段純貞牛肉麵XChatime (如心廣場一期)

營業中

休息中

音樂好嘈，一個主打台灣美食嘅地方喺到播外國流行歌曲座位有啲窄，只有45分鐘食（好似好巴閉）CP值不算高 嘢食真的好一般唔值得試，唔明點解人地會推介飲左杯水味道怪怪

荃灣西｜段純貞牛肉麵💀💀💀差評👎🏻IG有好多foodie仲紹，睇相都覺得好吸引，所以先諗住去試下～💀食物：金玉其外，敗絮其中💀服務：個個好似機械人咁，你同佢講唔該，佢會無視你💀用餐經歷唔愉快，食到嬲😂👎🏻💀平均$170一個人，呢個價錢絕對可以食到更有質素嘅嘢！————————————————————————- 手工麵好硬，似未熟透，絕對唔似食緊麵💀💀💀- 個蕃茄湯，淡蕃茄味淡牛肉味，但勁重醋味😵‍💫- 牛筋夠淋，都算入味👍🏻- 個配菜 — 麻油鹹酸菜都幾開胃👍🏻- 招牌三寶麵，個湯有啲淡，跟本冇所謂用咗23種藥材煲成嘅味🤦🏻‍♀️🤦🏻‍♀️🤦🏻‍♀️- 幼麵唔錯，有啲咬口～紅油抄手- 咸到苦，你冇聽錯，係苦㗎😂😂😂- 個餡食到蝦味同豬肉碎，完🤷🏻‍♀️香麻醬涼拌豆腐調味夠濃，夠麻辣，但豆腐易夾碎～冬瓜檸檬薏米飲品唔錯- 微酸～好濃薏仁味，飲落好順喉🤤👍🏻👍🏻-但，太細杯！睇返支飲管嘅比例就知- 如果係正常size，可以比到5分～整體而言▪️味道 2 / 5▪️環境 3 / 5▪️抵食 1.5 / 5📍荃灣楊屋道8號如心廣場1期1樓105-107號鋪

段純貞牛肉麵係台灣人氣牛肉麵店，上年年尾已經喺荃灣開咗首間海外分店。今次肥b話帶我出街拍拖食飯，但晚餐時間又冇堂食，所以今次就去試佢地個午餐。午餐有多款配搭組合：1️⃣ 麵食+飲品 $1022️⃣ 麵食+小食 $1183️⃣ 麵食+小食+飲品 $138小吃貨當然要試多啲味道，所以我地兩個都揀咗$138💸 我同肥b平時都鐘意食有咬口嘅食物，今次當然要試食手工麵🍜✨紅燒腱心半筋半肉牛肉麵段純貞嘅牛骨湯底標榜以23款中藥材配合醬料等熬製8小時，一上菜已經聞到湯底嘅味道，食落香濃又唔會太咸😋 大大舊牛筋牛肉夠足料，連牛肉都炆到好稔好入味👍🏻 手工麵感覺就似刀削麵咁，但麵條芯部好似未煮熟哂，仲有啲白白地又硬硬地，有啲失望😔✨經典紅燒牛肉麵同樣係香濃牛骨湯底，牛𦟌有少少韌，但味道煮到好香好入味😋 但手工麵條方面出現同樣問題，真係唔清楚係特色定係未煮熟哂😅✨鹽酥雞新鮮炸完熱辣辣，一上枱就聞到好香，以小食嚟講份量算多，亦都幾大件。薄薄一層炸粉外層酥脆，調味粉香濃夠味👏🏻可惜雞肉略乾同埋韌韌地。✨紅油抄手之前我都試過另外幾間餐廳嘅同款菜式但完全食唔到，但肥b見到話想試，我就膽粗粗再陪佢試吓。雖然只係午餐小食，但數量

第一次黎食牛肉麵，下午四點左右，無咩人，坐得舒服，叫左個午市套餐，有杯野飲，小食同一碗面。先講下碗面，幾好味，牛好淋，入味，麵就叫左幼麵（見之前有話幼麵好味過手工麵）湯底好香，牛有四片，有蔥，d可以一啖面，一啖牛。小食我叫左炸豬扒，份量比我想像中大。。。食唔哂呀，豬扒炸得香，正！飲品叫左仙草奶菜。。。。無甚特別。。。下次會再試不同的麵，期待呀！

—————————————————————📍 段純貞嗰陣食啱啱開冇幾耐，夜晚7點幾去到都等左20分鐘左右，只限你食45分鐘，又唔係特別好食又唔算平，試一次就夠🥲‼️好咸！好咸！好咸！—————————————————————❣ 紅燒腱心半筋半肉紅肉麵 $88好一般……是但搵間台灣餐廳都差唔多~ 湯底好咸，麵又唔係特別好食，🐷已經揀幼麵，好似話闊麵好似成舊粉團😂唯獨牛筋牛腱肉可以讚，算係夠淋，入口即融，不過真係好重口味…..—————————————————————不專業評分👅好味指數:3/5💰性價比:3/5👍🏻推薦:2/5—————————————————————🏡地址: 段純貞牛肉麵 (如心廣場1期) (荃灣)荃灣楊屋道8號如心廣場1期1樓105-107號舖—————————————————————

