正宗印度餐廳及酒吧 (電氣道)

營業中

休息中

本身響北角返工，同同事收左工周圍搵野食，做左差唔多成年都係食果幾間餐廳覺得有Ｄ悶，大家都話不如試下其他特色野。如果食返茶記就冇咩特色可言，所以我地決定入去食印度野！呢度成個環境都好有氣氛，燈光暗得黎柔和，比人感覺好舒服，好岩我地收工黎relax下。我地叫左個無骨燒雞，我覺得講起食印度野一定要食雞，根本代表作。食落好入味，好香口。Ｄ雞煮得入味得黎又唔會老，我諗應該表面有烤過鎖緊Ｄ汁，依個雞係全晚最好食，一定要試。另外我地仲叫左個印度炒飯，冇咩特別，但食得出廚師有比心機炒，夠乾身，最重點係，我地兩個本身都大食，就係怕唔飽先叫個飯，點知兩個人食都差Ｄ食唔晒，好彩冇叫其他野。叫左主菜佢會送Ｄ脆薄餅比你，到依家我都唔知叫咩名，去到你就知，不過佢有４隻醬比你點，辣味最好食，講風味黎講呢樣比較重印度特色，因為係用手食架，記得黎試下，唔識點食記得問下員工，佢地好ｎｉｃｅ的。呢度仲可以叫酒飲，好多唔同選擇，不過今次我地冇叫，第日仲要早起返工，我地呢Ｄ正宗酒鬼，一飲就停唔到。

又黎到難得嘅假期﹗今次就黎到位於天后清風街附近嘅印度餐廳﹗餐廳位於電器道面向大街，一啲都唔難搵，幾好﹗門面是綠色嘅摺門，好易認。內裹都好寬敞，牆上擺設同掛畫都好有特色，加上餐廳一直播住印度歌曲，都幾特別。不過餐廳嘅冷氣好大，我同其他食客都忍唔住叫侍應熄細啲冷氣。叫左主菜之後，侍應就拎左餐前薄脆餅小食同埋特色香料過黎。瑪沙拉白腰果汁咖哩羊肉 Masala Lamb ($119)期待左好耐嘅咖哩羊肉終於上枱﹗歡喜食印度菜嘅原因是佢地會用超多香料，一上枱就聞到好香，而且餐廳好貼心咁點左蠟燭在底，保持溫度。呢個瑪沙拉汁有少少辣，不過唔算好勁，相信大部份人都食到。另外羊肉幾稔，不過個味有啲似牛肉，整體唔錯。烤餅 Naan ($20)留意番上面個羊肉淨是得個餸，如果想要五殼類食品填肚要另外叫。我就叫左呢款普通烤餅，上枱是幾有架勢嘅，用兩個勾勾住，不過味道就真是普通左啲。

今日係天后，又落雨，所以想食啲飽肚又係熱嘅野。見到一間印度餐廳，正！可以食咖哩暖下個胃，就諗都唔諗入左去。餐廳叫做 正宗印度餐廳及酒吧，入面都係正宗印度人，一定無死！至於酒吧黎講，下晝人流唔多，係疫症下夠晒人與人的距離，食得好舒服，直頭隔距多過五星級酒店！前菜：一開始有兩塊薄塊，同埋有四款醬料任君選擇。我特別鐘意黃色果款，少少辣，好野味！做前菜黎講岩晒，開左我個胃同埋味蕾，等我慢慢品嘗佢嘅正餐！一絕！Lentil Soup 印度名湯：見佢有隻大母指，應該係餐廳推介。好！好！飲！好耐未飲過咁足料又夠味嘅濃湯，入面有啲飲，又有咬口，又好味，真係一絕！唔單止係印度會成名，係香港如會拎出去賣，一定可以得獎！Shahiahani Butter Chicken 印式咖喔雞塊：正宗果然唔同啲，好夠味，又好岩香港人口味。唔算太辣（因為同左佢講唔好太辣），但仍然十分十分好味！同一般咖喱得個辣字唔同，佢又夠香，加埋奶油，令人食完一啖即時想再食！太正了！Lacha Paratha香甜奶油烤餅：最有驚喜係呢個，本身我問餐廳侍應，佢話呢個其實好細塊，未必夠食。但係可能印度人比較需求較大，香港人來講其實叫咗幾樣野

呢間野開左一段時間，一直都無諗過去試，點知一試就知係寶！望完歺牌，揀左呢款奶油咖哩雞塊，同埋Naan薄餅配咖哩。間餐廳都幾貼心，有道前菜送俾你，係薄脆餅，醬汁有4款，薄荷丶咖哩醬都好開胃！另外我地叫左款前菜辣薄脆由於有洋蔥，辣薄脆變得好辛辣但又過癮。食完無耐，員工放上奶油咖哩雞塊，咖哩要keep住熱先會好食，歺廳貼心之二，有個小蠟燭烘住，我地一邊撕開薄餅一邊點落啲咖哩度，暖粒粒好好食。呢款奶油咖哩雞塊，味道吾會太辣且帶香甜，好適合香港人口味，雞塊亦好足料，夠嫩滑。正宗印度餐廳及酒吧 (電器道)天后電器道101號地下

