影片
尋日同屋企人出嚟食飯，作為普通午餐都冇乜要求，但求食飽，等候時間不算長，但入到去之後出品好慢，嘢飲算快，但食物好慢，最O嘴係炒粉麵飯都可以炒九個字。而且服務員態度懶散，根本唔想So你。好啦，最緊要的重頭戲九個字後經過黑面催促，終於到碟星洲炒米，好嘢食完之後去攞車已經覺得唔舒服，個胃頂住頂住，最後返到屋企肚痾。真心一絕，回想起飲到一杯的咖啡有一圈滑潺潺咖啡漬終於知道香港食肆點解捱唔住咁多執笠。真心此生不會再去，兩日假日屙到虛脫。
繼續閱讀
連續三日假，留港消費。女友話要去黃金海岸個繡球花節。睇完花整個下午茶，周圍都係人，最後揀咗呢間正好茶餐廳。知道呢度燒臘出名。兩個人叫咗兩個雞飯：一個切雞一個油雞，果然有水準。
繼續閱讀
冇幾耐之前第一次食燒鵝髀及燒味飯，燒鵝好肥皮不脆，今晚諗住俾多次機會佢，同朋友食2人套餐，包括蔥油蒸鹹鮮海黃花魚、燒味雙拼揀了白切雞及叉燒，還有灼時蔬，老火靚湯及白飯。叉燒ok ，肥瘦度適中，味道唔錯，切雞唔得，冇雞味，唔夠滑；蒸黃花魚偏鹹蒸老左少少，還可以接受；整體性價比低，唔係咁值，老火湯普普通通冇特別。服務算正常，不過食物就有好大進步空間，改善下會好啲，不過就唔收加一服務費，也有多種電子付款方式！
繼續閱讀
80幾蚊一個邊爐，話平唔平，話貴唔貴，但都真係唔好太過份，初初食頭幾樣，都冇咩，去到蟹柳，酸嘅。。再食貢丸，又係酸。。午餐肉，望見顏色都心知不妙，一試都係酸，最大鑊係圖入面隻蝦，我同老婆一人一爐，佢個兩隻冇事我就出事。。。跟住個底啲米線我地都唔想再食落去。其實初初食蟹柳，我地己經出咗聲，當然佢地話成盆換過，但試問你仲點可以再去試呢。唯一係，佢地態度還好，我都唔係話想呃飲呃食咁，所以最後我地都有比錢。但請 貴餐廳真係注意下食材，隻蝦一眼望落去都知出事，你仲點會繼續比啲客？我只係盼望今晚唔會有咩肚痛出現🙏🙏🙏
繼續閱讀
第一次食呢間餐廳，好後悔冇睇咗食評先幫襯，原來間野負評多過好評，試過一次就知點解。收銀員的態度非常傲慢。出餐速度又慢，最過份係外賣做好咗都唔叫號碼，搞到我等咗勁耐，嘥晒我啲時間。眼見成間餐廳安排十分混亂，明明有空位，又唔叫飛比客人入去，後入嚟既客人見有空位就坐，變相打尖搞到拎咗飛既客人呆等。價錢唔平但份量少，賣相又唔吸引，味道更加令人失望。好彩燒鵝正常發揮，不過都無下次。香港越嚟越難搵好食既餐廳。
繼續閱讀