民聲冰室

營業中

休息中

民聲在大坑已經好多年，一直鹹蛋蒸肉餅都是最出名的，今次來吃他的午餐，order鹹蛋蒸肉餅，叉燒韭黃炒蛋，手撕雞，估唔到手撕雞係最好，手撕雞加了好多芝麻同鹽焗雞粉，好惹味，如果喜歡爽口鹽焗雞腳，值得試，叉燒韭黃炒蛋啲蛋都好嫩滑，至於鹹蛋蒸肉餅，就冇以前咁多肥膏，相對來講都冇咁可口，平均$60一份午餐，抵食

一直很喜歡民聲的肉餅飯 是其他店無法比美的 點知。。這次的肉餅飯，很令人失望。肉餅質感似是未熟，咬在口裡忍不住要吐出來。整頓飯都沒有吃過肉餅，幸好有個菜送飯。是不是。。換了廚師？真的很失望叫了個肉餅飯，一個菜，兩個飯，兩個凍飲，差不多要$300。。記得之前這個份量應該埋單最多都是$200。。民聲肉餅飯，變質了😥😥

打完Program見肚餓, 所以去左大坑食晚飯。途中經過呢間茶記, 見佢咸蛋蒸肉餅竟然夠膽收成88蚊, 所以入左去試下。點左呢個肉餅加碗白飯。 意外地幾好食。個肉餅肉同一般肉餅最唔同ge係 佢無乜用肥膏去造, 但竟然做得到Q彈效果。 絕對係心機之作。 而另一樣要讚ge係佢個鼓油係有Tune過, 同個肉餅好夾。總括而言,呢間ge肉餅水準好高, 下次會再黎。

近排係銅鑼灣返工，中午嘅時候，同事帶我去試係大坑好出名既民聲冰室。我哋大約12:15到，等左十分鐘就得入。鋪位入面唔大，得四五張枱，座位唔算多。所以建議中午時間要早少少到，預時間等位。中午的話，一個餐包餸, 飯同飲品，呢一區黎講，價錢都算抵。叫左黎呢度一定要食嘅鹹蛋肉餅飯，再加個手撕雞。鹹蛋蒸肉餅($50)建議加少少鹹蛋同豉油擺落肉餅伴飯食， 淡淡的鹹蛋香伴飯，令人食指大動。客家鹽焗手撕雞($68)手撕雞用左芝麻同芫茜，所以唔好芫茜嘅朋友就唔建議叫。 手撕雞略嫌有點鹹，味道較重，會適合伴飯多啲。民聲的飯份量比較細，如果唔夠食的話，可以加六蚊要多碗。

已經光顧左超過10年嘅老顧客，睇住佢由金字塔肉餅瘦身成為比薩斜塔肉餅，但價錢不斷加，雪藏豬肉味更加係一試難忘，十分概嘆。最可恥的是一份秘製蒜蓉豉油汁豬扒飯，整塊豬扒是酸的,酸的程度可以媲美<Sugarlemon> , 我問太子爺‘為何品質是這樣？’他說：”我這塊豬扒是新鮮不是冷藏做的，加上用了天山雪蓮的蒜蓉腌製了兩日，所有精華都散發豬扒上，極之入味，所以「酸」是對的’ 真是不敢想像如果這是外賣客人拿回家之後會覺得個豬扒的酸是壞還是什麼呢？鑒於以上概念，個人建議餐廳可以考慮推出豆腐花，因為是出名「臭」的，有睇過007的你便會懂我的見證著民聲的興衰，我想係時候要見證一下他的未落。

聞名已久的一間餐廳, 尤其是那個咸蛋蒸肉餅, 有次想來試, 但當時舖頭正在裝修, 今次再在大坑附近, 就即刻決定去試~三個人點了一份必試的打卡小菜 - 咸蛋蒸肉餅, 一份蒸魚, 一份雞扒, 全部都很入味, 送飯一流, 價錢又合理, 難怪小小的店舖, 食客不斷, 家常小菜, 健康美味, 咸蛋蒸肉餅賣相尤其吸引, 見到都立即胃口大開~

