殿糖級

宵夜食甜品、糖水，是香港人的飲食生活之一。好多時，出外用餐後，係屋企睇完電視劇後，間唔中都會心血來潮，一家人落街去食碗糖水。這一次，就是一家人在尖沙咀吃完晚飯，回到大埔後決定再下一城。我們的目標就是以前叫大埔舊墟，現人人稱為翠怡花園的一帶尋找糖水鋪，就在停車場內，我們發現這《殿糖級》啱大家的味道，就把車泊在門口，一家人開心地食糖水。一坐下，大家都被兩款千層蛋糕吸引住了，其中的芒果千層蛋糕，甜味適中，芒果的味道也甜。一層薄薄的 pancake，再加一層夾有芒果的 cream。很香，很甜。而且，爆 cream 的感覺也是令人感滿足的。另一個是榴槤千層蛋糕。口感一樣，但香味同果味就完全不同了。榴槤沒芒果來得甜，但口感卻比較滑。同樣，一口鮮果，一口爆忌廉，愛榴槤的話，一定感覺到好。糖水類的，其中一個是芒果黑珍珠撈。食落，其實同西米撈一樣，只是 "黑珍珠" 吃起來比起西米爽有彈力。不過，美中不足的就是芒果不夠。楊枝甘露算是一個唔錯的出品。這一個，芒果反而多了，柚味亦足夠。足料，味道偏向甜，感覺唔錯。阿女喜歡飲益力多，所以我們點了一個益力多奶凍給她。結果，她吃了一口放棄了；阿仔吃一口也放棄了；太太試一口，我也試一口，都放棄了。天氣熱，口乾乾，於是我要了一杯芒果沙冰。濃濃芒果汁，其一半是被冰凍了成為沙冰。味道上又甜又冰涼，是幸福的甜味道。兒子也要一杯，不過他不要冰，而是單純一杯芒果汁。味道同樣是非常甜，此外，因為是純芒果汁，果味更濃，感覺更幸福。總結，這是幸福的一個甜品之夜。幸福的原因，不只是因為甜品好食，而是能夠一家人，開開心心地吃一個晚上，冬天會感覺到家庭幸福的 warm，而在夏日，感覺到的，就是家庭幸福的爽。…查看更多

係隔離啲店舖食完晚飯飽飽之後，想坐底同朋友傾下計，食啲甜品做個結尾🤗見到非常多人係呢間甜品店到食野，過左陣仲有條小人龍，就打算試試睇下有啲咩好食🌟😚🌟法式士多啤梨窩夫配雪糕好味道😋😋😋😋店家整得好靚，揀左士多啤梨味，碟上有啲士多啤梨醬，酸酸甜甜配窩夫一流！雪糕揀左曲奇味，好有心思會有埋薄脆同朱古力脆脆一齊，口感多層次😍窩夫一上黎熱辣辣，有三件，食落香甜，蛋味濃，口感偏鬆軟🤗非常岩做飯後甜品👻罪惡感滿分😆…查看更多

其實我只係想食最簡單嘅豆腐花，但甜品店就一定要客人食雙拼，就算願意比雙拼價錢想要半碗豆腐花也不可以⋯ 原因係‘做唔到’，唔明點解做生意可以咁死板⋯ 人給電腦支配了去做生意真可悲…查看更多

一直都唔知道，原來大埔有間「殿糖級」。小朋友想食西瓜涼粉，就叫左一客。出面食西瓜涼粉，通常都會將西瓜榨汁，但呢碗西瓜涼粉，係一粒粒切好的西瓜肉，岩晒我囡的要求！一口西瓜肉一口涼粉，正！糖水甜味剛好，凍凍的，很是透心涼。黑涼粉有涼粉草的氣味，白涼粉有濃郁的奶香，可是相比下份量較黑涼粉為少。兩種涼粉的口感還算不錯。…查看更多

