武吉士 (九龍貿易中心)

營業中

休息中

📍九龍貿易中心1樓S1舖 返工返到靈魂出竅，落樓求其搵間茶記醫肚，點知撞正呢間「武吉士」玩泰港Fusion玩到癲！收銀阿姐把聲大過麥當勞個咪：「焗飯等廿分鐘啊吓！」，成間鋪頭油煙同香水味炒埋一碟，反而有種迷幻親切感。 🍛 咖哩牛腩飯｜邪惡指數：💥💥💥💥 同事話係「公司三寶」之首，一啖落去即刻醒神！咖哩膽竟然係溝咗沙嗲同椰奶，濃到黐脷但唔辣喉。牛腩肥過隔離位IT狗，筋位煮到似啫喱咁duang duang聲。最癲係啲薯仔，外層炸過先炆，吸汁功力拍得住我個追星同事嘅信用卡。 🍝 焗肉醬意粉｜頹飯之王：👑👑👑 望落平平無奇，一羹隊落去先知出事！芝士層厚過老細塊面皮，肉醬暗藏驚喜——竟然有冬菇粒同埋鹹魚仔，鹹香爆擊x3。意粉煮到啱啱好al dente，抵讚！不過個焗盤熱過辦公室冷氣槽，小心辣親隻手。 🍜 泰式扎肉炒烏冬｜鑊氣核彈：🔥🔥🔥🔥 阿姐掟個鑊剷聲響過隔離team開會，碟烏冬真係有火燒過嘅焦邊！扎肉厚切到似午餐肉，仲要落埋香茅同指天椒炒，辣度可以自選（揀小辣都辣到噴火）。隱藏食法：加$5轉太陽蛋，蛋汁撈埋泰式魚露，邪惡到想即刻OT。 🥗 泰式撈檬粉｜減肥幻覺：🥗❓ 叫得呢

好少會在KCC食飯，今日比較趕時間，一入商場見到呢間餐廳，Menu睇落有啲嘢食揀，所以中午喺度食飯，叫咗鮮茄焗豬扒飯、泰式炒金邊粉、凍奶茶、凍檸茶。焗豬扒飯好鹹，豬扒好乾，食食吓豬扒有條頭髮，泰式炒金邊粉根本唔係嗰回事，有肥豬肉、火腿，九唔搭八，而且炒得好濕。凍檸茶根本係一杯糖水，超甜冇茶味，凍奶茶好苦，成餐飯都非常差，食大家樂仲好過佢，真係試過一次就夠😮‍💨😮‍💨食完睇返OpenRice見到好多劣評，睇嚟大家都好中肯😂😂

昨天跟同學去食早餐，同學的早餐發現了鋼絲刷，於是我舉手向職員提出，一個職員遠距離望到我，態度極度惡劣，問做乜嘢？於是她走過嚟見到有鋼絲刷，即刻黑面，然後把用廁紙包走，一聲不吭。我問同學需不需要換，同學話不想食了，那個的職員說碗麵可以退，但是須收返飲品費用。成個早餐唔夠$40連飲品，她竟然收返飲品好立克$18 ，我哋為咗息事寧人冇去爭吵，於是我去埋單，俾了$500 找，一個職員（不是染髮的那位）竟然「嘖」一聲，然後找錢就直接劈咗喺收銀個兜度，呢一間嘅態度極度惡劣，衛生情況又差，管理又差，絕對不建議再去！

過左晚上六點幾其實附近可選擇既餐廳唔多。東亞南餐廳都唸住差極有譜，佢算係附近收得無咁早而食物都叫做入得口既餐廳，而外賣及堂食都試過。不過份量就出奇地一年比一年少。炒粉麵類不錯，類炒飯則偏淡，撈檬直頭唔合格而且比同類餐廳檬粉品質差，意外係佢非東南亞類食品整得好過東南亞類。但是同位置來說其樓上有間餐廳比他更差，所以佢算合格及性價比算中下，亦都可能係佢生存到既原因，食物賣相都無乜賣相，服務一般，叫做揀無可揀只能這樣揀。