落雨細濕，唔想出去食lunch咁麻煩，所以今日用外賣apps叫左民聲冰室既"客家鹽焗手撕雞配飯"。唔駛特登去大坑先食到。本身想叫呢間餐廳最出名既肉餅飯，但佢好早就已經賣哂，唯有試下手撕雞啦。首先，肉同飯個份量比例係一半一半，啱哂我呢d中意食餸多過食飯既食肉獸。味道方面，雞肉都幾滑，而且夠淋又唔肥，只係略嫌咸左少少，食完都飲左好多水。整體黎講，份量夠，味道唔錯，值得推薦，更加希望可以試到佢個肉餅飯。

去親大坑食飯每一次都會首選民聲冰室如果佢冇咩人等位我都會選擇食佢因為佢嘅嘢食係真係好好味今日好好運一去到竟然冇人等緊位仲唔一枝箭咁衝入鋪頭咩一行三人叫咗四個餸叫咗個金字塔手撕雞手撕雞肉質嫩滑有好多芝麻醬汁剛剛好同埋份量都唔算少必食推介金字塔肉餅不過今日呢個肉餅變咗比薩斜塔😂😂😂雖然外觀上唔夠靚但係依然冇減少佢嘅好味程度同埋佢啲豉油拎嚟撈飯真係超級好味今次叫咗個椒鹽豬扒我覺得呢個就差小小啦整得唔夠鬆軟仲叫咗個豆豉鯪魚油麥菜本身想叫豆苗不過已經賣晒啦食完大約八點幾就開始超多人等位啦

係銅鑼灣返完church 突然想食鹹蛋肉餅ᴴᴷ$88，就決定行過去大坑搵食。之前係呢間冰室食過馳名的「肉餅山」，今次當然叫返， 依然好味，肉餅混和了肥瘦豬肉，鬆軟得黎又不失黏彈的口感，大大粒鹹蛋黃好好味，豉油略嫌有點太甜， 食完成座山後有點膩。😂😂食肉餅當然唔可以無飯，所以叫左兩碗白飯ᴴᴷ$8ˣ2。另外，也order了馬拉盞通菜ᴴᴷ$78，味道夠香濃又唔會太辣。

之前叫過一次PLUM，個時同事已經叫我唔好嗌，話間野好污濁。第一次叫外賣冇乜特別話難食。夜晚同女朋友行經大坑，我見OPENRICE有推廣，就走去食多次，一坐底唔對路，成間野舊唔係重點，舊得黎好污濁，開放式廚房個個係地下整野食，整完拎番出黎，蚊蟲周圍飛，冷氣機又係咁滴水，滴到成頭都係水，差D滴落飯度。睇MENU ， $88一個肉餅唔包飯(飯既你自己加錢啦)，咁如果好食既都冇所謂啦(我出CWB去間坐得舒舒服服既餐廳都$100啦)，一菜個陣WTF，肉餅紅紅地既，生生地，食落又成口粉，一定落左唔知咩粉去溝，食到一半已經唔想食。食左唔夠20分鐘(等左10分鐘上菜)，個老闆已經係咁趕客，未食完就想趕你走咁，又話你食得慢掛住傾計，個下真係HAND左機。走左之後女朋友個胃開始頂住頂住想嘔，懷疑豬肉唔新鮮。呢個世代咁多致命傷既餐廳都仲未執好難得。如果你想去一間殘殘舊舊有蚊有蟲，有冷氣機滴水，食唔夠一陣比人趕你走，食完想嘔既餐廳，你一定要黎民聲試下！