Me and my friends came for dinner and we ordered curry and naan to share. The food was pretty good but portion was overall small. The service was also debatable. We had a fan blowing right at us and it was really cold so I asked the waitress if she could switched off and she said that it was central and that it could not be turned off (there was a switch ??). Anyways, on the next day, me and my 3 other friends all had really bad stomach ache and diarrhoea (food poisoning?) I doubt this was a coi

今日突然間要去銅鑼灣探朋友，咁啱佢又想食印度嘢。今天我本身好多中東印度菜就帶咗佢嚟天后呢邊。之後有間餐廳食正宗印度餐廳睇落幾正宗所以就去試吓雖然門口唔係超級靚呀入到去其實都幾闊大舒適印度菜本身係香港都唔係平，但係呢間嘅價錢都尚算合理，如果午餐食都只係$70左右首先餐廳會俾我哋一個印度脆餅，味道不過不失但最重要係有四款味道。是小弟最鍾意就係薄荷味，味道特別正宗Masala Curry chicken:又幾好食喎，有勁多洋蔥整到個咖喱勁香但相對份量就比其他舖頭少薄餅有香味相對係比較軟硬適中菠菜飯，因為個味道一啲都唔重口味所以要配咖喱一齊食，蒜香味亦較少。

突然間好想食印度薄餅，見到附近有呢間印度餐廳，見佢仲有午市套餐，所以就決定試吓。我去嗰日雖然係星期六，佢哋都有提供午市套餐，餐牌同平日一樣，不過就貴少少。套餐會附送餐湯，餐湯比較稀身，有少少蕃茄味又酸酸地 ，都幾有趣。佢哋嘅印度薄餅係用支架掛住，真係好有趣忍唔住勁多左幾張相😂😂其中一個套餐就叫做左butter chicken，呢款真係好好食，入邊啲雞好滑好嫩，加上佢個醬汁濃郁得來又好香。加埋印度薄餅點住食真係好好食，呢個真係推介一定要食！另外一款就叫咗燒雞，呢款都好好食，燒得好香，啲香草醃得啱啱好，不過如果想配薄餅嘅話就建議唔好叫啲款，有埋咖喱或者湯嘅話會夾好多！餐廳環境都幾舒服寧靜，唯一係侍應都淨係識英文，所以溝通上有少少困難，但佢哋都好友善

疫情關係已經好耐冇出過街食lunch，今日終於忍唔住喇，所以去左公司附近既正宗印度餐廳食lunch！一入到去真係勁似去左印度旅行咁，好有當地特色。前菜有個脆脆，配4個醬汁，全部都勁開胃，最愛係薄荷味！冷盤叫左香辣薯仔沙律，酸酸辣辣勁開胃，唔識形容的辣味但真心好食。咖哩奶油雞配Naan，咖哩味香濃，燒雞好滑，配Naan真係一流。不過份量有d細，大食既朋友應該會唔夠飽。最後叫左個烤羊小腿，嘩好大隻！上台時仲會玩火俾你睇，Interesting！羊腿肉質勁soft，一切就可以脫骨，而且唔”鞋”同唔騷，出色！

呢條街都幾多好野食，我真係好耐冇食過印度野其實我都幾鍾意食印度既烤雞，今日心血來潮行過就決定食烤雞今日係星期六，餐廳都係SET LUNCH我就叫左個無骨烤雞套餐，個餐配左餐湯，同飲品主食就可以揀白飯或者烤餅烤雞上菜果陣真係出乎意料地大份，烤雞份量好多而且真係啖啖肉，個香料味勁正又唔會太OVER個主食我升級左做芝士烤餅，個芝士幾特別，甜甜地個烤餅既小麥味真係好香，外皮有少少脆會忍唔住口食落去飲品當然唔少得印度奶茶真係別有一番風味架

Found this restaurant on openrice, and I must admit.. the food was AMAZING and service also! Will be returning!Butter chicken with naan ⭐️⭐️⭐️⭐️⭐️The curry is very creamy with a strong taste of coconut milk. The chicken is tender and juicy. I’m absolutely love it and would like to try it again next time!!Lamb Masala with naan⭐️⭐️⭐️⭐️The lamb is tender and flavoured right through. The masala curry has stronger taste of herbs than the butter chicken. The sauce is full of flavour and good to be dipped with

服務食物都非常好，支持小店，有素食餐單，食物新鮮，價錢cp值，夏天天吃吃咖哩小食非常開胃，正宗印度菜已經唔多，港島區地點方便易搵，雞尾酒同印度茶也好喝，下次來試試午餐。

