正斗粥麵專家 (ELEMENTS圓方)

營業中

休息中

粥食得多 但坊間要尋一碗靚粥談何容易 煮粥貌似簡單 但要做到煮出來的粥夠綿 不起膠 不糊口就並非容易事 艇仔粥材料夠多夠新鮮 有蝦有魚 肉丸 魷魚 花生等 粥底酥 口感唔錯 而個炸兩 油炸鬼明顯係剛炸好沒多久 非一般存放了一段時間的老油條 咬下去依舊外脆內軟 粉漿做得好幼細 腸粉皮又滑又幼 好味道嘅一餐廣東小食

下午茶好想食乾炒牛河,圓方選擇不多,正斗都係唔錯選擇. 下午茶不用排隊,乾炒牛河,色水好靚,每條上色分明,冇黏埋一舊舊,鑊氣好夠,牛肉醃製好好,又冇炒過火,夠嫩口,店家自製辣椒醬配乾炒牛河,唔錯唔錯. 當然如果配埋余均益就更加港式風味!

今日同屋企人嚟圓方做XMAS SHOPPING，貪佢多車位，夠方便，同埋商場行人道相對比較闊落，啱哂推BB車嘅我地。開始前先食LUNCH，揀咗正斗粥麵專家，卡位都幾舒服，老婆想食點心，先點一籠流汁叉燒包，晶瑩鮮蝦餃，比個女食先。流汁叉燒包，包嘅皮好鬆軟，叉燒汁真係有流汁效果，好耐冇食過咁出色既叉燒包。晶瑩鮮蝦餃，SIZE好似比較細，但係用料好新鮮，皮薄程度真正晶瑩通透。羊城荔灣艇仔粥，好鍾意粥底夠杰身，水魷魚夠爽口。叉燒腸粉，一睇就知係廚房自己拉嘅腸粉皮，夠薄夠滑身。陳皮牛肉球，牛肉球夠彈牙，陳皮香氣十足。酥炸蜆介鯪魚球，鯪魚肉夠新鮮，手打魚肉夠彈牙爽滑，蜆介鹹鮮味亦足。

原本想和老公食碗雲呑麵 不過坐低之後又三心兩意想來一頓一盅兩件 蝦餃 一句話皮薄餡靚 入口就知道蝦仁有幾新鮮 重有少少的蝦汁在餃內 滋味十足 我對蝦餃嘅要求其實好基本 饀要新鮮皮千祈千祈唔好過厚翡翠菜苗餃 唔係全素 內𥚃餡料有切細嘅菜苗同蝦肉 菜嘅比例較多所以入口頗清 菜苗同蝦呢D選料食得出新鮮 清清地唔錯嘅選擇流沙包 推薦嘅一款點心 不過要趁熱食 但小心燙咀 蛋黃茸化成糊狀 食落好滋味 好在老公喜歡甜食 三個一籠 佢兩個我要一個 win win

We had a visitor from Germany for a short business trip, he stays at the W Hotel Element. We came by and pick him up for a business meeting around lunch time, he requested to visit a local Hong Kong restaurant. The first one pop-up in mind, is Tasty Congee & Noodle Wantun Restaurant inside Element shopping mall. We ordered the following items, Wonton Nooodles in soup, the wonton is delicious with a whole shrimp in it, noodle is nicely cooked, our client finished up the entire bowl of soup at the

朋友來港再遊 其實行街祗為買嘢 送完佢地車 見有D肚餓 又距離今晚個飯局重有三個零鐘 就走咗去車站上面果間正斗食碗雲呑麵 叫咗碗細蓉 大地魚湯味道夠濃 加上韮王令到成個湯底香咗好多 麵本身夠彈牙 梘水啱啱好 超爽 梘水份量控制得好其實一D都唔容易 太多 成碗湯會變曬梘水味 又澀又苦 太少嘛又會令到D麵太削唔夠彈牙 所以煮一碗靚嘅雲呑麵真係少D功夫都唔掂 主角鮮蝦雲呑 傳統雲呑唔係講究隻蝦有幾大隻 而係蝦肉同豬肉嘅比例 蝦仁好新鮮又爽夠脆 而夾雜咗豬肉令到成粒雲呑夠香又甜 一啖一粒就最稱心 始終有D老店可以屹立不倒一定有佢存在因素係里面