之前男朋友外賣過招牌肉餅山話好好味，所以我地決定去試下堂食晚餐，點知去到見到環境已經唔開胃。。鋪頭兩邊門口打開令蟲蟲都飛到入尼，鋪面望入廚房又污糟，坐坐下冷氣機仲滴水落我個頭度😖 但都唔緊要，食冰室你估食環境架？最緊要係食物！我地叫左招牌肉餅同菜，肉餅新鮮蒸起，尼到熱辣辣，都幾好食、軟綿綿，但豉油偏甜。點知！食食下我開始肚痛，有反胃想嘔嘅感覺😨(而我晚餐前四個鐘都冇食過其他野)我心諗「係咪食得太飽咋？」，但我地兩個share，嗰時先食左半個肉餅，都未飽🤔～～我再諗「唔通係食得太快？」，都唔會呀🤔～～ (題外話：食到尾聲外面有人排隊，老闆叫我地坐埋一邊，我地話差不多食完啦，一分鐘內走得架啦！點知老闆話我男朋友同我傾計，先搞到我食得慢🙄🤷🏻‍♀️)我地食完返到屋企，我仲係又肚痛又想嘔，好辛苦～ 諗住扣喉嘔，又嘔唔出😭😭 最後我勁飲暖水再去痾先舒服番啲。。。不過我男朋友又冇事喎🤔🤔 可能係我脾胃唔好，再加上肉餅處理上可能有問題，搞到成晚唔舒服😞 結論：一定冇下次🤷🏻‍♀️

大坑那裡泊車很方便, 我跟女友經常來其中一間我倆的至愛必數民聲冰室, 不過我們都很怕排隊 間鋪很小, 只有10個左右的位, 有時會偷偷擺枱出去 , 更多時間是在門口好天曬落雨淋所以我們每次都會在深夜就收爐前去食, 一定冇人同我們爭 這個是她必叫的菜 - 咸蛋蒸肉餅肉餅都整得很碎起膠, 所以可以很型地蒸到一座山出來, 而山頂的咸蛋真的是精髓, 配上豉油, 調出鮮味的肉香 我們次次都會因為這碟而吃上兩碗飯! 很誇張!

其實呢間嘢都開左一段日子, 但始於冇機會食到. 咁岩有一日放假又唔想諗食乜, 結果就走左入去試下!霸皇花豬骨湯 - 一坐底就有人拎左好大碗霸皇花豬骨湯嚟, 一睇就知足料而且味道都唔錯 飯聚的相片 - 紅磡蔥油雞 - 雖然望落去好似好細碟, 但其實分量都唔少. 而雞當然係凍鮮的, 但煮得唔會好老,加埋個蔥油汁送飯一流

很久沒有再到過民聲冰室，趁周末到維園游早水便再來大坑回味一番。周六中午的民聲，令我嚮往的是一種悠閒寫意的人情味，伙記閒聊著，不知是不是老闆娘的小兒子，小胖子「店員」為我們送上餐單，很久沒見過這麼乖巧可愛的小學生。店外因食環條例已經不能在外放枱讓客人進食，只剩下店內位置。先來兩口凍奶茶，香滑濃郁，奶茶永遠是港式茶記好。山形肉餅是我永遠到民聲的「鐵膽」，咸蛋黃鬆軟帶油香，肉餅的鬆軟度恰到好處，肉汁鮮美，送飯的首選，就連我節食要減飯量都一定要配飯吃。新嘗試的呷醋雞，份量很足，帶蒜香，配以醋和少許辣椒拌起的冷盤，夏天進食非常合適，開胃必叫，我們連生菜也吃掉。冰室水準依舊岀色，會繼續支持。

可能係全世界最正的鹹蛋蒸肉餅！😍民聲冰室超吸晴招牌肉餅塔😛Fullfoodie緊係要慕名一試啦～😎 招牌鹹蛋蒸肉餅 🥚 ($69)一上枱嘩嘩聲！好誇張呀！😳好似比薩斜塔上面放著鹹蛋黃😂賣相吸睛度爆燈！👀 原來大廚係用人手將五花腩剁至起膠🙏🏼增加硬度形成「肉餅山」🗻果然非常考功夫呀！😮 肉餅入口軟滑而鮮嫩☺️豬肉肥瘦佔半不膩👍🏻口感juicy絕對唔會乾！💦配上不會過咸的特製醬油🍶鹹蛋吊岀肉汁鮮甜🐷真係又睇得又有內涵呀！😛