今日帶小米到葵涌區拎開心咭，順便在此Tea一Tea。在各個地鋪餐廳之中，最終選了這家的下午茶。點了炒腸粉配黑啡。秘炒新加坡絕色腸粉  餐牌展示有几款配料：甜菜甫，蝦米，肉碎，黑醬油，蛋。視覺：全部食材炒埋一起變成咖啡色。腸粉和肉碎有焦焦邊，是剛炒出來的証明。腸粉中芯位仍然雪白，多虧黑醬油為腸粉上色。炒碎蛋也沾上黑醬油的色彩。嗅覺：剛炒起的腸粉熱辣辣，鼻子也感到那個香氣＆鑊氣。手感：全部材料細細粒和短切的腸粉容易用匙羹舀出來。剛好是一口的份量，不會Fling到面珠敦，不會Fling到周圍係，讓每一口都乾淨俐落。口感：菜甫脆，蝦米硬，腸粉彈牙，雞蛋軟綿綿，肉碎很結實，不同口感同時呈現。味覺： 菜甫不太甜，以鹹味為主。反而蝦米還透著微微的原味。腸粉本無味，但配上味濃郁的黑醬油和鹹香蝦米菜甫，中和了整體鹹味。假如菜甫甜度提昇就更好囉！嚐過油淋淋的炒腸粉，最後來一杯無糖無奶的Black coffee扮健康。 不過黑啡真係好苦好苦，令眼耳口鼻都乸埋一起了。

今日咁岩有野要拎，所以就weekend 黎到左葵涌工業區。拎完野就響呢區搵食，咁岩望到呢間餐廳環境都幾舒服，店員都帶住笑容。由於都未到食飯既高峰時間，店員姐姐叫我可以隨便揀位坐。我一個人可以坐哂成個卡位。😝一坐低見到餐牌都算多選擇，最後經過左一番選擇困難症既時段，最後決定左揀佢既海南雞套餐。我已經叫左少飯，但飯量同雞件都唔少。🙈D雞件都幾滑幾多肉，個油飯都幾好食，仲要有碟菜同埋有碗湯。我覺得佢個價錢黎講都幾抵食。當我食到中途慢慢都開始漸漸咁出現左食飯既人群，當我出去去埋單，竟然發現仲有八折。😉

今晚收工嘅時候約咗同事喺kcc呢邊傾嘢，之前買過呢間嘅外賣，OK，唔差，今次就決定堂食！叫左2個主餐，跟飲品，再叫多個小食。大排檔咖哩豬扒，份量都唔少，豬扒都唔柴，咖哩食落都夠香濃，薯仔都入味，整體嚟講都唔差。青咖哩雞飯，雞肉外層有煎香，裏面都算嫩，同青咖哩好夾，青咖哩食落去比較絲滑，同黃咖哩個口感都好唔同。海南酥炸豬扒，外面炸得好酥脆，上檯前已經切好一長塊，方便同朋友一起分食，配迷個沙拉醬，口感又有少少似沙拉骨幾特別。食左呢餐，晚餐又解決了。

其實好耐冇去宜到食lunch,忽然心血來潮就食食佢，叫左個鮮茄豬扒焗飯，但個豬扒真心有d 乾，個茄汁係好夠味，芝士都多，係蛋炒飯底，如果個豬扒唔係咁硬咁會好好多，敗筆

🇹🇭🇸🇬星馬菜 🍲茶餐廳 🚹1-4人 😬適合獨食 ——————行到攰想搵間餐廳食嘢，搭正2點正行入餐廳，啱啱開始有下午茶，結果坐低又發現，星期六午餐有折。咁…到底折左嘅午餐定下午茶抵啲？🤔當日叫左：1️⃣冬蔭公湯檬 配 豬扒 2️⃣星洲喇沙金邊粉 配 豬扒、蔬菜 飲品3️⃣美祿恐龍🦖4️⃣珍多冰(套餐+$8)🐻：餐牌無寫得好清楚，但除左午餐，下午茶都係套餐，當日飲品總共+$16同樣食物午餐都有，經過🐻🐻‍❄️偵探一輪精密嘅計算同觀察🧐，結論係…下午茶平啲！但份量亦細啲，比較適合🐻🐻‍❄️呢類小鳥胃。🐻‍❄️食冬蔭公湯粉，湯底帶小辣，但酸味唔夠🐻食喇沙，平均水準，但唔係正宗新加坡🇸🇬喇沙嘅味道豬扒份量好足👍🏽，本身諗住只有幾舊，無諗過會有兩大塊👍🏽👍🏽蔬菜當日有西蘭花🥦同小棠菜，似乎都係茶餐廳時菜—有咩菜就俾咩菜🤣飲品一般正常，珍多冰同美祿恐龍一樣咁甜，美祿恐龍🦖亦唔係正宗新加坡🇸🇬嗰款，表面係cream🐻：美祿恐龍原本係指凍美祿，加上大量未溶解嘅美祿粉喺冰面，睇落似恐龍背脊，因而得名。至於服務…嚟得茶餐廳，都係澳牛級嘅服務啦😅無俾人鬧、有人落單、食物安全送到，當有服務架啦🤣結論：茶餐廳質素👌🏽