咁熱既天氣，最好嘆返個甜品都有好多選擇，有中有西，有凍有熱我叫左 - 芒果黑珍珠撈 $35芒果好甜，佢有椰奶底，加埋黑珍珠，幾有咬口朋友叫左 - 芒果河粉 $34我偷左幾啖，個味同芒果黑珍珠撈一樣，只係換左河粉底，河粉唔算太滑，不過整體都好味 再加一人一粒：榴槤班㦸 $36一切開好濃既榴槤味，但榴槤溶唔算好多，不過都啖啖有仲要再加： 薑汁湯圓（6粒）$23好夠薑，而湯圓就係芝麻蓉，都OK!PS. 座位有2層，如果見下面full 左，其實仲有樓上雅座我地坐左好耐，都無人趕走，可以慢慢食…查看更多

同呀媽食完飯，覺得味夠喉，所以就去埋食糖水。因為媽媽唔食凍野，所以帶左佢去殿糖級，因為有熱既糖水岩佢食。我叫左個心太軟配雪糕。相個心太軟係即叫即整，因為都等左10幾分鐘。佢既心太軟整等岩岩好！一切開勁多朱古力醬爆晒出黎！冇錯係好似溶岩咁爆晒出黎！ 而佢既蛋糕皮不太厚！所以非常欣賞！再配埋士多啤梨同埋雪糕真係一流。而媽媽就叫左個芝麻胡配湯丸，芝麻的味道超香，而且唔會好稀，再加埋煙un既湯丸真係超正❤️非常推薦大家去食…查看更多

起隔離食完雞煲，時間尚早 難得冇咩人，於是去食個小甜點，做個finishing！黃金酥皮拿破崙 $45對於拿破侖是沒法抗拒的甜品，酥皮鬆脆可口，配上creamy嘅忌廉同甜甜嘅芒果，果然係天作之合！好好味呀！視覺效果上亦唔弱，但粒士多啤梨好酸呀！不過份量細左啲，有點貴！！心太軟配雲尼拿雪糕 $48當然還要點小妹最愛的心太軟，等左十分鐘終於有啦，濃濃朱古力味道適中，唯雲尼拿雪糕太硬，有啲似雪芭，唔太雲尼拿！…查看更多

年三十晚團年飯後黎左樓下呢間糖水店食湯圓，圖個團團圓圓好意頭❣️呢一晚零舍旺場，食客坐到門口出面，好彩樓上仲有一層有位座唔洗等。•川貝桂花燉雪梨（$41）⭐️5/10加三粒芝麻湯圓（$9）⭐️6/10落餐睇到相以為係原個雪梨，結果得嗰三舊，與圖片不符，有點失望。非常清潤，很香的桂花味，但味道超級甜，飲唔哂。•生磨芝麻糊加湯圓（$33）⭐️6.5/10試了一口芝麻糊，不算太甜，煮得都幾滑，都還好，可以接受。…查看更多

一行4人黎到 唔洗等位就有位👍係門口見到有朱古力火鍋 就已經諗定要叫 因為要等15-20min 所以我一坐底就叫先😌店員都好有禮貌咁幫我收餐牌😶朋友叫左一個雜果窩夫同楊支金露😋窩夫值得一贊👍👍👍👍夠熱 脆得黎唔會空心 食得出係 即叫即製👍👍👍個果試完都大讚😁朱古力火鍋一黎到 個果都相機食先👍賣相好令最好食係個蜜糖多士 食得出係即刻焗👍老闆娘見我地人多 眾俾多左雪糕我地😆😆總括黎講 我地個果都大讚 會再黎😋😋😋…查看更多

自從彩x搬走左就轉左黎呢間食多， 因為選擇多，門口又有得泊車，的確係幾方便， 格離仲有間單車鋪可以租單車， 還完單車食返個甜品好滿足。 天氣凍凍地想食d熱野， 自己選擇左原個椰皇燉3.6牛乳， 好香椰奶味應又夠滑， 唔會太甜又咁係太大個， 食完飯一個人都食得晒。 同行小朋友食香蕉船食得好happy, 其他朋友唔知點解個個都叫榴槤拿破崙， 睇佢地表情應該係好好食嘅， 唔食榴槤嘅我好彩仲可以食下布甸或者梳乎里。。。好多選擇…查看更多

