每日

營業中

休息中

朋友係全素食者🥦🥒 佢話要帶我去尖沙咀食素食🥒🥦自助餐， 但其實好多年前， 坊間都有唔少素食自助餐😌 初時並不覺得吸引😆 但， 點知， 「每日Everyday」， 環境裝修比一般素食鋪靚， 又舒適， 啲菜式種類多到不得了， 最重要係， 呢一樣真係要讚， 佢哋竟然完全冇用任何假素肉， 全部天然食材原材料， 夠晒健康👍🏻👍🏻 由於菜式實在太多， 我都已經盡量試， 每樣少少， 但最終有一半茶式係未試， 太飽😅 要留待下次😁

一再回頭的素食自助餐廳「每日」，我喜歡它環境和食物同樣清新，一點不土氣～這間位於尖沙咀的人氣素食自助餐餐廳，最平時段只需$68任食各款素食頭盤、沙律、熱盤、炸物、湯、甜品和飲品，款式多達數十多款，必定有菜式合你胃口！我就係假日的下午茶時段去的，最好提早book定位，假日客人都多，餐廳坐滿人。最喜愛吃新派菜式：花生脆蘋果🍎、焗番茄🍅、還有楊枝甘露、香煎藕餅等等。一定會有食物啱胃口，同埋食到飽飽先離開～

取了消費劵，呀小弟就話要飯聚... 卻說農曆七月要食素喎 (時運高些嗎？哈！) 又指明近工作地點.... 哈哈openrice搵到「每日」【$88 素食放題*】評友相片望落尚算吸引，試試佢啦！*75分鐘咋 冇加一店舖位置唔算起眼，但都OK方便平日午餐時間，訂左1點...12:45到，嘩嘩嘩！巧多人；前面walk-in客冇訂就冇位嘞。食物真係好多款，呀咀尖小弟話平均有水準中西熱素 冷盤 湯水甜品 飲料 連薑醋都有我冇逐樣拍嘞 (可參其他評友食物相片）個人欣賞：客人要將用過的餐具放到回收處，沒有服務員幫你收杯碟啊！又有手套供應，衛生嘅“樓面”只見2位亞姐，忙到甩轆... 總結...$88 冇加一食75分鐘，食物質素OK，坐得逼囉服務唔講得有,但2位亞姐有問有答咁啦咁嘅價錢： OK →好評

帶著嫲嫲去找「素」😏嫲嫲有返咁上下年紀 有咩未食過😅食飯多過我食鹽係無錯既太多肉佢食唔落架啦🤤所以今次特別少少帶佢去食素呢間已經食過三四次每次都食到好飽好滿足😝❤️排名不分先後：蓮藕餅反沙芋綠茶芋泥餅花生脆蘋果黑椒薯仔酸甜油炸鬼南乳素粗齋楊枝甘露💫自助餐有分時段，歡迎先預約。💫食物選擇多，補充得快，熱食亦夠熱。💫以前提倡一人只用一隻碟，現時要求每次取食物都要使用新碟。💫餐具乾淨整齊，唔會濕漉漉。💫每次取食物必須戴口罩，及用食物夾的手需戴上手套。

邊個話食素就一定悶，喺尖沙咀呢間喺山林道嘅每日就可以唔係，唔使好似啲傳統齋鋪咁悶，有好多款式，沙律，豆腐，熱食， pizza，甜品，蛋糕，雪糕。。。個人最推介佢胡椒湯，熱辣辣，唔使豬肚都好好味斑斕蛋糕軟綿綿，又唔會過甜，仲有綠豆沙，好過唔少糖水舖已經食過好幾次，環境衛生，如果大家有興趣食最好book位先，因為都幾旺場

款式選擇多，味道ok, 店員服務態度良好，食物經常refilled. 另外店內供應抗疫用品充足，店員亦會溫馨提示客人取食物前記得先帶番口罩及手套，令在場客人食得安心D。味道方面，多款炸物都ok, 薑醋蛋入味，yummy 😋花生蘋果脆片好清甜，炸籮白糕，脆豆腐都好味; 至於味道麻麻嘅係青蘋果紫薯波波(淡咗D)，斑蘭蛋糕唔甜，還有幾款熱盆是微暖，唔夠熱，這點有待改善。呀！差點忘記講埋奶素雪糕🍨🍨，我試咗沖繩海鹽及菠蘿椰子，香滑好味👍

蔬菜很新鮮，款式很多，有唔同的炒，煮，燴等煮法，有pizza 味道不錯。有楊枝甘露，但味道一般，沒有什麼芒果成份。這裡的沙律挺好味，店舖很光猛，所有東西都自助，食淨要自己分渣同汁倒去，同分開餐具處理。