從來都未見過啲員工既面口可以咁樣衰，個收銀小姐，每次見佢都係衰面，今日仲離譜，我買外賣，放啲錢落個錢兜，佢一手搶左！一間食肆，人客比錢唔好話要佢講多謝，但都唔好比啲咁既面口客人丫，唔知以為我排隊拎廠飯、福食

早放工，但都近晚飯時間，仲有下午茶，見又有位就入去吃個early dinner. 佢有中西式下午茶餐，選擇多我就簡單來一份公司三文治餐。份量好厚，有炒蛋，雞肉，番薯配菜。而且雞肉比較一般快餐連鎖店要厚，同「大件」，肉也juice,冇乾硬感。女仔可以當輕食晚餐。味道正常，不過不失。

最近都要去KCC 上堂，入邊好多食肆，可以慢慢試！今日就試左位於地下的武吉士，午飯時間都幾多人多，等咗一陣先有位！我們一行四人，叫咗兩個泰式炒金邊粉，兩個焗咖喱豬扒飯！朋友嫌金邊粉略甜，而咖喱豬扒飯則不錯，椰味味濃!餐廳食物偏向東南亞風味，選擇頗多，可以一試！

我叫左下午茶（$44蚊的越南扎肉炒烏冬）份量極細，本身都算細食但都覺得唔夠6成飽。無下次！而我朋友叫左$44蚊的焗豬扒飯，佢都同樣覺得完全唔夠食，上星期黎食時都無咁少。下次食第間算

門口收錢嗰位略為肥胖嘅小姐嘅服務態度真係差到令我以為我地爭佢錢，食物質素已經唔想提，碗喇沙係完全冇味，炒牛河尚算可以，坐低冇餐牌，落單又出錯餐，我哋已經怕麻煩照食費事佢地再整過，其實好少事，只係碗喇沙叫左雞翼冇左雞翼變左好難食嘅魚片，米粉變左米線咁，真係冇所謂，咁雞翼係要加$6，我哋冇食過正路都唔會收返錢，我哋叫唔該埋單嘅時候，冇一個waitress回應，隔左一陣門口嗰位肥胖嘅職員就大大声話：出黎啦！原來係要自己出去埋單嘅，我哋第一次黎食唔知道嘛，其實你地同我講声咪得囉，唔使當人狗咁喝！之後出到去同佢講碗喇沙冇黎到雞翼，嗰位肥胖嘅女職員一直唔出聲，俾完錢佢佢找返嘅錢都係有收到嗰$6，再同佢講佢就行開當我地透明，嗰下真係呆左，點解可以咁冇禮貌嘅？！？！ 我哋唔係欠左你架！你話一定要跟單收又好，雞翼冇黎都要收又好乜都好，都唔係咁樣唔應人丫，態度咁惡劣嘅職員真係令我地大開眼界，今時今日真係仲有啲咁差嘅服務真係難得一見！6蚊我買旗做善事都唔想跌俾你！呢間餐廳我地係永遠都唔會再幫襯，食餐飯都要受你氣好無為！

星期六去KCC附近做野順便食lunch路過地下呢間Bugis見餐廳星期六有9折就想試下見到餐廳名叫bugis 以為係新加坡餐廳入到去見大部分人都係叫扒餐我叫左個叻沙黎食 以為無死啦點知碗叻沙完全唔係個回事連基本椰奶香都無湯底啖而無味湯底麻麻 配料都好一般豬頸肉肉質好硬魚片頭同食麵筋無分別麵底我揀左金邊粉輕輕一夾就斷我終於明白點解個個都叫扒餐啦結論係黎新加坡餐廳絕對唔好叫新加坡野食咁樣應該就可以避免中伏啦！