其實食物係正常嘅，但真係接受唔到d人嘅服務態度。以前黎嘅時候似係有兩公婆係到打理，宜家都係d學生妹/哥。咁講返今日啦，我地一行4人去到唔洗等位，一入到去就坐左係收銀前面，一開始都好地地，之後過左兩分鐘，個女待應話要聽歌就開始播歌。但對喇叭就係個收銀櫃檯上面正正係我頭殼頂嘅後面。嘈到跟本聽唔到同枱嘅人講緊啲咩，咁之後我就叫個女侍應去細聲d啦，點知個女侍應好不滿咁樣去將對喇叭擰轉左。確實係好d嘅。 再之後開始叫野食啦，但女待應個種態度，真係比澳牛d呀姐差19幾倍！我建議大家真係無必要，短時間都唔好再黎。…查看更多

聖誕假期最後一日既晚上，同老公揸車係大埔附近揾甜品食，又比我地揾到一間門口有得泊車既甜品店，超方便，人不算太多，用左5分鐘等位，老公叫左個芒果黑糖天使麵，食落口讚不絕口話一定會再嚟食，原因就係個名夠特別之餘足料又不會太甜，後來我試咗一啖都覺得幾好味，甜品既天使麵係好似黑糖咁啡色整成的，幾得意。我就叫咗個榴槤河粉就麻麻地，榴槤肉得好小，可以話一啖食晒，淨返果啲椰汁河粉好似無乜味咁，下次可以試下其他，不過推介黑糖天使麵👍🏻…查看更多

一直很想吃殿糖級。近幾日感冒食粥食到口淡淡老公見我無心機所以專登揸車去殿糖級買些甜品給我和少爺仔吃。雞蛋布甸 $ 46四個 ~ 用像蛋撻盒裝，在蛋殼放雞蛋布甸味道不錯見到有雲呢拿籽入口香滑有蛋香味。但個人覺得貴了點！芒果西瓜蜜瓜黑珍珠撈 $47 ~ 味道帶點椰汁味，芒果切成大粒不甜無芒果香而且只有很少。西瓜蜜瓜切成小件無咩味。黑珍珠要用牙咬爆才感覺到吃的是黑珍珠而不是西米！以這個價錢認真不值！芒果班戟 $36兩件 ~ 班戟皮很薄包住忌廉和一件芒果。個人很喜歡吃忌廉所以覺得這班戟味道不錯！榴槤玉露 $36 ~ 工人姐姐吃我看見她的碗裡很像普通西米露除了有一件榴槤肉、少許抽子肉和西米露就叫榴槤玉露！姐姐說味道一般叫我們下次不要買！我們一家認為這店的價錢和出品不成正比絕對不值！如果彩虹甜品没有結業我們定會選擇買彩虹的甜品！…查看更多

今日行過 見幾吸引 就入左去一入到去環境好舒服 店員都態度好好一行4人 就叫左心太軟 雜果西米露 芒果pancake同紅棗蓮子百合燉桃膠 眾有雞奕尖 先講下甜品 心太軟幾重朱古力味 唔錯雜果西米露好足料 每樣生果都有 3,4粒 Pancake皮 睇得出係自家制 唔係街個啲 芒果好大舊 好低食桃膠好好食 好足料 啖啖都係桃膠連我媽咪都讚不絕口最後小食 雞奕尖 都唔錯 幾入味 我係見差唔多枱枱都叫 所以我先試下 果然都幾好味總括黎講 會有下次 全部嘢都唔錯P.s 無意間 聽到老闆同客講話 轉左手 2,3個月…查看更多

昨天晚飯後到大埔中心行街，行到累累地想食下雪糕，點知手作之店裝修無開門，咁就搵下D 糖水舖，行行下去左殿糖級，佢個Menu都幾多野食，不過想食雪糕，所以叫左香蕉船。佢個香蕉船雪糕用朱古力、芒果同雲呢拿，朱古力雪糕就有彩色個d朱古力粒粒、果仁同棉花糖；雲呢拿就都幾香雲呢拿味；芒果有少少果肉，都幾驚喜。香蕉就正常香蕉，擺得幾靚。員工都好Helpful，態度好好。下次有時間試下中式糖水，會再嚟。下次要問下雪糕有無得自選😂…查看更多