味道完全不似預期，以為在圓方應肯定不錯！牛河醬油不香，牛河牛肉好難咬，艇仔粥亦只普通貨色，入面既魚片薄到很難找到，亦沒有咬口。辣椒油亦很普通，不香不辣。只能說招呼還可以，碗筷亦乾淨。105元一碟牛河，58元一碗艇仔粥，實在不似預期好食，怪不得不用等位。

弹弹弹弹，D面看落去似橡筋，口感如是是吃过最弹的。云吞水饺的明虾很爽脆像河虾也有海虾的鲜味。粥粥粥粥好棉，吃过最棉的粥。点的是滑🐔田🐸粥，难得冰鲜鸡还有鸡味，惊喜是用过滤了的姜汁辟腥，为粥生色不少。最后的干炒牛河，牛肉好嫩滑，但我嫌牛味不足。河粉弹牙，够锅气，酱油均匀。还是一碟好牛河。有机会再试谍¥108叉烧煎鸡蛋饭。

位於element 的中菜。款式都十分大眾化。不過價值算是貴。食物味道普普通通，食物款式味道也很隱定，不過沒有特別驚喜。這食店適合家常便飯。行街時係醫肚子的不錯之選。豬手味道足夠，口味很好。牛腩飯套餐，價錢算算貴，味也十分足夠。非常爽口非常香脆

上星期與朋友往圓方的正斗粥麵午餐, 這是我第一次光顧, 點了菜遠牛肉飯, 牛腩撈麵, 白芍腰潤加尤魚, 叉燒腸粉. 第一口覺得還可以, 但有些奇怪的感覺. 因為菜遠牛肉飯的汁有很重的雲吞麵湯的蝦殼味! 老實說, 不是很難吃, 只是與我一向記憶的味道很不同. 牛腩麵不過不失. 白芍腰潤正常, 但尤魚則似橡膠般淡而無味!叉燒腸的粉皮超厚. 總的來說, 有些失望!

正斗嘅雲吞麵好啱我口味，湯底夠香，麵又彈牙，雲吞新鮮，所以我多數在圓方開餐嘅話，都會去正斗，喜歡佢坐得舒服又算較為經濟。但原來正斗嘅蝦仁炒蛋亦十分出色，有成7-8 粒大蝦仁，是海蝦／養蝦也無謂深究，最緊要係，我每次點呢樣，也做到蝦仁夠爽口新鮮，蛋液炒得剛好，又滑又香，唔會過＂鞋＂！

I am not a big fan on congee, but I nevertheless like this restaurant as some of there noodle dishes a very good. I in particakur like the fried noodles with beef - one of the best version of this HK favorite. Also good: fried egg with shrimp (perfect texture if the egg) and the beef brisket. The decor is a bit too purple for my taste, service is ok. Prices are a bit high for the quality, but low for the location - so overall ok.

今天在圓方行街，行到累又有點肚餓，見到正斗門口的裝修已吸引我入去試一試。😊坐位舒適，服務員先給了我一柸熱茶，之後選了一碗牛腩麵，牛腩和牛筋入味又淰，麵好爽彈牙，湯底雖然不是濃郁的腩汁但也不錯!

睇到佢地既招牌係雲吞麵，叫左一碗黎食，d雲吞一口一粒，大小岩岩好，成條魚咁架，但食唔到入面既材料，可惜。豬手麵，豬手好冧好入味，而且炆到火喉岩岩好，不失肉味。而蝦餃入而蝦量好足，但皮有點厚，失色。而叉燒腸都幾好味，叉燒料都幾足，但皮都係太厚。不過佢地服務又真係幾好，唔錯

今晚的晚餐，忽然想吃粥，在圓方…剛巧有正斗粥麵專家，所以不用多想，就這裏吧。牛肉粥又綿又滑，牛肉味香，很好味，雖然$52-是稍貴了一點。柱侯牛腩夠味又夠淰。白灼魚皮唔夠味同唔夠蔥，有點失望。豉油皇炒麵炒得乾身唔油，而且香口，不錯~~鮮虾腐皮卷，上枱時還是熱騰騰的，加分~~而且又脆又充滿虾的鮮味，正!白灼芥蘭十分嫩，清新之選。