歡樂食堂

營業中

休息中

呢間餐廳主題係歡樂今宵，價錢啱晒普羅大眾，主要係搵食嘅街坊來撐場，下午茶更抵食，$30左右就有套餐。試咗佢哋嘅焗豬扒飯，超驚喜！飯面好多芝士，仲可以拉絲，配以炒飯底，豬扒香脆多汁，真係食到好滿足。奶茶茶味香濃，奶味濃厚，好飲！

今日探朋友黎到麗晶，大家都唔想行甘遠搵野食，麗晶商場就腳，於是黎到麗晶飯堂食埋個下午茶先走。餐牌選擇都多既，但下午茶黎講價錢唔錯平，屋苑商場，一般茶餐廳格局，梳化位都幾好挫。我地一人㨂左個下午茶餐。日式鰻魚汁雞粒炒飯：鰻魚汁係夠既，整體炒得都幾均勻，但雞肉份量偏小。鮮魚湯蠔仔肉碎泡飯：泡飯夠熱，蠔仔都幾飽滿，調味適中，幾好食；凍檸茶夠涷，唔會太甜，剛剛好。🔎歡樂食堂 (九龍灣)📍九龍灣宏光道80號麗晶商場地下G2A號舖

平時買開晚飯，今次第1次叫半隻炸子雞晚飯120元，但半隻雞貴少少都要（話說家人突然好想食，喜歡食雞脾）。 回家後，打開飯盒，見雞斬得有點亂，雞皮甩開，堆埋一堆，未見過雞係斬到咁，雞脾唔係好覺眼，都奇怪，心諗可能在入邊（平時買開雞，一定夾脾先)，繼續分給各人（因為家人有點不舒服）， 所以全程由我分派， 但夾來夾去，平時一定分到上下雞脾食，但今次只有頭尾脾位上下只有3至4小塊，再搵都冇，最大塊冇左，心諗唔係咁呃秤呀！再食完試下可堆砌回骨頭，是不能完整雞脾。相信是員工偷食或是店家抽起。真係好鬼嬲，嬲，嬲，無下次。 值得一提，佢比足雞頭雞尾嫁，真係半隻炸子雞。 諗左成晚，決定要寫底此次差劣的食評感受。店家要檢討及訓示員工，否則客人好難回頭。

琴晚可能食得太油膩，攪到今日肚仔痛+💩Lunch 想食得清淡少少，咁啱依間有幾種泡飯可以揀最後揀左「芫茜皮蛋肉碎豆腐泡飯」湯底幾好，配菜足料唔錯，最緊要暖左我個小肚肚🥹

餐廳地方夠大，有唔少卡位，重有大圓枱岩成班人一齊食，好少時候需要等位，出餐亦都好快，岩哂趕時間既上班族。今次試左皮蛋芫茜豆腐肉碎泡飯同埋特餐嘅叉燒湯意粉，泡飯清得黎都夠味道，飯嘅份量都好充足，有1.5 - 2碗左右，女仔會食唔哂😂叉燒湯意粉個湯底唔錯，意粉都幾彈牙，不過啲叉燒有少少柴😥跟餐一齊嘅炒蛋都幾香滑👍🏻

今日OT遲咗放工，所以食埋先返屋企，近近地唔想太遠樓下食就算啦，唔知想食乜見到佢個晚餐有個蔥油鹹雞飯，是但揀咗，啲雞真係好鹹，不過60蚊晚餐包埋野飲呢區冇選擇之下嘅選擇

👩🏻‍🍳歡樂食堂🧑🏻‍🍳👣值得科勞指數🏃🏻‍♀️🏃🏻‍♂️🏃🏻🏃🏻‍♀️🍽酸菜魚湯飯唔係第一次去呢間食，其實佢就係一般高性價比嘅茶餐廳質素，但我從來冇喺呢啲餐廳食過酸菜魚，我係一個酸菜魚迷，係唔同專門食酸菜魚嘅餐廳挑戰過，所以心目中已經有啲好，同差嘅名單，從來冇試過喺一般茶餐廳度食。今日見到每個禮拜更新嘅餐牌入面，居然有呢一度酸菜魚嘅湯飯，試吓啦，點知！！ ！驚為天人！我冇諗過$42居然可以食到呢個質素嘅酸菜魚！我嘅意思並唔係佢正到曉飛，佢都未能夠可以同坊間賣好貴嘅、超專業嘅酸菜魚可以匹比，但係呢個價錢，食到呢一個程度，我覺得已經好高質！📍地點：九龍灣麗晶

午飯時間係男人食堂，我哋對茶餐廳都唔期待太多，只求同太太食一餐中規中矩嘅午餐。可惜事與願違…侍應高聲嗌位，經常起你身旁大聲嗌，聲量嚇親我太太…蝦醬生炒牛肉飯牛肉較少，點解唔可以好似乾炒牛河咁樣有多啲牛肉🥲？大家都係一樣價錢姐。值得讚嘅係炒飯煙煙韌有口感，鹹味適中。但可惜有飯焦，預先炒定唔夠熱。食完之後好失望、要搵其他嘢填補今餐的空虛。特餐-叉燒湯意粉，配火腿炒蛋多士叉燒意粉其中有一舊顏色不一樣， 放入口之後發現唔妥即刻吐咗🤮。叉燒壞咗都比客人食？

見到之前新開張，入去食個醒神早餐飲杯奶茶。初初出品都神幾好，款式多。出品夠熱。沙嗲牛肉麵麵質爽口。不過近期杯奶水準淡如水，基本少少茶味都無了，飲左無數次。越嚟越差。