呢排經常出街食飯好heavy，朋友問我生日飯想食咩我已經諗唔到😅反正呢個朋友成日話要減肥，就決定同佢試下呢間好出名既素食buffet～好彩預先book左位，平日六點半去到已經差唔多成場full晒，果然西利！😯疫情關係每次出去拎食物都要換新碗碟同帶新手套，衛生OＫ～食物都幾多選擇，有炸物區，沙律區，水果區，熟食區，甜品區，飲品區～廚房有員工keep住出黎望住有咩食物無晒就會refill，唔錯👍🏻由於turnover高所以炸物都好新鮮熱辣👏我自己無乜食沙律，水果同甜品，我食過既就比較推薦以下幾款：蓮藕餅：非常有口感～椒鹽豆腐：皮薄，椒鹽好香，豆腐夠滑～黑椒薯仔：乾身夠淋，外層香脆，黑椒味重，微微甜甜地蜜糖味😋涼拌青瓜仔：好得意爽口，好少見青瓜仔，涼拌岩晒呢啲天氣～蒜蓉粉絲蒸冬菇：幾惹味，冬菇juicy😋檸檬薄荷水：薄荷味幾突出，清新👍朋友試左眉豆湯話幾好飲，佢仲試左cocoberry奶素雪糕既沖繩海鹽味，咖啡味同玄米茶味，竟然三款都話好食，我超surprised！因為呢個朋友對野食要求都幾高😂整體黎講我覺得炸物最出色，熟食同甜品反而唔太特別，款式幾多，refill得快，值得試👍

同學生日，要求吃最近流行的素食自助餐，反正我對肉類可吃不吃，就上網找了一家近，在尖沙咀山林道。地點對我是方便至極，馬上訂位。 餐廳名稱「每日」，名字跟店內裝潢都是走文青路線，有種和諧、有種溫暖。場內滿座，場外要排隊，食物區走一圈都看不完，是來對了地方。食物方面，冷盤、熱盤、中式、西式、煎的、炸的、焗的、烤的，甜的、咸的，全都有，看照片必定會找到合你胃口的心水。款式太多，根本無法全部菜都試過。我推薦幾道菜必吃美食。 1)自助沙律吧 - 蔬菜新鮮，水果香甜美，有很多菠蘿、蜜桃、椰果、粟米等等，總之我最喜歡的配料都有。2)焗芝士蕃茄 - 焦香的芝士和厚厚的蕃茄，感受到蕃茄汁大爆發。3)薑醋雞蛋 - 沒有加豬腳反而令薑醋有清爽的口感，雞蛋入味，手入全晚最後的一顆，幸運！4)麻辣雪榚，有花椒味，非筆墨能形容，奇妙但又不錯吃。

咁啱行過山林道 知道附近開咗好多Cafe諗住扮吓chill~ 🥰🥰.見到有間日系喺裝修 行簡樸路線比佢裝修吸引左 行近一睇😯😯😦原來係素食自助餐😍🥰有驚喜～ 試試先.先付款 再自助取食物店舖都好注重衛生 取食物時要帶返手套🧤我地假日下午茶 $88一位價錢都可以😎對得住食物質素同埋有好多選擇😜.水果：西瓜🍉、哈密瓜🍈甜品：紅棗糕、薑汁糕、班蘭蛋糕、綠豆沙飲品：雪梨水、蘋果水（飲品味道偏淡）湯🥣：黑椒豬肚湯 （黑椒味好濃）.仲有好多熱食 當中最仲意黑椒薯仔🥔同炒蘆筍可能我哋未得比較晏 所以食物都得返好少但都係夠食既～ 只係唔太夠熱下次會再早啲去 清清腸胃🤪

➡️位於尖沙咀山林道嘅 素食餐廳 長期都好多人幫襯👨‍👩‍👦‍👦 要提早訂枱👍餐廳比較少座位 會坐得有少少逼  當時係星期日午市限時90分鐘  因比較多人等位  好多人都喺門口排長龍 超時的話 店員會過嚟提你食物款式繁多🍆🥬🍄🍰 有前菜 熟食 炸物 沙律🥗 炒粉麵飯🍚 翠綠時蔬🥬  糕點 🍰飲品🍹脆炸椒鹽豆腐 好惹味🥰 外脆內軟 炸春卷 好脆口 🍆茄子好濃郁  撈飯一流 🍚自家製糕點好健康 👏低糖不太甜 😋出面食唔到 👍最鍾意食斑蘭蛋糕💚 好鬆軟😀會Encore❣

友人推介呢間素食自助餐好食，搞到我好想試下有幾好食！今日一行三人～6點去到入座，用餐時間90分鐘$138人唔算特別多，拎野食既時候都係舒服嘅！食物種類真係算多，而且幾特別！味道都令我十分滿意！好多樣野都令到我有驚喜呀！平時食齋食完感覺會有啲油膩嘅感覺，而呢度反而係食完覺得幾清新～由於唔係太肚餓，有啲野我係未試架～唔緊要啦，試唔晒先會有下次呀嘛！下次，想食素食既某一天，一個人就好。整體評分：⭐️⭐️⭐️⭐️最新最快既食評請follow👉🏼IG: f.nbreak