禮拜日行街行到攰，一直都想試下段純貞牛肉麵，見無人排隊就早D開餐喇性價比之選 蒜香手撕鷄乾拌麵 78HKD：好多配料，加上靚仔溏心蛋，口水直流~鷄肉好多，不過就比較乾身，但又未至於柴。炸蒜好香，仲有腌過的蒜瓣，撈埋一齊，好惹味。蒜香手撕鷄乾拌麵就無得揀手工麵，一定係幼麵。口感好滑，質地恰到好處，應該有過冷河，撈暈成碗麵之後先食，好滿足。牛魔王之選牛三寶麵 92HKD：飲一啖已經可以試到好用心煮嘅湯底，今次選擇配搭手工麵，麵好煙韌，有啲似刀削麵。三款材料都煮得好腍，就算牙力唔夠，都絕對可以咬到。價錢稍微偏貴，不過勝在湯都可以飲埋!健康加配燙季節蔬菜：本來想要炒菜，但竟然賣晒，不過反而燙蔬菜有驚喜。菜的份量都算比較大，而且加入高湯一齊煮，好鮮美，會令你想一食再食！健康之選~由於最近肥咗好多，就唔敢再飲珍珠奶茶喇，不過見到幾乎隔離左右都有嗌，相信都值得一試，價錢方面同其他台灣餐廳差唔多，都係20-30左右，另外仲有幾款芋圓甜品真係好吸引……下次有機會再食過喇

This is new in MOKO, always love Taiwan food and Taiwan beef noodles. Trying the signature original beef soup noodles, with boiled vegetables as lunch set. The Taiwan beef noodles, the beef is very tender, and tasty. The noodles: I ordered the thick handmade noodles, which is not that nice, because of the thickness of the noddles, it make it difficult to handle, difficult to eat, easy to slip out of the chopstick or spoon, also not absorbing much favors from the soup. However, the soup is also v

呢篇食評應該半年前前應該要寫㗎喇，因為之前唔得閒見而家有啲時間所以寫返！見到呢間舖頭好多人排隊於是走去八卦下睇下食啲咩，原來係台灣牛肉麵嘅！見好耐冇食過台灣牛肉麵於是去排一排隊試下，等咗差唔多20分鐘終於可以入座！環境有啲迫！係門口己經諗定食乜，所以一坐低即刻叫左個牛肉麵同埋鹽酥雞！等咗一陣好快已經上枱！試左一啖湯同牛肉，好好味之後試埋個鹽酥雞，呢個就普普通通！總括嚟講（10分為滿分）味道8分環境6分服務5分價錢7分

堂食就試過，今次試吓外賣吧。OpenRice六點後有8折，試過落咗order店舖收唔到😥，今次醒目地reconfirm 。麵和湯分上，但麵巳有少淋。份量着不多，牛肉也是入口即溶，喝了湯也不口渴。排骨有3塊，份量多，抵食。鍋貼外脆內軟，暖和的，惟比較乾，不夠肉汁。整體滿意，準時，加上8折，抵！

今日同阿媽黎荃灣shopping，知道阿媽鐘意食牛肉，特意帶佢黎試下。聽人講間野成日排長龍，好彩今日唔洗排隊可以即刻入。我地叫左一碗原味牛肉細麵$84，紅燒腱心半筋半肉牛肉手工麵$88，胚牙珍珠奶茶$32。牛肉軟嫩入味，牛筋入口即化，麵條Q彈，湯頭非常香濃，手工寛面掛湯而有嚼勁。整體質素都高，環境舒服。

新開時已經想來試，但另一半不特別喜歡牛肉麵，而且店外常常大排長龍，便沒動力驅使我來試試。最近見它多開了分店，人流少左，而且原來有牛肉麵以外的選擇；便捉老公來品嚐下。星期六12點幾到達，不用排隊可以入座👍🏻我們2人點了2碗麵加2個小食；原來是「眼闊肚窄」，飽得不得了😹一心想2種麵都試一試，我就點了紅燒半筋半肉闊麵，而老公點了雞肉撈麵。那牛筋真的要讚👍🏻👍🏻👍🏻 入口即化，煮得非常夠火喉。而那牛腱肉亦非常腍，且切得很精緻，口感不錯。最失望是那寬麵，似未煮透，帶點麵團的厚實咬口，就是在吃厚厚的麵條一樣。反而用上幼麵的雞肉撈麵，那麵質細滑彈牙，口感幼細得來又不糊口，值得👍🏻👍🏻👍🏻點了餃子，上碟時看到那外貌真的不值一提，感覺會不好吃，看上外皮就是很硬似的。誰料，咬入口，卻發現那內餡很鮮味👍🏻還有鹽酥雞，確實沒有專做鹽酥雞的店好😹只好說夠香口，但肉還是不夠juicy。說實話，雖然一碗麵要$8x-9x@，不過確實足料又能吃出手工，算是值回票價👍🏻