是日要來到天后取貨，順便約朋友食中午，揀左食印度野，到左一間叫正宗印度餐廳地方食。店內地方不大，但幾有空間感，店員好快便送上水及餐牌。看了看餐牌，決定點兩份午餐。午餐包一碗每日餐湯Soup of day，白白的，店員送上時仲以為做乜有白粥食，哈哈。飲落又幾香喎，內裏有粒粒切碎了的蘑菇。好快Lunch set A & C就送到了，咖哩下面仲有個蠟燭臺暖住，有誠意喎。A餐揀左椰菜花馬鈴薯 Aaloo Gobi，呢款係素食黎。主要食材就如同其名，有薯仔同椰菜花，咖哩帶點甜味，容易入口，滿滿的香料香很不錯。另一份C餐揀左瑪沙拉羊肉 Lamb Masala，朋友同我都鍾意食羊，梗係揀羊餐。羊肉有好幾件，軟腍入味，咖哩帶少少酸味同微辣，越食越開胃呢。餐飲轉了做凍印度奶茶 Cold Masala Tea，奶味很濃，而且非常甜，個人就覺得好好飲，朋友覺得太甜。另外午餐可以揀烤餅 Naan 或飯，咖哩配烤餅特別夾，朋友同我都二話不說揀左烤餅。烤餅很大塊啊，軟綿綿又煙韌，口感好好。咖哩配烤餅真係好好味，一口接一口不停點，哈哈，要用手食先全神～午餐6x至7x價錢，份量正常又好味，抵食呀！

留喺香港大半年，冇得旅行既日子好難過！周圍食下野當自己去左旅行好啦！最近比較重口味，想食啲印度野去平衡返抗疫沉重嘅心情！行過見到就好似吸引，六十零蚊就可以食餐印度菜，冇得坐飛機，今次係度食！餐廳環境闊落， 帶點印度風味我哋叫左咖喱魚餐同燒烤雞肉餐 都係配naans!!!估唔到仲有每日餐湯！你面有啲雞肉同蘑菇，味道清清地，有啲字雞湯白粥！咖喱蝦味道一啲都唔辣，將薄餅一啲啲咁點落去啲咖喱汁度，食落味道唔會唔會好重口味，啱晒啲唔食得辣嘅朋友！薯仔仲炆得好軟林將啲印度燒餅掛咗喺度好得意呀 平時見啲人到薄餅都係擺喺碟度😂燒烤雞，燒得唔係好乾身，仲有三大嚿，唔錯!肉質唔會好乾

多日來, 整埋家中一堆玩具, 就在今天, 來到天后救世軍捐贈, 順道到這邊午餐. 看到久違的印度咖哩, 又忍不住了! 幸好小米也喜歡印度咖哩, 所以我倆就在此午餐! 假日也提供午市套餐, 有不同款式的咖哩, 配有NAAN/飯, 餐湯及飲品. 我倆最後選擇了一羊一魚的咖哩.     餐湯   蕃茄底的湯, 如果再加點香料, 例如孜然, 小茴香, 芫茜和蒜末, 應該會更惹味.     主角咖哩來到了. 以小蠟燭加熱, 保證全程熱辣辣.    FISH CURRY 偏黃的咖哩, 以黃薑粉為主, 但咖哩不見原粒的香料. 質地較滑, 加了椰汁還是乳酪? 黃色咖哩辣味不太濃.  全因自己習慣食印度咖哩, 麻辣火鍋之類的辣辣美食, 所以覺得不算太辣了!     魚塊自然卷曲, 魚肉纖維明顯, 並非那個長期雪藏的廉價鯰魚柳. 魚肉表面金黃色, 有煎炸烤過的痕跡. 是先煮好咖哩, 然後才放入魚肉, 很有心思呢!  因為黃色的咖哩不自太辣, 似淡咖哩, 仍嚐到魚的原味.     LAMB MASALA  BUTTER CHICKEN很常見, 但小米想要更辣的系列, 所以點了MASALA羊肉. 真身:乾身帶

食過佢喺大坑嘅分店，味道真係好，今日午飯時間喺天后，知道天后亦都有一間，咁就行過去試吓。呢間店比天后嗰間大，店內裝修當然有印度風格，坐得都幾舒服。叫咗佢嘅$60午餐Chicken Madras, 午餐仲包括每日餐湯、咖喱黃豆、naan同埋汽水，如果唔要汽水，加多$12仲可以叫upgrade飲品，咁我就叫咗杯「凍印度奶茶」masala tea。Madras咖喱裏面加咗椰汁，幾香幾濃郁；雞肉煮得好軟熟。咖喱鐵兜下邊有個小火熱着，所以由頭食到尾都熱辣辣。Naan有兩大塊，掛咗喺個架上邊先上枱，賣相好，嚟嘅時候熱辣辣，外脆內軟，食落好煙韌，抵讚。咖喱黃豆細細兜幾好食，裏邊仲有啲薯仔添。嗰杯凍嘅印度奶茶大大杯幾香幾滑，大熱天時飲非常合適。連加一總共$80，抵食。