平日晚市素食自助餐90分鐘$138/位安排入座時店員有溫馨提示取食物時要戴口罩及使用手套，另外亦請客人每次換新碟。食物選擇好多樣化，有沙律，前菜小食，炸物，熟食小炒，湯，糖水，糕點，水果，粉麵飯及冷熱飲，當中西式餐點，飲品及甜點有唔少選擇。首先要推介水餃，配埋個餃子汁好好食！我諗我食左十隻！之後我覺得椒鹽豆腐都唔錯，但要趁新鮮出爐去夾，因為熱辣辣內軟又滑，正！食物選擇有幾款挺特別的，例如涼伴青瓜苗，外表似秋葵，但口感有少少爽脆。酸辣泡蓮藕帶亦是第一次見，酸酸地幾開胃。花生脆蘋果是薄片蘋果塗上花生醬及花生碎，幾新鮮的配搭。反沙芋這種潮式功夫甜點亦不常見，不過一咬就成塊糖掉離芋頭...其他食物唔算特別出色，但楊枝甘露，香蕉拔絲，Pizza等都唔係素食自助餐常見食物。食物選擇有近百款之多，難免有些不合自己口味，我覺得碗仔翅太稀，漢堡包的芋泥有點怪，糕點味道唔係好夠味，口感亦一般。至於本土製造的素雪糕，培茶味不錯，沖繩海鹽味真的太鹹！麻辣味淡淡定滲出來，幾正！

🇭🇰每日·之前我有朋友推介呢間既齋buffet好好味 所以我地就黎左😎·素食自助餐$138佢呢度野食既選擇真係好多 不過就唔係樣樣野都咁出色咁🤔·炸物 l 前菜我自己覺得佢炸物最出色 就算擺喺出邊都仲係超脆 尤其係佢個春卷勁有口感 之後炸蓮藕餅都好好食 佢中間個蓮藕蓉超級軟糯☺️佢啲前菜就麻麻哋啦 佢味道其實係好嘅 但係佢呢啲冷盤全部都唔凍 麻醬菠菜啊 涼拌木耳 青瓜 呢啲全部都仲係微熱🤔🤔·熱食 l 湯品佢熱食都幾多選擇嘅 最鍾意係佢個茄子 超送飯 菜心同露筍都好味 但係就冇一個特別有記憶點既送🤭同埋佢好多送都係豆乾 支竹嗰啲 食物種類就比較少😂😂佢個湯係胡椒豬肚湯黎既 個味超似 不過就偏辣少少·甜品佢呢度甜品選擇勁多 所以我本身滿心歡喜 但係我覺得佢啲甜品都唔係好啱我口味🙊佢最好食就係個拔絲香蕉 個香蕉好軟糯 個外皮都好好食 另外佢仲有純素雪糕 我地試左豆腐味 我覺得個豆腥味太濃 我唔係好接受到 之後佢其他糕點個味道都有少少奇怪 最後佢啲水果真係麻麻 佢個橙酸到完全食唔落 之後蜜瓜同西瓜都無味😂😂··📍尖沙咀山林道10-12號山林閣地舖

好好食呀~~~~~~~(淚奔)真係好食到爆,之前已經聽過屋企人對呢間餐廳讚不絕口,今日終於夾到時間嚟食,嗚嗚,真係好好食呀,我地一行三人2030到達,有預約,但唔馳等,食足90分鐘,然後發現自己重咗...(掩面)但值得的!!餐廳超有創意,完全顛覆食客對食物的想像,例如「咕嚕肉」,外表一如普通豬肉咕嚕肉,但一咬落去,原來是合桃!!!(老闆娘說是貴價合桃!),完全估唔到,好有驚喜,完全超乎想像;仲有「蘋果花生醬」,嗚哇,點解諗到呢種配搭??! 夾到暈!!好有創意!竟然有反沙芋!!!哇哇哇! 以為是鹹,放入口先知係甜,哇哇,好突破,好驚喜,每一啖都係surprise!!眉豆湯也很好喝~所有滷菜也很好食~ 黃芽白好甜好入味~~~酸菜類也很好吃~皮蛋酸薑又辣又酸,卻很balance,好好食~~蓮藕餅,椒鹽豆腐好食~沙律吧有個小小白白通窿的東西,不知何名,原來超辣!!今日先發現,原來五味甜酸苦辣鹹皆來自植物,肉本無味,又一個顛覆,一直的普遍印象是肉食較素食濃味,但還原基本步,素食才是至味!!!花茶/龍眼茶也很好喝,薄荷水就免了(個人不喜歡而已)香蕉糕好香好好食~(但朋友說太甜)旁邊的綠色餅也好吃,