荃灣西開咗段純貞一段時間，但每次都見到大排長龍，今日早食飯，6:15pm 終於唔駛等，直接食到啦！招牌紅燒腱心牛肉手工麵 $84手工麵超讚，我喜歡食煙煙韌韌嘅，仲要係粗麵👍🏻👍🏻 呢隻係好食嘅， 份量適中；紅燒嚟講，唔算太辣味，好輕微；牛腱都好滑嫩，唔肥，可以食到晒（因為平時有筋，我咬唔到會放棄 👵🏻😂😂）原味牛肉手工麵 $84同上一樣，只係無咗紅燒嘅少少辣味；每碗都配有酸菜自己可以加。鹽酥雞 $48新鮮炸起，唔錯，望落去好似麥樂雞😂😂 鹽酥味未太夠，但雞件都好食嘅，價值好相宜，可以接受。凍仙草奶茶 $32凍胚芽珍珠奶茶 $32 飲品方面價錢同出面手搖差唔多價，但唔算大杯。胚芽個款好飲，珍珠就普通，無咩特別。想試嘅朋友覺得荃灣西遠，佢地另有銅鑼灣同將軍澳兩間分店👍🏻

😍 超濃郁湯底，帶一點點辣，但好輕微，唔食辣既朋友應該都可以接受，好醒胃，整個感覺提升，不能用筆墨形容 👍👍👍🍜 細麵 VS 手工麵個人比較喜歡細麵，因為超能吸收湯汁。相反，手工麵，非常闊身，比較難沾湯汁。🥩 紅燒牛肉 VS 半筋半肉個人比較喜歡半筋半肉，因為牛肉是條狀，厚身，咬落去好有肉質感覺。相反，紅燒牛肉是片狀，感覺好唔同。🤩 經典紅燒牛肉麵 ～ 手工麵 牛肉唔太薄，食落都幾好。 由於麵真的超闊，好似一大塊咁，而且沾不到湯汁，變得冇咁夠味。不過，麵其實好滑，又是另一個感覺。🤩 紅燒腱心半筋半肉牛肉麵 ～ 細麵 超級多餸，牛肉好淋，而且好大件 👍 牛筋炆得好軟滑，好合我口味 👍 再加上揀了超級吸湯汁既細麵，無得頂呀！😋 力推重口味既朋友，不妨試試 😋🤩 鹽酥雞 雞本身冇咩味，炸粉比較厚，全靠味粉先有味咋🤩 桂花蜜酸梅湯 第一次飲有桂花蜜既酸梅湯，淡淡既桂花清香，幾特別，幾好味。

呢間過江龍段純貞，自從開店以來都一直大排長龍，每次經過都只能望門興嘆，皆因次次都好肚餓，排唔到咁耐隊今次終於下午茶時間黎到唔駛排隊直入，即刻諗都唔諗就入去會一會過江龍門口餐牌三寶麵（鍵心、牛肚、牛筋）$92講真，$92 一件腱心，一件牛筋加2至3件牛肚，真係未免太貴啦。講返質素，腱心係好淋既，但牛味唔算重。另外，牛筋亦有膠質感。只係略嫌太少！燉濃湯雞麵$84你又點估到，出名食牛肉麵既鋪頭，反而果雞係出色啲，雞肉非常嫩滑，有一隻大雞脾，份量同性價比都高過牛肉麵。不過，湯底明顯後上，麵條完全無味，好似食緊白恰麵咁總結黎講，排隊一定唔會食，試過一次就算，應該唔會再有下次

荃灣野食一向多，這間卻要大排長龍的。這間過江龍台灣食店，出名之處並不在於味道有多好，當然這也是不可缺少的，但令人耳目一新的卻是用料較佳。它們使用的是牛腱心，巾別於一般店舖使用的牛肋條或牛腱肉，因為一頭牛只兩個牛腱心十分矜貴，所以吃起上來口感必定較有質感和咬口。我選了一個三寶麵$92，當中有腱心、牛肚及牛筋好像出奇蛋滿足你三個願望，牛肉湯香濃有層次吃得出用骨煲，另外酸菜另上適合自己配搭。朋友選了一個青花椒手撕雞乾拌麵$78，青䓤十足香口，拌麵麻油香醇，味道開胃，雞的份量很多，吃到底還有雞絲，溏心蛋也做得不錯。另外，叫了一個酥炸扒骨$48，請見圖十分多，結果要外賣走，感覺應該是即叫即炸亦配酸菜，可減油膩感。飲品配了一杯仙草奶茶$28不過不失，不及食物出眾。總括而言，過江龍來說性價比挺高。