l #l4likes